串燒燒烤專門店 (已結業)

昨晚老板請食飯，經我們精挑細選後，選擇了這間串燒店。選擇這裡的目的，係因為店仔細細，我們公司一行二十人，已經可以包左室內了，這樣的環境，令我們這班嘈吵的人群，增加不少氣氛。幾乎全間店的食物，也被我們試過，整體非常好味，味道夠，多種肉類及菜類用左汁燒，不會太乾。挑選幾種特別出色的食物分享一下，先說腩肉，聽到腩肉，心裡想一定會很肥吧，但放進咀後，竟然一點肥膩的感覺也沒有，反而勁有囗感，十分彈牙。那個汁燒翠玉瓜也非常好味，以前在另外的燒烤店也試過，口感很乾，但這裡利用汁燒，有燒烤感覺之餘又不失水分，令平凡的菜式變得不平凡 。最贊就是那隻蒜燒八吋大虎蝦，蒜味已經很香，師父另外再在蝦殼放上一點鹽, 散發著鹽香，虎蝦本身的肉質也十分爽彈，極級推介。最後要多謝燒烤店老闆及侍應們，忍讓我們的嘈吵，還送了我們一支極好飲的白酒。

放工唔知食咩好， 同男友行入山林道探探， 就係俾佢舖頭個banner 吸引左入去， 估唔到有露天雅坐， 可以輕鬆悠閒地嘆串燒！好鍾意個煙肉卷燒蠔， 煙肉絕不是平時食的煙肉乾， 蠔亦好新鮮！ 燒魷魚筒飯香噴噴的， 醬汁香濃， 魷魚弹牙！ 麻辣雞翼都非常惹味 ，外脆肉嫩！ 麻辣醬恰到好處， 不會太辣， 麻麻地開胃刺激！ 另外， 好欣賞燒茄子個賣相， 以紅椒絲作點綴！ 好味又靚靚！ 燒粟米略嫌輕量左啲， 香甜爆汁！但唔多夠食

由佐敦步行到尖沙咀，諗住揾食，但去到一半，女友已無力向前行，唯有走入山林道揾食。諗住食"放題"，誰不知六點幾已經排隊，唯有立即上網搜尋，見這間串燒店的食評吾錯，於是膽粗粗走去試下，果然有點驚喜……先說一下服務，侍應的禮貌加笑容10分户外環境8分 ，十分舒服。而室內相對比較細，比較逼 ，7分。食物方面，麻辣雞翼……非常麻……還有羊鞍加上紫蘇葉味，配搭一流 。比目魚非常滑， 味道像銀雪魚， 加上一點辣粉，非常惹味！！！侍應推价我地食煙肉蠔卷，原來味道好夾，煙肉的油滲在蠔上，令蠔燒後吾會好乾！！！ 推介！！！  粟米只有3件，比較少，以為是原條燒的，有點失望！！！整體評分有70分以上！！！

朋友介紹我去呢間食嘢，我就黎試一試！我地叫左好多嘢食，首先最吸引我嘅係蒜蓉燒扇貝，上菜時已經聞到佢嘅香味！食入口，真係無得頂呀！蒜蓉味無蓋哂扇貝嘅味道，本來想叫多客，但我地叫得太多嘢食，所以就唔敢再叫，而家真係有啲後悔！另外要講嘅就係海鹽瀨尿蝦，雖然佢無扇貝咁出色，但係都好好味，雖然海鹽好似落得重手左，但海鹽同瀨尿蝦配搭得好好，所以值得推介！另外，仲有牛肩胛同芝士燒巨菇，我從來都無試過諗過芝士同菇係放埋一齊，仲要係成塊芝士放係面，其實本人對芝士真係麻麻，但因為我好鍾意食菇，所以一試，呀，又出奇好味喎，首先唔會好"漏",菇本身一咬都有汁，加埋一齊個種味道好特別，個巨茹又真係巨喎！無偷工減料……最後就係牛肩胛，完全係因為我地唔牛肩胛係乜嘢，所以貪得意叫下啦！又唔錯喎，唔“un”，口感一流，味道好惹味，正呀！除左食物味道好，值得一讚就係佢地嘅服務，雖然我個枱成日叫侍應攞呢樣攞個樣，但佢地好好招呼，完全無不耐煩，真係要俾個讚呀！

三五成群，冇個好人，六個朋友諗住揾個好地方食下飯，吹下水，立即上網搜尋一下，見到這間串燒店環境吾錯，食評又幾好，於是立刻訂位…………入到去我地坐户外座位，超級讚，環境舒適，播下D英文歌超正，最重要係可以食下煙，吹下水…… 我們都很喜歡!!!食物水準都ok,燒蠔及扇貝都好味，蒜蓉味好濃。原條魚香茄子勁推介，好好味，又特別。8吋蝦足8吋，大隻又好味。一個開心愉快左一晚，9:00坐到12:00，每人都係$280，我地其實覺得好抵食！！！ 還要稱讚一下禮貌的侍應們!!!

今日同友人行TST因為聽人講呢家串燒幾好味所以就去左呢家試下扎幌芝麻雞翼同四川麻辣雞翼好好味 D雞翼燒得岩岩好,雞肉好嫩加埋芝麻真係好香口,而四川麻辣雞翼辣得黎夠香口令人一試難忘!扎幌芝麻香燒餃子雞翼除左有芝麻香味加上熱騰騰既餡料口感變得豐富芝士燒巨菇係驚喜之作!粒巨菇燒過之後鋪上燒過既芝士同煙肉煙肉増加左咬口而芝士増加左黏性配上巨菇真係好好味!皇牌肉汁燒極品黑豚鞍黑豚鞍好有彈性加上肉汁好JUICY!秘制醬燒大蔥雞串雞肉嫩口蔥味配合埋秘制醬汁好味得黎又唔會喧賓奪主搶左雞肉既味道試過呢幾款之後我和友人都好滿足 有機會一定會再試更多款

有個台灣朋友黎香港,諗黎諗去都唔知食咩好,咁啱行過見到呢間串燒舖見涼涼地,呢期好鐘意飲啤酒,食日式串燒啦~又可以飲野又可以食嘢又可以傾計就行入去試下啦~店舖裝修好特別,仲要有室外又有室內,想坐得RELAX D所以都係揀左OUTDOOR啦~串燒都有好多選擇~仲有唔少係特別嘅串燒平時我都好鐘意食串燒,所以今次可以揀特別D嘅俾台灣朋友試試其實雞翼果D都穩陣嘅~剩係講D比較特別嘅~海鹽燒巴西厚切牛舌 :呢個牛舌質地同平時果D唔同,唔知係咪巴西D牛食嘅草唔一樣嘅呢?不過好好味喎燒汁八爪魚棒 –鮮味得黎又唔乾身~OK醬燒宮崎黑豚肉-其實我都唔係好食豬不過台灣人就唔知點解好鐘意食豬,但係呢個豬好滑唔鞋,食落唔臭(我唔點食豬係因為好多時豬肉都會臭臭地XD),而且D油浪下浪下好香~下次可以N哥醬燒鱔球-其實我平時都好海鮮,所以對海鮮都有一定嘅要求,佢燒得唔乾身仲要有汁都唔意外,因為之前幾道菜已經知道師傅有返咁上下功力,不過佢仲要脆果下先好嘢~勁~好味嘅串燒加啤酒真係一絕!好彩無係台灣朋友面前失禮香港JE,呢間嘢真係好味~坐得又舒服~雖然貴左D不過好味嘅嘢係值嘅~下次一定要再黎!

今日行過山林道搵食，見有間串燒就入去試下，坐露天位，環境好似唔錯，點知原來依家先係序幕。叫左:燒茄子：味道其實係ＯＫ的，但啲油就多到阿媽都唔認得，失敗！燒牛舌：質感其實算係彈牙，但都唔好話原來牛舌既味，直頭連乜味都無，失敗！燒雞翼：全晚最似樣既一樣，因為落左大量日式醬油，除左甜，都係甜，不如就咁食醬油算數，失敗！燒ＢＢ露荀：如果佢呢啲係ＢＢ露荀，露筍老頭一定係巨人，條條都筷子咁長，識食露筍既人都知老既部份一定係切走，佢仲上埋碟，又多渣燒得又燶，一口苦味，食左幾條都放底唔食，失敗！原隻魷魚釀黃金炒飯：諗住叫樣殿粉質頂下肚，又話黃金炒飯，黎到入邊唔知係糯米飯定係啲炒飯比佢炒到爛晒，總之一ＰＡＴ野，把鬼！失敗！原隻燒春雞：呢味真係驚為天人，外皮林滋滋，都唔知佢係蒸雞定燒雞，總之一啲都唔香口。層皮味道就咸咸地，無乜特別，但特別在啲肉係完全無醃過咁款，味唔係無，但只係得陣雪味，個雞胸仲要嚡過ＫＦＣ，大佬呀你收成$11X一隻春雞你比啲HEART得唔得呀! 失敗中既失敗! 食左兩啖直頭叫埋單走人叫左以上既野加罐可樂同一枝細啤酒，兩個人埋單$44X，咁既價錢咁既質素去食ＫＦＣ無咁嬲。

今日放工同朋友食飯，都唔知食咩好，所以出左去先算行到山林路，好似間間我地都分別試過後尾見到呢間串燒，就試下啦兩個女仔又唔係話好肚餓，所以我地決定淨叫海鮮！哈哈煙肉芝士脆燒扇貝15cm真係好大，大過個碟侍應放上檯時，呆左一下，冇預計咁大扇貝肉厚，好新鮮，並且燒得好香，啲煙肉味好吸引加上芝士同煙肉都唔小好抵食蒜蓉燒扇貝食完大唔夠，我地再叫埋標準size嘅扇貝呢款用蒜蓉燒，食法唔同，呢個就香口啲扇貝一樣好新鮮兩款煮法其實都唔錯，各有各好由於朋友係蠔癡，所以我地就叫埋蠔蒜蓉燒日本廣島蠔煙肉芝士脆燒日本廣島蠔朋友就鍾意蠔多啲我自己就鍾意扇貝多啲啦，其實全部都幾香，熱嘞嘞咁食十分好味不過扇貝肉厚啲，新鮮扇貝又甜甜地加埋啲蒜蓉/芝士食，真係好鬼正

上次食完呢間野，覺得幾正，於是帶女朋來食多次，本想坐露天坐，點知爆矖 ，坐室內啦唯有，女朋話減肥所以唔係點左好多野，雞翼係必點之選，麻辣夠麻夠辣，對食炒飯都要落辣油嘅我就啱曬，扇貝芝士味夠濃，加上煙肉,熱辣辣好惹味，記憶中仲點左牛舌和翠玉瓜串，味道都ok,本身想傾下計，點知勁多人，都係唔好阻人做生意了……坐左一個鐘就埋單走人...可以話係急急腳咁走

星期曰晚同老公揸車去揾宵夜食， 第一時間諗起去佐敦，兜了一轉， 略嫌那些小店太地茂， 於是建議去山林道博一博， 一見串燒店招牌燈火通明， 地方企理， 仲有代客泊車呢！ 原來小店有indoor同outdoor, 蠻有情調！激讚係十吋雞皮虎蝦， 見到虎蝦size, 已Happy Die , 雞皮脆脆的， 非常可口！包著蝦身， 當然隻蝦已經剝左殼， 肉質鮮嫩彈牙， 仲有爆多蝦膏， 濃郁甘香！ 膽固醇爆標也拼死了燒魚香茄子亦有驚喜， 平時食親都係蒜蓉茄子， 這個很特別呢！ 香味撲鼻， 茄子燒得恰到好處， 絕不乾身， 要encore 多碟呢！燒雞翼亦非常美味， 雞肉嫩滑， 芝麻蜜糖醬汁香濃， 另外麻辣醬汁亦愈食愈開胃， 令人垂涎三尺！！！仲有燒牛舌， 蠔， 扇貝， 煙肉車厘茄同樣有水準， 一吃傾心！！！ 還有紅， 白酒， 香檳及啤酒供應， 同老公各自各精采！以呢個食材質素， 廚子功架， 埋單$8xx, 食到搓著個肚走， 認真開心！

去到尖沙咀美麗華停車場， 發現停車場已經爆滿，正在煩惱車拍在哪裏之時，突然想起山林道有代客拍車服務，那就山林道吃飯吧！去到山林道，又要諗下食乜好，真係唔想諗太多，於是求其入左間串燒店， 店内的環境和我想像中有很大的分別，黑白色的配搭不像一間串燒店，其實更像一間西餐廳 。點左一份羊鞍， 牛舌，茄子及很特別的燒魷魚釀糯米飯等等， 羊鞍約八成，非常惹味，一d都唔"un"， 係我近年食咁多羊鞍中，高水準店舖之一。牛舌質地特別， 海鹽味豐富 ，口感一流。 而食了一個燒魷魚釀糯米飯就更加特別，魷魚的肉汁滲透到糯米飯，出奇地夾， 爽彈的魷魚配搭"煙un"的糯米飯,讚！

一班朋友 ， 諗住搵個地方食飯傾計，行下行下， 結果去左山林道，一間係行仔入面既串燒店 ， 地方幾特別， 型格裝修， 有d似台灣小店既感覺， 地方唔太大， 但係都坐得好舒服 ， 仲有戶外座位， 不過我地選擇左坐室内， 因為我d朋友唔食煙， 咁唯有自己一個人行出去食煙啦。 食物方面都幾好食， 仲有d好特別既野食…… 雞皮燒虎蝦， 之前真係未試過，原來好好食， 隻虎蝦真係足足有八吋 ， 都幾大隻 ， 原來雞皮同虎蝦D味道好夾 牛舌都勁好味， 好彈牙 ， 超濃牛味，蔬菜類都燒得好好，唔會燒到乾曬， 芝麻雞翼燒得好香， 火喉岩岩好， 唔會燒到d肉 “鞋颯颯”， 羊架都燒得好香 ，紫蘇葉味好濃 ， 所有野都恰到好處 ， 唯一粟米比較細份， 整體食物質素及環境都ok ！！！

脆芝士燒蠔 經常行過山林道，見到佢地個招牌好多次，每次都話下次試，今次終於叫女友book枱，叫埋兩個frds試下 ！！！首先講吓環境，十個讚……   因為有露天吸煙位，座得又舒服，约埋三五知己吹下水……一流！！！食物方面係我食咁多串燒最好味嘅一間， 雞翼夠滑夠惹味！！！辣味好夠，仲有麻嘅感覺，並不是死辣！！豬頸肉好彈牙！！魚香燒茄子好特別，通常都係食蒜容，從未試過魚香茄子，原來燒魚香茄子係好好味架！！！ 芝士燒蠔及扇貝都非常好味！！！芝士燒得好脆，又有香濃芝士味，绝對係誠意作品！！！另外兩位仕應也直一提，非常有禮貌！！！樣樣都好，唯一問題係價錢比較貴，人頭要$250 ……不過食好野係要貴D架啦！！！

星期五夜晚，已經沒有年輕時不停約朋友吃飯的衝動，取而代之，是工作到八時帶著疲倦的身驅找吃晚飯的地方。是日於尖沙咀工作，工作完畢後經過山林道，看到路旁廣告的串燒，心想就算沒有約朋友都要自己一個Happy Friday，工作過後要對自己好一點，而且串燒可以一串一串單點，一個人吃也沒關係。這店位置有點有點隱蔽，不過門外有指示所以不難找。店裡的裝潢很舒服，有室內與室外選擇，天氣開始涼了，所以我選擇了坐巴里島風格的室外，輕輕鬆鬆嘆一個人的晚餐。食物種類不少，尤其海鮮種類，不過今晚只有一個人，還是下次待跟朋友一起試吧。對於「雞翼控」的我，最後點了兩款雞翼試試跟蔬菜平衡一下。汁燒BB露筍汁燒翠肉瓜扎幌芝麻 香燒雞翼扎幌芝麻香燒餃子雞翼燒汁八爪魚棒串燒整體味道不錯，是醬料及醃料關係吧。燒得不會太乾身， 這個對我來說蠻緊要，太乾會影響整個串燒的評分，就算醃得再好都大扣分。再加上環境裝修舒服，可以找個日子再跟男友再戰。