中央飯店

營業中

休息中

家人提議到老字號的街坊飯店吃晚飯, 於是來到中央飯店.父母叫了以下菜式: 紅燒釀豆腐, 三鮮炆骨髓, 炆斑尾, 蒜蓉時菜, 白果腐竹豬肚湯, 味菜炒大腸.....菜是一齊叫, 以這樣排序, 因為這亦是上菜的次序.先來的紅燒釀豆腐.....最沒要求的老爸一馬當先, 吃了一口就說: 唔得! 其實未吃已看到, 豆腐件件四平八穩, 似足豆腐乾, 已經預計不會滑, 但想不到連老爸這一關都過不到...最後這碟剩下兩件, 沒人肯再捱義氣 三鮮炆骨髓以前叫過, 骨髓滑滑的, 沒問題!蒜蓉時菜未到, 卻先來個炆斑尾; 雖然來這些街坊飯店沒有預計會叫$180的菜, 但這味是服務員極力推介, 所以最沒要求的老爸就......中計了! 斑尾一到, 老媽先行試味, 第一句: 好鹹; 第二句: 好鞋! 老爸說: 下, 斑尾應該最滑喎, 鞋?? 老爸一試: 真的好鞋! 到我試.....嘩, 真的比蒸過頭的雞胸肉還要鞋 再下來的幾味菜叫OK, 但斑尾真的鞋得不能吃, 老媽忍不住叫推介這班尾的侍應生, 向他反映, 侍應生說, 哦, 條斑是新鮮的, 可能是師傅煮過頭而已! 下, 即是師傅出錯, 要我一家受呀?

小妹都算是一個喜歡懷舊的人，上星期在OR見到有飯友寫這間飯店，星期日即報到﹗星期日6:30就到達了，都已經很多人，絕大部份以一家大細為主，侍應們要求我們三人坐在一張兩人枱，這當然有點難度，我們便強烈要求要轉一些4人枱，但就在門口位，算，總好過迫在二人枱吧﹗安頓了﹗很可惜，餐牌上沒有開飯友介紹的豬肺湯，亦參考了他的意見，放棄了鹽焗雞，改叫霸王雞半隻，紅燒豆腐和蒜蓉通菜﹗首先來的紅燒豆腐，賣相出奇地好，件頭大，相信有10舊豆腐，而且還有白菜仔墊底，再加上蔥花舖面，賣相已經好OK，食落口味道亦不錯，個「獻」較得剛剛好，不太杰亦不太稀，上等作﹗接著出場的霸王雞，肥美，黃油，加上薑蔥舖上，雞肉亦唔係鞋，蒸的時間亦剛剛好，加埋霸王雞的老朋友「沙薑」，簡直一絕，應該好過鹽焗雞﹗嘩，到個蒜蓉通菜，估佢唔到咁大碟，雖然係油多左少少，但都OK啦，而且$35，OK啦﹗老實講，食物就真係唔差，而且連三個飯加一，都係$224﹗不過……我地個位就係好近門口，同埋廁所，真係頂唔順﹗第一，D人出出入入，到門又開又山，冷氣再加熱氣，你都可以想像到如何惡頂？還有，個廁所呢……一路食一路有陣「味道」傳出黎，尤其我個位，真係

舊式的中式酒樓買少見少，在油尖旺講得出的只是得如酒樓，而在深水渉想起的只是中央飯店和信興酒樓了，所以一有機會又要來這些老店去試一試菜了，今次介紹的是中央飯店了。以前搭巴士經過大埔道在深水渉常常都見到這一個招牌，但要真正去試菜都是這幾個月的事，可能見香港的發展越來越快，驚這一些老店會食一間少一間的現象出現，所以見它還能存在的時間就要珍惜去試多幾次了，雖然地點不是太方便，真是在深水渉、太子和石硤尾的中間，晚上這個地方都比較少人行和烏燈黑火，但為了試菜點都來到了。中央飯店是在一間大廈的入面，行入去好入七八十年代的氣息，因為旁邊有一間理髮店，又有一些人在店內打麻雀，其他的商店都是一些舊式的商店賣一些甜品的，所以這些老店才能在這裡維持到，門口也是舊式的酒樓模樣，紅色燈的招牌都好易認到，入到內面開了一片黃色的燈，令本來都舊式的茶樓變得更加古色古香，六時半來到還有很多的位子，平日來到都不需要訂位，入到內面選了一張兩人枱就坐下了。拿個餐牌來看看，連餐牌都是比較古舊的，餐牌的選擇都幾多，有湯類、雞類、小炒類和海鮮類等等，但其實去之前都讀過其他食家的食評了，心中都有一些準備想試試這裡的名菜，所以就試過東江

上星期為了慶祝同事生日, 所以去中央飯店開飯, 叫了五味菜, 分別為蒜蓉豆苗, 炸子雞, 炸鮮魷, 楊州抄飯, 蘭花抄班球和三鮮抄牛骨髓. 每一味都好好食. 價錢又唔貴. 感覺好抵食.

大包!!!!好大個, 真係成隻碟咁大@@好多料....一個人食做lunch一定夠@@咁先係中點.....$10蜜汁cha燒餐包小點....但係都幾多@@d cha燒好好味抵食!!!!蝦餃細細粒但係幾好味都係gor句....好抵!!!!兩個人食3樣野做早餐已經好飽@@埋單先$44....

知道呢間野既存在好明顯因為一套叫「香港味道」既書。阿齋成日都講佢點心唔錯,既然星期六放工放十二點,不如按GOOGLE索驥,食左至算。佢係用推車仔方式賣點心。食既野唔多,一個煎腸粉(考牌作,如果連煎腸粉都唔識收得啦@!@")一個蝦餃,一個西米焗布甸。布丁係白蓮蓉饀,唔意外,味道唔夠滿記同陸羽濃,個蝦餃澄麵仲遺留住蝦既鮮味,同埋咬口幾爽;最正既係蝦米腸,大大碟又夠焦香,豉油芝麻即刻落,兼且唔油......本寒食過附近一間酒樓,蝦米腸好肥之餘仲無端端多收我十蚊......有時候,JOGGING咪當食野前奏囉@@"

今次的小友飯局有點特別，特別在從前的一位室友適逢其會，今天與我們一起在這兒喝午茶吃點心，實在令人高興。噢....忘記了恭喜這位剛剛小登科的老朋友....恭喜、賀喜.....帶一行人來到"中央飯店"。一走入門口，小友多洛菲便不斷大呼小嚷，說這裡很有懷舊氣息，很有"mood"云云。小弟雖也甚同意，但對一向着重食物質素多於一切的我來說，這都是微不足道....多人一點，當然可以叫放滿一整桌的東西試試了。真是未吃都先流滿一地口水....實在叫了不少點心及飯餸，吃得很飽。還是慢慢從頭細數一下吧.....先從點心車一口氣叫了數款炸物 ---- 炸蝦餃端上枱時雖已凉透，但吃落外層炸皮仍帶微脆。餡料除有蝦之外還有不少啄碎肥豬肉，入口滑潤，實乃吾之大欲也。蝦肉本身也夠爽鮮。若不是未夠熱的話，味道必然更佳；炸春卷以芋蓉及肉碎為主，不是平常吃的韮黃及蝦肉。味道還可以的，但這並不是小弟的那杯茶已；沒吃鹹水角，不過看起來皮頗厚且餡料甚小；炸雲吞外皮是夠金黃香脆了，但餡料倒是吝嗇得可以。這三款炸物，水準皆未能盡如人意.....有多洛菲在場，一盅飯自然是走不了的。面前的這盅鳳爪排骨，看上去餸料排得靚靚仔仔，甚吸引。不

My parents told me we went there frequently for dinner when I was just a kid, so this time we go to this restaurant and 懷舊.Since I didn't have a look on the comments here, so I didn't order 梅菜扣肉...So we ordered sth that we would order in a ordinary restaurant....楊洲炒飯 , 咭嚕肉,粟米魚塊,湯and 雞To be frank the tastes of all dishes are standard, but 咭嚕肉 is not "salty"enough while the soup is a bit too salty...and 粟米魚塊 is not that excellent , and the chicken is OKbut I'd point out that the 楊洲炒飯 is excell

是日星期六，以為會有很多人, 我們八時左右到達，馬上有枱。真的是一間舊式的飯店, 看來很久沒有維修了, 連地板也是翹的。因為很想試炸大腸及梅菜扣肉, 又不想浪費食物, 就只叫了這兩樣菜。梅菜扣肉-- 沒有驚喜, 味道不錯, 扣肉很入味, 梅菜太稔, 真的是過梅菜。酥炸大腸—上桌的時候很熱, 但是很軔, 沒有味道; 如果不蘸汁的話, 就只有躁味, 很勉強才吃了半碟, 反而墊底的紅白蘿蔔絲味道很好, 差不多吃清。送的甜品是綠豆水, 是我吃過最難吃的甜品, 好像是不夠分而要加水加糖, 然後推]的那種。雖說是送的, 也要有專業精神啊, 否則不如不送!

今日細佬生日，佢無乜心水，我見中央飯店咁多好評，一直都想去，於是就今日去試下。好似好多食評咁講，飯店環境係老式飯店咁，最特別係位於商場之內，頗為隱蔽。我地未夠七點去到，都仲有好多位（晏啲就多好多客，但都未坐滿）。今晚只有五個人，加埋點左五餸一湯。由於份量都幾大，最後都食唔晒，剩返少少。白果腐竹豬肚湯：奶白色的湯水非常鮮甜，帶少少胡椒味。鹽焗雞：雞肉好滑好入味，平時唔多食雞的弟婦都多食左幾件。荔芋香酥鴨：外皮炸得好脆，芋泥清甜，但鴨就鞋左少少。油泡生魚：生魚好滑，唔錯。帶子豆苖：一般水準，但都ＯＫ。梅菜扣肉：扣肉用左多瘦少肥的，較合而家啲人的口味，梅菜好甜，送飯一流。埋單每人唔使一百，味道不俗，份量又足，確係一個唔錯的選擇。

同同事打完保齡球後相約於中央飯店食飯…皆因有同事推介佢地招牌貨<梅菜扣肉>同埋<骨髓炒三鮮>首先梗係要講下個環境先啦，充滿了舊式酒家感覺，不論係餐具同埋侍應生，特別係(裝)飯既地方，只係用一個勁大個舊式電飯煲，我諗而家唔係咁多地方仲會用喇。^^唯一唔好既地方就係咁0岩有一大班人晌度好嘈，影響曬個環境=___="""好講返食物1:傳說中的梅菜扣肉: 果然名不虛傳，五花腩D肉入口都好林，而D肥膏入口雖唔會有入口即容既感覺，但係佢食落時唔會覺得好滯，正，主角除左五花腩梗係有梅菜啦，成個底放滿好多梅菜，餸飯一流。2:香脆炸大腸: 呢一條腸一上既時候勁脆，但過左3個字後就‧‧‧所以呢一味強烈建議晌3個未內食曬佢，佢會附上甜酸汁，點一點好醒胃，而呢一味食既時候真係外面會有索索聲，入面又唔會好似出面果D炸大腸咁鬼難食。呢一味餸酒一流！3:沙薑雞:呢一味就雞味唔錯既，肥廋適中啦，但整體上比較普通。佢附上既沙薑汁都OK啦。拎黎餸飯都OK既！4: 蒜蓉炒豆苗: 唔覺佢真係用蒜蓉炒既只係放左D蒜蓉晌面就算，不過都炒得幾令，算啦…5: 沙煲魚頭煲: 原裝一個魚頭開2邊，唔知好彩

未到之前都諗緊,做咩山長水遠來呢度食?而且仲咁舊,啲嘢得唔得嫁?結果非常警喜,啲嘢食仲好過啲XX大酒樓,價錢又抵,而且環境好似去返粵語長片的景咁,勁正!來緊我又約咗啲FD去食,到時再來回報

中央飯店實在歷史悠久，它主打客家菜和鹽焗雞是很馳名，我在很多年前曾經光顧數次。其實不知這間食店是否仍然營業，近日在open rice 看見有它的食評，而且知道竟然有點心食...還有大包終於在普天同慶的日子和蝦子餅一起到訪。客人不算太多，座位亦算寬敞，點心不是劃紙仔的，有嬸嬸推車仔叫賣...很有feel價錢非常便宜(大點/中點/小點-HKD10/9/8)我們吃了：-雞絲粉卷 - 粉皮幾滑，肉餡唔錯...好味蝦餃 - 沒有筍，蝦爽口和有少許肥豬肉....有汁架馬拉糕 - 好傳統既款...都可以三寶大包 - 嘩﹗簡直超大兼正呀﹗個皮做得唔錯，D餡料好堅...有燒肉、雞、少許咸蛋黃和蘑菇片.....必要再次幫趁...尚有大量點心未試，還有馳名鹽焗雞和梅菜扣肉

因為家人說起小時候曾經來過這裏, 剛好今天有空, 特意重臨這間歷史悠久的舊式飯店.外牆的招牌遠遠已看見, 不過原來飯店藏身在大廈之內, 有趣有趣.約傍晚六時到達, 有很多位置可以選, 不過伙計阿姐很好, 見我們4人, 選了一張較闊落的枱給我們.內裏雖然沒有新式的的裝璜, 不過也很舒服, 當然電視是少不了的.因為事先在 Open Rice 看了一下, 大約知道大家推介哪些菜式, 所以叫了三鮮炒牛骨髓: 這是現在較難找到的菜式, 雖然汁的味道較清淡, 但牛骨髓大件及份量多, 再加上有頗鮮味的疑似螺片和生菜, 好吃.鹽焗雞半隻: 這應該不是冰鮮雞貨色, 味道及質感很不錯.酥炸大腸: 也是較少地方可以吃到的菜式, 很脆口, 並以一些紅蘿蔔及白蘿蔔絲鋪在炸大腸之下, 附有一碟酸甜汁, 正!原想叫味菜炒鵝腸, 結果因無貨改叫沙鍋魚頭煲: 據家人分析(因為本人不吃魚頭), 雖然不是大魚頭, 可能是鯇魚魚頭之類, 但勝在真的有魚肉, 而且很脆口, 再加上火腩及炸豆腐和少量生菜, 很不錯.全部的餸菜均份量很多, 就連白飯也頗大碗, 上菜速度也算快, 更有免費紅豆沙奉送, 4人只是吃了二百多元, 最後更有

一踏入五月,身邊特別多人生日,這一次到為兩位中學同學賀壽.其中一位主角,提議到石硤尾的"中央飯店".幾十年的老店,席上竟沒有人來過.此店位置很吊腳,如果坐港鐵,在石硤尾,定係深水步好?但一說是某某機舖舊址附近,大家便有共識,始終,我們也是蒲機竇大的.一行十三人,吃了以下菜式:鹽焗雞一隻粟米魚肚羹金銀蛋莧菜梅菜扣肉四味拼盤紅燒豆腐骨髓炒三鮮龍躉兩味蝦醬爆鮮魷柏葉再一人一罐汽水,白飯,奉送糖水.作為老牌的客家菜館,鹽焗雞一定不會差得去那裏,當泉章居越做越大,水準越做越壞的年代,在石硤尾低調活了超過四十年的中央,鹽焗雞的咸香令人回味.雞皮極嫩,在活雞越來越少的日子,嫩滑的雞肉更顯可貴.粟米魚肚羹也喝得過.金銀蛋莧菜菜滑汁甜,一到梅菜扣肉,便是要一碗白飯的時候,扣肉應肥的則肥,應瘦的則瘦.至於白飯的用途,便是用來與梅菜,扣肉汁一起吃.大四拼有炸大腸,椒鹽鮮魷,豬扒,同腰肝卷,炸大腸不是特別肥,仍保留著獨有的"香"味,如果新鮮熱辣辣上桌,味道會更好.椒鹽鮮魷不遜大排檔之出品.豬扒肉質鬆化,上年在天水圍的客家好廚,吃過甘香非常的腰肝卷,中央一樣有此一味菜,大家也是"自家人"嘛.而此店的腰肝卷,用豬