上海香港麵家

營業中

休息中

今日很想吃次飯, 便到銅鑼灣這家老字號買.... yi?!?! 上星期四到來買時還是$11/個.... 今日便要$13/個... 加肉鬆要加$5???!! 沒有想到內褢的肉鬆這麼少.... 當然沒有加肉鬆, 但吃起來真的比之前少了 怪不得要加$5 .... 發生了什麼事??? 老闆很不濟要加到消費者身上嘛???

今天H放工後要去香港仔食團年飯，但因太餓了，又明知一定遲開席，故此 H & K 決定在銅鑼灣轉車時順道去好久沒光顧的小店子食粢飯。小店子的格局仍然沒變，當然又是坐滿人，等了一陣子便有位，但等了很久才有伙計理會我們食了:粢飯 ==>走了榨菜，餡料只有油炸鬼及肉鬆，味道不如以前，油炸鬼好淋呀熱豆漿 ==> 無豆香味，重有渣吖雲吞面 ==> K 話幾好味這種老店子，員工都是老伙記，故不評服務，但食物水準好像有點下滑了。

此店時常客滿，座位非常擠迫。食物方面，都是點了三款大路嘢。熱荳漿不是太甜，味道適中。小籠包皮太厚、無湯汁，只屬僅僅及格。最好食係粢飯，温度超熱，陷料份量ok，但如多一些肉鬆會更好！

上星期去到呢間食晚飯, 點了薰魚菜飯, 薰魚ok! 個黃豆湯一飲之下, 好鹹, 講畀個老板聽, 點知回了一句精句 "幫你加返d水" 碗湯返到黎, 又試飲下, 碗湯變成唔湯唔水, 我又話畀個老板聽, 問佢可唔可以換杯荳漿, 又回了一句精句, "唔可以, 好難飲呀? 唔好飲羅!" 仲有上次我見到佢地跌左塊蔥油餅落地, 跟住個好嬏二話不說執回蔥油餅到一個平時不放野的位置, 隔左無耐, 有人order 蔥油餅, 個阿嬏就拿拿聲拿返o個塊蔥油餅上枱, 呢間野衛生做得好差. 蔥油餅雖然做得好味, 不過我見過呢件事, 就無order 過蔥油餅

10點放學, 一個人在銅鑼灣找食. 以簡單方便, 快為主. 來到渣甸街, 不想食太多, 又唔想食麵......考慮了一會兒, 來食上海野.回鍋肉是我的最愛, 叫一個菜飯餐, 有兩碗飯, 十足傳統的客飯形式. 用料同味道不差勁, 仲有一個黃豆湯.....好上海, 椰菜同肉片比例亦平均, 唔會搞到菜多肉少或肉多菜少.....夜了, 快快了事, 而且手機沒電, 沒有拍下照片.

千年一劑咁杰既爆水管, 冇車搭, 要走過來呢頭, 見成條街只得一檔係 24 o既, 入了去食個麵才回家.sogo 對面租唔平, 多數麵都要 $30 以上.叫了碗擔擔麵算了.都好快手, 兩分鐘便有得食.麵冇乜鹼水味, 好幼身, 都幾爽.pat 擔 擔 ok. 夠晒花生味了.擔擔麵 係四川野, 呢間卻係上海舖呢...下次食返上海麵啦...店內都不少鄉親幫襯呢...

上海麵食 - 上海香港麵家2008-6-29 13:44尋日響香港法國醫院出院, 於是走左去渣甸坊呢間上海野食午餐我地叫左一碟窩貼一碟生蒸包一個粢飯一個排骨上海奶麵兩杯冰豆漿八十幾蚊走人............不嬲呢間野都好好食.另外特別介紹咸豆漿上海粗炒三絲炒年糕小籠包蔥油餅豆沙窩餅總之 好食既野 一次係食唔晒既行開果頭 咪去試下囉

本來想去榮記，但實在太熱了，不想吃熱辣辣的車仔麵，在銅鑼灣走了好久都沒頭緒，然後W突然靈感來了，帶我鑽進巷子吃豆漿粢飯。店很簡陋，但坐滿人，要等一陣子才有位；粢飯是中年嬸嬸在門口即製，差不多枱枱都叫，可見是招牌菜，我們每人要一個，另加生煎包和鍋貼，配凍豆漿。粢飯用透明膠袋包住，體貼地切開了兩半方便吃，餡料是榨菜和有點乾硬的油炸鬼，不是驚為天人那種美味，但感覺很家常，就是在上海每一條弄堂一般巿民會買回家當早餐吃那種。豆漿也很不錯，質感甜滑，不像外邊那樣不是粉粉的便是一股化學味。鍋貼的皮有點漿口，肉餡的韮菜量也太少；生煎包同樣很一般，沒有肉汁，而且擱冷了才上桌，風味大減，獨是沾在包子上的芝麻很香，像是先炒過的。想來始終是街坊店，需要高一點技巧的菜色便略遜一籌，不過這種平實的上海味道，感覺非常親切，就像大排檔之於香港人那樣，隔一陣便想吃一次。

食過好多地方既粢飯, 呢間最好, 所以好多時都會去買外賣。鋪面吳大, 人又多, 坐得幾迫, 所以好少會堂食次次行過都見d師傅係度密密包, 生意真係好到不得了。要左一個鹹既, 剛剛包出黎, 熱騰騰, 拿係手中, 都幾燙手架。粢飯雖然係一樣好簡單既野食, 但係都好講求用料同埋比例, 好似呢個咁, 陷料好豐富, 吳會只係食倒飯咁滯。油炸鬼雖然吳脆, 但非常之香, 咬落去, 個種油器既味道, 令人難忘。肉鬆好細緻, 一絲一絲咁, 夾雜埋d鹹菜食, 正呀!如果想多/少某一樣既配料, 可以出聲, 佢地會好樂意同你整相同其他食評可以去我個bloghttp://hk.myblog.yahoo.com/food_talk2008/

栥飯 + 咸豆漿呢個係我係呢到既鐵謄, 水準永無失準係會坐得迫d , 伙記同老細次次都鞋口鞋面, 食完好快快走人

食粢飯一定要黎上海香港麵家, 因呢到的粢飯係我食過最好食既. 其一係佢不停地不停地做, 所有好新鮮同熱辣辣, 糯米軟軟, 中間的料可依的喜好加減.只係這裡環境較差同洗手間永遠係"修理中"

哈哈, 早幾天同朋友去行街, 之後黎左呢到食飯....我地2個人點左:1個粢飯1牒窩貼1個沙爹牛肉粉絲1個豆沙窩餅2杯豆漿樣樣都ok啦.... 個粢飯好熱,正~!!!!

o琴日下午5 點幾去口痕去食，第一次唔洗坐到咁迫，唔洗搭枱。叫o左粢飯($11)，細細個食到而家，以前只係$6 咋。不過好似無以前咁好食，可能因為唔係即整啦。我朋友仔就叫o左個酸辣湯($20)，細細碗，我覺得都幾貴，但係無試過，因為我唔食辣。佢o個到話最低消費係$18，不過可能因為唔忙，佢都無點理(我見隔o黎3個人叫2 樣都無嘈佢o地)，但係忙o既就唔好啦。

呢度最著名嘅食物，莫過於擺响門口嘅即製粢飯...自己對粢飯並不十分愛好。通常去到上海麵舖，都會選擇窩貼、油條或小籠包再加杯豆漿，粢飯從來不是那杯茶...但今日肚子實在有點餓，太座又唔知幾時走得，反正呢度之前又未試過，十二大洋大大份，又夠飽肚...質感包得幾實淨，油條及肉鬆份量亦夠，只是鹹了一點。滲些少白糖上去，鹹鹹甜甜咁樣，滋味可能更勝一籌...

2月23日, 想食粢飯, 哩頭好似冇乜地方有粢飯食, 唯有去呀菲以前成日去既哩一間啦~ 平時黎食都係叫粢飯豆漿豆花鍋貼, 真係完全唔覺佢有飯麵食. 除咗粢飯豆漿, 今次我地仲叫咗其他野, 不過有如快餐咁, 得個快字, 價錢仲要貴過餐廳, 又唔係大碟, 又唔係好食, 下次都係唔好去叫d小食以外既食物……::: 粢飯::: $11粢飯應該唔係即叫即整, 因為裏面d水氣出晒黎, 又唔熱~ 糯米好硬好難趙, 油炸鬼料好短, 食到2頭完全得糯米, 冇味淡茂茂, 唯有食剩d糯米算了…::: 豆漿::: $7都有豆味, 總算唔係落好多糖水, 唔會好甜~ 一般一般……::: 蒸小籠包::: $21超差! 真係快餐, 叫咗唔夠5分鐘就黎到, 擺明係蒸定啦, 仲要廿幾蚊一籠5隻, 好離普……肉都ok, d皮完全唔掂, 擺喺個蒸籠太耐, 皮好濕, 唔夠乾, 好易夾散, 咁既價錢點解唔食王+沙或者南翔?!::: 雞絲粉皮::: $38算係比較ok, 不過都唔係話好好食. 可以用”寡”黎形容, 麻醬+雞絲+粉皮係咁多~ 火腿冇, 連基本既青瓜絲都冇…味道幾好, 粉皮幾鮮幾彈牙. 雞肉都多同夠凍夠乾. 雖然份量多