上海香港麵家

營業中

休息中

2008年1月13日食完勁難食的太興, 要安撫下自己, 去呢間試試.聽大家評語, 要粢飯多炸菜, 幾好味喎! 其實呢次係我生平第二次食粢飯, 所以我唔知佢正唔正中, 只係自己覺得味道比我第一次食果條好.大細一樣價錢架!有下次!

4:xx pm 先食完個飯糰lunch, 但唔知係天氣太凍抑或我「生積」, 5:xx pm 已餓得發慌, 0黎呢度醫醫肚. 0黎過呢度無數次, 都係食走榨菜粢飯同小籠包為主, 今次唔想咁寡, 結果又熱(甜)豆漿又嫩雞煨麵又銀絲卷.先0黎熱豆漿, 飲落幾silky, 豆味都幾香, 加上熱辣辣飲得過癮, 果然係冬天0既良伴=D 蒸的銀絲卷軟熟, 都幾難唔好食, 不過可惜同上次九龍城一品香0個d 一樣, 中間唔係起絲的, 唉. 嫩雞煨麵d 麵都煨得幾腍, 加埋爽口的白菜一齊食, 唔錯; 雞粒有少少0鞋, 湯底亦「正宗地鹹」, 幾對口味.埋單約$50, 真係第一次0係呢類上海鋪食超過$30 0野... 不過點都好, 會繼續幫襯的. 下次會試試其他麵食.

很喜歡食呢度嘅餈飯,每次經過都心思思想食!尤其係冬天,揸住佢暖笠笠!如果女仔嫌太飽,可以叫細飯!佢會即刻整!食過佢其他嘢,麻麻地,又唔平,都係餈飯熱豆漿最好!

認為是全港最好食的粢飯, 當然沒有吃遍全港, 但起碼是吃過的最好吧.24小時即叫即包, 而且份量好足.油炸鬼脆, 肉鬆炸菜比例剛好, 百吃不厭.但服務態度一般, 永遠都是外帶好了.

店舖就好簡單, 食完要走那隻, 仲寫住24 小時營業, 真係利害!lunch 食左碗擔擔面, 幾好食, 湯濃度似傳統有花生那種, 可以再visit!

跑季又來，出到銅鑼灣時，天還未亮。走在渣甸街，吃早餐時選擇不多，不想吃老麥，成條街就只有這裡燈火通明，自然走了進來。上次晚上吃秶飯，發覺不新鮮，現在即叫即包的，又如何，就要了一條，另一碗熱豆漿。想不到秶飯的水準還是一般的不濟，糯米飯非常硬，油條也非常韌，有零星的冬菜及肉鬆，也無補於是。吃了一半，為了胃部健康著想，不吃了。熱豆漿不太甜，為身體增強能量，也相當好。見隔離檯的兩個醉娃，也實在醉得一塌胡塗，一個即場表演脫絲襪，一個硬是要在這裡吃肉醬意粉。掌店的阿叔沒好氣，在睇戲，也懶理。應該是見怪不怪了。

每次諗起粢飯，就o黎呢度，前日下晝行完街，肚有少許餓，就入o黎o益o左個粢飯及熱豆漿走甜，我都係對呢個組合情有獨鍾,不過，今次忘記叫加榨菜，如果多蕃少少，味道更佳。

我同媽咪都唔係好肚餓, 想食個份量細ge午餐...兩個人share4樣食物1. 窩貼: 點少少醋好好味, 不過如果個底再煎香少少會仲好, 好似煎得唔夠耐...2. 粢飯: 幾好食, 不過我嫌佢唔夠鹹香, 如果多少少料會好D!3. 咸豆漿: 第一次試... 最初食覺得味道好奇怪, 好似粢飯D料加響水度咁, 飲飲下又覺得幾好味, 不過D油炸鬼浸到超難食>.<4. 豆腐花: 一般味道, 但係貴過出面買

o尋日本來想食同條街o既"大叉樂"但係得自己一條友怕難搵拉都係o黎食麵穩陣d啦但估唔到叫酸辣麵竟然唔酸唔辣到食到最底先食到少少辣其實我真係唔算食得辣....所以都有d失望

幾年前, 朋友帶我呢條街食粢飯, 還提醒我這兒有兩間差不多名字舖頭, 都係賣粢飯, 仲話係得其中一間先至好食, 叫我唔好記錯, 哈, 結果我真係唔記得lu!今日再呢度, 眼見呢間粢飯檔好似係最顯眼咁, 就揀呢間試. $10 一個, 即叫即做, 飯硬少少啦, 油炸鬼又好似唔夠脆(可能人少, 以前人多, 貨去得快, 自然新鮮d), 肉鬆唔夠多, 同埋比較鹹lor. 不過夾埋晒又唔係唔好食, 只可以話一般啦!可能真係我去錯舖頭啦, 下次等我試埋另一間就知啦! 話時話, 我記得以前, 呢度買粢飯要排好長龍ga, 今日人影都唔多隻, 我都係lunch time 去, 同上次時間差唔多ga, 唔通呢條街粢飯已經以前水準!?

3.4 星期日晚餐由於當日shopping已用唔少，我地捨棄左韓食，決定食餐平o既2個人叫左3樣野1)粢飯($10)- 好味，油炸鬼唔會好"林"。不過飯較多2)鍋貼（4隻$）- 都唔錯，但好油！我決定用紙巾吸油（見圖）3)擔擔牛肉麵($3x)- 擔擔麵suppose係辣，但我唔食辣，所以叫佢將牛肉麵同汁分開上，我加左好少好少醬已經食到有花生味，仲幾辣！但朋友加左好多汁，佢話好咸。牛肉好"林"，醃得幾好味！凍豆漿都幾夠味，唔稀阿姐都算serve得好喇，我問左佢幾次擔擔牛肉麵辣o既程度/要分開上…都冇黑面食物算幾好，但一定坐得唔係好舒服，而且好多人/地下不太乾淨…

一個人，見仲有位，去試0下啦！叫0左一碗炸菜肉絲麵。肉絲少都算，但就咸到死！我食到一半，真係頂唔順。叫0左杯熱豆漿，豆漿一般。但味道好似腐竹糖水，無乜豆味。我飲完豆漿都未得，仲要0向街買野飲！其實碗麵要成$21。都唔係Cheap，但又細碗又超咸。好唔抵食！

下大雨的周五晚上，要跑，人又凍又累，要快快吃點東西。見這裡的豆漿熱氣騰騰的，如逢甘露，來碗鹹豆漿也好，就坐了進來。人客很多，可幸是獨佔在角落的一人檯。要補充能量，除了鹹豆漿，立即叫一個秶飯，見生煎包幾吸引，又來一客。鹹豆漿仍然不錯，有油炸鬼及炸菜，味道都好，不過獨欠了蝦米，吃罷暖暖的很飽足；生煎包一客四隻，表皮鬆軟，肉餡也不會實實的，敢說比一些上海包點的大牌子也不輸蝕，值得一試；栥飯就相當一般，糯米飯硬硬的，加上沒有番炸的油條，又硬又韌。吃了一半，怕胃痛，放棄了，似乎這一味要早上來吃才好。埋單33蚊，除了栥飯以外，其餘兩款食物都算不錯。

來呢度食嘢已經有好多次，但係每一次都冇留意呢間嘢嘅名。講一講佢嘅服務先，一個字講哂“冇”。你叫佢地落order,佢地可以扮聾，掂行掂過唔採你。但我冇怪佢地，因為巳咁嘅價錢，我唔expect有service。我覺得佢地舊時嘅sticky rice (Chi Farn)比較好D，唔會好似而家D料咁少而飯就多。鹹漿夠味，味道不錯。嫩雞煨麵亦不錯。

呢度都唔錯, 唔知佢收幾點, 不過10點幾都仲開緊,牛肉餅, 好好味, 多肉汁, 外而煎得脆脆的!!豆漿也不錯, 唔會勁甜, 豆味都夠!!