影片
開飯介紹
主打港式串燒的地區小店，供應多款海鮮、肉類等，食客可以自選辣度，選擇豐富且定價相宜，是聚餐、宵夜之選。
繼續閱讀
營業時間
今日營業
18:00 - 03:30
星期一至日
18:00 - 03:30
以上資料只供參考, 請與餐廳確認詳情
有關獎賞計劃
今日行過哩間鋪頭，睇落去唔錯，好有深夜小食堂feel，咁試試。餐廳唔算大，得7-8張台。燒烤種類豐富，海鮮肉類蔬菜好多可以揀。可樂，食串燒點少得可樂，可樂夠曬冰凍，氣泡十足，飲落去解膩又清爽。蒜蓉粉絲燒大蟶子皇，燒得火候啱啱好，蟶子肉嫩滑多汁，完全唔老。蒜蓉同粉絲嘅搭配簡直絕配，蒜香濃郁又唔會蓋過蟶子嘅鮮味。五花腩肉串，五花腩肉肥瘦均勻，燒到油脂半融，肥肉部分香而不膩，瘦肉嫩滑。再落咗少少孜然同辣椒粉，可以平衡咗豬肉油膩，又增添異域風味。娃娃菜，火候唔錯，娃娃菜保持爽脆口感，完全唔會過軟或過生。簡單用豉油同辣椒粉調味，娃娃菜食落更加鮮甜。燒免治雞肉棒, 免治雞肉棒燒得外脆內嫩，完全唔會乾柴。最驚喜系入面混咗啲雞軟骨，層次感爆棚。雞中翼，雞中翼燒得外皮脆得嚟帶啲甜味，咬落去肉質嫩滑，完全唔幹，調味簡單但夠曬經典。惹味臺灣腸, 臺灣腸肉質扎實又彈牙，調味帶啲甜香，好有臺灣風味。臺灣腸炭火燒過之後，表面微焦，香氣更加濃郁。牛肉串，牛肉串生熟度掌握得perfect，咬落去軟腍又多汁，完全唔會韌。炭火香氣滲入肉中，表面微焦，內裡粉嫩，突出牛肉原味。薄切牛舌，炭火逼出牛舌嘅油脂香，口感爽脆又帶啲彈牙。錫紙燒雜菇，雜菇種類豐富，金針菇、香菇、杏鮑菇樣樣有，口感層次十足。錫紙焗住燒，菇類嘅水分同鮮味完全鎖住，超級juicy。
繼續閱讀
❤️蒜蓉鮑魚2隻 勁多蒜蓉還有蔥。勁香！❤️麻辣汁燒花螺上枱時重冒煙！熱辣辣。同樣有蒜蓉和蔥。份量也頗多。❤️鯖花魚我最鍾意食鯖魚！鯖魚煎過十分香！旁邊有大量的蒜蓉。唔洗撈蒜蓉已經好香。❤️秋葵落了孜然粉少少辣但香口👍🏻。口感爽脆。❤️雞軟骨2串同樣落了孜然粉。軟骨十分脆口。❤️雞中翼皮脆肉嫩，肉汁都給鎖住唔會乾爭爭。❤️菠蘿酸酸甜甜又多汁😋。全部串燒都叫了走辣。最後叫埋飲品「IF椰青水」正好清清熱氣。清甜解渴，配串燒食是絕配👍🏻！
繼續閱讀
喺旺角做完嘢，到咗食飯時間又唔知食乜，行行吓見到間串燒店，諗都唔諗即刻同同事入去開餐 鋪頭外面有霓虹燈招牌，夜晚都幾搶眼地方唔算大，有種街坊聚腳嘅親切感，好啱同朋友吹水食宵夜👍🏻串燒可以選擇唔同辣度，我哋揀咗小辣，都好惹味蒜蓉茄子 $38茄子夠冧身，吸晒蒜蓉嘅香味，一咬落去，柔滑又濃郁，好似成個口腔畀蒜香包圍住👍🏻雞軟骨 (2串) $28爽脆彈牙，外層燒到微焦，配啲辣粉同孜然，好啱慢慢咬住嚟食，愈嚼愈香雞皮 $28好邪惡嘅雞皮🤭薄薄脆脆，燒到金黃，有啲焦香又唔會太油雞中翼 $36 (必食)外脆內嫩，醃得入味，少少辣但唔會搶味，食完一隻又想再食第二隻🤤牛舌心 $45 (必食)切得厚薄適中，燒到微焦又唔失彈性，啖啖牛味配上川式調味，掂豬頸肉 $35平時食串燒好少食到豬頸肉，燒得岩岩好，微脆、中間嫩滑，油香四溢👍🏻鮑魚(2隻) $58鮑魚燒得好香，上面佈滿好多蒜蓉，口感又唔會俾太多蒜蓉味冚過啲鮮味，啱啱好👍🏻呢間串燒真係集齊香、辣、鮮、脆、嫩👍🏻做宵夜真係啱晒👍🏻👍🏻
繼續閱讀
旺角朗豪坊附近有間串燒店 位置方便. 食物即叫即燒，熱辣辣好惹味. 辣度可以揀大中小辣或者唔辣。我地兩個人叫左好多野食. 佢地實在有太多選擇! 沙嗲雞肉串 , 雞軟骨 , 雞中翼 - 雞肉串肉嫩多汁，調味剛好帶有沙嗲花生香味又唔會太辣。 雞軟骨爽口香脆好惹味. 燒茄子蒜香味十足, 分量大, 原隻開邊燒。食到舐舐脷翠玉瓜 - 真係好驚喜 . 好多汁外無香. 內裡多汁. 五花腩肉串 - 焦香外層, 油脂燒到焦脆, 食落爽口. 阿拉伯羊肉串 - 呢款串燒嘅調味香料味足夠重。羊肉唔會太騷，肉仲好腍土豆片- 好爽口 薄片好似食緊薯片. 好惹味. 蒜蓉原條茄子燒茄子係食串燒必食嘅，呢度火喉燒得剛好，超多蒜蓉、味粉都落得好足夠，超級入味香蕉, 饅頭片 - 正常發揮. 下次可以試其他野食. 佢地串燒嘅火喉真係好出色. 串燒王📍旺角砵蘭街147號祥興樓地下A號舖
繼續閱讀
在旺角搵食中見到呢間串燒王，被佢哋嘅懷舊裝修feel吸引住，霓虹燈招牌甚有氣氛，好似番回以前時代咁，我地都想食下串燒，價錢抵食，坐低食下串燒確係正，便進入開餐啦。錫紙花甲粉， 蜆肉鮮，粉絲索晒汁，夠晒味。燒鱔，厚身且彈爽可口。羊架，有羊騷味調味夠惹味。燒金菇同秋葵，加上辣粉味道唔錯。牛肉燒得剛剛好，肉汁豐富，完全唔會乾。叫埋2支烏龍茶，解渴解辣。#串燒王 #旺角 #旺角美食 #惹味#抵食 #花甲#懷舊 #串燒
繼續閱讀
您可能會有興趣的...