串燒王 (祥興樓)

營業中

休息中

黎到旺角，出名就梗係好多唔同種類既野食喇，今次黎到食燒烤，叫串燒王既，一入去就見到一張張木枱，不禁令人諗起大陸既木屋燒烤，雖然沒有了木屋，但味道卻十分相似。連待應都係說普通話的。串燒種類就非常之多喇，數埋手起碼有4，5十款，全部都係幾大路既款黎。整體黎講調味都算適中，不算太鹹/太辣，因為始終調味粉的平衡才是食串燒既重中之重。有d人鐘意食好辣好辣，反而失去左食材既味道。所以調味方面，我覺得佢做得算係唔錯。另外，上菜速度方面，由於員工數目少，所以都等得比較耐，大約30-40分鐘先能夠出齊。特別推介佢個炒粉/米粉/河粉，今次無河粉用左烏冬，雖然差少少，但都算okay本人就最鐘意佢個炭燒雞脾，食出另類雞脾，感覺完全唔同炸脾/焗脾/烤脾，強烈推介。

平時都好鍾意食串燒但係通常都係自己屋企樓下食但係今次就去咗旺角嘅一間串燒舖頭餐牌都幾多選擇而呢間鋪頭就係串燒王——————————我地嗌咗惹味燒蒜蓉扇貝帶子（兩隻$50），一份錫紙燒蒜蓉金針菇（$35），烤五花腩肉串（$18@3串），燒豬頸肉（$15），燒牛肉串（$15），燒薄切牛舌（$16），燒日本一口和牛粒（$25），阿拉伯羊肉串（$16），沙嗲雞肉串（$16@2），串燒雞全翼（$26@2），惹味蒜蓉燒原條茄子（$28），燒司華力腸（$18），燒流心芝士年糕（2隻）（$28）同埋雙重拉絲芝士撈一丁（$35）首先講下嗰個帶子同金針菇，呢兩個係我覺得最必定要嗌嘅，因為真係好好食，帶子好新鮮得嚟而且好彈牙，仲有好多蒜蓉⭐️⭐️ 之後嗰金針菇真係超入味，亦都有好多蒜蓉之後就講下啲豬嘅質素，兩種豬嘅口感都好唔錯，彈牙得嚟又好有肉汁，完全唔會好乾到好難食之後其實牛肉、牛舌同羊肉串都好ichiban，尤其是係我一個咁鍾意食牛嘅人，不過如果可以嘅話少啲調味粉嘅話會更加出色，因為啲調味粉令到佢地有啲辣😮😮之後嘅沙嗲雞肉串同串燒雞全翼，雞肉串都算幾滑，之後其實我係一個唔太識食雞全翼嘅人，但係我個frien

旺角串燒鋪頭五花百門，今次俾我發現有新嘅串燒店🍢白色磚牆既裝修，餐廳都幾多枱，串燒既種類好多👍有海鮮，肉類同蔬菜🥬烤五花腩肉串18蚊有3串❤️抵到爆呀👍腩肉好香，絕對係抵食之作❤️燒豬頸既汁好好食，配合埋唔肥既豬頸肉，好Match❤️頂級鹽燒多春魚有6條，全部都勁香口，食落去啲魚子有爆炸既感覺，有少少驚喜啵😊燒頂級牛舌心真係首推呀，每一嚿既牛舌口感勁正，燒得岩岩好唔會好硬，加上香濃既牛味，食完真係lum lum脷呀，大推！🤗燒雞軟骨🥳軟骨加上少量既肥膏，邪惡得黎好美味呀，值得輕嚐啵！香燒日本一口和牛粒肉味係濃厚嘅，大大粒，食落口滿口都係牛肉味，讚！燒羊鞍好大件，半肥瘦，好有羊肉味加上蒜蓉醬，估唔到都好夾啵👍雞大雞髀係限量供應既，真係大隻高我既手掌呀，而且好熱，雞肉滑得黎唔會生，好好味呀🤗🤗燒金針菇10蚊一串，大大串咁，菇味好濃配合埋調味粉唔錯呀🍢燒雞腎既口感好鬼正呀，好爽，味道好濃郁，好岩我個人既口味呀☺️☺️最後我嗌左燒油甘魚鮫，一上枱已經好吸引喇，超級熱，魚肉好滑，連車骨既魚油，好香好好味呀！

今晚凍凍地想食串燒，黎到呢間新開的串燒王，原來串燒王是在紅磡已有店～串燒王呢度店員就唔係好識講廣東話，可能要用普通話落單。餐牌選擇非常多，主食都有幾款可以選擇。價格平均$30以下就有交易。燒豆卜 $10 呢個超驚喜，香港未食過會一整粒甘燒仲有4粒甘多，咬落外脆內爆汁。娃娃菜 $10 叫微辣但後勁都幾強，燒得一點都唔乾柴。五花腩肉串 $18/3 超抵食！燒香脆雞皮$16/2 脆卜卜，只係細串左少少。司華力腸燒得平均，大啖食真爽。燒大雞髀 （限量供應） $32雞髀唔算好大隻，但燒得外皮好脆。香料入晒味，好味。蒜蓉茄子 $28 超大一條，經典內地食到超香蒜蓉孜然的味道，肉一絲絲輕易絲到出黎，超推介！燒馬友魚 $68 想不到半條都甘大條，魚肉彈牙～燒蟶子皇 $42/2 蟶子大小就談不上蟶子皇，但粉絲超入味又唔乾。蟶子肉食落鮮甜彈牙。雙重芝士撈一丁 $35 真係拉絲ga, 芝士好香，加埋剩話蒜蓉一併食更加滋味無窮。三百都唔洗仲要食到飽飽又正宗味道真係好少見。

串燒一向受人歡迎，今日與同事共聚，在香港深夜時份最容易找到美食就是旺角，在砵蘭街看見一家串燒店—串燒王🍢🍡店舖不算太大，大約二十多個位，店舖裝修沒有什麼特別。黃立倉🐟油脂豐富，蒜末香甜加上各種調味料味道更加豐富，不會太乾，依然吃到魚的鮮甜。田雞☺️調味料比起其他幾種食物更為獨特，更加香甜，令人吃完有再想吃的感覺，不過田雞不是每個人都喜歡吃，但不介意吃田雞的朋友，不妨一試👍🏻👍🏻燒五花腩肉串 $18/3串🐽五花腩燒得香脆，脂肪被燒得不太油膩，一肥一瘦的腩肉比普通的豬肉串更勝一籌芝士年糕🧀去日式小食點都不會忘記點的其中一道菜，但好奇之下在燒烤店會是怎樣的，雖說不是日本小店但是是好吃的，比起在其他地方吃到更加煙韌，配上醬汁，增添了年糕的另一番風味😋😋燒雜菇只是看名字，以為會是用錫紙直接包着雜菇直接燒，但原來是有湯汁用錫紙盒裝着，味道有點像煳辣，少少的孜然粉味，不會太濃烈但又帶點香茄子🍆茄子燒得不夠耐，惹味但可惜蒜茸比想像中少，辣味不會太多，如果能像倉魚一樣多蒜茸那就更好吃了重慶酸辣粉$38自選三餸，我選了肥牛，金菇，芝士丸。餸菜方面比較冇特色，選了小辣，但也非常辣，酸味不夠出，串燒店的酸辣粉配

完全冇禮貌的一間店,樓面冇員工，冇人理客人，見可能廚房太忙,連落單都主動拎過廚房門口,企足十分鐘都冇人理，但明明個個員工都見到客人，已經主動同員工講要落單，最初以為聽唔到, 到最後企到想走先話放低啦，收左張單就咁放喺度冇落, 然後繼續無視客人，好差好差的一間店通風又差又熱,衛生都係不理想

本身住附近，見到呢間串燒新開就喺門口望下，店員幾好禮貌即刻出嚟招呼，我一開口就問可唔可以走辣？醃料辣唔辣？因為我完全唔食辣，而且有小朋友一齊食更加唔會食辣，店員再三保證可以走辣，點知我一返屋企食就覺得好辣，小朋友更加辣到食唔到，之後過咗兩次水都仲覺得辣，最後食唔到一半就掉咗😡如果早知咁辣、或者唔可以走辣，我就唔會幫襯😡叫咗：燒鴨胸、燒帶子、燒茄子、沙嗲雞肉、燒雞皮、燒翠玉瓜、燒雞翼、燒雜菇、芝士年糕(得呢個唔辣)