上海香港麵家

營業中

休息中

平時水洩不通的店子，昨晚出奇地少人，想一想，一定是因為情人節，所有人都去晒「鋸扒」，不會來這兒開飯，襯此難得的機會，入去開餐，試了嫩雞煨麵，很好味，雞肉真的很嫩，很多新鮮的菜粒，麵很腍（喜歡吃爽麵的食家不合），湯底少許白色，很香甜，整碗麵連湯也一起清了。另外試了生煎飽，一碟四個，味道一般，沒有驚喜，下次會試鍋貼，但肯定不會像昨晚坐得那樣舒服。

在銅鑼灣吃平價宵夜, 這裡是首選。天氣有點微涼, 栥飯+ 熱豆槳是絕配。豆漿的糖是即時加的, 喜歡多甜少甜或淡豆槳也適隨尊便。現在愈來愈難找到好吃的栥飯了, 這裡的雖然比之前退步了少許, 但仍是數一數二的。

昨晚第一次去這兒開餐，店內已滿，很難才找到兩個位，六個人坐在一張小圓檯，迫得很，要了上海菜肉雲吞，小籠飽，豆漿和蔥油餅。上海菜肉雲吞—只是一般，沒有意想中好。小籠飽—非常好，熱騰騰，咬入飽內有少少肉汁，很鮮味。豆漿—幾好，有豆香味。蔥油餅—味道很好，很香蔥味，又不會太油，可惜涷了，如果熱一點會更好味。埋單$56，很抵食，但因為太迫，未必會再去。

冬天食秶飯就最岩, 暖笠笠,不過估唔到... 加左$1價之後, 竟然連份量都少埋,佢咁多生意, 唔係咁慳皮呀ma?雖然即叫即整, d飯又唔似其他地方咁濕濕的, 不過d油炸鬼一d都唔脆啦今次...希望下次去會好少少!!!!

10/10 （Tue）Dinner行完街同個fd坐低食飯，又係lee間麵家，本來無咩好講，但佢實在太離譜，要講出0黎鬧爆佢∼例牌兩碗麵同兩杯荳漿，呷0左淡，成杯放低...我諗杯荳漿只係俾白開水好味少少，真係少少！！多都無。你好生意∼但我寧願你話賣晒都唔好俾Ｄ溝到1:99咁淡0既荳漿我飲，呃到今次又如何，下次我一定唔會再幫襯。

由跑馬地漫步到銅鑼灣, 沒有絲毫倦意, 反而把銖記晚膳消化了3 成, 於是再找糖水~這裡的豆腐花也不錯, 夠豆香之餘, 亦算滑~ 下次應試試這裡的粢飯~(23.8.2005)

一向以價廉味美見稱，不過今次真係有Ｄ失望，粢飯仍然用兩條油炸鬼，加上去貨快，保持新鮮熱辣，不過今次肉鬆份量少左好多，所以唔多夠味，加肉鬆要多五蚊，其實栥飯價錢已經由八蚊加到十蚊，如果仲要加五蚊先有以前質素既話，價錢就貴得好交關。豬扒湯麵，大大塊豬扒，肉質鬆軟又入味，反而湯同麵好清淡，一濃一淡配搭得幾好，$27 蚊一碗，抵唔抵又係見人見智，豆漿$6 一杯，豆味濃，但以小弟口味覺得太甜，想飲多杯都唔得。銅鑼灣位處黃金地段，相信老闆都係俾業主加租，迫於無奈先出此下策，我奉勸老闆一句，你一係一次過起晒價，幾貴都好，客人遲早會接受，食物水準下降，盞舊客失望冇返頭，新客又覺得食物質素渣，做壞招牌個陣時就得不償失。

今日"懶"健康要左個蒸銀絲卷,一上枱熱騰騰,食唔過一分鐘就凍冰冰,個包係"un"的!而且上面重灰灰地,又唔係正宗wo~裡面都唔係一絲絲既!豆腐花又硬!正如totoro話,佢地d服務真係差*100000!環境惡劣，勁多一隻隻既野．．．．．．

天未光出門，在家吃過麵包便上「跑道」，心情跟意志相當高昂，熱鬧過後少不免「飲飲食食」罷！本來一心試「北京水餃皇」，發豆漿水餃寒，惜逢未開市，兼一帶食肆「高跑手滿座」，難有「吉」檔，行行重行行，走到這裡避風雨。不變的，甜豆漿跟粢飯，豆漿甜度適中，愛甜者要加糖。粢飯餡料各處大致相同，總離不開肉鬆、炸菜、油條．．．尤愛這裡粢飯中油條是脆脆的，不是「淋」的，加上即叫即整熱騰騰熱燙手哩，在這寒風冷雨下，吃得很有滿足感、渾身暖意。想起家中有白粥，外賣兩條油條送送粥，香脆可口。

好耐冇o黎呢度,例排秶飯豆漿, 不過秶飯飯多o左料少o左,埋單見到$9~>$10,仲有行未寫住加肉鬆$15, 哇, 好狼bor

說實話，這兒的餈食真的很足料，熱辣辣，壓得夠實，糯米夠香夠鬆軟，雖然貴了一點，但物有所值，另外佢O既上海麵都唔錯，試過麵同雪菜肉絲，麵質彈牙，只是麵個醬唔夠辣，還欠花生、麻醬香味，失色；相反，雪菜肉絲就好好，雪菜浸得夠透，鹹味適中，夾雜條條粗幼相若的肉絲，絕配！

全年24小時營業的，當過了晚上12時，街上各店鋪大都關了門，便會來這裏！而每每店內也是坐滿人的，或是一家、或是搭檯，各自各的吃著早餐、下午茶、宵夜同樣o岩食的咸甜豆漿、栥飯、蔥油餅、油炸鬼‧‧‧(注：於lunch time 時段設有每人最低消費$15)

每次來都係食栥飯，其實九蚊一條真係唔平，但其他鋪頭真係無整得咁好食啦，夠實、夠熱、餡又正，連大陸的永和大王都唔係佢對手! 當然，環境係無得要求，否則栥飯可能要廿蚊條!

夏天熱辣辣, 好耐冇食過粢飯lu~今日買o左個o黎食!! 實在太好食啦~第2間都食唔到咁大咁正ga~我望住佢整, 佢mit開條油炸鬼o個陣仲聽到脆卜卜o既聲ga~~~~~~~~雖然呢度D人差態度~ 不過take away就好正啦~

我從80年開始中港兩地跑，居然在銅鑼灣遇上有國內80年代小店FEEL的食店。無論員工的態度、食物和廚房，都給我一似曾相識的感覺。員工：散漫-做36唔做36，員工用手抹鼻後送食物....。食物：咸豆漿有豆味-可惜不夠熱、混濁和無? 被扣分，粢飯OK。其他食物賣相亦差。廚房：我有幸對正廚房，那境象另有能耐(自認)的我都有點不自然。眼見出菜窗口間中有水滴下，剛掉進準備上台的食物。環境：雜亂無章需然價錢適合我，但我應不會冒險再幫嚫