串酒里 (已結業)

放工後最好就可相約朋友飲返杯, 食下野, 傾下計, 放鬆一下。食乜野好呢? 已有一段時間沒有吃過串燒, 一於邊飲邊吃 (但我倆都不懂得飲酒, 哈!), 為忙碌的一整天加力。在朋友介紹下, 今次來到一間隱蔽的小店, 位於山林道的一條小巷, 直望高高掛着一個搶眼的大紅光管招牌。走進內裏已看到三張高枱椅的露天座位, 另間了兩個用膳區, 大區設有三張四人枱和一張六人枱, 另一區則設了兩張高枱, 地方小小, 枱與枱之間較密, 最適合就是包場開派對, 夠晒熱鬧。本想坐普通座位的大區, 但正巧被包場, 只好坐高枱, 但對我而言不太合適, 上落不太方便, 舒適度馬馬。小店以深啡色為主調, 燈光柔和, 採用木椅, 裝上大型電視, 掛上寫了推介菜式的黑板和貼上雜誌的報導, 全店沒有花巧的擺設, 簡樸平實。是時候點菜, 分點菜紙, 餐簿和一張菜式推介紙, 基本上點菜紙跟餐簿是相同, 只是飲品的資料較詳細。菜式分門別類, 有海鮮類、蔬菜類、雞肉類、豚肉類、牛肉類、特式燒、芝士類、羊肉類和飲品, 店子雖小, 但選擇亦不少。等待了一會, 各款串燒陸續上枱, 吃不切喎! 天氣又咁凍, 咪會凍晒?? 幸好, 小店挺細

自從食過一間好好味既串燒店後，三友經常在回味，今次係開飯見呢間串酒里好似幾好評，於是決定試一試！7：30到達位於山林道既串酒里，位置好易揾，入內發現有室外位置，可惜當日有微微雨，所以選了門口位置。店面比較細少，太概容納15人左右，但隔壁還有幾張高枱，連室外應該可招待30人，裝潢以木材為主，燈光昏暗，令人可以放鬆心情享受食物！這次三友點了：黑椒燒厚切牛舌$48，烤釀大冬菇$38，秘製汁香燒豬頸肉$78，鹽燒頂級安格斯$48，黑松露燒6吋扇貝$108，自家秘製汁燒鮑魚$98，黃金蒜容燒原條茄子$45，汁燒翠肉瓜$24，汁燒BB蘆筍$38，汁燒娃娃菜$24，香脆蜜糖燒粟米$28，鹽燒日式秋葵$28，台式炸甜薯$38及泰式生蝦$68。唔好以為三友咁大食，其實分開左兩次落單，因為份量較少，但好處就是可以試很多不同菜式！黑椒燒厚切牛舌，真心推介！厚切牛舌口感通常較硬及韌，但串酒里既牛舌燒得非常香軟，配上黑椒及香料更突顯牛味，好味！烤釀大冬菇，厚厚既芝士釀在冬菇上，芝士味厚實配上菇味濃既大菇，本身是不錯既料理，但味道過於平實，如可加入其他較突出既材料，一定能更上一層樓。秘製汁香燒豬頸肉，用蕃茄裝著秘

曾幾何時，山林道的酒吧是我們一班同事放工後聯誼的好地方，今天舊同事再聚，當然老地方見，山林道的串酒里。沿著窄巷步入，心情已自動切換為放空模式。這裡，店面雖小，但全店裝潢以木製為主，感覺自在親切，還設有室外座位，林蔭婆娑，開揚清爽，但今夜於炎寒天空下，灑著陣陣的冷雨，還是窩於暖和的室內為妙。 先點，必食的串酒里火焰义燒，上桌後，店員隨即淋上玫瑰露酒於义燒面，接著點火，燃起了醇厚的酒香、肉香陣陣撲鼻，非常惹味。 雞蛋燒蠔，蠔燒熟後，再將半熟雞蛋覆蓋於蠔面，賣相悅目吸引，急不及待，立即咬一口， 蛋香之外，還有生蠔的鮮味，兩者互相協調，混為一體之獨特口感，溫潤美味。 蒜蓉燒扇貝，一客三件，扇貝面層鋪滿蒜蓉，非常香口惹味，蒜蓉與扇貝，總是最佳組合。 燒玉子，經典厚切玉子，入口鬆軟，啖啖甘甜。鹽燒秋葵，燒得乾身，沒有黏溜，灑上海鹽，健康又美味。 避風塘燒茄子，茄子面層鋪滿蒜蓉與辣椒，燒至微微焦香，蒜蓉辣椒混著茄子，鹹辣相間的滋味，令人垂涎。 工餘後，我們三五好友，最愛就是窩於這種，氣氛平易近人的食店，放懷的談天說地，吃下不少熱辣的美食之時，伴著的當然是一杯

某天經過山林道見到這店宣傳架, "串酒里"火山石串燒+手工啤酒, 有趣店名令我印象深刻.  今日吹水同事又即興約HAPPY HOUR想食串燒飲啤酒, 吹一陣水先回家交人, 我頓時醒起"串酒里", 吹水同事仲笑我做咩串走佢  餐廳在小巷內自成一角, 簡單原始暗燈光裝潢, 串燒上枱速度適中, 上完海鮮才上肉, 唔怕食得唔夠快會攤凍, 咁就可以輕輕鬆鬆邊食邊傾.手工啤酒價錢唔平, $58支, 但來自不同國家及味道, 有果味, 花味, 麥味, 蜜糖味, 口感較一般啤酒易入口滑身, 可因應食物味道配搭不同款式啤酒. 女同事很愛飲花香溝果味.女同事見到圖案碟即叫"巧靚呀", 不過我都暗地在心裡讚句又真係幾靚.  食物選擇多, 海鮮, 肉類, 蔬菜通有安格斯牛肉串/安格斯牛柳粒, 兩者牛味濃, 牛柳粒肉質咬感較好, 佐酒正.  車厘茄甜美多汁.芝士煙肉燒蠔, 剛好3隻夠食. 芝士香, 蠔肉似乎過熟, 未見鮮味.蒜蓉扇貝, 這個不錯, 望落以為係燒蒜蓉, 勁多惹味, 好彩帶子肉夠大隻又剛好熟.魷魚糯米飯, 魷魚彈牙不硬, 糯米飯軟熟有味道, 食落有飽肚感燒冬菇, 我重口味灑上混合調味料辣辣地好滋味

今晚去咗串酒里食串燒，室外位好吸引呀不過凍冰冰嘅天氣就乖乖坐返室內啦串燒店嚟講呢度都幾多選擇，款式仲幾特別添麻辣燒雞翼，呢個麻辣真係唔惹小，都真係幾辣!!不過又辣得幾過癮雞翼又夠Juciy蒜蓉燒扇貝，估唔到一碟有三隻!!即刻覺得好抵食蒜蓉好重手呀!!蒜蓉夠多就好惹味秘醬燒鮑魚，鮑魚一啖就食晒，好入味!!鹽燒秋葵，食咁多肉就食返個健康嘅秋葵先平時唔係好鍾意秋葵嘅口感不過原來串燒食落又易接受好多喎嘢食款式多，座位又闊落一啲都唔迫!!舒舒服服食串燒又有新選擇

今天來到了尖沙咀，肚子卻不太餓唯有選擇了一些較簡單的作晚餐吧。雞蛋燒蠔把新鮮生蠔燒至半熟，最後加上生雞蛋和茄汁。入口惹味，吃出陣陣蠔香，雞蛋令整體口感更滑溜。燒饟大冬菇冬菇豐富多汁，充滿水分。加上大量芝士火腿燒香，入口咸香惹味。燒鰻魚魚香濃郁，入口滑溜惹味，加上燒汁味道更佳。燒安格斯牛牛味不重，肉質有點乾韌，醬汁不夠濃郁。燒露筍香脆爽口，香口多汁，燒得剛好而不失水分。燒雞翼雞翼嫩滑多汁，肉汁尚算豐富，外層香脆香口。

再次強調有Heart嘅小店大都隠住街巷當中，甚至霓紅燈轉角的暗處。有心的尋味者，當真要給點耐性，慢慢發掘。轉角，也許正係驚喜處！山林道長久以來都係佐敦地帶嘅尋味核心，今次找了一回兒，就見到一間寫住「串酒里」嘅紅色水牌，向前多走兩步，便見到店舖嘅霓經燈箱，好搶眼，喺毛毛細雨下更有種夜深人已靜嘅閒適。 ｜汁燒BB露筍｜&｜鹽燒日本秋葵｜看見很多朋友推介這款菜，自問吃串燒亦應先食返啲蔬菜打底，於是先拔頭籌便叫了這兩款健康得嚟又感覺幾有特式嘅小菜。BB露筍一如其名，口感好幼嫩，細細棵排成一線，賣相感覺更精緻討喜！醬汁亦挺特別，咸中帶絲絲甜味，有點像味噌的感覺。至於秋葵，亦好新鮮，入口同露筍一樣嫩，外皮不會燒得太焦，內裏保持到juicy，好味道！燒牛舌一上枱以為係安格斯牛肉粒，只因太厚切XD！看賣相已經覺得好惹味。牛舌永遠只需最簡單嘅炭燒加少許鹽同胡椒，已經好滋味！最令我驚訝嘅係如此厚身嘅牛舌，都可以燒得內嫩外香，咬落仲feel到其肉汁滲出，大正！ 蒲燒鰻魚 厚燒玉子玉子簡直是本人平生至愛美食之一，但要整得正宗確係唔容易，蛋漿同火候控制稍一不慎，整個玉子燒便被ruied！而呢款厚燒

禁岩去開tst 行街, 就睇下彌敦道附近有冇好野食行行下見到有間串燒點好似唔錯, 決定入去試下 餐具簡單, 但圖案都幾靚款式唔算太多, 還可以~是日推介每日更新, 大胃最後點左個烏冬同甜蕃薯~~座位唔迫, 環境幾寬敞, 坐得幾舒服岩哂朋友黎慢慢食同吹水但室內座位唔太多, 因為大胃早到所以有位, 但去到7點幾就已經full哂, 所以大胃建議都係要book位先~首先要左個鰻魚, 68蚊兩舊都幾貴~ 比想像中少但係鰻魚汁好甜, 鰻魚肉質ok 味道不錯岩岩見講完大胃係芝士控, 當然要點番兩個芝士系列試試佢啦先黎個雙重芝士香燒豬頸肉上台既時候成塊芝士溶溶地好吸引 (本身大胃仲以為係芝士汁分開上)豬頸肉都OK, 不過性價比唔太高, 份量比較少但一啖芝士一啖豬頸肉仲要有芝士粉係上面真係好爽皮 (建議鍾意芝士既朋友點呢個, 唔鍾意就可以食其他野)另一個就係吉列流心芝士豬柳~ 豬柳唔會太肥, 亦唔會太硬同太"un",上面燒過果塊芝士又係重點, 58蚊一塊其實都ok, 豬柳肉質嫩, 但流心比想像中少, 可能大胃expectation太高, 諗住會有勁多芝士汁流出黎btw食完呢個會好滯~~因為芝士再加豬柳

近排天氣涷涷地，又吾想打邊爐，所以就去左尖沙咀山林道一間細細地既串燒店。店裡座位吾係好多，室內＋室外都只有十張枱。好適合包塲.一睇個Menu，太多選擇哪！樣樣都好想叫，最開心係有差不多十款既手工啤酒，有英國、俄羅斯、愛爾蘭等等，酒精濃度吾係好高，只有５，所以好易入口。我地兩個人都叫左好多野食，因為每碟份量吾大, 所以食下叫下,不知不覺就叫左好多。基本上樣樣都幾好味。鰻魚雞翼三文魚义燒上枱時，侍應會用一杯玫瑰露酒倒在义燒上再點火，燒到冇火就食得哪！义燒好香玫瑰酒味，好好味！吾係食炸雞配啤酒先係perfect match，其實食串燒再加啤酒，都係好正. 兩個人食大約六百幾蚊.

想係尖沙咀搵間無限時既餐廳都幾困難，難得今晚朋友仔自遠方歸來，有很多很多水要吹，幾經辛苦，同事推介左呢間餐廳比我，坐得舒服，吹水一流。七時多到達餐廳，室外室內均有座位，今晚異常寒冷，我地都係坐返入面啦。即刻拎menu 睇下有咩食先，款式很多，每樣都想試試。芝心日本廣島蠔脆棒又芝士又蠔，點可以唔叫呀！上台有三大條，每條真係芝味十足，拉得出絲呀！加埋D廣島蠔仔夾係中間，十分香囗。自家秘製汁燒鮑魚這是真。鮑魚呀，出街食飯叫鮑魚，通常都係唔痴殼，呢個真係真材實料。鮑魚燒完都唔乾，又唔會太韌。燒火辣牛丸本身對牛丸興趣不大，但對火辣好有興趣。果然無叫錯，牛丸咬開並唔會乾爭爭，有汁架，而且火辣程度合我意。自家製醬燒雞肉串呢個雞肉串完全係驚喜之作。唔會燒完細細粒，而家仲係啖啖肉，而且雞皮燒到卜卜脆，都顧不得膽固醇了。燒魷魚釀糯米飯兩樣都是我喜愛的食物。曾經在別的餐廳吃過一次，糯米飯完全無味，而且可能因為燒過，非常的乾，今次難得見到，本來有D猶豫，但最後想叫左。果然無令人失望，糯米飯燒完都仲有一定既濕潤，連魷魚一齊入囗，口感挺好的。川燒麻辣香燒餃子雞翼朋友仔最鐘意食餃子雞翼，貪佢已拆骨，方便又好味，雞翼

串酒里 ... 哈哈, 疑似粗口諧音, 不過那又怎樣, 這兒不是放鬆聯誼飲飲食食的地方嗎?  前身又是串燒店, 換個裝修, 換個招牌, 又再燒烤過。  不過今次改做火山石燒烤, 能迅速把食物燒至外脆肉嫩, 肉汁鎖住。串燒店仍保持有室內外座位, 始終裝修過會比昔日為好。FB優惠, Like完會送多一串價值$19的串燒。自家製醬燒黑豚肉  $48一客三片, 醬燒至外焦脆, 咀嚼出肉味超香超惹味。FB禮品: 燒火辣牛丸真是超火辣, 幸好醬汁只塗外層, 沒有把牛丸的牛臊味掩蓋, 牛丸本身是彈牙紮實。雙重芝士香燒豬頸肉 $78豬頸肉燒至香脆爽口, 切片並加入雙重芝士即是車打芝士片及芝士粉, 芝味當然香濃。黑松露燒6吋扇貝 $108/隻扇貝殼擺明是手掌般大, 扇貝肉就有手掌心般大；用上大量新鮮蒜蓉把扇貝肉覆蓋著, 燒烤時扇貝肉的汁液會不易流失兼且蒜蓉的辛辣也會滲進扇貝肉內, 扇貝好厚肉, 肉嫩清甜。

首先覺得個名改得好好串 . 主題當然係串燒酒 . 店中有買一些自製唔同口味嘅啤酒, 幾有特色里 . 店舖位於山林道一條巷仔(里)行經山林道見到一個食串燒嘅板，再向右手面看，有一條巷仔，原來裡面就係呢間串燒舖，行入少少見到環境都唔錯就決定試試。首先order 第一round當然係喜愛嘅海鮮及牛啦。原來仲有鮑魚添，燒起來剛剛好，唔會'un'同好有鮮味，正。燒扇貝: 超多蒜蓉, 好味 ... 只可惜細咗少少. 燒豚肉: 加咗秘制燒汁, 甜甜地.燒厚切牛舌, 好好味, 厚身但係好'林', 入口即溶. haha!燒火雞第二round, 點番D蔬菜類。仲有燒栗米, 上面加咗辣粉, 又幾有新意喎!燒韮菜, 係我串燒至愛蔬菜, 呢度少有燒得唔會乾身, 仲好有水份, 因為大多數會燒到好乾身或好多油. 秋葵，燒起來又幾得意、好味。仲有生蝦剌身, 爽口!

天氣開始轉涼, 還有超勁寒流吹襲, 係時候要食定多啲暖胃既食物預備冬眠啦, 哈哈哈!!!  天氣凍除了烚烚吓, 食串燒都係個好選擇.  這小店位於山林道既小巷內, 不是朋友帶路都差點走過, 但經驗話我知越隱蔽越有驚喜.  餐廳門外有半露天既木造高酒吧枱椅, 頭頂上有簷篷雨天都不怕, 帶點泰式酒吧格局, 有不少外國客人都來happy hour食串燒飲啤酒傾計.  落地玻璃門設計分隔用餐內外區, 沒有正式門口, 令我和好多客人都不知怎樣進餐廳內.  室內座位不多但枱與枱還有距離不會太逼, 吊著柔和黃色吊燈, 同樣擺設木造枱椅感覺溫暖, 都忘記了寒流快來了.  這裡既特色除了串燒外, 還有多款手工啤酒. 自從與朋友在紐西蘭飲過後才發現其獨特, 所以朋友今天帶我來回味.  整體帶來日本居酒屋感覺, 所以店名串+酒都幾貼切.  小店位於山林道既小巷內, 認著押檔大招牌便找到.落地玻璃門設計分隔用餐內外區配襯木造枱椅多款燒烤食物選擇, 如海鮮, 肉類, 蔬菜, 價錢由廿幾蚊起至一百蚊, 頗經濟.手工啤酒選擇也很多, 約10多款, 全部由外國入口, 有英國, 紐西蘭, 美國, 葡萄牙等, 餐牌詳細介

大寒潮臨近，山林道一帶的火煱店內人山人海。於小弟而言，天寒地凍之時圍爐"打邊邊"固之然是各人的例牌動作，但除了火煱以外，糾眾大啖熱辣辣的日式串燒，也是一個不俗的選擇....隱身於街頭巷子的這裡，一不小心便很容易走過龍不知其所在之處。若是這樣的話，那您便走寶了....只得兩口子能點能吃當然就不夠多，拉埋同樣饞嘴的舅仔一同來掃餐牌才是王道....雖說正值寒冬，但如不來一瓶凍冰冰的啤酒來伴串燒的話實在很難說得過去....這裡有一系列手工啤酒供應。點了一瓶以100%有機蜜糖釀製的，口感尚算順喉清爽但沒如料想中富有蜜味及香，雖如此但亦絕對適合和串物配搭....好了，是時侯開始迎接一連串串物及燒物的攻勢....黃金蒜蓉及黑松露燒八吋虎蝦虎蝦的件頭的確不是蓋的，打量一下真的比小弟的手掌還要長。咬將下去肉不霉帶甜糯口感。蒜蓉一向和蝦都是好搭檔來的，好吃當然不是一件奇事，但意想不到的是原來向來搶味的黑松露醬和燒蝦是如此匹配的，菌香加上鮮香令人齒齦留香....黃金蒜蓉及芝士煙肉燒扇貝再度以蒜蓉配合扇貝肉吃。扇貝本身沒沙厚肉又鮮甜，蒜蓉多得全蓋過了肉入口惹香得不得了，讓得我這等蒜迷直豎拇指；另外加芝士煙肉的