83
22
6
港鐵石硤尾站 A 出口, 步行約6分鐘 繼續閱讀
電話號碼
27776888
特色
適合大夥人
營業時間
今日營業
06:00 - 23:00
星期一至日
06:00 - 23:00
付款方式
現金
其他資料
酒精飲品
泊車 詳細介紹
電話訂座
加一服務費
電視播放
以上資料只供參考, 請與餐廳確認詳情
食評 (122)
等級4 2022-06-28
778 瀏覽
一間開業近60年歷史的老字號茶樓,食客大多是老人家或附近街坊,室內裝修還保留當年老一輩的香港風味,現在真係買少見少了!相對出面酒樓的價錢,這𥚃顯得更加親民;食物水準中規中矩,如不要求什麼擺盆,其實一點也不差。叫咗四個菜及一窩湯,除咗湯差啲之外,小菜各有特色,尤其喜歡梅菜扣肉,雖然外貌不大吸引,但豬肉肥瘦相間,梅菜惹味非常,送飯更是一流。想回味一下「香港舊日的足跡」,這裡是一個幾不錯的地方。#香酥荔蓉鴨#白果腐竹豬肚湯#梅菜扣肉#紫蘿炒雞片#油泡生魚球#紅豆沙#不收切餅費#中央飯店地址: 深水埗大埔道140號東廬大廈地下電話: 27776888 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-20
568 瀏覽
就係老闆一句8個人可以預訂燉湯就促成了是晚飯局,預訂了金銀菜燉豬肺湯、八寶鴨及大西米布甸,另外仲叫咗了腰肝卷、炸大腸、香酥荔蓉鴨、大良炒鮮奶、煎炆豆腐、梅菜扣肉、欖角蒸魚雲、海鮮雜菜煲同蜆肉蒸肉餅。金銀菜燉豬肺湯只看湯渣就知道非常足料,8人每人飲到3至4碗(酒樓湯碗),消甜好味,豬肺的數量亦算多,豬肺、雞腳及瘦肉吸晒菜乾的香味,推介。八寶鴨嘅鴨偏瘦,肉質亦較結實,釀喺鴨殼入面嘅食材唔會煮得太淋,醬汁味道適中,不會太鹹。腰肝卷味道很好,豬腰豬潤碎作餡料與卷皮很夾,雖是油炸食品卻又不太油膩。梅菜扣肉d梅菜夠香,d扣肉肥瘦適中,我鐘意佢唔會太大碟,始終呢啲罪惡嘢每人食少少就心滿意足。炸大腸炸得夠乾身,又係細細碟,非常好,年紀大真係quota有限,呢啲嘢就算好食都係淺嚐好d。欖角蒸魚雲最正係d欖角,唔鹹,好食,不過魚雲就普通,唔夠肥美。煎炆豆腐比想像中好食,d豆腐都算香豆味,汁又唔會太多。海鮮雜菜煲又係好好食,可能本身對佢完全冇期望,d菜好新鮮同埋個湯都好味。蜆肉蒸肉餅就係肉餅有d潮式蜆仔嘅味,平時土魷蒸肉餅食得多,今次試吓蜆肉味嘅肉餅。香酥荔蓉鴨好彩叫咗,因為真係好正。因為本身已經有八寶鴨,所以費事重複又叫鴨,不過有幾個朋友都話想食於是就叫啦,呢個香酥荔蓉鴨嘅皮真係炸到有層次嘅起酥,芋蓉好夠香。大良炒鮮奶味道只係一般,無乜鮮奶嘅味道。佢個焗西米布甸真係好值得預訂,因為好好食,雖然我哋食到好飽,但係都將個西米布甸清晒,佢係傳統中式嗰隻焗西米布甸,雖然滯d,不過有時食嘢就係鍾意追求呢種好rich好full嘅感覺。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-08-10
0 瀏覽
位於大埔道東廬大廈內的中央飯店,至今已有61年,它沒有富麗堂皇的裝飾,仍保存著用手推車的方式叫點心,不單是大部分員工都在此工作了數十年,連食客也是多年擁躉,每天都在此一盅兩件,就如老朋友一樣。今天到此品嚐一頓午餐,伙記很醒目快捷的招呼你坐下,然後奉上濃濃的茶,比起時下的酒樓改用茶包,你會覺得用茶葉泡的茶是特別香濃有茶味,接著的便叫了幾款點心,山竹牛肉除了大件外,配上喼汁食下去,香軟和滑,蝦餃的皮略厚,但餡料十足而且有汁,蝦肉彈牙,雞包仔比其他酒樓的包點大,餡料多,還有就是豉汁鳳爪,非常入味,而且有花生墊底,除了點心,還叫了一道雪菜肉絲炆米,第一料足,而每一啖的米粉都多汁和有雪菜味,所以這一餐吃得很滿足,價錢相對其他酒樓就算很便宜,可以用大眾化價錢享用經濟實惠的午餐,不妨去試試。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-07-22
143 瀏覽
返聖堂 , 出席完學生的「收錄禮」,我和太座 & 三女 就前往這間在區內屬於老牌的 "中央飯店" 吃午餐 ~這間 "中央飯店" 我們還是第一次幫襯 , 門面並不顯眼,而且感覺老派,但氣氛還不錯的,而且也都乾淨企理 ~值得一讚的是,這間飯店竟然還保留了,"推車仔賣點心" 真是叫人懷念 ~不同的點心當然各具特色又各具其味 , 雖然不是即叫即蒸的那一種,但全都是手工貨, 點心不算太多味精,亦是懷舊的味道 ~福建炒飯 : 勁夠鑊氣 , 吃得出這個炒飯的炒飯底 , 廚師是落足心機去炒 , 芡汁的稀杰度和味道都煮得不錯 , 食材可以用豐盛來形容 , 有蝦粒、雞肉粒、冬菇粒、瑤柱絲、蔬菜粒 , 很有水準 ~揚州窩麵 : 伊麵底 , 看上去有種似 80年代 "鴻圖窩麵" 的外貌和感覺 , 吃落去也根本是鴻圖窩麵 , 材料堅豐富,有 蝦、豬膶、魷魚、雞肉、豬肚,蝦球爽口彈牙 , 蝦有蝦味 , 其他肉料都好有鮮味,伊麵爽口Q彈 , 上湯的味道也是不俗 ~本篇完 ~ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-28
216 瀏覽
Centre Restaurant, established in 1961, is an traditional Cantonese restaurant with dim sum carts. This time we went there for dinner. The price was cheap in general. Most dishes were below $100 in big portions. Five-Willow Fish was perfectly cooked. $75 for half of a fish, head or tail part of your choice. The sauce was vinegary and not too sweet. The head and fins were very crispy and edible. Even the fish had been deep fried, it still maintained a smooth texture inside.Gold and Silver Egg with Amaranth was also delicious. Lots of thousand year eggs and salty duck eggs. Dinner ended with a bowl of complementary red bean soup, which was really delicious. The chenpi taste was pretty strong. The red beans had totally dissolved, leaving a thick texture in the sweet soup. 繼續閱讀
(以上食評乃用戶個人意見 , 並不代表OpenRice之觀點。)