上海香港麵家

營業中

休息中

今早路過,正打箄吃麵,見它門口banner寫著(馳名嫩雞煨麵)!來一碗吧:只約4分鐘便端來,心知不炒。見賣相更加相都唔願拍!!!4分鐘怎能煮出餬口的湯?水汪汪兼味淡淡,麵唔夠滑,雞肉粒鞋口乾身!好辛苦吃了一半即比錢走人,永無下次!!!

有日行過銅鑼灣餓餓地,經過呢間鋪頭諗住食個粢飯坐下休息下. 個粢飯黎到, 太熱, 用厠紙包住黎食,都係太熱. 決定用快子. 點知個疑似老闆的男人行埋黎.話我" 食粢飯唔應該用快子, 快子用黎食面" 我答反佢" 太熱, 用手拎唔到" 佢仲係度話我..心諗.真係太熱先至用快子姐. 你洗多對快子唔會用你好多力同水姐....講返D 食物, 粢飯一般. 初時諗住只係食個粢飯就走. 見到佢貼左張紙話" 最抵消費十八蚊".只好再叫多個豆花. 都係MA MA 地.......服務態度同野食都唔得......以後都唔會再去......

最近我都在銅記浮遊, 不是要跟我的agent 會面, 就是去買東西, 所以為了方便就經常來到這邊吃一個粢飯和喝一碗鹹豆漿^^以前還小的時候, 爸爸媽媽都會在星期天的朝早, 帶我去吃上海早餐,所以我對鹹豆漿很有印象,以前我太喜歡吃的, 但是人大了, 反而會懷念鹹豆漿的味道.這裡的鹹豆漿味道很夠, 又有一條條小銀魚和榨菜,豆花也很多, Yummy! 我不知道是不是全城最好的, 但我已自覺很不錯了.至於粢飯, 鹹的也有甜的也有, 甜的撈了沙糖, 可是沙糖不均勻, 變成有些太甜, 有些則沒有味道 @.@ 鹹粢飯也不錯, 榨菜較多, 熱辣辣的上枱, 有點辣手呢.....每次來去這裡, 到知道一些餐牌上沒有的菜 (因為聽見別人叫麻), 例如豆漿加蛋, 首先將蛋放進碗中, 撈勻它, 然後沖進熱的豆漿, 我飲了廿幾年的豆漿, 也不知道原來豆漿可以有這樣的食法 ; 另外還有鹹豆花, 這個也是餐牌上面沒有的, 原來就是加上榨菜的豆腐花, 我看見叫的那個女人還加上了大量胡椒(因為我坐在她的斜對面, 打了幾個噴嚏), 但可能不是香港人的口味吧, 我下次會寧願試試豆漿加蛋~~

以前在灣仔返工lunch會特登行過黎買粢飯食, 當日行完花市特意黎懷緬一下, 點知,,,,,,,,,,,,一坐低我已經好快order左鹹粢飯, 凍豆漿, 友人都仲未諗到食乜, 好快有個疑似老細既男人走過黎問我地叫左野未, 我同佢講: "叫左, 佢未諗到, 轉頭先!" 過唔夠一陣, 又走黎問, 我答佢"未得, 等多陣一 , 跟住佢就黎個好不耐煩既樣, 應該話佢對住個個客都係咁既樣,之後佢指一指牆上個牌 "最低消費 $18 一位", 我當時心諗"咦, 一個粢飯$13 + 豆漿$7, 唔夠$18咩??" 之後先諗到佢話我朋友唔叫野食, 真係火都黎埋, 0岩0岩入黎, 櫈都未坐穩已經不斷催我地落單, ,佢講既時候態度又衰, 面口又衰, 攪到我地好似冇錢比, 0黎乞人食咁, 如果佢態度好d咁同我講我都唔會嬲到友人諗到叫咩既時候, d職員好似當你透明咁, 行過都唔理你 放低佢咁差既態度, 平心而論個粢飯 - 超級鹹, 除左好鹹既榨菜味 + 極多油之外, 我咩味都食唔到, 3年前都係講緊$8個, 依家要$13, 加價幅度大不但止, 食物質素亦極速下降, 好唔掂~~~~~~~~~~友人叫左豆沙鍋餅$2

中午冇食飯, 三點幾出去食個tea, 行o左成條渣甸街都冇乜心水, 求其入o左呢間....... (以後都唔求其了)入到去, 環境一般啦, 始終係平民化食店, 冇所謂攞起餐牌, 油laplap, 都冇所謂睇到d 選擇算多, 但都唔平$17 先至得4只鍋貼, 粢飯成$13 隻, 銅鑼灣嘛... 算啦諗諗下, 粢飯好似係招牌菜, 叫o左個粢飯+甜豆漿, 食完唔夠先至再叫d野好快到o左, 個粢飯一d都唔熱(少少暖)... 原來唔係即包的... 可能係lunch time 賣淨的... size又細食落去, d 糯米硬的, 一d糯米香都冇, d 料少又唔夠味, 條油炸鬼唔脆.... 失敗柸豆漿... 鞋, 同糖水冇分別, 一d豆味都冇, 得個甜字食完走啦, 唔夠飽都唔再叫...

也很久沒有吃過豆漿粢飯了，是日與女友路過此地，見到有豆漿粢飯，也真的想回味一下以前在台灣吃過的味道，見到門口有一些已包定的粢飯，但只有三隻，存貨不多，加上店內滿座，而店員還在不停的包，看來這兩三隻也是包好了不久的，所以決定入內一試，除了粢飯，另外也點了鹹甜豆漿各一，再加個鍋貼，相信已經是兩口子很飽足的早餐了。粢飯用了保鮮紙包着，而且真的是很熱的，熱得燙手，冒死也要吃熱的，強忍巨熱破開了保鮮紙，就一口咬下，飯身鬆軟有嚼勁，黏黏糯糯的不錯，可惜就是好像多飯了一點，咬到了深深處才有餡，餡也是一貫的榨菜、肉鬆及油條，油條軟腍腍的，整個口感不夠爽，另個人覺得榨菜也下得不夠多，味道主要由肉鬆帶起，但偏偏本人喜歡榨菜多過肉鬆，所以這個粢飯，個人來說是吃得不大滿意，個人覺得最好吃的粢飯是在台灣！另外的鍋貼沒有比上述的粢飯好，鍋貼皮軟腍腍厚沉沉的，雖然很熱騰騰，但極度懷疑是用微波爐加熱的，肉餡多但鬆散，沒咬口又沒肉香，真的很不行，要靠枱頭的醋去救它一命，要不然真的吃不光它們。甜豆漿普通到唔普通，不太甜而有點豆味的，但喝起來有小量的豆渣，喝起來很是不爽。最教我驚喜的是那鹹豆漿，幸好有它，這餐才不至於失望，

女朋友今天安排了日間就到海洋公園遊玩一番，原因是我今日又大一歲了。女朋友知我有很多年沒到過海洋公園，加上生日當天免入場費，因利成便，上午到海洋公園，晚上到外面吃飯慶祝（不過女朋友說晚飯地點暫時保密）出發前，我們己想好到銅鑼灣吃點東西，再坐巴士到海洋公園（吃早餐地點女朋友也一早想好了，她說很想回味一下小時候吃過的粢飯豆漿云云．．．．．．）我們坐車到銅鑼灣後，女朋友就帶我來到了「上海香港麵家」時間尚早，店內人不多，我們入內坐定，先叫了兩個鹹粢飯及兩杯凍豆漿（女朋友又想打我主意，說叫一個甜一個鹹粢飯Share來吃，但我只想吃鹹粢，女朋友只好作罷）粢飯到了和豆漿很快就送來了。鹹粢飯Size不算很大，上枱時已對半切開，可以看到糯米包著的餡料不算太多。一口咬下，糯米尚算軟糯，不過重心的油條已經變腍，一點香脆感也沒有，應該不算太新鮮，加上炸菜粒及肉鬆也鋪排得非常稀疏，味道不很突出，質素平平。豆漿豆味不算太濃郁，比起一些豆品專賣店的豆漿是沒得比的，唯一比較好的是不會太甜，比較合我和女朋友的口味。吃過粢飯，女朋友怕我不夠飽（因為在海洋公園玩足大半天）於是叫了一籠小籠包。小籠包小籠包上枱時竟然裝在飯盒內（

做到 wing wing 地, 收工已餓死, 來到銅鑼灣, 速速找地方吃早餐。甫跳下小巴就見到這家有如「些粉」般 24 小時營業的上海香港麵家, 「事事旦旦」無謂深究便「中」了入來。坐低, 上海早餐不出豆漿粢飯, 吃這兩樣實無錯。今天想吃鹹豆漿 ($9), 牆上剪報介紹鹹豆漿可配甜粢飯, 不過我長這麼大都未吃過甜的粢飯, 而且昨晚吃甜太多, 還是要回鹹粢飯吧 ($13, 鹹甜同價)。門口是有位阿姐專做粢飯的, 不過入來買的個個都要起碼一個 (堂食外賣皆是), 所以也早有預謀地做定一堆放在前面, 我一落單, 另一位阿姐即從那堆粢飯中取了一件用膠袋包好的, 放到碟上, 然後手起 (剪) 刀落剪開一半, 「 蓬」一聲降落在我的桌上。不一會, 鹹豆漿也來了。先吃一口粢飯, 看樣子, 糯米飯也實在褢的相當結實, 但好在夠熱, 油炸鬼正如下文太公小姐所言, 是淋淋的了無生氣, 要咬開也有難度, 肉鬆和炸菜也不很多, 吃了半份, 終於吃不消 (好頂胃啊), 拿個袋裝起其餘半份回家再想辦法。$13 一件, 貴得不值, 貴的原因相信和過幾間鋪的「些粉」賣的東西特別貴相同。鹹豆漿反而幾得意, 以前吃過的

週六下午，太公要幫同事湊女，陪睇Keroro軍曹大電影；本來想趁一場出到銅鑼灣，拜訪一些心水食店，豈料甫出地鐵站雨如倒水般注下，沒法，只能就近去渣甸街吃個粢飯吧午餐解決掉。要了個粢飯和咸豆漿 - 老實說，雖然有位阿姐專責粢飯和豆漿事宜，但一個個粢飯都不是即叫即制，而是預先製作好，起碼都放了十幾分鐘，甚至半小時以上，再好的油炸鬼，也變淋。不過這店用在粢飯裏的油炸鬼倒不受影響 - 因為用的是不新鮮油炸鬼，外皮非常很韌實，要花好些勁才能咬開；用的肉鬆也不夠香鬆，唯有糯米飯叫做蒸得軟硬度和濕潤度都適中，不過都難吃度都爆爆地燈；雖然出品已比一般港式小吃店所作的為佳，但在上海豆漿店來說這絕對不是其麼好貨，也竟稱自己做「粢飯大王」，一個索價十三大洋，有點過份。咸豆漿($9)倒不錯，豆漿帶點豆香，豆花也多，本屬不錯之物，可惜又是那幾件韌實大煞風景.....

下午夠鐘食野. 去左呢間食野.我記得細個爸媽帶過我黎呢到食粢飯豆漿 個陣十蚊有交易喇. 而家要廿蚊先出得門口.叫左上海粗炒＄３５同甜豆漿＄７- 上海粗炒等左一兩個字先送上黎. 都算熱的.但份量真係算少. 餸就得幾條椰菜 兩片冬菇絲 同三條肉絲. 有點失望. 雖然味道真係唔錯.-甜豆漿叫完之後見到個女人放左兩大匙白砂糖落碗之後再加熱豆漿落碗 咁誇張 睇到我眼都突

很喜歡小籠包的我再到這店光顧，可惜今天的小籠包真的不太ok一夾即穿而且有些不夠熱的感覺朋友說這是蒸完再蒸的效果事實上，包片真的抽乾了水。另外叫了酸辣湯，很削。似水一般。不過味道還可以的。至於粢飯，味道還是很好的不過都縮水了。但店內的姐姐服務還是很好的，有禮又快手。

看戲約會後隨便選個地方午餐~點了上海粗炒和獅子頭菜飯。上海粗炒: 麵身粗, 但很"林"很濕, 不好吃菜飯: 菜的份量很多, 不過飯都是很濕的獅子頭: 伴著有很多小白菜, 2大粒的, 肉較肥, 而且汁的味道很怪黃豆湯: 小妹喝了2口, 有點罐頭湯的感覺﹏=小妹或許未必會再來試了 =[

一直也覺得這裡抵食，直到這一次。熏魚面，熏魚入味，骨不算多，份量挺多，面亦不過淋，這樣的價錢算抵食。熱豆漿還是不錯的。蔥油餅一上，見其模樣已不想吃。一看就知弄好了好久，冷冷的食落不香不脆又不軟，只覺一口油，唯有放棄，好在只是七元而已。 鍋貼，雖然極喜歡食鍋貼，但這裡的皮厚又粉，而且亦是弄好良久翻叮之貨色，味道可想而知，也放棄食皮了。這裡的粢飯是現做的，味道不錯，不過十三元一條也確實是貴。有好有差，不過一想起那蔥油餅，還是喊面吧。

記得細個的時候..每次去銅鑼灣都會食的豆漿粢飯已經好幾年冇黎過了..依然係咁多人光顧...記得那時他的粢飯還是7~8 元一個..轉眼間已經加到成$13一個了..偏貴啊!!上海粗炒 $35 好油..味道沒什麼特別但價錢偏貴!豆漿 $7鍋貼 $16 4隻薰魚面 $3X走時發現原來佢外賣粢飯特價$11 ....之後買個返屋企食...但坐車時發覺他的飯已經開始硬曬了..唔得唔得...新鮮整的都會這樣~~

今晚點了一個客飯麻婆豆腐菜飯 麻婆豆腐份量不小, 點點肥豬肉配以辣味適中的豆板醬, 十分好下飯 菜飯帶點點油份, 菜已黃亦不減對此飯的好感, 因為十分有家既感覺, 似乎剛從自家電飯煲取出, 一口氣幹掉了二碗菜飯和一大碗黃豆湯, 幾滿足 隔離枱的幾名男食客似乎以眼神告知 : 此女子的食量何等嚇人 。黃金時間, 7點多亦只有一半食客, 比起以往6個客坐一張枱的日子, 已一去不返了 。