上海香港麵家

營業中

休息中

吞魂之後，邊散步到時代那邊，邊想著轉去咩場繼續食事好，另一半提議到另一家庭式小店，上海香港麵家……平民餐廳，如對環境氣氛強烈敏感人士，請另謀場所，本人是完全地接受大排檔風味的人，所以雖然從外觀看有點舊舊髒髒的感覺，但食物衛生是合格的。突然日久失收的冷氣槽有少少漏水與積塵下落，幸好店員即時移動了客人的位置，有點驚險，尚算機靈。入正題，點了一份豆沙窩餅+一份栥飯+一份炸銀絲卷+一碗熱豆漿。豆沙窩餅甜味適中，豆沙似乎是自制的，所以能夠控制味道的濃淡，外層軟軟的像煎過的湯圓皮，很合胃口。炸銀絲卷外脆內軟，夠大份，粉團發酵良好，切面可見許多細孔。栥飯切開一半兩件上碟，用保鮮紙包著，糯米軟硬適中，而且蒸得透切又粒粒成形，米香不俗，油器不是脆又油的口感，反而是吸入炸菜味道的大大件軟冧油器，此為正中栥飯的必須，坊間的脆油器是新一代的作法，炸菜經清洗不會過於濃味(好多時別的店都不會用心做這種功夫)，但味道與油器及糯米配合得當，令人一吃再想吃，特別欣賞栥飯的靈魂 - 糯米蒸通透的堅持，許多店都是趕貨就味，難得用心製造。熱豆漿真功夫，只需眼見其上的一塊薄薄的腐皮膜，就清楚地知道用豆比例的差距，豆用量明顯地比

湯圓. The soup is not sweet. Well, its not sweet because they use the same "water soup" from cooking noodle and veggie. Totally grossed out!

四十幾蚊個菜飯手掌咁細碟，野食既質素比以前差，叫一碟炸銀絲卷得幾滴煉奶，叫佢比多碟仲話要收我錢！最後無收錢，算；不過，要你聽佢不斷重複講「頭先咪比左」，仲衰過你爭佢錢咁，無下次！！2個人食152唔係貴，但係要比我食得倨。

一早同女友去左銅鑼灣, 天氣好凍, 經過俾呢度d熱豆槳吸引住, 一於入去食野取暖先!地方都幾唔乾淨, 地下好滑, 坐圓椅, 都幾唔舒服, 員工態度麻麻地......我地叫左----------------->粢飯 - 係門口個阿姐即包, 好熱而且條油炸鬼仲有d脆, 肉鬆好香, 不過炸菜就唔係好足夠!蔥油餅 - 好油, 唔熱, 有油 "益"味, 麻麻....我地都叫左兩碗熱的甜豆漿, 好有豆味又唔太甜, 不過一見就熙上飲, 唔記得影相.......

突然想吃鳝丝面，特地从中环跑过来吃。12点20到的， 不算太多人，鳝丝味道煮的不错，很新鲜，很入味， 汤底很浓，不过味道不算特别突出。面煮的太烂了， 有点胡。和上海能吃到的当然没有办法比豆浆还不错，不太甜他家的糍饭做的蛮好的，就是有点贵（14元，上海3元就足够了）。环境比较差。

星期五晚~同女朋友去銅鑼灣行街食飯~見到E間餐廳門外寫住有馳名小籠包~又見到有担担麵~之後就入去試下~我地叫左一籠小籠包(有5個),一碗牛肉担担麵同豬扒牛肉麵,豆漿兩杯小籠包來到完全唔熱,冇光澤,皮厚,冇湯~完全唔掂!!!!再來O個兩碗担担麵~完全冇味~唔係有豬扒同牛肉~以為食緊凈麵!!非常失望O個兩杯豆漿算係最好......最後價錢$126粢飯冇食~~唔敢叫.......我地食完仲要即刻走去第二間餐廳食返D好味DO既野先開心返D~唉!!!!唔會再有下次

一百個人，有二百個去夜蒲的原因；在夜蒲後，本少爺也愛「覓食」，就是到 Sogo 對面渣甸街小巴站旁的「上海香港麵家」宵夜。在滿腦酒精的一刻來碗清純的豆漿，感覺就如剛與 DaDa 猜完枚後與桂綸美去踩單車般清純夢幻。。。「熱豆漿」這裡的皇牌。看見一大煲豆漿在鍋裡「啪啦啪啦」地滾著，豆香四溢，已是天下樂事。是晚選了碗甜豆漿；喜歡「鹹」的蒲友可試試鹹豆漿，也是頗出名的。「鱔絲麵」必食之選。上桌時熱辣辣，正好是酒醉的後遺症 - 「肚餓」的最佳解藥。鱔絲幼細無骨汁料惹味，配上大量銀芽就最恰當不過。麵是幼麵，質感亦彈牙，吃後大滿足！「酸辣湯麵」第一次試這麵。質地稀，味道唔酸唔辣不騷不癢，不推薦！「回鍋肉」平時吃開是鑊氣夠鹹辣度剛剛好，但是晚廚師明顯下豆瓣醬重手了，鹹得有點誇張，看來水準還是有點不夠穩定。這間上海食店出名的還有粢飯及炸排骨；各位「喜愛夜蒲」的餓女餓男大可在蒲後來這裡「開餐」。

呢間上海食店出名食粢飯同鹹豆漿基本上大部份客人一坐低就會order呢兩個配搭今次第一次黎 無試鎮店之寶反而叫左個酸辣湯麵($30)同埋一客蒸銀絲卷($15)問個伙記酸辣湯麵中既麵係咩麵 原來係上海陽春麵酸辣湯底係誠意之作首先用料十足 分別有蛋絲,豆腐絲,木耳絲,冬菇,幼筍,豬皮,豬血,豬腸絲其次係湯底夠杰 起碼我食到最後都未變水而且酸辣味道適中 兩者無互相搶味至於麵底(陽春麵)係幼身放左入酸辣湯入面顯得有dee淋麵質一般 不過拌住酸辣湯一齊食感覺竟然有dee似台灣既麵線?令人失望既係蒸銀絲卷未上台前以為會係分開一個個的小饅頭點知佢係一大個 而且賣相平平無奇切開內裡沒有做出一層層的效果無論賣相同味道都同普通白饅頭無分別咁點解要叫做銀絲卷?實在令人太失望 (我仲要係第一次食)

因為突然之間好想食痴飯記得媽咪帶過我黎呢度食 所以再黎食好似十三蚊定十五蚊一舊 size都唔算細 價錢都ok啦食落去第一啖 條油炸鬼好油 食到成口都係油同埋入面d料調味有少少太咸 呢間唔係話特別好食但係都算正正常常唔太差係調味方面唔太合我口味我最鐘意都係以前學校對面果間有個姨姨即叫即包 條油炸鬼唔會焗到淋哂下次要回味都係去返果度好

因事來銅鑼灣，又趕時間，故在這裡買一條粢飯作為午餐。鹹粢飯($13)：飯略為乾，缺少了粢飯應有的帶點黏口感覺。肉鬆和榨菜好味，但略嫌不夠多（因吃了幾啖才有）。油條脆而不太油膩，不錯。$13一大條熱騰騰的粢飯，抵吃。味道不錯，但就是飯不夠黏。下次會試試甜粢飯。

因事中午要到銅鑼灣，順便找些吃的，想來想去，很久沒到渣甸街，就來看看有甚麼好吃。曾經吃過的店，原來很多都已經關門大吉，思前想後，還是信老字號，心中鎖定兩間上海菜，最後選了上海香港麵家，因為當時人比較多。選了一碗鱔絲麵，即平時在其他上海店食到的鱔糊麵，熱辣辣的端上來，雖然不算大碗，但還是很有風味。鱔絲切得幼細，肉起得無骨，肉質雖未至於似橡膠，但稍嫌過於彈牙。頗喜歡這裡的銀芽，只配上少許蔥花，我不抗拒蔥，但鱔糊麵，還是配銀芽最恰當。這裡的麵用的是幼麵，幼細程度，比銀芽更幼。麵質彈牙，但麵團又稍嫌未滾透，還有點像個麵餅。不過，考慮到價錢，整體還算不差。這間店其實是粢飯比較出名，我也曾經試過早上去客戶公司前，買了個粢飯吃，的確是不錯。下一回，試試和一眾OL一樣，中午來個粢飯加豆漿吧。在吃的途中遇見NBA評述員張丕德先生進來午膳，雖然我不太肯定是他，但應該錯不了。其講波風格，是現今我在籃球界當中最欣賞的，真的有點後悔沒有找他合照呢！

$38。上海湯年糕：超鹹，味精重得要命！配料有桂桂菜、火腿、菇絲、肉絲$10。鹹豆漿：熱燙燙的，豆味道很夠，有不少小銀魚、榨菜、蔥、油條…$7。甜豆漿：都幾甜下$15。鹹栥飯：榨菜油條，頗足料$15。甜栥飯：飯實不鬆散，砂糖適中佈滿粢飯中，不太甜

新年實在太忙..沒什麼時間寫食評, 今次終於得閒,來到上海香港麵家 回想起這店已經有好多年.以前粢飯10$一隻都唔駛..而家已經15$...新年前本身還是14$. 物價果真上漲得很犀利.堂食好多人但要搵1-2位空間還是可以, 坐低馬上叫野,叫了熱豆漿,鍋貼,生煎包和甜粢飯粢飯先上,微暖,油條已經非常"林" 熱豆漿味道ok. 鍋貼 生煎包後上的, 雖然後上但也不見得怎麼熱. 非常失望 但味道是可以的...只不過下次再來時可能要夾時間

今日去開銅鑼灣, 老公話佢以前食開有間栥飯好好食同我去食, 中午十二點半去到見到門口好多人買外賣栥飯, 心諗一定好好食, 鋪面好細間坐得都幾迫下, 我都同老公叫左一人一個栥飯($14一個) ,一杯凍甜豆漿($7杯), 同生煎包($19四粒), 個呀姐問多我地一次係唔係一杯凍豆漿, 因為口音問題, 我同老公聽得唔係好明, 老公就<吓>左一聲, 佢即刻好悔氣加重語氣又講一次..... 唔知係唔係激嬲人添!!!!生煎包唔使一分鐘就到, 快過栥飯, 食落仲暖暖地, 不過個皮同粒肉好似有仇咁, 一咬 皮同肉自己分開左, 無肉汁, 唔好食.....栥飯個樣好似好好食 仲好熱, 一打開檽米飯就好多, 點知d 材料得好少, 油炸鬼又唔脆, 肉鬆少到見唔到, 炸菜又太咸, no good , 食完都無一種滿足感, 仲要$14.....唔抵食豆漿就好有豆味, 又唔會太甜都幾好飲埋單盛惠$54, 呀姐又嫌人俾錢慢唔接, 唯有放o係桌面等佢收, 呢間鋪養左一班好有性格既員工.....

同朋友放工落銅鑼灣行街，食飯又諗唔到食嘜~ 行過渣甸坊心想去食粢飯都唔錯呀! 一去到就唔洗等有位囉~這兒服務態度，唔洗諗，一向都唔好的，幫襯係因為鍾意佢的粢飯，同唔洗等，位置方便今次點左粢飯, 酸辣湯麵 同豆漿粢飯 - 一向都好足料，好味道，夠實，夠熱，餸多飯少，我最鍾意酸辣湯麵 - 味道剛剛好，唔太酸唔太辣，又夠糊，麵質一般，林左d，不過湯底搭救豆漿 - 一般啦! 都有少少豆味，唔太差這兒不是食服務及環境，全部伙記都係串咀及黑面的 ; 環境同老式茶餐廳一樣，幾十年歷史"舊"，餐牌 / 枱 "油"，到此唔好諗著可以坐得耐，佢一定會不段不段地趕你order，同趕你走