上海香港麵家

Chef Ecy’s Dining Experience:🥰 食物| 服务 | 价格 | 交通便利 | 轮椅友好|停车方便🙂 环境 | 洗手间清洁度😠 宠物友好 | 切蛋糕费| 开瓶费這家位於銅鑼灣的「上海香港麵家」，雖以麵館為名，實則是一家提供上海菜及小食的數十年老店。店舖鄰近地鐵站F1出口，就在路邊，輪椅使用者也能輕鬆進出。這裡午市和晚市主打上海小炒及麵食；早餐則有現點現做的粢飯、鹹豆漿、蔥油餅、鹹煎餅和餃子等，我尤其推薦他們的粢飯和鹹豆漿，風味絕佳！每天7時啟市。溫馨提示：店內座位不多，環境樸實，建議外帶。另設每人最低消費$35，且只收現金。…查看更多

占士丁丁介紹十蚊凍豆漿之前上網呢睇到占士丁介紹咗十蚊凍豆漿畀街坊咁有次咁啱路過口渴呢就買咗杯試下飲落去呢發現呢啲豆呢就欸好濃鬱嘅甜得嚟呢又唔係好苦最緊要呢就係即沖即俾錢即攞貨舖頭嘅店員呢嘅態度都好好，所以我就再次幫襯…查看更多

位於銅鑼灣嘅老字號上海嘢！感覺非常之有香港特色，但食物質素普通，除咗豆漿之外唔使特登試。另外如果食嘅話都要留意淨係收現金🙌🏻。豆漿 $11👍🏻有凍熱、無糖選擇，非常出色，飲落好香豆味，而且磨汁好滑，飲到底有好少好少豆渣，真材實料嘅證明！。上海粢飯 $29見到入嚟有七成嘅客都係食粢飯～佢係傳統嘅粢飯，入面有肉鬆榨菜油炸鬼，啲糯米飯做得唔錯，粒粒分明，唔會一pat嘢咁，而且飯嘅份量啱啱好夠包住啲餸。不過油炸鬼好淋，失望。小籠飽 $45／5隻外皮偏厚，明顯食到一嚿粉咁。入面嘅湯汁唔算好多，豬肉餡料份量同味道都Ok。酸辣湯 $30好濃味，酸同辣兩隻味都好明顯，但係又平衡到，內有筍、蛋花、木耳絲、豆腐和豬紅。。蒸銀絲卷 $23唔係周圍有得食啦，味道就好似饅頭咁，不過仲會入面明顯見到一層層嘅層次，但食到中間就感覺有啲實心，配埋煉奶，滿足感max!。蔥油餅 $11好厚實，超過1cm厚，鹹鹹地，面頭灑滿芝麻，非常飽肚…查看更多

外賣一個豬扒擔擔麵，沒有分湯，相信廚師也會知道擔擔不分湯外賣後的結果吧！麵變成糊狀，淋曬，這麵家是這樣求其嗎！分湯可以另加費用的，現在差不多所有的麵店也會詢問分不分湯吧！這樣的出品怎樣能品嚐你店的食物…查看更多

店舖堂食最低消費$35 ，一坐低就嗌咗粢飯同無糖熱豆漿，見到隔籬枱嗌上海麵，跟住都好想嗌，不過怕食唔晒所以最後放棄咗。粢飯就普普通通，油炸鬼唔脆腍嘅，無糖熱豆漿就好好飲好香豆味…查看更多

銅鑼灣渣甸街食肆林立，香港上海麵家絕對是這條街的老字號食店。店內裝修普通，面積不大卻充滿懷舊風味，而且永遠座無虛席，粢飯是到來必點食物之一。粢飯 $29/隻 + 凍豆漿 $11/杯粢飯和豆漿是絕配，豆漿香濃夠甜味。粢飯即叫即做，飯糰口感紮實，糯米包着榨菜、肉鬆和油炸鬼，雖然肉鬆份量比以往少了，但這個黃金組合，配上熱辣辣的溫度，非常滿足。小籠包 （5隻） $45外皮比較厚身，餡料夠鮮味，湯汁仍然很滿，保持一貫水準。酸辣湯 $30酸辣湯足料豐富，酸辣味適中，一般不食辣的人也不會有問題，湯內有筍、蛋花、木耳絲、豆腐和豬紅。味道依舊，人情味濃，值得幫襯的小店，大家都不妨一試！…查看更多

本身諗住隨便食一餐午飯， 入咗舖頭叫咗鍋貼，小籠包， 豬扒粗炒， 擔擔面同豆漿。 食鍋貼發覺嘴裏面有硬塊， 吐出嚟先知道原來係鋼絲！！ 同啲姐姐講叫我搵老細， 同年紀老邁老細講， 佢話包內餡嗰陣時睇唔到…….我怕如果俾老人家同小朋友吞咗落肚會點？ 呢幾樣嘢食， 埋單已經要幾百蚊， 我覺得十分不值⋯⋯…查看更多

中午時間買咗個粢飯，裏面的油炸鬼係隔夜的，硬過石頭，收$29⋯⋯$9蚊都唔值，態度差都算，衛生真係留意，體諒店員都上左年紀的，但基本服務都要有㗎，我入嚟都有消費。…查看更多

每次係銅鑼灣經過見到都好想試下🥹但因為長期身上冇現金💸但小店淨係收現金😹人流仲要係早上都唔少 好多熟客仔一入嚟就會叫野食😆〰️〰️〰️〰️〰️〰️〰️〰️〰️〰️〰️〰️〰️🌊粢飯 $29大大嚿粢飯，女仔嚟講我建議要share食🤣但料係好足的，榨菜同肉鬆係唔會少，一定每一啖都有，仲有油炸鬼，一定係成嚿握實哂，所以食完半嚿，早餐係好夠🌊甜豆漿 $11如果平時食得健康都會鍾意飲，因為真係少甜豆漿，但如果唔夠味可以叫佢加糖，飲前一定要撈下個底，等啲糖溶，所以豆漿一定係新鮮榨，唔會係磨粉豆漿♨️一定要叫熱‼️…查看更多

呢間野D阿姐勁無禮貌！仲有栥飯$29一隻，我要加肉鬆加我29蚊，仲要無同我講要加29蚊，我話你無同我講加29蚊喎，佢仲要話加野梗系要畀錢架啦，加錢當然無問題啦，但要話畀人知加幾錢嘛，等人地有得選擇，29蚊我買多隻粢飯都得啦，仲要加肉鬆只係加張相咁樣，真係黐孖筋㗎！仲要覺得自己無問題😒，完全唔make sense. 😑🙄…查看更多

夜麻麻係銅記，諗住試下呢間經常經過但又未食過嘅餐廳叫左小籠包、粢飯一杯豆漿，成為港幣84，價錢偏貴。（唔緊要嘅，試野係要俾下錢）粢飯先上枱唔係即制嘅，喺亂櫃入邊拎出嚟。第一啖咬落去好鹹！食唔到榨菜都叫有啲肉鬆，應該係我人生食過最鹹嘅粢飯，食評話佢啲油炸鬼好趣，但係我就完全食唔到。小籠包上枱幾大隻，本身都有啲期望。可惜一咬開皮比較厚，肉有少少嚡，唔係話難食，但係同我期待嘅有啲距離所以都係一次就夠啦。…查看更多

擔擔麵難食，豬扒肉質不似豬肉，油炸鬼不脆，鱔糊份量少。店內環境差，擠迫，如購物後攜帶較多物品要小心，枱面及地上污糟，店員態度惡劣，無禮貌，鬧客人。食物性價比低，食物質量差，價錢在同類舖頭是貴。只收現金，找續現金後接觸你食物，污糟的錢錢就放在整粢飯餃子旁邊。優點是很快，催點餐，催埋單，15分鐘令你食完一餐。地點十分方便易找，人流不斷，店員不時指喝客人。必殺技是自持老店一家，水魚親自搵上門，人人試一次，中伏不介意。…查看更多

原本想吃粢飯、豆漿作為早餐，香港已經沒有多地方可以吃到了，所以帶著期望。少飯、多肉鬆、走榨菜。是有要求、但不是過份、愛吃粢飯的人也曉得。沒有，只有做好的。ok，雖然已過8:00am，賣早餐的也不算很早吧。只有先前、隔夜，返熱的⋯⋯ 但為何飯要硬、只是微暖、其他材料也不想多提。想我是否要求過份、幸好、聽到隣座也說超難吃，不是我挑骨頭。嘆息一聲，如果不想做早餐，可以遲啲先開舖。只賣粢飯豆漿，$40 一位、菜肉飽-微波爐返熱。以後也不用浪費quota 了。:(:(:(:(:(…查看更多

環境不是太過四正，看落有點覺得污糟。由於地方不大，好多時候需要和隔離枱差不多要背貼背坐。食物質素方面不是有什麼特出之處，和普通一間上海菜只是差不多，不過如果一路以來有食開，會發覺食物份量就愈來愈少，例如叫碟上海粗炒，有點像食下午茶小碟份量般一樣，但是照收足七、八十蚊一碟。服務態度其實都一直不好，收碗碟嗰個唔知係咪老闆會掟啲杯杯碟碟落地下嘅膠桶，製造噪音，坐起側根有機會會被餸汁濺到。至於收錢嗰個事頭婆，你埋到去俾錢時佢反而會望住你，唔講幾錢就等你俾錢，嗰張手寫單寫到鬼畫符根本就冇寫價錢，你問佢幾錢佢就陰聲細氣，唔鹹唔淡嘅廣東話，你都唔知佢噏乜；問多佢一聲就即刻態度超差，好似亂開價咁，感覺有啲似你嚟幫襯佢，反而係同你有仇。呢啲咁嘅服務態度，仲話自己係做老鋪，一手一腳成全香港人北上消費。本地人如果有其他選擇，避免過來受氣；不推介給遊客，以免繼續影響香港形象。…查看更多

呢間老字號相信大部分人都識，成日經過都想試，今日終於試到。識食一定係食粢飯！熱辣辣，啲糯米好煙靭，油炸鬼仲有少少脆，加埋啲肉鬆同榨菜好好食！如果唔係太飽，我會再encore多一個！仲飲咗酸辣湯，我食得酸，所以覺得唔夠酸，要另外加醋，個辣度就ok！正常發揮。一定會因為個粢飯再番嚟…查看更多