上野鐵板燒專門店

營業中

休息中

眾所周知這間高級日菜店一向價錢不平，難得原來7點前有特價套餐食價錢不太記得了，總之加一前$100以下。這套餐的頭菜就是兩塊魚生。這裡看來很豐富，是因為把我們三人共六塊的魚生也放在一起。又厚身又軟滑好味，仿似入口即融，正。沙律不過不失，口感不錯，夠爽口。主菜來了，牛肉加魚柳。牛肉幾有牛味同新鮮，有層次感。魚柳的魚味，配搭面頭的蒜香好夾。個炒飯忘記了名堂，總之很香和好味。這日行完山其實很累，但食完呢餐叉完電醒神哂。

上個禮拜一年初八，公司開工大吉！放工後老細請同事去附近間叫上野鐵板燒度食開年飯。講真，我每日返工放工都經過，但從未食過！果日早收工，所以早佐過去，就唔洗等位。店內環境舒適，地方唔算大，我們八人共坐了兩台。見到有幾款套餐，好似幾抵咁，我哋求其嗌，抱著試一試的心情。點知味道確係有驚喜！法國鵝肝幾新鮮而且都幾肥美，但有少少腥，我就比較怕腥味，就食得少啲。見班友仔就食得幾滋味我就比較鐘意果款牛柳（菜名已經忘記），肉質好嫩，醬料very good。仲有就係老虎大蝦，好大隻好厚身，唔知道上面那層是什麼醬，很好食，但有啲少，我另外叫師傅再加多次醬料給我們。同埋帶子皇都幾好，但係細隻佐少少。E餐飯貴就唔會好貴，但分量幾足，有個別菜式咸佐啲。 性價比算高    下次會和朋友再黎！

昨晚和友人係旺角濕平，經過通菜街見到間鐵板燒，有做promo就入去試下。因為都幾餓，所以我們三人嗌佐好多嘢食。海膽炒飯唔會干，好入味，堅開胃！最緊要分量夠，如果料多啲就更好。刺身就嗌佐一款試試，都幾新鮮，又夠厚身。安格斯肉眼扒，賣相幾好，但熟得制，下次要試下6成熟先得。最後一味，黃金老虎巨蝦，勁大隻（唔識影相，睇唔出效果）。啲汁同蝦好夾，但係汁好少，我嗌師傅另外加佐啲比我。這間店叫上野鐵板燒，服務員都好nice，啲嘢都幾好食，會再黎！希望多啲做promo啦~

同男友行完旺角，跟著佢就提議去食野，咁啱經過喺女人街嘅“上野鐵板燒”，於是就入去試下。店面唔算太大，我地選擇左坐吧枱， 經店員推薦點左個二人套餐，有雜錦刺身，鐵板配菜，沙津，大蝦，饅魚，法國鵝肝，牛柳，炒饭加甜品等，有十幾樣。前菜蟹棒沙律都幾好， 麵豉湯就好普通，刺身有三文鱼、甜虾、油甘魚，蘸上酱油芥辣，新鮮味道唔錯；鐵板燒大蝦是介于煎和烤之間，蝦肉鮮香爽脆，别有一番滋味！鰻鱼本身鮮美，燒後皮脆肉香，蓬鬆柔軟。牛柳煎至五成熟，口感純正，滑嫩😃！煎至外脆內嫩的鵝肝，鋪在多士上，呢種食法係第一次食，好正。海膽炒飯，大廚一路炒緊，我地已經聞到香噴噴的味道，真係垂涎欲滴，食落真係好香好回味鐵板配菜和其他就冇乜特別。最後来埋甜品～芝麻味和红豆味雪糕，為這次大餐錦上添花。坐吧枱嘅好處呢，就係可以一邊食野，一邊欣賞到大廚就喺面前烹調食物的精彩表演，一道道菜喺大廚的精心炮製下，如藝術作品一樣變得精緻矜貴，姐係有得睇又有得食。呢間餐廳的食材新鮮，份量十足，服务亦周到，下次會再黎！

大少話上星期食咗新世紀鐵板燒，不如我地今晚去女人街入面繼續食鐵板燒囉~其實我地以前食過一次架喇，果時都覺得佢幾貴，但係，無諗過佢開多咗間鋪竟然有特價一人晚餐，睇完Menu，大少話，不如好似上星期咁，一人叫一個餐，一個平加一個貴~咁我地就決定叫一個$88一人特價晚餐同$198鐵板魷魚套餐(一人前)有酸汁、洋蔥汁，我個人就覺得個洋蔥汁好味，但係大少就覺得個酸汁好味啲三文魚刺身田園沙律豆腐沙律 - 我幾鍾意佢個沙律醋汁，雖然比我接受嘅酸味濃少少，但係同淡味嘅豆腐都幾夾三文魚蟹籽沙律 - 我地今日係咁食菜XDXD呢個如果轉用沙律醋會好味好多，因為用沙律醬，又唔係全部菜都有，有啲怪怪的鐵板魷魚套餐(一人前) - 鐵板鮮魷魚筒、清酒煮帶子、香草三文魚扒、美國肥牛薄燒、鐵板配菜，個三文魚煎完都唔會好腥或者好“鞋”，可能都係只燒熟7成，所以都重好淋~魷魚、帶子都OK，不過個肥牛薄燒好特別，肥牛入面有炸蒜頭同蔥，其實呢兩樣野我本身都唔食，不過……今次好難整晒出嚟，所以都要照食，不過當然……一如以往，蒜頭都唔會係我杯茶~呢個係特價一人晚餐，有美國肥牛薄燒、鐵板配菜、清酒煮帶子煙肉黃金炒飯 - 其實真係幾好

今次同阿媽星期五來食,巳訂2位7點半bar枱,來到其實已經差不多滿座了,侍應生有禮貌的招呼我地坐低,介紹了一個新二人秋季鐵板套餐,真是豐富。什錦刺身幾新鮮, 但擺設一般, 極力推介黃金老虎大蝦, 彈牙, 爽口, 味道鮮甜, 好似食緊龍蝦咁 。我地仲選了鯖魚, 幾香口, 法國鵝肝皮脆肉嫩, 不太膩。食了２小時,都差唔多,女師傅一有時間,還會帮我地換碟,問我地啲未道ok嗎？经理見我同女師傅好傾,還送了支小清酒給我地飲,多謝！總括這餐飯已很超值,又可以睇師傳即場表演, 阿媽都好興奮,睇到嘩嘩聲, 仲話要再來。

八月十二日老婆生日,放工後, 同老婆享受一餐正既鐵板燒, 即刻諗到上野, 其實之前同朋友都食過, 味道相當不錯, 所以決定再試，到達時已九點多，所以唔使等, 坐的位置都十分好, 而且開始不是太多人, 可以一邊傾偈, 一邊欣賞師父的表演, 負責幫我整的是一個女師傅fanny, 雖然是女仔, 但技巧純熟, 而且十分懂得攪氣氛,又健談, 所以整晚都沒有冷場。食物方面, 沒有令我們失望, waitress介紹左日本酒比我地, 最初都驚兩個人飲唔晒, 但原來入口清甜, 最後都飲晒, 十分正。黄金老虎大蝦切下蝦頭,去除蝦殼,挑去蝦腸,然後加芝士,蛋黃,蝦膏等再切件上,超好味, 鮑魚當然十分好味, 保持水準. 牛柳亦相當出色，五成熟，點火燒一燒增加香味,可囗無比。而鵝肝多士,金黃香脆,內嫩滑,入口即溶,面包作配搭,令我們更加享受到鵝肝的味道.會介紹朋友來試,waitress服務唔錯,不停帮我哋換碟及加茶,又會簡介每一道菜式,以及介紹╴下醬料及食法,還會了解下味道情况,令我哋有賓至如歸的感覺

6月17日女朋友生日,話想食鐵板燒,有朋友介紹我食呢間.入到去地方細細右邊有張bar檯約坐20人,我地坐了bar檯,order了二人前海鮮餐,有沙律.主菜有大蝦.魷魚.帶子皇等等.都好多野食.大蝦好新鮮彈牙,北海道帶子皇鮮甜,日本魷都好爽,炒菜就一般.個侍應仲主動介紹鐵板燒食法,服務一流,還給我地任食雪糕

今晚去食海膽壽司，超難食，紫菜淋晒，海膽唔新鮮兼有怪味。三文魚壽司啲飯未夾超已散晒。海膽炒飯完全無海膽味，啲飯唔夠乾身仲要炒燶咗，仲差過酒樓啲楊洲炒飯。總之極差

上野鐵板燒係好耐之前已經有朋友介紹過,今曰女朋友生曰來食鐵板燒,好快想起上野,訂了2位7點半吧位,,我們叫了一個二人前限定鐵板餐及單點包魚,套餐有雜錦刺身.沙律.鵝肝.大蝦.安格斯牛.海鮮炒飯.炒什菜.甜品共約10道菜,首先來個刺身及沙律好新鮮,之後隔了10分鍾師傅開始煮我們的野,大蝦很彈牙.鵝肝就不過不失,師傅還會問牛肉食幾成熟,我們要5成熱正.正.正.我女朋友最中意師傅煮火包魚.好味有好玩,很飽最後都食不下甜品了師傅很好人.下次帶阿媽來食

行過入黎一試叫左個套餐有4樣野：三文魚刺身…唔錯燒什菌…正，好有心機望住師博慢慢燒至愛燒羊架…慢燒羊架，最後仲切粒連骨上碟，好細心，味道都唔錯鰻魚炒飯…已經食到飽飽地，所以覺得無咩特別，但幾香！

入到去即刻叫個虎蝦餐 但係叫佢地落單 叫左幾次都同我地講等等 大約十零分鐘後先成功落單 . 咁個餐前菜 有 沙律 壽司 刺身 等等 非常平凡 同出面既質素差唔多 但係個餐最主菜之一既虎蝦 卻令我大開眼界 非常大隻 好甜美彈牙 真係色香味美 樣樣具備 真係值得一試 其他 龍利 牛肉 都賣相同味道都唔錯啦不過 價錢方面都比想像中貴少少 都算啦 有隻咁正既大蝦 下次都可能會簡呢間試返佢地既大蝦

同朋友去食 我地簡坐係吧枱到 叫左個龍蝦餐 首先黎左個沙律 酸酸地幾開胃個刺身 炒雜菜 炒飯 正常水準啦 到主菜 見到廚師囉住把刀耍黎耍去咁幫我地開隻龍蝦 幾有娛樂性 而且味道非常好 . 之後黎既龍脷 , 鵝肝 都唔錯 仲有值得讚既係個龍蝦湯 幾濃味 最後甜品幾好味 搞到我好想食多杯. 總結黎講 味道唔錯 又有娛樂性 值得一試 .

是夜於旺角閒逛, 不知不覺已十點幾, 行到女人街有個阿姐派傳單, 鐵板燒D相又幾吸引, 有鵝肝, 有海鮮, 決定一試。兩個人入到去, 唔多人, 可能已過晚市時段, 侍應姐姐推介左D海鮮SET, 但又唔係樣樣想食, 結果都係散叫:老虎大蝦★★★★★熟度剛剛好, 肉質彈牙, 味道鮮甜! 聖子皇★★★★★非常新鮮, 好正, 調味特別, 有D GARLIC, 食唔出仲落咗咩, 好味鮑魚★★★★☆都係好鮮甜, 不過有D貴鵝肝★★☆☆☆太油, 唔夠香, 四件鵝肝連埋多士上, 塊多士吸哂油安格斯牛扒★★★★★半熟剛剛好, 牛味重, 好味赤貝北寄貝刺身★★★★☆新鮮, 都唔差埋單近一千, 無預算食咁貴, 不過D野係OK, 食材新鮮, 下次再試其他野

旺角勝在食肆林立，有平有貴，豐斂由人。街上派着傳單，心神被那個特價餐吸引，於是走進上野鐵板燒專門店吃晚餐。點了那個近乎半價了的套餐，包括：1.一小碟沙律～沒甚麼特別好、特別壞。2.三文魚壽司～一般平價三文魚的質素，不算美味。3.鐵板燒帶子～噢，那個貝殼非常大，而且異常潔白，帶子上的牛油加醬油，好味！4.鐵板牛肉卷～肉質嫩口，佳！5.炒雜菜～份量十足，但對於蔬菜厭惡者的我來說實在是Too much...6.炒飯～師傅表演打蛋，原來雞蛋可以站起來，當然亦會有失手的時候，旁邊另一位師傅弄得一板蛋殼，呵呵。一大碗熱騰騰的炒飯，正！7.甜品：布甸，亦是沒甚麼特別好、特別壞。兩個人吃得飽飽只花了$207，超實惠！除了特價餐，喜歡吃海鮮的朋友可以試試那些海鮮餐，那些蝦大得厲害，看似很多肉，果然是一分錢一分貨嘛！一邊吃，一邊看着師傅炒，真的食指大動，有時還有搶火場面，很精彩！