串燒燒烤專門店 (已結業)

屈指一數，應已有年多兩年沒有走入電影院了。前陣子收到了某套賀歲片的贈券，本來對這類胡鬧不已但求過年開開心心"笑"一餐的片子完全沒興趣，但為了尋回從前入戲院看電影的昔日情懷，再加上不想白白浪費主事人的一番心意，也就特此向小友請了半天假，好讓我兩口子去拍吓拖看場戲....看戲前抓緊時間先去醫肚，小弟建議去找好久沒一齊嚐過的串燒。尖咀山林道一帶串燒店林立，當然很容易就找到落腳點了....看到了這裡的招牌，立時想起了這兒好像是我的一位老友的朋友開的。太太此時馬上whatsapp給老友告知我們來試一下，小弟馬上笑說她是不是想有甚麼特別的優惠呢 ?....看一看餐牌，串燒款式也蠻多的。平均每串消費約幾十大洋至過百不等，也不算是太過便宜 (吃串燒的消費一向都並非是省錢的玩意)。第一次光顧"生面口"的店通常我都不會敢叫太多東西的，故此也就隨便叫幾款來試試....下了order後開始等，一等便是差不多二十多分鐘。串燒要花時間將材料生變成熟要耐心等候這簡單道理我當然明白，在其他地方(包括香港及日本)光顧串燒店居酒屋自問也不算少，但等了差不多半個小時也未端來一串東西來，未免是有點太過了吧 ? 而且環顧四週，

聽朋友講過好多次, 一直抽唔到時間去食。今次終於抽到少少時間, 即刻出佐敦山林道食串燒!去到山林道, 搵左一陣, 原來係巷仔入面…講真有少少難搵…入到去望下周圍裝修佈置, 幾靚仔的的色色咁:坐定揀野食先, 種類算多, 就算無選擇困難症既我都揀左一陣先有定論。惹味燒韮菜:一上到黎已經聞到好香, 落埋孜然粉更加不得了!如果係鐘意食韮菜, 呢個係必食之選。之後係燒龍蝦肉丸, 車厘茄串, 燒鮮冬菇串, 6寸珍寶香草肉腸, 燒汁八爪魚:每種都香咪四溢, 食落都幾好食。值得一提既係個車厘茄, 真係好多汁!!跟住到肉類啦。脆燒雞皮, 燒雞腎, 脆燒雞軟骨, 黃金蒜蓉燒扇貝:試左個雞腎先, 唔算太有驚喜, 不過不失。扇貝就推介既, 夠鮮甜, 加埋蒜蓉都幾香口。反而第一次食雞皮, 有驚喜, 未試過既朋友可以一試。燒汁牛油栗米:夠香, 不過我自己覺得一般, 可能因為我鐘意食多汁既鮮栗米, 而我朋友就讚。最後係原條茄子: 從可樂對比返個比例, 已經可以睇得出有幾大條……見到都真係嚇親!茄子本身好食, 配上上面既野好香～總括黎講, 其實好多野份量都足夠, 呢次係一男一女去食, 大家都食都捧住個肚走。埋單唔算貴

一支公收工黎食宵夜坐落去發覺冇咩油煙味 抵讚！蔥 好正好香好爽味道一般 勝在配料特別自己好鍾意食牛油金菇呢度既金菇好多好足料 牛油味唔太濃 味道淡左d 金菇唔係好入味如果價錢平番少少就好

成日行過嚟間串燒都，聞到好香好想試下，不過次次都好多人等緊，所以都未有機會食， 今曰再次行，過終於唔洗等位啦，可能因為仲早，所以唔多人，我同男友都係＂燒＂物 嘅狂熱份子對＂燒＂眞係好有要求好厭尖。第一 轉叫小小先試下得唔得先，唔得就即閃~先叫我 最愛嘅燒雞翼，和牛，bb露荀,男友只叫了燒羊架，其實我唔太鍾意，因為接受唔到羊架d “蘇”味。但係見到旱男友食得津津有味，所以試咗一件。估唔到……連我都接受到。 唔太“蘇”，仲有濃郁既香草味。而A4和牛同bb露荀，係我嘅極力推介讚 好，真係鮮甜架,出面係小小燒過金黃色,但 一d都唔燶,又唔會好乾,好得ga,我地仲N call 左2次吖！！和牛ok，都唔un，不過絕對唔係極品入口會溶個d,但$48算係咁。食完之後 男友已經話睇下仲有咩食再叫多d喎，有扇貝， 虎蝦，雞皮，蠔等。 虎蝦及扇貝都唔錯,因為真係夠新鮮，但無咩咁特別 ,因為好多地方都食到嚟個水準。 雞皮係一定要食好脆燒到啱啱好燒哂d雞皮油出嚟,食落係香口,而唔會油淋淋，讚！ 之於肉類大致上ok，因為全部都真係有奄過， 係入味架,仲要燒得好,最緊要唔會燶之外,都要夠香口,咁先叫串燒架嘛！ 伙

今日放早，早左成個鐘個friend先出到黎同我去買波鞋，未到時間一條友最初諗住食個下午餐，行左幾間茶餐廳都唔知想食咩。anyway，最後決定係試下一人串燒。餐廳佈置好舒服，所有嘢都係黑白為主再用紅色做highlight，餐檯，餐牌，鹽同胡椒粉樽，連牆身嘅畫都係黑白紅三色。非常細心的設計，值得欣賞！串燒選擇好多，我專登揀啲細份量啲嘅，精心挑選之後order左三碟，有香草牛油燒花甲，海鹽燒瀨尿蝦同秘制大蔥雞串。先講花甲，雖然花甲唔係好大但係連同青椒紅椒一齊燒係真係唔錯，同泰國啲燒唔同，呢度無同醬料一齊上，相反地咁先食到新鮮嘅花甲味。燒瀨尿蝦係我今個下午茶嘅最愛，瀨尿蝦超級大隻，廚師燒得剛剛好，啲肉好好食，好實，由於瀨尿蝦size唔細，都幾多肉食下。我加左啲胡椒一齊仲香啲添！最後輪到飽肚啲嘅大蔥雞串，同樣地廚師燒得剛剛好，大蔥咁燒法都係第一食，加有小小鹽鹽嘅醬料味，雞肉連同燒到香口嘅大蔥一齊食落口，好夾，值得一試嘅。

上周跟友人去此小店，看到評語so positive...以為信得過。叫了「牛舌」、「十0寸虎蝦」、「秘汁矮瓜」、「鷄翼」。當晚訂了6點，不知道是否師傅剛開爐火，菜式僅僅「暖身」？串燒係暖食嗎？ 咬一口，就知道選擇了個笑話！「牛舌」做乜個皮「硬掘掘？」「十0寸虎蝦」冇乜肉，好slim, D肉質乜又係暖，我望下餐牌，莫非師傅比個surprise, 比左刺身上枱？「秘汁矮瓜」，真是全晚最真實，因為真是....................矮矮矮矮矮矮矮矮矮矮瓜。「鷄翼」，冇特別，又係冇熱力.地方環境not impressive.

Went this funny shop last nite with a group of friends.We arrived around 7:30.The place was not too crowded but we hv located the outdoor table. Feel comfortable ........We ordered lamb, corn,chicken wings, gilled pork belly,garlic eggplant,garlic scallops, cheese oysters,squid stuffed with sticky rice and a lot of others food, I forgot exactly ! Fresh thick eggplant are used here and topped generously with chopped garlic.I really liked its lovely mushy garlicky taste.The grilled pork belly was

約左一大班朋友，諗住happy hour,點知今日五點已收工，唯有獨自行下街，想去睇場戲先，但又好似吾夠時間，最後都係決定坐低食小小野算。反正約好喺山林道飲野，就先到山林道吧，原先想食茶記，又好似坐吾到咁耐，諗諗諗，行行行，見到間串燒剛剛營業， 毫不猶豫走進去，反正每次食串燒都要等鬼死咁耐！驚喜點一：環境勁正，攞正牌食煙，因有露天位。驚喜點二:可能冇乜人，上菜鬼死咁快，諗住坐耐D，有D捉虫，唯有叫左支紅酒慢慢㗳 ，二百幾，底飲。驚喜三：食物質素oK，點左韭菜，辣味正，又燒得香。燒雞子香口。牛舌彈彈下，口感十分好。魷魚糯米飯，煙煙un un ,口感有趣！驚喜四：最後叫埋D朋友到來，佢地又肯，結果我們happy hour 的地方就是串燒店，又有野食，又有酒飲，有趣有趣。

呢間嘢次次經過都爆埸，終於(的)起心肝打去book 位，都係凈番outdoor 位，於是照殺晚上天氣轉涼，呢個疑似老闆嘅靚仔好細心，開行個暖爐，正！户外都暖笠笠！！！我地兩個人點左魷魚筒飯，麻辣雞翼，燒鮑魚，燒茄子，牛舌，啤酒。先講魷魚筒飯，醬汁甜甜地好醒胃，魷魚彈牙有咬囗，個飯腍腍地夠入味麻辣雞翼，夠麻夠辣好刺激！燒鮑魚質素平平。茄子一流，賣相雅緻！茄子，肉碎，红椒絲，味道好夾！牛舌夠厚身，有咬口，仲保持到肉汁，一啲都唔韌！鹽燒效果好香囗飲酒飲飽了，食唔到多嘢，下次一定要試十吋虎蝦，應該是招牌菜吧！我見人地隔離枱個女仔攞住隻蝦狂照相，真係幾大隻！

自從上年到過日本吃日式串燒後,在香港已經沒有一個地方覺得串燒能夠好味，所以今次也沒有什麼期望，只是諗住吃一餐晚飯而已，但.....竟然吃到這樣高水準的串燒，真的十分驚喜。以下是我一點分享:汁燒鮑魚，非常入味，口感彈而有實淨的感覺。魚香燒茄子，有點辣，豆瓣醬很香，茄子加上肉碎非常好味。燒春雞，比想像中細隻，但很入味，表面有點脆，而肉仍然嫩。芝士燒大帆立貝，的確很大隻，比一隻手板還要大。還有期待的燒雞皮虎蝦，果然聞名不如見面，雞油滲入蝦肉的口感的確一流。有點失望是1664支裝原來比起杯裝淡。

本人覺得出外吃飯，除了要吃食物質素外，還要吃食店的環境，見這店環境吾錯，於是帶埋女友到這裡，度過我們第一個週年紀念 。首先要多謝店員幫忙，因訂枱時已 request 左，希望有個特別的座位，最後按排左一張户外的高枱，女友亦十分喜歡。這裡除了環境好，食物質素亦有水準，先說牛舌，非常有牛味，彈牙好味！A4牛柳粒雖不算入即溶，但亦有咬囗！汁燒冬菇一點也不乾，未吃時還傳來冬菇香味！燒雞子口感特别！燒鮑魚口感豐富，肉質爽彈，賣相精緻！8吋蒜蓉蝦，十分大隻，女友見到後還尖叫出來，她說真的有8时，而味道亦非常好味，不會太油，亦不會太乾. 希望兩週年也有機會再來！！！

原來男人食飯聚會，也需要上網搜尋一下地方的，諗落都有點奇怪，哈哈！！ 活在民主的地方，我們八位專業人士當然是選擇投票決定在那裡吃吧！！7比1……選了這個有露天座位，可吸煙，又不是太高尚，可高談濶論，大吃大喝而又不是太“地茂”，不失我們身份的這個……串燒店,的確是好地方!!我們一行八人準時到達，自備红酒，未點菜，先要開左支酒breath一下。最後決定先填肚，再嘆酒。特別要提一下雞皮燒虎蝦，雞皮外面燒得十分脆，灑上一點海鹽，非常惹味 ，幸好各人女友不在場，因吃下這塊雞皮的話，必定被罵得狗血淋頭 。虎蝦肉質更見幼嫩，口感彈牙，亦頗大隻，燒烤時間恰到好處，而雞油滲入蝦肉中，提升不少蝦肉的鲜味。 我們一共點了16隻，有點誇張吧…… 但真的是必食推介。其他燒物不過不失，最後點的佐酒小吃出奇惹味，雞肝，雞心，雞軟骨等。自備的三支红酒當然不夠用吧，唯有向店内的埋手，驚喜發現一種Agrentina red wine，絕對值得推介。我們談完奧巴馬，再談習近平……當然還有其他……哈！十分高興的一個沒有女友在身邊的晚上！

今日其實約咗一大班舊同事敍下舊，點知好多人都要開OT，得番小猫幾隻，所以食唔到大餐，轉戰串燒。大家一坐低就係咁叫野食，有火箭魷、芝士腸、香草肉腸、燒魚餅、皇牌肉汁燒極品黑豚鞍、海鹽燒巴西厚切牛舌仲有紫蘇葉香燒羊仔鞍。好彩啲串燒唔大份，如果唔係一定食唔晒。不過個火箭魷、黑豚鞍同羊仔鞍真係好大件呀。個火箭魷有25cm長，仲長過我塊面，師傅燒得剛剛好，好脆好嫩同好鮮甜。個黑豚鞍都係好大塊，燒到金黃色，望到就已經流晒口水啦，當我大大啖咬落去果時，啲肉汁就流晒出來，真係好好味。師傅推介羊仔鞍，佢將個羊仔鞍的肉汁鎖住係個入面，外面就燒到好脆，口感一絕。有樣串燒好特別就係牛舌啦，我好小係出面食到；佢地的牛舌真係好大塊又厚(雖然個名都講明厚切)但係真係估唔到有差唔多一寸咁厚，呢個的口感有啲特別，脆脆地又林林地，好得意，但係唔蘇好好食。啲腸仔條條都好長，應該有6寸，燒得好香，唔知係咪佢地啲貨入得好，所以覺得係出面食唔到。最後仲有燒魚餅，佢地味到好特別，我唔知係咩味，只係知道佢地落咗啲香料入去，令到塊魚餅好香。我一定會再來食架，因為仲有好多串燒未試，下次同你地再encore。

每次來到山林道，有2樣野會發作，1.身痕：到羽毛球店出血。2. 選擇障礙症發作：太。多野食吾知點選。點知去到山林道俾個女人二話不說一手捉住我，便拉我到 "串燒燒烤專門店" 吃串燒。好像驚我會發作。入到店內環境舒適，還有戶外地方，可供喜愛食煙既人，又有音樂播下，是個不俗的地方。一坐下點知係個女人發作：亂叫。不一會串燒已放左我眼前了。1. 照燒牛肩胛：牛肩胛很淋身，很有肉味，加上祕制醬汁。另到件牛肉更堅，又吾會搶去本身的牛肉味。正！2. 燒日本鰻魚：本身已經很正，當然加上祕制醬汁。更正係張件鰻魚燒到有脆口，呢下既心機技巧真係有難度。正！3. 燒豬心(是日推介) : 呢個真係未食過，但出奇地香又惹味，左酒一流。正！4. 煙肉芝士脆燒日本廣島蠔：日本廣島蠔已經吾洗講啦！芝士燒得好脆加上煙肉既香，點可以吾食吖，我一個人已吃了2碟。5. 黃金蒜蓉燒日本廣島蠔：又食蠔！不過吾緊要，黃金蒜蓉WO，加日本廣島蠔，又一個人2碟。還有其他的翠玉瓜，粟米，露筍，燒茄子.......也是很精彩的。整個晚上吃串燒吃得很開心，價錢都係約不太貴，不過今天吃了禁多日本廣島蠔，今晚又吾得閒喇。

Happy friday,我們班朋友出外揾食，今次輪到本小姐發板，上網搜尋一番後選擇了這小店。點了以下食物:1.燒雞皮……惹味，非常脆！！2.燒雞肝……外脆内嫩，亦非常惹味！！ 3.燒韮菜……質地吾乾，有少少辣味，送酒必選！！4.燒粟米……除牛油味外，還有其他醬汁的味道，但份量太少，還以為是原條燒的，有點貴！！5.蒜蓉燒大虎蝦……非常大隻的虎蝦，而蒜蓉味亦香濃！！6.燒羊仔柳……惹味但有點"un" ！！7.魚香燒茄子……只能說好好味，香加辣，激讚！！ 8.燒花甲……雖然好有香草味濃，但燒得太乾！！ 9.燒豬頸肉……帶點清檸香而十分彈牙！！10.牛柳粒……牛味濃但好像燒得有點過火！！ 室內環境有點逼，但尚算舒適。下次有機會可以試下室外。