串燒王 (祥興樓)

營業中

休息中

住酒店買外賣上酒店食就例行公事啦突然之間想食酸辣粉，咁岩經過又見到佢有賣，之後就走左入去買啦叫完外賣先知道自己冇cash，仲比我去禁錢再比店員好好人呀反到酒店發現佢地好似比多左野比我地我地叫兩隻蠔佢比多左隻我地碗酸辣粉又多左d肥牛同芝士丸可能呢d本身有跟埋，我第一次幫襯唔知道🙈但整體上都好滿意，服務同味道都好呀性價比高呀決定下次係旺角食宵夜諗唔到食咩都揀佢

本人今日叫咗外賣燒雞翼 同 燒牛仔骨，呢間嘢最恐怖嘅地方係：走辣同唔走辣嘅嘢食都係放落同一個盒入面，最後全部辣晒！仲有串腎硬到石頭咁雞翼乾到好似柴咁，個牛仔骨就好似蒜蓉蒸咁，呢間嘢啲負評真係唔係講笑！想食垃圾嘅話一定要試！

每晚都會嗌外賣宵夜，喺foodpanda 睇到就諗住試下呢間，睇到個app啲相都幾吸引，就落柯打啦。啲食物一黎到，仲滿心歡喜諗住開餐，一打開盒直頭x左出聲，火都黎埋！美國特級牛小排，佢老味隻牛肌肉萎縮症咁，個盒就大呀，得果4片仔 食剩打包都冇咁衰，好似廚餘咁。鵝肝多士果件鵝肝同5豪子一樣大，最勁係塊所謂鵝肝，只係厚過A4紙少少，睇落似肥牛碎，果隻燒原隻鮮魷仲巴閉，我打開盒果陣都諗左陣係咩黎，可能佢有靈性驚比我x，嚇到縮埋一注，個樣衰到我都唔識形容！其他都廢事講。串燒王呢間垃圾，以後不了，喺度奉勸各位幫襯前諗清楚！！

大家小心呢間垃圾！其實我都唔係咩西客 諗住是是但但叫野食！用foodpanda係聖誕節叫呢間垃圾聖誕節其實大家都預左會耐 諗住預佢1個鐘乜都到啦 ！ 一拖再拖搞左我兩個鐘先到都算，仲要黎到黎少左兩樣野！最重要最重要最重要！佢仲要扮tick左單！ 好在我對單者！ Foodpanda退返錢，唔係洩曬錢啦！野又難食，樣樣燒到肉乾咁！小小肉汁都無啊大佬！！真係垃圾到極點！做唔到咁多單唔好學人接啦！一定唔會再幫襯佢！真係提起都勁嬲！

唔怪得話唔洗單啦，等左成個幾鐘都算，仲要漏咁多野買左＄743蚊野買4隻蟶子，比得1隻大成條靖魚直程冇埋五花腩要3串比2串蟶子個到，臨尾拎個陣，先來講咩得反一隻大既，一係退錢，一係2隻細既換一隻大，我點知你點為大點為細，有分大細，剔野張單又唔寫，仲有個1隻大既，開完一睇，點睇都抵唔到2隻細啦，咁我都算，結果點知反到來，得反一隻，比少2隻細既，咁做生意都得既打電話又唔聽，睇反d留言，原來咁多受害者，咁多人反應，都仲唔跟進，係米呃錢嫁？第二日特登去鋪頭，冧住一係拎反d錢，一係拎反d野食，出面個妹妹仔都話記得我地有落e d野，個老細仲唔認數，話我地冇落，真係唔報警唔肯認最好笑係，老細自己唔出來處理，推個反得2日工既妹妹仔出來處理，都幾好笑，咁唔負責任都有，可憐個妹妹仔比人推出來做替死鬼，遇著個咁既老細e家肺炎生意難做，都唔係咁呃人錢呀？？？你地賺錢難，人地賺錢好易呀？？？做生意做到咁黑大家有被汁漏單，建議直接報警處理，唔洗告得入，起碼比佢知痛

外賣自取8點未到落單 等左個9幾鐘10點都未有一枱都係單爐就得兩個 單就幾十張 其實做唔切既 你可以截單先等左兩粒鐘最後唔等 焗住取消

用Foodpanda點餐，結果鵝肝多士冇鵝肝，玉子燒只有三嚿，仲要收勁貴，打電話想去投訴，結果根本冇人聽電話，根本就係用200幾蚊買咗一肚氣返嚟激死自己，真係畀一粒星都嫌多

疫情關係外賣自取 等30分鐘都唔緊要 收我$331返到屋企發現少咗1.一條茄子 2.一條韭菜 3.兩隻雞全翼 4.一條豬頸肉之後打極電話都冇人聽 ，咁樣點再幫襯？垃圾 做唔掂唔好接咁多訂單la

燒啲嘢好鬼咸🤢，蒜蓉茄子火候又未夠，雞軟骨燒焦到都係苦噶，都唔知係咪串燒師傅啲味覺出左問題😼真係好鬼難食❗️油煙好大，應該抽風唔夠，同d朋友仔坐係店度眼淚都要出來啦😭成間鋪頭有個亮點係有個女店務員服務態度好nice😊真係好有禮貌好細心😊..............................

叫咗外賣，一開頭話等15至20分鐘因為震燒羊架，20分鐘後第二個職員無啦啦話冇落到單，但係錢都俾埋飛又收到，呢個時侯本身落單嗰個行埋黎，就話其實有落到，嗰陣時已經講咗如果未整就唔要，之後5分鐘問一次，次次都話就快有，最後加埋等咗九個字，好心做唔切就唔好夾硬做啦，為左搵多張單錢，喺度浪費客人時間，以後唔會再幫襯。。。。。。。。。。。。。。。。。。。。。。。。。。。。。。

我地係叫food panda 外賣的。叫嘅原因係因見喺新開，價錢同附近嗰間九妹美食差不多。因為九妹美食成日要等好耐，我就打算試下le 間。不過真係太失望，因此忍唔住要寫上來。份量少，燒d嘢又乾，性價比低，肉質差。叫左甘姑肥牛，燒饅頭(饅頭未熟)，燒牛舌(好難食好乾), 燒韭菜，尖椒，芝士年糕(芝士爆曬出嚟,年糕好硬）,仲有羊肉串蘇得好緊要🙈而且價錢貴。我係泰國舖買咗兩串雞兩串豬兩串牛，肉質豐厚，有汁，先60多元。係串燒王買左300多元，樣樣都差！真係要寫出嚟等大家注意一下。咁做食市真係唔得。

外賣串燒全都是凍🥶🥶串燒雞腎未燒熟🤯燒生蠔 蠔肉細得恐怖🤬🤬🤬燒茄子火侯唔夠味甩肉🤯🤯$$不平！！以後都唔會再食😤😤😤完全失望🤕🤕🤕唔明點解有人推介🤐🤐以香港食串燒來講是最差的一間！

1.寫單唔認真睇漏嘢2.外賣要等半個鐘多3.一共要左二百幾蚊嘢，拎走返屋企check埋只比左一半嘢？？咁誇張？？點可以做到咁誇張？？有冇責任心？點可以做到咁cls？再唔會幫襯

話說我同我男朋友叫food panda ,返到上屋企先發現佢執漏左支野飲，都算，標注埋要餐具，又唔比，打電話去check單，搵個講普通話嘅人黎聽，雞同鴨講，搵返個識講廣東話嘅人黎聽，一句唔好意思都冇，直接叫我地去搵返熊貓客服就cut線，啲野飲全部叫唔辣，全部變左辣🤷🏻‍♀️🤷🏻‍♀️🤷🏻‍♀️最仲要係佢地有劃單

本身覺得食物都唔錯，所以今次已經係第二次幫襯。點知食食下，枱底下有陰影掠過，原來係老鼠！！！只見佢好熟路咁走進入了廚房，我同朋友立即好驚慌，等左好耐既羊架諗住棄單，佢又立即同我講上得菜，唔可以棄單，我地唯有話拎走就算......好心急想埋單走，明明門口寫88折，但佢又偏偏唔老實，要我地自己計返先有折扣真係好失望，之前從來唔寫openrice,今次希望可以藉此文章警惕世人🙏🙏記得記得，呢間店有老鼠...