中央飯店

營業中

休息中

去咗街市 肚餓揾早餐食 想食“嵩記”牛雜麵未開門 就去咗呢間酒樓懷舊吓……一樣咁舊無裝修  無再放痰罐點心推車仔 睇中就嗱  正點咗“什會湯粗麵1碗” 26元 好大碗 底食餸好多 有雞雜 豬潤 肉片 尤魚 今次無虾仲有2條菜 粗麵無鹼水味 買相好靚 但肉片 & 尤魚 染咗啲血汁 唔敢食茶錢 5元位 但要加一……

香港租金貴人所共知，舊式酒家、飯店可謂買少見少，當然，晌部份舊區都仲有一啲「珍藏」，「中央飯店」就喺其中一家，瑟縮於深水埗大埔道舊式商住大廈裡面，單睇門面就知佢有幾老香港味道 。所以，趁細妹生日，就一於懷舊吓，食慶生飯，雖然已搬離依區快近10年，話晒都喺度由小學讀到中學，老父、細佬妹、親戚都仲住晌依區，偶爾都走過嚟行吓，對深水埗都頗有感情架 ！除咗門面夠「老餅」之外，內裡環境可以用有啲殘舊嚟形容，昏昏暮暮嘅環境，灰灰黑黑嘅天花，部份牆身仲唙貼緊防火膠板，而天花上吊住嘅水晶燈，相信當年已喺相當奢華嘅裝飾。而晚市嘅客人多數都喺上年紀嘅街坊居多，因為見佢哋同啲伙計頗熟絡，偶有一、兩枱稍年輕嘅客人。雖然環境喺就喺舊啲，不過，招呼確實唔錯 。咪睇「中央」一介平民飯店仔，環境又噏噏耷耷，要豪嘅一樣得，餐牌第一版就有魚翅、鮑魚 ，雖然唔知會有幾多客會叫，但標得價，就自然有供應。除此之外，個餐牌都分得頗為仔細，湯羹類、家禽類、豬牛類、魚類都好正常，但刻意分開埋石斑類、鮮魷 / 土魷類就頗有趣。店家嘅招牌菜有梅菜扣肉同鹽焗雞，前者因為過肥，家人唔多鍾意食，而後者點都要叫半隻一試。講開梅菜扣肉，記

一家人吃團年飯第一次來到很舊式的飯店，但都予人整潔的感覺，餸菜都大大碟，食得飽飽！瑤柱豆腐蠔仔羹~~散開的瑤柱相信有成粒咁多，蠔仔鮮又滑，整體而言個羹鮮甜又滑，材料新鮮無腥味，連古月粉都唔使落，而且可分12碗！大良煎蝦餅~~大蝦爽脆，不算油膩，有洋葱粒、草菇葱粒，煎蝦餅用的雞蛋很金黃，待應太忙，否則想問問大良煎蝦餅，大良是包含何意（材料）。生炒上肉排~~肉排吃不到外薄薄酥脆，內軟滑個種頂級口感。但酸甜味道是可口！蟹肉豆苗~~大大碟好抵食！馬拉盞鮮魷~~爽脆鮮魷沾滿香濃馬拉盞醬料惹味得來添少少辣，醒胃喔！菜遠淋甜噢！芝士焗大蝦（送伊麵底）~~芝士醬汁很香，連不喜歡芝士的我也覺好味道，大蝦內爽，橫睇掂看都不似芝士焗大蝦，似芝士燴大蝦！飯店奉送的橙！清甜好好食！

Happy Friday的晚上，冰和友人聚舊。大家想到深水埗吃中菜，選擇了現今可說是碩果僅傳的舊派酒樓中央飯店。從地圖所示，此飯店位於深水埗港鐵站及石硤尾站的中間，從其中一站徒步而至，五分鐘內可以到達。飯店於建築物外牆豎立一偌大招牌，很易看到。唯飯店並非街舖，食客需經白色箭咀位置進入大廈，才會見到飯店。(圖片擷取自Google Maps)五個人點了幾款小菜，現簡單介紹一下：友人點沙拉骨時，以為會見到用沙律醬入餚，令腩排煮出來的顏色是啡中帶白的一款；所以當見到下圖的食物，是有點意料之外。腩排外層炸得很香脆，內裡肉汁有被妥當保存；唯廚師很慷慨的添了很多很多沙律醬，若只吃一、兩件的話，風味猶佳；若多吃的話，沙律醬把腩排的味道搶過來了，感覺變得很膩。以木桶盛載的瑤柱海鮮煲，瑤柱數量就不怎麼樣，若你一心想多吃瑤柱，冰建議你不要點這款菜。然而，其蔬菜的款式和份量很充足，煞是爽口，蝦和魚肉的質量也很好，在這角度去看，還是值得一吃。冬瓜盅需提前預訂。上菜時，侍應會奉上原個冬瓜。內裡材料絕不欺場，鮮蝦、金華火腿等一應俱全，味道清香鮮甜。茄汁乾煎大蝦－－大蝦新鮮，肉質彈牙；茄汁開胃，配以白飯進食，滿足口腹

香港的舊式酒樓，隨著香港的「繁榮和進步」，已經買少見少，仍然能夠留存的，實在值得珍惜。就好像這間開在深水埗大埔道鬧市之中，一幢舊大廈的小商場內的「中央飯店」，食物質素不賴，環境也別有一番舊式風味，倒也有點老香港的風情。這一天與友人來到吃午飯，兩人分別叫來兩個夏日佳品的湯飯。友人吃的是「冬菜蠔仔肉崧湯飯」，我吃的則是「陳皮香茜鴨腿湯飯」。友人的湯飯份量實在大得誇張，要是食量不大的話，相信兩個人也夠飽。這材料豐富的湯飯的價錢才不過三十元多一點，絕對是非常、非常、非常抵食。不過這湯飯是友人的，我完全沒有試，所以未能評價它的味道。但聽友人說，都不錯呢！至於我的「陳皮香茜鴨腿湯飯」，材料是正宗的，大大隻肥厚的鴨腿、兩大件長長的鴨頸、數件軟腍的連皮冬瓜，一隻厚身多肉的冬菇，再加上解渴的鴨腿湯與另上的一大碗白飯，成為這天我的午餐主食。這湯飯的水準是及格的，但鴨腿湯仍然稍嫌味道不足，要是可再濃甜些，那便會更好了。也叫來數款點心。其實這次之所以會來飲茶，最主要的原因是自己想試一試這兒的有名懷舊甜點「西米焗布甸」。幸運地我倆這天一坐下，便看見推著點心車的嬸嬸正在叫賣這款點心，於是連飯都未叫，便先叫來這款飯

去茶樓，嗒茶嗒點心，但今次唔係介紹點心，係介紹焗西米布甸為咗佢哋嘅焗西米布甸，食住點心等咗成個朝早，接近晏晝終於出爐，當然要即刻拎番兩碗嚟嘆啦！佢哋嘅西米布甸用咗蓮蓉做饀，但甜而不膩，一口軟滑西米布甸再一口蓮蓉，好match，想拎多碗食之際發現已經迅速賣哂，sad！下次要拎定兩碗先得！入面嘅職員好好人，真係一間富有人情味嘅老茶樓！ 

這飯店在我家附近, 但總未有機會來, 今次難得朋友建議石峽尾一帶覓食, 於是推薦這裡!它已開了50年, 比我們每一個年紀還要大, 但懷舊菜總是令人懷念, 歷久常新!早前見他關門了一段日子, 以為又一個小商戶捱不住貴租, 幸好原來只是裝修, 否則很多老主顧會失望呢, 而我們這些'小朋友'(相對它)也試不到咁多特別菜色!早一星期訂了位, 廿幾人分兩圍, 竟然可霸佔了一角落, 再圍版自成一角, 環境和服務真不錯, 可能經過裝修後帶改善, 格局光鮮, 並不算殘舊! 我們點了每圍12個小菜(中), 包括馳名八寶鴨, 大四喜拼盆, 白果豬肚湯, 鹹菜炒珍肝, 梅菜扣肉, 東江霸王雞, 欖角蒸魚雲, 沙拉骨, 貴妃豆腐... 有很多很久都未食過, 今次一次過試晒, 懷舊一番, 的確好味!再叫了較普通的西蘭花牛肉, 金銀蛋莧菜, 腐乳炒通菜, 薑蔥炒腰肝... 其真平凡菜色才見真功夫, 而且又可平衡一下~ ^^ 總共12個小菜加一湯, 再加埋壽包和甜品, 捧腹而回, 仲要打包埋... 除了壽星, 位位都只是二百元, 街坊價勁抵食!第一味是 東江霸王雞, 見到賣相已食指大動, 之前見有評語話太鹹, 又唔

早前與家人去吃午飯懷舊一番, 地方是預料之內的老式, 但還算乾淨企理,食物則是意料之外的有水準, 特別是有不少舊式點心,服務不錯, 都是做街坊生意,值得一去!

我完全唔知道中央飯店係邊, 即使開住個google map定位都差點行錯路, 好彩姐夫泊完車見到有人傻傻更更唔知行邊的我, 便一起進入店內 ~~~ 佢既位置係在大廈的入面, 位置隱蔽到, 即使有MAP 都唔會找到 !!! hahahaah 這確是一間懷舊之老店, 我來到時, 他們已經點好了菜, 先來個炸大腸, 底下舖了酸紅白蘿蔔, 個炸大腸加上橙紅色的酸甜汁, 好香口我印象之中, 好似好細個5-6 歲時我很喜愛這道菜 --- > 三鮮炒骨髓, 現在冇幾間店有這道菜吃了,久違了的骨髓那種滑且又帶點煙韌的感覺 , 很有趣 ~ 三鮮有冬菇, 玉米芯, 紅蘿蔔, 還有鮑片?! 不過唯一敗筆的就是個芡汁, "杰TAT TAT "得黎冇乜味, 有點"張" 住個口, 破壞了人地懷舊ing ~~~ 較為欣賞的是砂鍋魚頭煲, 好多好足料, 魚頭一D都唔腥, 走了油很香脆, 好味 !! 接著出場係霸王雞, 薑蔥+油舖上霸王雞上 , 雞肉1 d 都唔鞋, 配上沙薑醬點 , 絕配, 其實唔點都夠味 ga la ~~~ 幾好味另外, 魚肚粟米羹, 足料, 食到粟米的甜味, 清清地, 幾好 ~! 個蝦醬

以前搭車經過深水埗, 常常見到這間"中央飯店"的招牌. 從openrice的食評中得知這裡是間舊式的酒樓, 而食家們的評語也頗正面, 於是襯著老媽的生日, 來這裡吃吃東江菜. 中央飯店的入口位於一間大廈的入面, 位置較隱蔽, 要經過一些舊式的商店後才到達. 門外有個紅色燈箱招牌, 入面的裝修和陳設也是舊式酒樓的模樣, 就像小時候到酒樓吃晚飯一樣. 因為是周日的關係, 之前曾經致電飯店, 回覆是不用訂位. 可是當我們六時半來到的時候, 五六人枱只餘下一兩張, 結果坐了張位置不大好又有點窄的枱子, 所以有心吃的, 還是早點來拿枱子較佳. 安坐後, 邊等老姊和姐夫, 邊翻閱餐牌點菜. 這裡不單裝修, 餐具懷舊, 連餐牌上的菜式也很懷舊. 餐牌的選擇很多, 以東江菜為主. 但由於之前已經看過其他食家的食評, 早已決定了那幾碟是必吃的菜式, 所以最後點了霸王雞、金銀蛋菜心、白果腐竹豬肚湯、梅菜扣肉和三鮮炒牛骨髓. 霸王雞 (半隻)($90) - 由於見很多食家都認為鹽焗雞不成, 而霸王雞的評語似乎又好一點, 於是轉了點霸王雞. 舖上大量薑蔥的霸王雞, 賣相一般而已. 可是, 嚐了一

80's feel 一流, 至怕你忘記了.... 污jo, 細, 舊.... 係呢到一一搵到~ 不過, 仲想食點心'車' 推推下係到叫賣既, 仲要搭埋檯, 係呢到一樣搵到~ 日前食左東江樓既客家梅菜扣肉, 今日係呢到食晏, 都係一樣黎個'梅扣飯'. 扣肉入口即溶, 一點油青味都無, 瘦肉入晒梅菜味.. 而梅菜最緊要既係無骨, 但係就淡口了.... 單價廿八蚊, 個碼都唔細woo 送埋個'蕃茄薯仔排骨湯', 入口淡蕃茄味 應該有既有, 唔應該無既就無, 最唔鐘意係味精同太咸, 例水都 ok ~ 蝦餃, 炸3樣, 排骨, 西米布甸..... 味道係' 唔知幾時出爐, 而焗左係點心車保溫, 係點心(龍)內焗出一身汗' 呢樣野唔關佢地事既, 係自己唔熟路je.. 今日終於明白到 ' 近廚得食 '~ 要揀岩左坐位, 係呢到睇住, 大包, 雞扎, 炸蝦角, 西米布甸, 燒脯卷... 仲有1:30後既特價排晒隊既排骨飯, 咸魚肉餅飯... 出爐~ 一定會再有下次~

這是深水埗老牌飯店，座上客大部份都是原居民，裝修是典型老式中國飯店，還用著非常懷舊的傢俱，價錢經濟實胃，街坊生意，服務一般，沒有衛生可言，但可接受。 食店仍有一些懷舊菜餚供應如炸大腸，雖然不太健康，但炸得相當有水準，脆口又肥美，很多地方已經失傳。 菠蘿咕嚕肉，火喉控制恰當，甜味酸味都分明，好開胃。 金銀蛋莧菜，好足料，味道清清哋。 豉油皇蒸豆腐，豆腐香滑，經蒸過的豉油好惹味，正!

:喜愛呢間食店，除了因為有懷舊風味外，還有點人情味。。。這次不是第一次幫襯它，幫襯它只是友人介紹這裡的食物可以一試。那天約定岳父岳母十二點先到先等。我們到達時，岳母已經早到了。可能食店仍保持七十年代的裝修與環境，岳母嚷着要轉到其他地方吃！與此同時，我十一歲兒子堅決要留下，最後岳母只有屈服在孫兒威逼下。好不容易才等到一張枱。這裡的點心十分經濟，只分大中小點，即使是蝦餃也只是十一塊錢，但份量卻不失禮呢！所以不消幾分鐘我們已叫了一枱食物。其中包括一般酒樓已失傳而餡料十足嘅大飽，令人食指大動嘅梅菜扣肉飯，還有老婆喜歡的焗西米布甸。值得一題是當我們發現點心車上有焗西米布甸時，已剩下最後一個，但推點心車的嬸嬸睇到我哋成枱點心都未食完，就細心地問我哋係咪即刻食個布甸，因為要熱先好食，主動提議可暫時放在她的點心車內保持熱度，到我們想食時叫她拿出就可以了。這就是一般食店冇嘅人情味！

有晚睇到電視介紹,見D雞好正,又話什麼大飽好好食,咁就同我媽講啦,點知原來間嘢開左幾10年,我媽仲話不如去懷愐吓啦,好喇驚人多,所以6:30去到,入到去都仲見有位嘅,但環境就好似細個時的酒家FEEL,地下濕滑,真係一步一驚心呀,坐低即叫左下面嘅餸.1. 半隻霸王雞----又喊又鞋60分2. 蒜容莧菜--正常80分3. 粟米班塊--無味,呀女話我煮都好食過佢60分4. 半隻荔容鴨--功夫嘢,價錢合理,唔錯,不過點個獎汁唔掂,無味嘅--80分5. 白果付竹豬肚湯--無味,淡過頭,最基本嘅付竹味都無,仲要加D炸過濃嘅支竹落去,把鬼,D湯仲有陣唔知咩味--60分4個人2汽水,2白飯,TOTAL:$385...唔低囉,總之帶我媽去格離街萬發食好過呀!!!

家人提議到老字號的街坊飯店吃晚飯, 於是來到中央飯店.父母叫了以下菜式: 紅燒釀豆腐, 三鮮炆骨髓, 炆斑尾, 蒜蓉時菜, 白果腐竹豬肚湯, 味菜炒大腸.....菜是一齊叫, 以這樣排序, 因為這亦是上菜的次序.先來的紅燒釀豆腐.....最沒要求的老爸一馬當先, 吃了一口就說: 唔得! 其實未吃已看到, 豆腐件件四平八穩, 似足豆腐乾, 已經預計不會滑, 但想不到連老爸這一關都過不到...最後這碟剩下兩件, 沒人肯再捱義氣 三鮮炆骨髓以前叫過, 骨髓滑滑的, 沒問題!蒜蓉時菜未到, 卻先來個炆斑尾; 雖然來這些街坊飯店沒有預計會叫$180的菜, 但這味是服務員極力推介, 所以最沒要求的老爸就......中計了! 斑尾一到, 老媽先行試味, 第一句: 好鹹; 第二句: 好鞋! 老爸說: 下, 斑尾應該最滑喎, 鞋?? 老爸一試: 真的好鞋! 到我試.....嘩, 真的比蒸過頭的雞胸肉還要鞋 再下來的幾味菜叫OK, 但斑尾真的鞋得不能吃, 老媽忍不住叫推介這班尾的侍應生, 向他反映, 侍應生說, 哦, 條斑是新鮮的, 可能是師傅煮過頭而已! 下, 即是師傅出錯, 要我一家受呀?