98
28
7
等級8
2014-03-05 7006 瀏覽
香港租金貴人所共知,舊式酒家、飯店可謂買少見少,當然,晌部份舊區都仲有一啲「珍藏」,「中央飯店」就喺其中一家,瑟縮於深水埗大埔道舊式商住大廈裡面,單睇門面就知佢有幾老香港味道 。所以,趁細妹生日,就一於懷舊吓,食慶生飯,雖然已搬離依區快近10年,話晒都喺度由小學讀到中學,老父、細佬妹、親戚都仲住晌依區,偶爾都走過嚟行吓,對深水埗都頗有感情架 !除咗門面夠「老餅」之外,內裡環境可以用有啲殘舊嚟形容,昏昏暮暮嘅環境,灰灰黑黑嘅天花,部份牆身仲唙貼緊防火膠板,而天花上吊住嘅水晶燈,相信當年已喺相當奢華嘅裝飾。而晚市嘅客人多數都喺上年紀嘅街坊居多,因為見佢哋同啲伙計頗熟絡,偶有一、兩枱稍年輕嘅客人。雖然環境喺就喺舊啲,不過,招呼確實唔錯 。咪睇「中央」一介平民飯店仔,環境又噏噏耷耷,要豪嘅一樣得,餐牌第一版就有魚翅、鮑魚 ,雖然唔知會有幾多客會叫,但標得價,就自然有供應。除此之外,個餐牌都分得頗為仔細,湯羹類、家禽類、豬牛類、魚類都好正常,但刻意分開埋石斑類、鮮魷 / 土魷類就頗有趣。店家嘅招牌菜有梅菜扣肉同鹽焗雞,前者因為過肥,家人唔多鍾意食,而後者點都要叫半隻一試。講開梅菜扣肉,記
更多
香港租金貴人所共知,舊式酒家、飯店可謂買少見少,當然,晌部份舊區都仲有一啲「珍藏」,「中央飯店」就喺其中一家,瑟縮於深水埗大埔道舊式商住大廈裡面,單睇門面就知佢有幾老香港味道
。所以,趁細妹生日,就一於懷舊吓,食慶生飯,雖然已搬離依區快近10年,話晒都喺度由小學讀到中學,老父、細佬妹、親戚都仲住晌依區,偶爾都走過嚟行吓,對深水埗都頗有感情架
365 瀏覽
0 讚好
0 留言
除咗門面夠「老餅」之外,內裡環境可以用有啲殘舊嚟形容,昏昏暮暮嘅環境,灰灰黑黑嘅天花,部份牆身仲唙貼緊防火膠板,而天花上吊住嘅水晶燈,相信當年已喺相當奢華嘅裝飾。而晚市嘅客人多數都喺上年紀嘅街坊居多,因為見佢哋同啲伙計頗熟絡,偶有一、兩枱稍年輕嘅客人。雖然環境喺就喺舊啲,不過,招呼確實唔錯
520 瀏覽
0 讚好
0 留言
454 瀏覽
1 讚好
0 留言
348 瀏覽
0 讚好
0 留言
咪睇「中央」一介平民飯店仔,環境又噏噏耷耷,要豪嘅一樣得,餐牌第一版就有魚翅、鮑魚
,雖然唔知會有幾多客會叫,但標得價,就自然有供應。
298 瀏覽
0 讚好
0 留言
除此之外,個餐牌都分得頗為仔細,湯羹類、家禽類、豬牛類、魚類都好正常,但刻意分開埋石斑類、鮮魷 / 土魷類就頗有趣。
348 瀏覽
1 讚好
0 留言
309 瀏覽
0 讚好
0 留言
店家嘅招牌菜有梅菜扣肉同鹽焗雞,前者因為過肥,家人唔多鍾意食,而後者點都要叫半隻一試。講開梅菜扣肉,記得以前細細個住晌石硤尾時,仲喺7層H形嘅廉租屋,就喺依家美荷樓青年旅舍對下個地盤,有幢「14座」(以前啲公屋興排「冧把」),地下有間叫「永源茂」嘅客家菜館,做嘅梅菜扣肉非常好食,去親都差唔多次次叫。

迷你八寶冬瓜盅 $90

湯羹類估佢唔到咁多,足有成19款,一般都喺賣$50-$60個,非常經濟實惠,依家出面啲集團式酒樓都喺出三幾款作為每晚主打咋。見佢牆上有個推介:冬瓜盅,仲每日有限,所以點一個嚟試試,嘩!講就話「迷你」,連渣帶湯都分到成10碗有多
,所以,絕唔迷你。而且,好多料,有蝦、魚、鹹肉、鮮蓮子、冬菇……等等,湯頭幾清甜。我哋4個人,真喺飲湯都夠飽呀!哈哈
迷你八寶冬瓜盅
341 瀏覽
1 讚好
0 留言
216 瀏覽
0 讚好
0 留言
菜遠鮮魷 $60

上文都講過佢特別將鮮魷、土魷分為一類,可見唔喺求求其其,15款裡面都有部份喺較少見,例如:蝦醬吊片柏葉、菜遠鳳肝鮮魷、薑蔥鴛鴦魷。雖然我哋所揀嘅喺簡簡單單菜遠鮮魷,但鮮魷多到鋪滿碟,入口爽甜,菜心亦都好靚吓,兼且大碟份量足,認真抵食
392 瀏覽
0 讚好
0 留言
菜遠鮮魷
288 瀏覽
0 讚好
0 留言
菠蘿咕嚕肉 $55

依道菜差唔多同親我自己喖邊家人食唐餐都例叫咁滯,因為細佬妹鍾意嘛。中央做嘅菠蘿咕嚕肉非常有水準,咕嚕肉嘅粉漿適中,啖啖肉,酸甜有致,又唔嗆喉,連菠蘿、青椒都落足無慳皮。以前玩工聯會啲中菜班,師傅話一碟例牌餸菜應該大概8兩重,眼前碟咕嚕肉點止呀
414 瀏覽
1 讚好
0 留言
菠蘿咕嚕肉
330 瀏覽
1 讚好
0 留言
東江鹽焗雞 $140(半隻)

話晒招牌菜,所以有一定嘅期望。其實雞類一共有4款主打,包括東江鹽焗雞、東江奔霸王雞、脆皮炸子雞、碧綠上湯雞,全部都喺半隻賣$140,全隻賣$260,如果人多,與其叫全隻都只喺平$20,就不如叫兩款半隻仲划算,可以試試唔同做法喺點嘛。雖然我哋叫得半隻,但一樣夠晒大份,皮下脂肪少,雞皮帶爽,而且十分入味,個人覺得唔點沙薑都已經好OK
,不過,有啲部位韌,有啲則好細滑,但整體都認為隻雞喺上算!
427 瀏覽
0 讚好
0 留言
東江鹽焗雞
209 瀏覽
0 讚好
0 留言
另外,茶錢收番$5位,白飯就$8碗,較出面酒樓便宜,不過,咪以為佢舊就唔收加一,10%服務費喺照收你,而且,只收現金,咪諗住碌卡呀。我哋4個人雖然只喺點咗3餸1湯,但食得小弟非常之飽,中央嘅菜式稱得上大件夾抵食,味道又不俗,可繼績支持嘅老飯店。同一段大埔道隔幾個街口仲有稻香同明星,但值得改投「中央」啊
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$110 (晚餐)
慶祝紀念
生日
推介美食
迷你八寶冬瓜盅
菜遠鮮魷
菠蘿咕嚕肉