中華小館

營業中

休息中

今日放工老公帶我去咗食中餐，雖然我覺得自己煮飯嘅味道都唔錯，但係呢間真係各方面都做得好好👍🏻，環境大、枱面乾淨，最緊要係食物好高水準。👏🏻我哋食咗蜜汁叉燒，啖啖都係肉，蜜糖和叉燒完美結合，食落去有肉汁流出嚟，叉燒鮮美，肉肥瘦相宜，好適合入口。😁唔知食咩嘅時候嗌一份叉燒一定唔會中伏。之後食咗芥末魷魚鬚，魷魚好Q彈，咬落去彈牙香脆，鮮味十足，仲有木耳都好脆，而且加埋一齊炒就好香，未食就已經流晒口水。😁士多啤梨蝦球都好好味，甜甜地嘅醬汁同埋炸得好脆嘅蝦球，係幾新意嘅搭配。外皮酥脆，甜而不膩，蝦肉厚實鮮甜，食落去有咬口。😍呢度嘅裝修好靚，係喜慶嘅中國風格，有好多傳統元素，喺度食飯有家嘅味道，係一次好開心嘅體驗。😆

放工同屋企人去食晚飯，之前嚟過食一次，覺得好好味，今日再嚟多次，啲食物都係咁高水準。😘我哋嗌左四個餸，第一個係京蔥爆遼參，口味鹹甜，清鮮適合。有薑蔥爆香，放入海參和淮山，海參筋營養豐富，堅韌肥厚，肉質嫩滑細膩。😝仲有蒜容炒時蔬，蔬菜翠綠，食落去幾脆，好新鮮，雖然係家常菜卻非常美味。一碟都有好多條，幾個人食就啱啱好。😁仲有野菌炆伊麵，伊麵好煙韌，配料好豐富，麵條好掛汁，唔會太鹹，老人家都啱食，啲芽菜都好多，啱晒我呢啲鍾意食芽菜嘅人。😄最後食埋乳鴿，上菜嘅時候已經聞到香氣😁，顏色有光澤。乳鴿外表爽脆，肉咬落去好多汁😍，非常juicy，肉質都非常軟嫩。☺️阿媽食得非常開心，雖然係常見嘅中菜，但係呢度嘅食物都整得好用心，分量多味道又好，如果唔想喺屋企煮飯就可以喺呢度食飯。☺️

聚餐首選地方👍🏻環境舒服，而且有很多套餐選擇！平時只有2，3個同事一齊去食！只試過2人套餐，2人套餐都夠3個人食🙈cp值很高，人均100左右！今次一行8人到小館食飯，試了不同菜式，有一口豆腐，咕嚕肉，燒鵝拼乳豬，碧綠炒班球，西蘭花炒花枝，辣子雞，燒汁木魚花茄子😋😋😋最出色係個燉湯，每次來食都是不同的湯，很足料。豆腐外脆內軟，食到一件接一件🙈燒味非常好吃👍🏻平時很怕食肥肉的，但同事叫了乳豬，出乎意料，乳豬皮食落好脆，肉非常軟，一點肥膩的感覺都沒有，其他菜式亦保持水準。👍🏻😋

呢排灣仔呢間餐廳真系好紅🥳👍，我周圍的人都叫我來試下呢間鋪，甘我就冒名而來。首先呢度嘅餐廳職員真係要讚一讚，因為佢哋好貼心㗎，佢哋會走埋嚟問我地覺得啲嘢好唔好食夠唔夠味。鹹香金沙蝦，更緊實，吃起來皮酥，蝦肉新鮮有嚼勁，很有風味。乳鴿外皮香脆可口，咬進去肉汁結實，非常入味。鮑魚滑雞煲好大兜，好多配菜，鮑魚很大只而且很入味，雞肉鮮嫩彈牙，唔小心食曬成煲。野菌炆伊麵都好大碟，非常抵食。🐓😆中華小館果然名不虛傳啊~值得推介比更多人知道，支持廣東菜！

最近見到好多人都係食中華小館食中菜，好食得來又可以打下卡。我哋一入去，客店員好有禮貌，而且搵到一個可以比我地靜靜地一邊食一邊傾偈的地方👩🏻‍❤️‍💋‍👩🏻。服務真係唔錯而且食物質素都好啱我哋。鹹香金沙蝦系我的最愛🦐。鹹香鹹香，送飯一流！金沙其實就是鹹蛋黃，多汁的新鮮蝦子，包過著金黃色的鹹蛋，下鍋之後香氣撲鼻，金黃色的色澤也讓餐桌增添一股幸福的喜氣。野菌炆伊麵🍝，炆伊麵味道調校得好，不油不膩，加入野菌，口感極佳。鮑魚滑雞煲🐣，鮑魚爽口，雞件數目唔少，而且預先爆炒過，煎過嘅雞皮滲出雞油，令雞件更甘香惹味，不過加埋煲底嘅醬汁，更加惹味。我地傾左好耐，都叫左好多野食。另外，其實交通都好方便好就腳，得閒可以再encore!

好耐冇朋友聚會啦，👭🏻👭🏻所以今次揀咗喺灣仔既中菜廳。希望大家可以食得開心！我地叫左鮑魚遼參乳鴿套餐乳鴿絕對新鮮🐓，有咬頭更結實，咬落皮脆、外皮色黃、肉汁非常JUICY。鹹香金沙蝦,鹹蛋黃鹹香惹味，令人愛不釋手。🦐蝦肉鮮嫩彈牙，炸過後又香脆可口，配上香濃鹹蛋黃份外滋味。套餐還有蓉炒時蔬🥦，野菌炆伊麵，京蔥爆遼參同埋鮑魚滑雞煲。中華小館真係好多野要讚！首先要讚嘆嘅係佢哋裝修嘅設計！估唔到真係可以做到中國古典風主題，坐位亦好寬敞舒適，以後多D邀請三五知己來試下呢間舖👅。

前幾日同朋友系灣仔附近辦事，之後經過呢間餐廳附近，見到餐牌有好多野時，全部食物都好啱我嘅口味。我地就叫左鮑魚遼參乳鴿套餐，鮑魚滑雞煲🐓，雞肉特別嫩滑多汁而且濃鬱的雞味，肉質柔軟，口感特別新鮮。鮮鮑魚四隻，入口結實有彈性。還有鮮雞腳呢，配合麻辣汁特別惹味。店員介紹乳鴿先用由桂皮、八角和中藥材祕制而成的汁水浸泡，隨後在放入鍋中，約七八分鐘後炸至金黃起鍋。皮脆、肉滑、骨香、有汁，鹹香味！🥦其他小菜包括啊蒜蓉炒時蔬、🍜野菌炆伊麵、京蔥爆遼參同埋鹹香金沙蝦🦐都好好食。以後我會多啲嚟幫襯，而且個環境都好舒服㗎好多嘢食。

今次真係要上嚟讚下呢間位於灣仔嘅中華小館，講真我從來都冇寫過食評嘅，但系質素好高，所以值得大家一試。我地個鮑魚遼參乳鴿套餐包括：🐤🐤鮑魚滑雞煲調味幾好，鹹香開胃，出乎諗料地好，鮑魚都唔錯，起碼唔會太老身。乳鴿色香味俱，皮脆，色澤通紅光滑油亮，有乳鴿特有的香，有汁水，脂肪少，吃起來是種享受。鹹香金沙蝦🦐，鹹蛋黃醬汁好有驚喜，醬汁當中仲有鹹蛋碎碎，連大蝦都非常新鮮又大隻。。時菜一份，吃點蔬菜更健康。仲有野菌炆伊麵同埋京蔥爆遼參。👍間野都算交通方便，想試下既朋友塊D book 位啦！

之前行完書展，就系灣仔附近揾野食，比我發現有一間食中菜好正宗咁就同朋友試下，點知一試難忘真係推介下俾大家。我覺得CP值都好高下次可以再食。🥳🦀我地叫左個鮑魚遼參乳鴿套餐，非常抵食，我最中意當然系主角，這裡出名的妙齡乳鴿，朋友超喜歡食，食了2隻，好脆卜卜又燒得好靚的乳鴿，外皮香口，肉好香好美味，味道調得好好，配酒一同吃最好！🦐鹹香金沙蝦，外脆內軟，炸得好靚，外皮點蘸了鹹蛋去炸更加提升惹味，味道真系一流。套餐還有好多野食👅，包括蒜蓉炒時蔬，野菌炆伊麵，京蔥爆遼參同埋鮑魚滑雞煲，全部都好正。😆今餐真系大滿足，中意食中菜既朋友都可以來試試！

今日係我母親大人生日🎂，我知道佢好中意食中菜，特登帶佢嚟試下呢間中華小館。餐廳裝修體面大方，店員服務周到，細心收拾我地唔要既野，而且價錢都好實惠.呢個鮑魚遼參乳鴿套餐真心的推介，鮑魚滑雞煲最印象深刻，醬汁非常濃鬱,雞肉很滑而且很彈牙,鮑魚食落還有少少海鮮既鮮甜。仲有其他配菜，洋蔥，蒜頭等等都吸收曬個醬汁，全部野都好好味。另外，乳鴿以獨特的生炸乳鴿製作出品，所以汁水很多，皮脆肉嫩，汁多味美，色澤金黃。鹹香金沙蝦，甘香可口。野菌炆伊麵同埋京蔥爆遼參都非常惹味。最後還有蒜蓉炒時蔬。🥦🥳🥳今日我地都食得好開心，一家人傾左好耐，享受美食同時又可以聚下，真系一大享受，唔錯，推介！

今日來左灣仔駱克道附近呢間中華小館食晚餐😆，見到網上評價一直好高，所以今日特意來拜訪一下。我地三個人點左4個送，🐤鮑魚滑雞煲，鮑魚爽口，雞肉嫩滑，所有既材料同個醬汁好夾，所有野融為一體，食都停唔到口。京蔥爆遼參，非常夠鍋氣，遼參好爽口。🦐🦐鹹香金沙蝦酥脆的外皮加鹹蛋黃真系好夾，配啤酒一流。最後系野菌炆伊麵，大大兜，D伊面非常入味，野菌好多好新鮮。另外，服務質素都好高，而且交通都幾便利，喺灣仔站附近大家可以試下.

同事聚餐🍽️，選擇左公司附近既呢間中餐廳，因為地理位置方便，而且地方寬落，最適合我地，所以提早一個星期BOOK 左，所以唔洗等位，一去到就可以入去啦！我地開頭叫左蜜汁叉燒，真系一試難忘，紅潤色澤、誘人的焦脆燶邊、光亮欲滴的蜜汁，再加上幽幽的鹹甜香氣與鬆軟口感，叉燒有外皮被蜜汁包裹，內裡鬆軟多汁。🫶🏻👅京蔥爆遼參，遼參夠爽口而且好入味。士多啤梨蝦球酸甜解膩。醬燒欖角骨，醬汁做得出色，肉汁彈牙入味。總括而言，性價比好高，值得下次再來食，哈哈！👍

今日同屋企人出去食飯， 特登揀咗一間喺灣仔嘅中菜館。見到網上評價都幾好，同埋驚好難book，所以即刻諗都冇諗book咗先😆去到嘅時候個環境都幾好，裝修都幾靚， 而且位置比較寬敞。唔會覺得同隔籬位好近👍🏻可以坐得舒舒服服食個飯👍🏻服務員嘅態度都幾好，喺中菜館來講都算好有禮貌👍🏻睇Menu嘅時候就發現原來呢度都有好多懷舊嘅菜式，而且個價錢仲要唔貴。我覺得都幾抵食。跟住我哋就叫咗幾樣嘢食，分別係蟹肉粟米羹， 順德煎釀土鯪魚同懷舊錦鹵脆戈巴。首先講咗蟹肉粟米羹先，味道超鮮甜。有好用濃郁嘅粟米味，而且有勁多蟹肉喺入邊。呢一個價錢食到入咁多蟹肉嘅粟米羹，真係超值到爆。👍🏻跟住爸爸話一定要食嘅順德煎釀土鯪魚。做法正宗，用咗成條魚嚟釀鯪魚。 煎釀三寶就食得多，咁樣食煎釀鯪魚都係第一次👍🏻而且味道鮮甜，雖然佢炸得好香口。但一啲油膩嘅感覺都冇。爸爸都食到讚口不絕😋😋之後就係懷舊錦鹵脆戈巴。材料十足，個甜酸汁有好香濃嘅鮮蝦同蕃茄味👍🏻。連埋個鍋巴一齊食，感覺脆口得來又唔會好膩。個配搭真係好唔錯。好容易就食晒，仲要額外叫多份鍋巴👍🏻呢間嘢嘅味道都幾好味，而且服務都幾周到。爸爸媽媽對呢餐得好滿意，好大機會之後會

嚟過幾次，次次都好滿意。所以每次當我好想食中餐嘅時候，第一時間諗到嘅就係呢一間餐廳😆。我覺得就嚟所有嘅員工都認得我😆環境同服務就真係一個字講得晒,就係好👍🏻今次我又係叫古法蝦籽燜柚皮。呢個柚皮煮得非常入味👍🏻而且每一啖都有好濃郁嘅蝦籽味。我相信鍾意食柚皮嘅人一定非常鍾意呢一個菜式😋懷舊錦鹵脆戈巴，個甜酸汁非常出色。唔會覺得太酸，味道係啱啱好。而且用料非常充足。汁同餸嘅比例係剛剛好👍🏻再同埋鍋巴一齊食。口感嘅層次係非常多👍🏻呢個真係做得好。之後再試嘅就係順德煎釀土鯪魚。呢個真係不得之了。成條魚煎到金黃色，再喺魚身嗰度釀咗好多鯪魚肉👍🏻。口感爽脆彈牙，而且真係啖啖肉嘅感覺。呢個真係一試難忘食咗好多濃味野之後再飲一個鮮甜甜嘅蟹肉粟米羹作為結尾。粟米羹味道濃郁，清甜可口。而且湯入邊有好多嘅蟹肉同粟米蓉。我相信鍾意飲粟米羹嘅人試過之後都一定超級滿意👍🏻 呢一間餐廳嘅嘢食真係令我好滿意，而且價錢仲要唔貴。絕對可以叫做平民飯堂。👍🏻👍🏻

超鍾意食懷舊菜式嘅我，終於係灣仔嗰度搵到一間我好滿意而且啱我口味嘅中菜館， 食我期待已久嘅懷舊菜👍🏻首先講咗裝修先，我覺得嗰度都幾有中國特色，喺嗰度食懷舊菜特別有風味😆侍應嘅服務我都覺得唔錯。好有禮貌。依家有咁嘅服務係中菜館已經買少見少。 先試古法蝦籽燜柚皮。呢個賣相精緻。味道都超級好，做法正宗。完全食唔到柚皮嘅苦澀味。而且食落仲有好重嘅蝦籽味。依家真係已經好難食到呢種味☺️☺️☺️懷舊錦鹵脆戈巴。呢個我真係好耐冇食過，所以對佢特別期待，一嚟到見到個汁。已經Feel到酸酸地嘅感覺。個酸酸甜甜嘅汁買鍋巴一齊食非常開胃。個甜酸汁除咗配鍋巴食之外，拎黎撈飯同配其他餸一齊食，我都覺得好滋味☺️之後就係順德煎釀土鯪魚，鯪魚煎到金黃色，賣相非常吸引。忍唔住吞咗兩啖口水，就即刻試食。外皮煎到脆卜卜，釀左鯪魚肉入面，食起上嚟好有層次感。而且亦都帶出左魚嘅鮮味。食咗咁多濃味嘅嘢，我就叫咗個蟹肉粟米羹嚟清清個口。呢個粟米羹好清甜，而且有勁多粟米同蟹肉喺入面，口感一流，絕對唔係淨係飲湯咁簡單。呢個我又係超級鍾意。總括嚟講，呢間餐廳嘅懷舊菜式都十分正宗。我已經好耐冇試過咁好味嘅懷舊菜。值得推薦俾朋友黎試😄