串酒里 (已結業)

常常都很喜歡到串燒店吃東西，一串兩串的，把酒談歡，廣島蠔芝心脆捧香脆香口的脆捧，入面有大大隻蠔，入口不油膩而口感豐富鮮甜，芝士不太顯眼但咸香豐富。餃子雞翼香口帶點微辣的雞翼，餡料滿滿豐富，外層香脆內裡肉汁非常豐富惹味，非常出色。煙肉露筍串大大片咸香豐富的煙肉，燒得毫不乾身，保持香口軟熟的口感。露筍香甜爽口，水份足夠，味道更為惹味。燒白鱔肉質爽嫩彈牙，燒汁濃香惹味，油香而不膩口。燒虎蝦大蝦爽口鮮甜，蝦頭的蝦膏更為惹味吸引，蝦肉鮮嫩並未有燒得過於乾身。

Kay 謝安琪將要䦢別樂壇了，果首成日聽開既<山林道> 真係勾起好多回憶。原山林道真係有好多驚喜, 咁岩得咁橋, 俾我揾到間正野。其次實間野亳不起眼, 只是從冷巷望入去有d台灣小店的感覺, 是簡約的open style , 以木為主, 有高枱低桌, 不會像一般串燒店般食到成頭油味! 靚女老闆好nice, 會同客人傾下計，傾傾下先知道原來燒爐都舖滿了火山石, 目的是要透過火山石之熱力將食物隔火烤熟, 而不是以明火將食物直接燒熟。怪不得食落都不是太膩太熱氣, 而食物沒有over-burn, 是這竅門是也!兩個人食叫左好多款式的小食。首先有我至愛的燒牛舌。連埋牛舌上的七味粉一齊燒, 更突顯牛舌的鮮味; 又因牛舌本身夠厚，（真的比叉燒還厚!),所以入口很有𡁻勁, 一串四大粒, 一個人食哂都完全無問題。與別不同的是熱力將牛舌收乾了, 不是那些油笠笠般的「油浸牛舌」。亦欣賞肉汁全被鎖上, 保留應有的鮮味。好多朋友成日笑我叫雞泡魚乾, 好似老人家口味。計我話雞泡湯乾先係寶。甜甜的魚乾有香味，奇怪的是入口後似牛肉乾, 淡淡的蜜糖香氣很很吸引, 食到停不了。提議餐廳可將魚乾加熱, 效果

聽說這間串酒里認真巴閉，引入了火山石燒技術，可以有效地控制食物的生熟程度，迅速鎖住肉汁，令食物外脆內軟。講到咁厲害，我都忍唔住去試下。我地貪心又大食，點左15款食物，不過最後都食得曬🏻️火炙皇帝蟹腳（$98）大大件而且好厚肉，仲要啖啖肉，好滋味！烤釀大蘑菇（$38）蘑菇鋪滿濃郁芝士，配上鮮甜的蘑菇，啖啖juicy!黑胡椒雞翼（$32）黑椒味道突出，肉質嫩滑入味！麻辣燒餃子雞翼（$48）麻辣絕不小兒科，反之辣香味濃，而且辣度也相當濃郁。蒜蓉燒扇貝（$68）蒜蓉蓋過整隻扇貝，惹味極了！燒鰻魚（$48）鰻魚配上燒汁嫩滑好吃，魚香味濃。燒魷魚鬚（$38）魷魚鬚煙韌彈牙，入味好吃。燒安格斯牛柳粒（$58）牛柳粒嫩滑juicy,食落有嚼口。香燒豬頸肉（$78）嫩滑的豬頸肉配上泰式辣醬超好味。烏冬配芝麻醬（$38）烏冬配上芝麻醬簡直是絕配，加上烏冬質感彈牙煙韌。和牛芝士漢堡扒（$58）芝士漢堡肉質有點乾，芝士味道乃是不錯的。雙重芝士燒薯條（$48）芝士薯條好大份，不過放久了薯條腍曬！魚香燒茄子（$45）惹味肉碎配上嫩滑鮮甜茄子，味道很好！鰻魚汁燒雞脾菇（$24）雞脾菇切得厚厚的，吸收了鰻魚汁份外惹味。

相約舊同事聚舊，來到尖沙咀，大家都不想又吃粉麵飯。行經山林道有間隱閉小店主打串燒,還大賣「火山石」燒法，便入去試試。 據介紹火山石存熱及散熱力驚人，能更有效及精準地控制烤物生熟度，迅速鎖住肉汁。以串燒店來看，這裡餐牌選擇較多，亦細心提供多款自創菜色，打破一般燒物的悶局。除了份量落足料之外，這裡亦引入多款手工啤酒以佐燒物之用，盡顯型格個性風味。綜合餐廳環境、服務態度、價錢和食物品質四大評分準則，推介指數有9分（ 10分為滿分），屬暫時第一間串燒店取得此較高評分。

尖沙咀區出名多美食，串燒店或者酒吧臨立，但想兩者兼得，未必有太多選擇。今晚中學同學聚會，其中一位朋友帶我地黎新開業嘅串酒里，位於出林道一條小巷盡頭，如果唔係有人帶路，真係好難搵到，室內裝修以深色木材為主，室外有露天座位同石春路，播住輕快音樂，有如鬧市中嘅一片綠州，以後happy hour 又多一個好地方。老闆話全店可容納40人，室內外各佔一半，換言之，10零人就可包場，可以搞wine tasting,business dinner 等聚會，team meeting可以考慮wo... 手工啤酒病左既我都要飲呀，有多款選擇，配串燒一流。手工啤酒有獨特酵母同新鮮啤酒花，同平時飲果啲大碑完全唔同風味。避風塘燒原條茄子用避風塘炒蟹嘅材料打成醬汁黎燒茄子，少少辣，勁多蒜蓉，非常好味。脆燒火雞腎雞腎係我食串燒必點菜式，夠新鮮所以好彈牙。鹽燒日本秋葵秋葵為近年健康食物嘅大熱，估唔到串燒店都有得食，口感較乾身同少潺，容易份口。串燒雞/牛/豬食肉獸當然叫齊雞牛豬，火喉控制得好好，食物生熟程度岩岩好，外脆內嫩。另外一提餐廳播放著外國搞笑video，搞到我忍唔住一路食一路大笑XD

近排生活壓力大到一個點!!!!朋友就同我去左尖沙咀一家串燒店, 一路野, 一路傾心事位置可能有點難找, 因為佢係條小巷的盡頭~而個感覺就好似返屋企咁~ 7點幾去到, 唔算多人~環境寧靜, 播住d英文歌, 充滿格調~~好岩同朋友聚會同傾計!!!佢個餐具都好cute~好似Lego~~呢度太多野食啦~有平有貴, 我地真係點到成枱都係~~~~以下幾個小食, 小妹都想同大家分享一下的1. 燒鰻魚 $48鰻魚肉好厚身, 燒得剛剛好~趁熱食~軟綿綿~2. 雙重芝士燒薯條$48份量好多~芝士又多, 勁香~而且d薯條又炸得好爽~人數多必選系列!!!!3. 火炙皇帝蟹腳$98呢個蟹真係燒得好~~~唔洗用牙咬/用鉗整開d殼, 用手一撕就黎, 超方便~~而且d肉都算係肥美~~ 4.烤釀大冬菇$38個人比較喜歡菇類食物, 所以次次食親串燒都必點~而串酒里的燒菇都燒得好有水準~個蘑好大, 好有肉, 而且有火腿做餡, 同芝士鋪面~一齊去燒~鎖住哂所有汁!食落口真係超香~5. 麻辣燒餃子雞翼$48小妹自問是一個愛辣之人, 食咩都要加辣~呢個餃子雞翼真係好辣~辣到快要噴火~~haha~~~但都係正ge!! 6.

生蝦配自家制泰醬($68)生蝦有8大隻，配上自製的泰醬，蝦肉爽口鮮生配上酸酸辣辣的醬汁最合適不過。不過生蝦可以更冰凍一點。芝心日本廣島蠔脆棒($68)上碟的時候熱辣辣把其中一條脆棒弄一半，中間拉絲出現，內裡的芝士份量十足呢，兩邊有大大的廣島蠔，吃下不會過油膩，而且蠔味突出，鮮味。避風塘燒原條茄子($45)醬料十分多，但吃下惹味非常不會過辣，帶點鹹中和，略嫌茄子肉質不過肥厚，與醬料比例有點失衡。串酒里火焰叉燒($98)是有表演看的一道菜，上菜的時候店員會加點了火的酒淋上叉燒。叉燒不是廣東式外層有點燒焦的感覺，而是偏向腍身，入口有一陣很濃烈的酒，然後叉燒的鹹帶點的香味再出。未知是否想要較美的效果，所以酒的份量下得有點重呢。棉花糖薄餅($38)店員說這個薄餅，不時會有人用作「生日蛋糕」與朋友慶祝。底下的是薄餅底，但不是很脆口，上面是烘過的棉花糖，外層帶點香脆，最後淋上朱古力醬，作為甜品賣相不錯，但相當邪惡呢，吃下真的過甜，吃不到很多。惹味汁燒雞泡魚乾($58)這裡的雞泡魚乾跟外面的不同，帶了多一份腍的感覺，吃下不會過韌，而且上面加了一層醬汁，還雞泡魚的香味更出，邊吃邊佐手工啤真的是享受呢～手

日式串燒的好處就是份量小，可以吃到很多款不同的食物。尖沙咀有間日式串燒店，主打火山石燒烤法，高溫鎖緊食物的原汁原味。數月前來過一次，非常喜愛餐廳的格調和食物，今夜我一個人再來試新菜式。 食物款式多而吸引，款款都好想試。 鹽燒安格斯牛肉粒。牛味重但頗有咬口，肉質不算軟腍但口感彈牙，加上鹽和黑椒燒香，味道惹味香口。川式爽彈火雞腎。火雞腎爽口彈牙，非常爽脆，味道咸香豐富，口感頗為有趣。 燒鰻魚。我最喜愛鰻魚，食數十碟也不是問題。鰻魚肉質爽滑嫩腍，燒汁惹味豐富，魚味濃郁而誘人。露筍煙肉卷。露筍爽脆無渣，多汁美味。煙肉厚厚的包上露筍，煙肉油香不乾身，入口咸香不油膩，厚厚的煙肉口感極為豐富。 秘製汁燒豬頸肉。驚喜的燒豬頸肉，入口油脂非常重而不油膩，肉質極為軟腍入味，厚厚一片口感豐富，爽口多汁的肉片，一片一片停不了口。 芝麻餃子雞翼。我喜歡餃子雞翼可愛的口感，入面有滿滿的魚籽，咸香豐富，帶點點辣味。香脆雞翼已經拆骨，一啖入口非常方便。脆身外層有滿滿芝麻香，惹味十足。燒蟹籽丸。爆汁的蟹籽丸，中間有滿滿的蟹籽，一咬就流出香濃的醬汁。蟹籽丸燒得香口不乾身，外層油香而不膩口，醬汁

2016.03.05 【3.5 串走我? 還是串酒里~滋味行TASTY ROAD】簡單，就係喜歡係熟悉嘅食店搵食，將呢個小小理論同P小姐分享，結果俾佢串我份人太專一同死心塌地，為一夥樹放棄成個森林我話佢擺明想串走我，佢話實情想帶我去食串燒。帶我到山林道，(咁熟嘅?哦...最近成日LOOP呢首歌)地方入咗啲，不過又好似啱做串燒。ORDER串燒後，等食時間，通常飲品先到，食串燒，當然用菊花茶同加多寶降火。 惹味汁燒雞泡魚乾自從克服對雞泡魚嘅心理障礙，每次見到有，都會點呢食，嘻嘻，因為好咬口黃金蒜蓉燒8吋虎蝦 黃金蒜夠香虎蝦肉大大塊呢啲自己唔做，就留返出嚟食啦。我獨個享用，YEAH! 燒BB露筍BB露筍真係好幼身 想食得斯文，攞走竹籤，用叉食就得啦 燒鮮冬菇鮮冬菇就係唔同，JUICY原來鮮冬菇咁適合用嚟燒燒鮑魚 第一次試燒鮑魚，原來係咁彈牙秘制醬汁香燒豬頸肉用秘制醬汁燒嘅豬頸肉唔駛點用蕃茄載嘅汁都好好食炒豬頸肉點都唔及燒豬頸肉好食芝心日本廣島蠔脆棒呢支脆棒內含廣島蠔同芝士又脆口，又有蠔肉同芝士一款食物，三種口感 真係要趁熱食，因為可以"拔絲"愛芝士人士必點 可能真係俾佢串到傻咗，居然到離開餐

謝安琪有首新歌:山林道，當中既故事係佢出道既錄音室就係響山林道，仲係一個香港人奮斗既故事。(利申：我唔係謝小姐粉絲)今日約左朋友去山林道食晚飯，食好耐無食過既串燒。店唔算大，但都很“骨紙”, 乾淨整齊。首先點了雙重芝士和牛漢堡一向都喜歡食漢堡，呢度仲要係用上和牛， 厚身！呢個和牛油份唔高，有少少硬有咬口，但面有片車打芝士之後再舖上芝士粉，而底部亦有燒烤紋。川味雞翼嘩！媽好辣啊！係，係好辣的，但係辣得過癮！佢地的調味很足，川式辣，有少許麻，有微微粒在舌上滾動，在繼續食唔食落去之間，都選擇飲大杯水食埋咁正既雞翼，過足癮！芝心日本廣島蠔脆棒創意食物，將蠔放在春卷皮內包成長條，內裏有少許芝士，熱辣辣食，仲溶溶地，每啖食到三種唔同既香味，好夠脆，正！House Wine紅酒香醇， 易入口，唔過酸，唔會酒精味過重，亦有香果味。泰式生蝦蝦彈牙，有少少泥味，不過唔係用呢種蝦會更好！ 重點係自製泰式醬。酸辣度平均，蒜蓉味唔重！我喜歡這樣，因爲唔洗食完個口有陣味。燒娃娃菜燒得很靚，唔會燒燶了，因爲菜係易燶一點， 另外菜吸了很多燒汁，而燒汁又唔會過咸，令成件事水份重，無諗過食燒物都可以食到咁。燒汁鮑魚雖然細

一直都在這條街附近做facial，但每次都急急來快快走，未有時間在這邊吃飯。今次好姊妹特意來到這裡找我，就試一下每次經過看到都覺得異常隱蔽的串走你！餐廳分為室內和室外，室內的環境比較昏暗，但座椅尚算寬闊，我們兩個人可以霸了四人座位。旁邊是吧台，來喝酒吃串燒的話份外有氣氛。先來一點生蝦，這裡竟然有泰式的生蝦，價錢都不貴，足足有八隻，那我們每人就可以試到四隻了。醬汁不算太辣，生蝦頗為鮮甜，唯一不足是蒜片是預先混和在醬汁，所以蒜香有點欠奉。然後朋友好想試芝士廣島蠔棒，雖然我本來是不太好蠔這產物，但因為有三條（但menu寫2條）的關係，朋友已經吃了兩大條，所以我就試一下餘下的。脆棒真的超級大條，裡面的廣島蠔小小隻，但是份量多，配上芝士非常惹味，是十分不錯的小吃吃了熱氣的之後就吃一些健康的，日本秋葵原條拿去燒，咬下去sharp sharp聲認真有趣再來是speical menu裡面的火焰叉燒，來個粵西交流。叉燒用紫糯米醃製，上碟後淋上玫瑰露酒。即使在酒精被燒過蒸發過後，酒氣仍然超級濃烈，「醉叉燒」由此而來最後試一下這裡的甜品，棉花糖薄餅。薄身的餅乾上面舖了大大粒的棉花糖拿去烘（？），面頭再淋上朱

尖咀佐敦之間，一條看似隱世嘅串酒里，顧名思義係食串燒小店座位唔多，都感覺幾溫馨，野食質素幾好。先點一個玉子燒開開胃，甜甜玉子燒得香脆，好味！食肉獸嚟講，串燒真係一大樂事。安格斯唔太熟，岩岩好夠juicy又有咬口。羊架香到不得了。海鮮亦有好多選擇，芝士燒蠔非常濃郁，拉到絲架！帆立貝嘅黑松露味好出，亦好彈牙。食完咁多肉類要中和，食返少少蔬菜，燒粟米不錯，我最愛既原條燒茄子有極多蒜，好味！

✿╮❤╭✿✿雜感女生 好味日記✿˚*•✰。串酒里：串香不怕巷子深。✰•*˚✿✿山林道的好滋味✿✿❤餓底飯聚❤❤到尖沙咀行街，對於愛吃之人而言，每次都會有新驚喜。行經山林道，被一陣香氣吸引，於是四處張看，發現一個小小的門牌寫著「串酒里」3字，小巷之中，附近卻是住宅人家卻見仍有三兩知己走入其中，想必有其獨特之處於是探頭而入，看到戶外有2、3酒客正在小酌而室內更有不少女生在圍吃串燒，裝修以木材為主作為胃食主義者，當然入內視察，品嚐新發現的小店。桌上為吃燒烤準備的小碟款式不同，卻又甚配合店中環境與格調❀燒火雞腎：SIZE比一般雞腎要大，燒後卻不會硬身香口爽脆，鹽香出眾，食串燒必點！❀黑椒燒巴西厚切牛舌：真的非常厚切啖啖肉，香口而不油膩，口感非常好❀蒜香扇貝：蒜香味濃，貝貝大隻香口的蒜泥不減貝鮮，入口仍有貝殼的海鮮香氣❀燒魷魚鬚：好一碟「魷物」！木魚絲在表層跳舞帶辣香的燒汁非常惹味，魷魚鬚非常彈牙，令人停不下來。❀燒鮮冬菇：冬菇肉厚，醬汁出色咬落充滿燒烤的香味，每口都保留了冬菇豐盈的「肉汁」。❀燒BB露筍：幾乎冇渣的BB露筍，比一般的燒露筍更加嫩口，青綠幼身，烤出來香氣四溢。❀燒鮑魚：連殼上台

本來滿心歡喜期待食呢間串燒，因為一個差評都無，應該唔差啦，點知食第一串已覺得中伏左，牛肉無牛味，有少少孜然粉味，黑豚肉無肉味，有少少孜然粉味，真係好厲害，點解會無肉味架？唯一食到肉味就係豬仔脾，但味道一般，我平時最愛食鰻魚....點知個鰻魚係暖...似用微波爐叮一叮就算...出去板長元氣食一件件壽司都會搵火槍燒一燒啦！好啦，食埋蒜容扇貝同虎蝦，好厲害呀！！連蒜容都無味！！！應該係用blender 打到容晒，又可能係隔夜，本身蒜容香味同辣味都無，蝦肉又是「梅」嘅！店內環境又不算太特別，服務又不是好......拜拜

串燒風近幾年係香港大行其道, 今日就來到佐敦的山林道的串串燒先o黎國寶王老… 呀唔係, 係加多寶靚靚餐具及調味料之後我就開始食野啦避風塘燒茄子: 蒜蓉燒就食得多, 避風塘燒就真係第一次食, 但食落又唔錯, 熱辣辣火噴噴的避風塘味, 跟茄子好配合芝心廣島蠔脆棒: 炸春卷的外貌, 但一食就彈晒香濃芝士出o黎, 配上細細有咬口的廣島蠔粒, 只能說是’芝味無窮日本雞蛋燒廣島蠔: 我好奇怪點解熱熱的蛋醬但都無熟透, 問店員點整但當然係商業秘密無講到俾我聽, 咁我就用我的味蕾去感受, 嘩然一聲!! 甜甜的蛋醬竟然同燒蠔咁夾, 我仲無浪費一漓蛋醬, 全飲掉燒玉子: 考工夫的蛋真不妨一試再試, 呢個簡單的燒玉子真係一點也不簡單, 薄薄的表皮包著蛋的新鮮, 因為店方用上日本雞蛋, 咬左淡之後就極度感受到簡單而甜甜的蛋, 店方係用上多少心機去做成燒羊架: 燒到沒半點蘇味, 筋亦沒找到幾條, 用料上乖, 唔駛一舊水兩舊真係好抵麻辣燒餃子雞翼: 唔駛咬骨的餃子雞翼 (除左尖)係我的最愛, 考廚師時間的餃子雞翼要廚師將肉釀入, 好花時間, 但就做成有咬口的一個佳餚串酒里的確串得起, 小店真需要我們給力支持一下呢