139
8
11
港鐵油麻地站 A2 出口, 步行約6分鐘 繼續閱讀
電話號碼
68865886
營業時間
今日營業
12:30 - 02:00
星期一至五
17:00 - 02:00
星期六至日
12:30 - 02:00
公眾假期
12:30 - 02:00
付款方式
現金
其他資料
Wi-Fi
深夜營業
酒精飲品
泊車
電話訂座
加一服務費
招牌菜
澳洲和牛任食
食評 (178)
等級4 2020-10-13
562 瀏覽
食晚餐同時都一樣要支持黃店!今日就揀咗呢間串燒店💛選擇唔算好多,所以基本上每款都食晒!一坐低唔係好耐,店員就送上一盤雜錦拼盤~有牛肉,豬肉,雞翼等等。我地之後可以再係點餐紙寫咗數量之後,店員就會準備串燒比我地自己燒!個爐用類似電熱線爐發熱,所以唔係炭火,會唔會整到成身都係炭燒味啦~ 之後就可以將啲串燒放係坑位,佢哋就會自己識轉㗎啦!超級方便要預返多啲時間俾佢第一轉發熱,之後第二輪開始就會好快有得食!牛肉方面,自己就最鍾意食呢款美國牛肋腩,夠肥美,牛肉味好重,超好食除咗肉類仲有其他嘢食,好似係海鮮,同埋啲丸咁~ 我自己就幾鍾意食魚肉年糕,燒完香口得來又夠煙un!另外仲有蔬菜,自己就鍾意食菠蘿同埋秋葵多春魚都幾好食最鍾意呢間餐廳嘅係佢有醬汁同埋粉狀調味料提供,個人比較怕肥所以唔鍾意用醬汁,但係佢啲粉狀調味料都幾唔錯,有椒鹽,辣椒粉,孜然粉等等,算多選擇最後每人仲送返一個Häagen-Dazs雪糕!結束圓滿嘅一餐 繼續閱讀
(以上食評乃用戶個人意見 , 並不代表OpenRice之觀點。)
話說已經第二次嚟☺️依舊好食!「串Grill」真係比同類型對手好太多啦(有興趣可以睇返較早前一篇貼文)。首先醬汁,店員會教你燒到6成熟可以用掃搽「日式醬汁」,比較上色同上味👍🏻熟透後有多款調味粉、醬汁揀,隨自己喜歡加🤩「泰式魚露」「孜然粉」「味椒鹽」「串Grill辣粉」,小編最鍾意肉類加「海鹽」等肉味更出😘丸類就會點「韓式梨汁燒烤醬」,甜甜地🥰。食材質素高!肉類有保證,好多都係外國進口肉類,有齊豬牛雞,任食嚟講牛特高質啦☺️「和牛級牛柳」無得彈,牛味又多油脂唔會乾爭爭。「豬五花」就油脂豐富半肥半瘦相當平均,超香。「雞軟骨」係小編至愛之一,爽脆爽脆,落少少椒鹽吊一吊味Perfect。腸類丸類用高檔貨,「厨師腸」「台灣腸」真好食正宗,「芝士腸」燒到爆芝士添啊仲😜。每串食物大小剛好,可以每一行燒烤位都用盡,店家細心要讚👍🏻爐溫夠,轉鏈順暢,而且爐對上有平台架,未食可以放上面,用爐上升嘅餘溫熱住,真心相當好🥳。有氣無氣飲品任飲,食完仲有一人一杯haäagen dazs雪糕🍦總括嚟講真係性價比好高又滿足🤓! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-31
4471 瀏覽
呢排成日都好想食串燒,之前又小出街無去食。今日終於忍唔住同朋友出去食串燒食串燒又唔熱,又係室內,又唔會有一陣燒烤味,啱晒懶人和你燒真係好正,唔洗自己郁手,放上個爐就得。不停轉呀轉,好快就有得食。。食物方面都有好多種類,除咗肉之外,仲有菜啦,海鮮類㗎。。。另外,仲有一張燒烤建議時間表添入座後,店員會解釋一次點放串燒上去爐,又會介紹一下醬汁。。餐廳仲好貼心,枱面有濕紙巾,又有口罩袋。因為食物無預先醃制,所以枱面上會供應好多唔同嘅醬汁。見唔見到,所有食物都已經串好一粒粒,size份量都岩岩好,一啖一舊!乾淨衛生,又方便食。。牛肉類,強烈推薦食M6和牛,因為入口有肉汁,而且牛肉味強,好好食!仲有牛舌,牛腩,西冷,一樣好食,唔會燒到太乾,唔同嘅口感。豬肉類,個人覺得五花腩好正!肥瘦適中,一層一層,咬入口真係覺得好邪惡!豬頸肉燒嘅時候啲油滴哂落下面,感覺無咁油海鮮類,墨魚咀大讚,粒粒爽口有汁,不過唔好燒太耐,會縮水同un。。。雞肉類,緊係一定要有雞軟骨雞腎,好好食😋竟然仲有雞皮!燒到脆卜卜,正!蔬果類,雞腺菇,翠肉瓜,厚切,咬入口勁juicy!可以減低小小食好嘢嘅罪惡感😂仲有個菠蘿,燒完又甜又多汁!我地兩個人不停食不停食,個串燒筒都換左一次啦😂兩個人食左幾十串,出面逐串點一定好貴啦。。呢啲簽其實已經係第二筒😎😎好彩我地早啲食,7點半前埋單就平啲,同店舖唔算好大,食飯時間先到就最好打電話book枱先,walkin分分鐘無位要等㗎!我地食嘢期間聽到電話不停響都係打嚟book枱,好旺呢🙃 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-30
2292 瀏覽
難得今日早放工,有個同事即興約我有無興趣去食下放題串燒,日式放題或者火鍋放題就聽過,但串燒放題都有?見咁得意就一於去試下!去到餐廳門口大約5點半呢個時間已經坐滿一半,睇黎呢到一d都唔簡單!$198足2個鐘既串燒店雖然選擇唔算好多但勝在有齊豬,牛,雞同海鮮都有.。餐廳好貼心咁送上圍裙防油彈.串燒以一串串放係木盤上上枱,串燒串得夠札實,就算放係燒爐上亦唔會燒燒下甩左出黎.單係每款肉類都有幾款選擇,作為牛魔王即我堂然係點晒牛肉先.先試M6和牛牛柳,牛西冷,牛肋腩同牛舌,牛類肉質都幾軟腍,唔會有筋,燒出黎亦唔會好乾而且內裏仲帶有肉汁.牛舌咬落爽脆充滿油脂香.烤雞粒好特別,感覺係似燒緊雞肉丸,外層輕輕炸過,入口內裏既雞肉幾滑而且好香雞味.雞卷肉用左雞皮包住雞肉,正正方方咁,燒好後雞皮變得好脆咬落外脆內軟.燒好既雞皮食落一d都唔油膩反而令份雞卷肉味道更香更惹味.魚肉年糕燒熱後變得脹卜卜,內裏既年糕會跟隨住魚肉彭脹令兩邊既年糕凸出黎,入口先食到魚蛋既爽彈,之後到Q軟既年糕入口煙煙韌韌.食到咁上下當然要食返甜品,雖然只有棉花糖,個對於燒烤黎講單係棉花糖就已經好足夠.棉花糖比較易溶所以要一邊燒一邊睇實,入口好香軟,外脆內綿. 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-22
0 瀏覽
疫情之後,難免收入受影響,好耐都無食放題。真心好掛住食串燒。好彩book左位,食食下見到要排隊。餐廳幾舒服,位夠大,而且係採用自動燒烤機。唔洗煩,幾有創意。用呢部機燒好處係無大油煙,食完串燒都唔會有陣味,好貼心。頭盤黎左啖啖肉!睇唔出個牛肉係高質牛肉。脂肪同肉分佈均勻,食到好肥美。加上自己可以加自己鍾意既調味料。有孜然粉,招牌辣粉,椒鹽粉,鹽等等。可以自己試下燒串燒既感覺。即刻覺得自己好似個日本居酒屋串燒師傅咁。鍾意佢用一個醬,可以取代蜜糖。茶左之後,味道鮮甜好多。仲叫左自己最鍾意既雞皮,雞腎,牛舌等等。好新鮮。燒好既串燒可以擺係燒烤爐上邊,繼續燒其他串燒。好方便。鍾意食啖啖肉既人一定好鍾意食呢間。因為真係新鮮,肥美。最重要係上菜係即刻上俾你。有絕對充足時間燒。出邊仲有好多野飲任飲!最尾燒埋菠蘿,棉花糖。甜甜地當食甜品。正!下次會再黎!因為好抵食! 繼續閱讀
(以上食評乃用戶個人意見 , 並不代表OpenRice之觀點。)