串燒王 (祥興樓)

營業中

休息中

都隔左一排無食過串燒,最近出街又無得同一大班朋友一齊食唯有約人自私食啦.朋友知我想食串燒就帶左我黎呢間串燒王到試下.串燒款色種類都幾多選擇,連平時少見既甜品類都有而且價錢都係$10幾蚊串都幾抵.麻辣海蜇多彈牙加上青瓜絲更爽口,麻辣汁微辣,再重口少少會更惹味.燒蒜蓉粉絲特級蟶子,粉絲份量超多而且望落呈通透既醬汁色超級入味,入唔爽彈蒜香味濃.內裏蟶子無沙質感飽滿又夠嫩食落唔會韌.燒饅頭估唔到平平無奇既饅頭燒出黎都幾滋味.外層燒乾脆卜卜內裏軟綿,上層加左蜜糖燒好香甜,底下加左孜然粉兩者一甜一鹹估唔到個味又幾夾.牛舌心店內推薦,比牛舌更厚身,燒熟都唔會過韌,口舌中間仲好爽口.牛舌上佈滿川椒粉,入口惹味帶點麻辣.燒賣,墨魚丸,雞軟骨燒得唔會過乾.燒賣燒好有心機,慢慢燒脹唔會焦,外層卜卜脆,因為燒賣內裏魚肉彭脹左入口特別煙韌唔會入口死實實.雞中翼$30有足4隻真係好抵食,每串2隻,外皮夠晒脆內裏仲鎖住肉汁.川北炒烏冬簡簡單單用上生菜,雞蛋,腸仔再配上少少麻辣汁同孜然粉炒香已經好惹味之餘又唔會過鹹.烏冬沾上蛋汁蛋香味十足,麻麻辣辣入口夠晒過癮.燒雜菜好足料,又多款色,食左咁多肉要食返d菜平衡返.

前幾日行過旺角呢間串燒店，遠遠就已經見到鋪頭門口勁多人排隊，就算喺政府既新政策下都無影響到生意。一於試試佢！小店既價錢算係幾抵食，等左半個幾鐘終於入得😭 第一碟上既竟然係甜品，棉花糖多士($28)，烤得金黃色脆香既牛油多士加上棉花糖真係無得輸呀！帶子兩隻($50)係我每次食串燒都一定要叫既菜！帶子彈牙鮮甜，配上蒜蓉同醬汁燒，好惹味！原條燒茄子($28) 又係重口味既野，燒完唔會太濕，加上醬汁啱啱好。煮雜菇($32) 依項真係扺食到爆！入面有金菇雞髀菇娃娃菜等等，比起一串串咁叫抵食左而且一樣咁濃味但比較無咁熱氣。羊架($38) 呢個價錢竟然食到羊架，孜然粉香味濃，配上少少羊羶味好夾。串燒方面我地叫左 豬頸肉，牛舌，金菇肥牛，雞髀菇同台灣腸。其中我既畢愛係豬頸肉，好油既油脂味但又唔算膩。其次就係牛舌，厚切所以勁有咬口！最後我哋叫咗個酸辣米線($40)，配左三款配料，我哋揀咗金菇，肥牛同埋芝士丸，酸辣嘅味道比較淡，不過配料嘅份量真係比想像中多好多！

鍾意食串燒的我，曾經試過買咗50串不同款的串燒返屋企，一路煲劇一晩食清光🤣🤣不過買返屋企食多數係菜類同肉類，今晚我要食海鮮.所以堂食好D。昵度既海鮮好抵食，真係又平又正仲要係用料靚😋👍👏環境不錯，內外都坐得舒適味道可以自己選擇，有蒜蓉昧。有芝士味。有辣有唔辣，如果食辣，辣味程度又係可以自己選擇.......👏👏👏呢度個串燒師傅好得，燒既食物唔會過火，🔥火喉適中，味道又了得👍👍包魚——新鲜爽口，又香又甜又鮮軟熟😋扇貝——全部海鮮新鮮燒，燒得剛剛熟，最好食係燒到呢個程度生蠔——新鮮大大隻，滋味濃厚大蜆——肉鮮甜，好抵食的海鮮羊扒——肉嫩無比，味道恰當芝士年糕——皮香跪，咬落煙煙靭靭有囗感，入面濃郁芝士旺角砵蘭街好味道➕坐得又舒適的平靚正串燒，

咁岩經過，有d串燒香味就入去試吓啦，價錢又唔貴望見餐單都幾多選擇喎，唔同種類都有日式既嗌咗個鰻魚炒飯同玉子，鰻魚炒飯只係48蚊，依個價錢尼講，依個質素算係咁，個汁幾好味。燒玉子面有層脆焦糖麻辣汁燒花甲好惹味，陣麻辣味令人愈食愈想食！雜茹蒜茸味較重，岩晒重口味既人其他串燒都正正常常，菠蘿都多汁，牛舌幾爽口我最鍾意食既芝士年糕呀，美中不足就係d油多咗少少喇店入面坐低食串燒尼講，依間算平算抵食，份量又夠

朋友話旺角有間高CP值嘅串燒店，行完街就過嚟試吓啦～呢間串燒店大部份串燒都係$20內海鮮會再貴啲，不過相比其他串燒店，價錢都係好抵食「燒日本一口紫薯」$15 紫薯一串有5粒， 烤得又香又甜，好味「燒流心芝士年糕（兩件）」$28 半流心嘅芝士伴隨香軟煙銀嘅年糕一起吃，味道唔錯「汁燒鮮冬菇」$10 冬菇好Juice，烤得香熟，好味道「燒脆香魚腐」$10 魚腐口感香脆，帶點咬口～「燒原條鮮魷魚」$30 魷魚烤得香脆，拌上蒜香和蔥調味，好味呢～「燒菜心」$10和「燒泰國BB蘆筍」$10 好抵食，又好味「頂級鹽燒多春魚」$30/ 6條 多春魚絕對是必食之選，在烤得香脆的多春魚上灑上鹽巴和蔥花，非常惹味可口太多串燒想食，但肚子位置有限，下次絕對要再嚟encore

因應疫情店家做左調整，因此只能同時做三台生意。店家都好快手，上菜速度算快。燒烤食物口味可揀辣/原味。如果要就唔食辣既朋友仔，可以落店家提供既辣粉。比較想推薦既係👉🏼燒棉花糖多士，中間係士多啤梨軟心，入口即溶😻👉🏼而燒豬頸肉火候控制到恰到好處，肉質鮮嫩之餘仲保留到肉汁👉🏼燒一口紫薯都係值得encore既食物，有營養之餘亦都幾甜👉🏼冬菇燒完令香味更突出，值得一試Overall覺得可以再黎試下其他未食既菜式，推薦俾大家。

今晚想吃串燒，看到這𥚃食評不錯，今晚便來到吃飯。店內面積不大，只有十數個座位，所以很多都是外賣的。燒大雞髀$32，果然是一隻很大隻的雞髀，雞皮部份，香脆無比，雞肉吸收了辣味，更加美味。　惹味蒜蓉燒原條茄子$28，蒜蓉的香氣，令到茄子更加鮮甜味美。燒泰國BB蘆筍$10，爽脆中帶點辣味，很有特色。重慶酸辣紅薯粉$38，有肥牛、芝士丸和墨魚丸，湯底酸辣度適中，紅薯粉煙煙靱靱，最重要份量多，兩個人才可以吃完，真抵食。麻辣海蜇$25，海蜇爽口彈牙，麻辣度適中，如果份量多一點更好。鹽燒大海蝦$68(6隻)，蝦肉鮮甜美味，以這個價錢，算是不錯。烤五花腩肉串$18，腩肉香脆，肉身稍為乾了一點。燒有機菠蘿$14，菠蘿經過炭燒之後，增加了甜味。川燒雞中翼$26，外皮脆，肉汁豐富，燒得很不錯。

每次想食串燒都諗起哩間😍因爲串燒既種類好多，有唔同既海鮮，肉類同蔬果類而且選擇都唔少啵😋😋燒牛舌真係首推呀，口感勁正，燒得岩岩好唔會好硬，加上香濃既牛味😝燒羊肉，好有羊肉味加上蒜蓉醬，估唔到都好夾啵，燒雞軟骨加上少量既肥膏，邪惡得黎好美味呀，值得輕嚐啵🤩燒雞腎既口感好鬼正呀，好爽，味道好濃郁🍢🍢燒午餐肉好厚身，第一次食原來好出色😋😋雞大雞髀係限量供應既，大隻過我既手掌呀，而且好熱，雞肉滑得黎唔會生😍燒油甘魚鮫，一上枱已經好吸引喇，超級熱，魚肉好滑，好香好好味呀🤪🤪燒金針菇，大大盤，菇味好濃配合埋調味粉唔錯呀🤗燒茄子無令我失望，大大條，燒得好入味😍蕃茄炒蛋好有大排擋既味首😍😍😍勁多蛋，勁興奮🥰芝士撈公仔麵🍜好邪惡，但真心好好食，芝味好濃厚，正！

經過看到這間串燒店款式都頗多，有海鮮、豬牛羊雞和菜蔬等，看見價錢都幾平民，就去試一試它吧。「蒜蓉燒鮮味大海蜆」1份有6隻，每一隻都有不少蒜蓉，一啖蒜蓉一啖蜆，好味！「燒魷魚鬚」把魷魚鬚切成細段，讓人更易嚐到燒新鮮魷魚鬚的美味，烤的脆脆的口感。「錫紙燒雜菌」一盤份量滿滿的蔬菜跟菇類，在湯汁中隔着錫紙盤燒製，當中有娃娃菜、雞脾菇、金菇、冬菇，非常抵食。「燒流心芝士年糕」芝士軟心份量剛好，年糕用了油泡方式處理，比較油膩。「燒肥牛金菇卷」外表正正常常，一串都有3隻，但表面灑得太多孜然粉 偏重口味！「燒北海道粉絲活元貝」大大隻元貝，加上粉絲蒜蓉的配搭，還鋪滿整個扇貝殼，每一口都是蒜蓉和粉絲，很足料！「川北炒米粉」雖然配料略嫌普通，有雞蛋，香腸和椰菜絲，頗有家鄉的味道。「烤五花腩肉串」這個很抵食，$18有3串，一串$6，比一般串燒店平，而且味道算不錯。「燒日本一口和牛粒」個人認為太乾身，醬汁多些會較好。「燒大雞脾」物如其名，大大隻，性價比高，表皮炸得有點燶，但內裡的肉質都好嫩好滑。.店舖雖然座位不多，但服務都不錯，上菜快，期間有不少人買外賣，可見這裡性價比高，吸引不少街坊光顧。

好朋友成日話旺角砵蘭街呢間串燒王點好食點抵食👍👍我今日放假就來試吓。惹味燒蒜蓉扇貝帶子$58/2，啲帶子出奇地新鮮和彈牙，好大隻，好味。😋蒲燒原條秋刀魚$25/條，好大條呀，佢燒又唔會乾喎，又有魚油香😋燒流心芝士年糕（2件）$28，年糕外脆內香軟👍燒有機菠蘿$14/串，啲菠蘿好甜呀👍燒日本一口和牛粒$25/串，和牛粒鬆軟有豐富的牛味，入口即溶。沙嗲雞肉串$16/2，雞肉好滑唔痴牙，串燒雞腎串$10/串，抵食香口又爽脆。

餐廳屬於小店形式，有6張餐桌，大概容納到20人，裝修簡單，食物價廉物美。成枱燒物都又平又好食😋，等我節錄幾樣最正既出黎講下😆：🍆燒茄子真係好好食！！燒到又林又香，超多蒜蓉，勁惹味😋。🐟多春魚有六條，每條都燒得好靚好完整，真係好考功夫👍🏼🌽原條牛油燒粟米切開分2條上，好香既牛油味，粟米粒粒都清甜有口感，火喉拿捏得好好👍🏼。🍢燒豆卜外皮燒得好香脆，塗上蜜糖味道更佳，內裡軟熟，口感一流。🧀芝士年糕外皮燒得金黃香脆，內裡芝士係流心的，咬落好煙煙韌韌，2粒唔夠喉😆。價錢：💲235 / 2ppl味道：😋😋😋😋😋

價錢合理，串燒選擇多，似日式串燒，食物偏甜，叫咗小辣，可能蒜蓉太甜嘅關係，無乜味，自己再加調味料就OK包裝唔錯，但紙袋包嗰啲就濕了穿左燒完隻魷魚筒，原本以為係一份小食，切開一條條果種，原來實物係咁細條一串😅秋刀魚抵食，不過蒜蓉都係太甜雞軟骨午餐肉抵食，厚切五花腩ok雞心燒大腸，呢個燒到有啲脆幾好燒菠蘿🍍估唔到咁大串燒粟米就一般，唔似燒，好似蒸熟之後火槍係個面噴左幾下燒豬頸肉，大大串燒羊肉串唔影，好一般似無調味燒雞子

食物偏甜 系外賣APP上面叫嘅 叫左鹽燒白鱔魚 鹿兒島一口豚肉 川味麻辣田雞串 厚切牛舌心 芝士燒扇貝帶子 蒜蓉焗西蘭花蒜蓉焗西蘭花竟然有燒汁系底⋯成兜嘢甜到漏豚肉食左一啖 好肥膩嘅感覺 無第二口嘅衝動⋯田雞串係無頭嘅田雞全隻上，不過都無咩特別嚇人，味道就係成口孜然粉嘅味道 食唔到其他（如果你有叫辣會食到埋辣粉嘅味道），肉質好鞋，食左大比位就無再繼續，牛舌心算係咁多個之中最正常，無功無過。帶子唔新鮮好腥。白鱔好瘦好細舊 無入口留香嘅感覺，仲有陣泥味.六個送 加埋運費$224 係我食過最難食同最唔抵食嘅燒烤

旺角好食串燒😍提起旺角，大家第一時間係會諗起創興有咩食，但最近創興後面既砵蘭街就開左間食串燒既叫「串燒王」，雖然同一條街至少有四間都係食串燒，但好唔好食就見仁見智，言歸正傳餐牌選擇都好多，而且價錢比起出面大部分串燒店都要平，首先叫左個燒菠蘿 菠蘿表面燒到少蕉，但𥚃面仲咬落啖啖汁，唔乾水，好味😋之後就到雞泡魚乾，食落質感同喺日本食過嘅一模一樣😍😍😍😍估唔到喺香港都食到食得串燒點會少得蒜蓉金菇，造法比起其他唔一樣，佢係用錫紙盤加調味料去焗，有燒烤味道之餘唔會太乾水，食法比較特別金菇肥牛，不過不失，唔會太多孜然粉令到佢太咸仲叫咗個鰻魚炒飯，話就話$48一碗，但我見到個份量話四個人食都唔過分，仲要用匙羹裝每一啖都有手指頭咁大既鰻魚🤤🤤🤤 叫咗蒜蓉燒生蠔，蒜蓉分量超多而且生蠔燒到啱啱好咬落仲有汁，不失水準之作👍👍👍👍其實仲有好多不能盡錄😂😂，食咗差唔多20樣嘢埋單都係七百幾蚊但係飲飽食罪，連第二朝早餐都食唔落，喺香港食串燒來講真係唔知係邊度搵👍👍👍👍🤤

旺角近朗豪坊缽蘭街比我發現咗間正野！由四川人開既串燒店，仲有港人最愛既海鮮，價錢合理。鋪頭門口有鮮明既紅燈籠，入面都算乾淨企理，仲有唔少外國友人一家人食添！睇菜單真係好多選擇，尤其係海鮮：有鮑魚、象拔蚌，又有和牛、鰻魚，任君選擇。焦糖青蘋果鵝肝多士（$58）新版本無左片青蘋果，店員話客人反映青蘋果味道太酸太出，所以宜家只會有蜜糖同鵝肝喇~細細塊好易食！入口即溶不錯不錯。燒蒜蓉粉絲活象拔蚌（$32/隻）被蒜蓉同粉絲掩蓋了！足料！燒雞心串（$18/2串）還有鹽燒白鱔魚（$38/串）撒了內地串燒必落既孜然粉，好有風味，如果唔食辣記得講聲啊！再來惹味蒜蓉燒原條茄子（$28/條）仲有另外一款芝士燒（$38）不過怕漏，就食翻蒜蓉，好好味啊！必點！鹽燒白鱔魚（$38/串）皮脆柔嫩！聽講麻辣香鍋其他分店有，旺角呢間如果快D推出就好啦！總括黎講，呢間串燒店係可以適合家庭、朋友、情侶黎慢慢食、慢慢傾，店員都好有禮貌，值得再來哦！