串燒燒烤專門店 (已結業)

最近發現公司附近開左間新食肆, 剛巧有朋友生日, 就提議去呢間串燒店試試吧! 我們一行七美女, 合共點左十九款串燒 實在多到不能盡錄, 講講Signature dish 吧!!!麻辣雞翼 -  我本身唔鍾意食辣, 但都覺得非常美味, 辣度適中, 食晒隻雞翼, 麻麻地嘅感覺仍流離於口腔之間, 相信這就是齒頰留香吧黑豚鞍 - 肉質嫩口彈牙, 它的秘製肉汁真係頂呱呱, 味道甜甜地再配合本身嘅肉汁, 巧Juicy 啊燒虎蝦 - 大家一見到隻蝦咁大隻已經雙眼發光, 爆多芝士, 超香啊! 肉質鮮甜爽口! 正!!! 仲要細心地剥左一半穀, 好樣我地食得更有儀態, 抵讃!!!其他食物, 如茄子, 燒蠔, 牛舌, A4 牛都有米芝蓮般嘅水準, 香口惹味, 同時保持食物本身嘅汁, 真係令人回味啊!另外, side dish 亦見心思, 有木魚絲, 紅椒絲, 蕃茄仔作陪碟, 令原本美味嘅食物更錦上添花最後一定要提提香檳好飲, 除紅, 白酒外, 連啤酒都有幾款選擇, 啱晒我地啲酒鬼 飲飽食醉後, 埋單只係$320- per head, 超值!我已經約左朋友下星期再食過! 哈~

幾個朋友一齊入去呢間餐廳就係喜歡佢戶外有煙食可以吹下水食下煙、點知入到去戶外已經無曬位，咁好啦、坐室內啦，叫店員戶外有坐留返俾我地，十五分鐘之後野食到，咁啱出面又有位，出去坐先食物質素ok,因為我喜歡食辣佢D野夠味，推介牛舌和火辣牛丸，食左接近三個鐘都無俾人趕走因為入夜人唔算多

竟然比我搵到間咁正既串燒！！收工同埋一大班同事同啲客係附近飲完野，就去附近睇下有咩食，見到呢間串燒門口超多人！行入去問下要等幾耐，個waitress話會盡快安排!咁我地就等下啦,點知傾傾下計 7,8分鐘就入到去啦!!因為只可以up8張相既關係,有好多環境同食物相都up唔到,唯有分開upload入到去,餐廳以黑白色為主,佢唔似一般既串燒店既裝潢咁簡單!設計比較有格調,亦唔似串燒店咁咁嘈!呢間即使同客去食都唔會顯得CHEAP!!正!!!高級既裝潢,惹味的串燒！！點左超級多野食！一開始啲野食黎到，太香搞到太肚餓。。完全唔記得影相。。我地全部都係食肉獸同埋食海鮮獸哈哈！！！所以叫左好多肉類同海鮮！！一開始黎既串燒而又一定要推介既係：車厘茄蒜燒煙肉卷,蒜燒雞脾姑煙肉卷,煙肉燒蠔卷等等,同埋各種既肥牛卷都要叫!!因為呢間啲肥牛好靚,啲汁燒得好入味,唔同類型既肥牛卷都好match!!very good!!唔駛講,食串燒,雞肉牛肉羊肉豬肉串係必嗌架啦!特別係A4和牛牛柳粒!!!超級好味!!!!!好明顯係食得出同平時既牛柳好唔同,餐廳老闆一定係有花心機既挑選!!平時既牛柳應該要咬好多下先吞到,但呢個我咬

原來係條行仔入面有間串燒店，地方幾特別，仲有個露天，位對於喜歡吸煙嘅我當然坐outdoor啦！！雖然張枱吾大，但係D員工收碟好快所以吾會好逼！！一行3人食左個麻辣燒雞翼超正夠麻夠辣！！牛舌超彈超爽！燒扇貝D芝士超正！茄子太細碟要order兩次！！！芝士牛柳好好味芝士味好農！！仲有食左個黑豚鞍同D貝殼類都OK！！食物 環境 加員工服務態度一定要再食再食雖然三個人食左$6xx

因先前聽到朋友介紹, 抱住一試無防既心態去幫襯, 但估唔到有驚喜, 呢間位於山林道既串燒小店, 店舖雖不太顯眼, 但入到店內你會發現別有天地,店舖走型格路線, 簡潔舒適, 並有露天坐位,可與朋友在舒適環境下享用美食, 而且水食物水準高, 配搭亦非常有心思必食推介:燒黑豚鞍 - 肉厚多汁, 而且介上花紋, 睇得出店主很有心思, 有酒店水準燒A4和牛牛柳 - 肉質細嫩, 屬必食之選燒麻辣雞奕- 我本身好怕一d只係一味死辣既食物, 但呢個雞奕做得啱啱好, 辣得黎又可以食到雞味bb露荀, 加上木魚絲, 同露荀出奇地夾燒茄子舖上紅椒絲, 賣相精緻, 加上絲絲辣味, 非常野味燒生蠔亦非常新鮮juicy可惜我已經食得太飽, 已經食唔落燒大虎, 但睇到隔離台食, 賣相非常吸引, 下次一定會再黎試其他食物