上海弄堂菜肉餛飩 (已結業)

1.小籠包（35蚊）食上海菜又點少得佢最出名既小籠包，可以話係一間上海菜餐廳既靈魂，亦係我最鍾意既一道上海菜，可惜一上菜已經知中左伏，一望埋去，皮勁厚，咬落去，嘩，真係成寸厚，舊肉太實，零鮮肉味，零薑味，得肉味，湯汁直頭係精華所在，因為只得一滴湯，冇錯，係得一滴，多啲都冇2. 蔥油撈麵麵有鹼水味，零蔥油香味，但唔咸，唔好食2.水晶餚肉一咬，實到要用力咬，明顯地冇慢慢煮，煮到啲肉汁出黎去凝固，咬落完全唔識溶，啲肉用咸豬肉整，咸到腎炎！3.排骨菜飯排骨又係咸到得個咸字，菜飯反而唔落，好香，成餐最好食就係菜飯除食物以外，服務好差，一坐低，冇人理你，要問人餐牌先會話：得架啦，有人拎緊俾你地。阿姐，你唔講低一句要等等我點知有人拎緊黎？由我諗緊食乜，點埋菜，等緊，到我地食緊，都唔會有人拎杯水俾我地，係咪覺得我地奉旨一定要點杯飲品飲？唔點就自生自滅等渴死？飲完啦，又要問，不斷揮手先會有人理！但眼見啲侍應唔係忙成咁，喺度行行企企，就係唔會四圍睇下邊枱客要serve！認真，食物差，服務差，我一定唔會再黎！

上海菜係我喜歡既菜式之一, 一個月頭都仲會心思思想食一餐, 之前路過呢條街發現有呢間上海菜店, 成日都想搵機會試下, 今晚一於食試下!店內掛上多幅老上海風格既掛畫, 店內播著懷舊老歌, 為呢間上海菜店增加氣氛打開餐牌, 餛飩類佔左1版, 其餘食物選擇有冷盤, 小食/點心, 肉類/鷄鴨, 煨麵/湯麵, 年糕/飯類等, 價錢都唔算貴食上海菜最歡喜叫呢個冷盤 - 鎮江肴肉($78), 呢D屋企唔識整嘛, 切成一口一件, 肴肉顏色靚仔, "啫哩"凍層食落夠爽口, 肉層唔嚡口, 點少少醋汁食仲能提升味道!呢間叫得係菜肉餛飩店, 呢客菜肉餛飩 ($48/8隻)當然要叫番碗啦! 湯底係豉油湯底比起其他店既清湯有D分別, 每隻菜肉餛飩都相當飽滿, 未食已見到入邊既餡料, 可見皮相當之薄身, 食落滑身, 餡料係白菜豬肉, 比例係菜多肉少, 食到菜既甜美多汁及肉既香味, 好有屋企自家包同煮既感覺, 果然係招牌菜呀!主食叫左呢碗酸辣麵 ($56), 份量都幾大碗, 細食既可以夠2人分享, 麵已預先幫你切段又幾細心喎, 材料都幾豐富, 包括有木耳, 豆腐, 豬肚, 荀, 蛋絲等!  湯底味濃, 酸辣度各佔半,

今次再次同朋友一齊到上海弄堂享受晚餐。確實沒有失望。朋友也讚賞每一味食物質素及量都很平均。色香味俱全。尤其是他們推介的餛飩真是冇得頂。所以我們點了二款素菜餛飩及菜肉餛飩 每款$48.菜肉餛飩-豬肉肉汁豐腴配以新鮮蔬菜做餡料加上皮薄，非常好味，絕對是上海弄堂招牌菜。菜肉餛飩素菜餛飩當然少不了點排骨炒粗麵 $89 排骨醤油醃製入味。麵質也不錯。酸辣湯 每位$35 酸味濃郁香惹，材料豐富。最後一定要提及甜品桂花酒釀丸子。$30 桂花味清香撲鼻、再加上糯米酒的清香同埋丸子細細粒容易入口。

剛踏入上海弄堂，第一個感覺就是舒適沒有侷促感，欣賞中堂樓底偷空掛一獨特吊燈，令空間感增大，四壁掛上古舊人物街景畫帶點樸實優雅。當天點了韮黃炒鱔糊，荳沙鍋餅,，香煎鮮肉餃及蒸銀絲卷。首先是韮黃炒鱔糊，味到恰到好處,，沒有肥膩感覺，不似一般街外茨汁鋪滿肥膩。第二，荳沙鍋餅，皮脆餡靚但沒有太大驚喜。喜歡豆沙製品的人值得一試。第三，蒸銀絲卷，口感鬆軟, 當然蒸銀絲卷味道沒有甚麼要求。不得不提的是香煎鮮肉餃，這個給我驚喜,，味道很好,，一口咬下先是餃皮給你脆薄口感繼而有肉汁包在餃裡，不能不給它十分。

今晚收工落左銅鑼灣會合女朋友，行到天樂里見到小小古典裝潢既「上海弄堂」既餐廳，見價錢都合理，就入去一試。叫左三樣野食，第一樣係豬排菜飯。第一口咬落，就覺得豬排有雪味，菜飯微暖吾夠熱，同埋好乾身，如果有多D油就更好啦。另外酸辣湯雲吞，雲吞入面既菜本身以為係白菜，但原來係芥菜，本人麻麻地芥菜，所以都吾落評價。酸辣湯偏辣，我自己嚐辣，所以覺得適中，但女朋友就覺得好辣。最後既小籠包，入面既饀係好食，夠味，略嫌個皮既頂部比較厚。不過都可以一試。店內既音樂係播住上海舞廳既音樂，都幾特別既

星期六下午都有下午茶免加一，食左個嫩雞燴麵(45蚊) 加油菜(10蚊)。雞湯唔咸食完唔口渴，麵又入味。仲包凍野飲，反而熱飲要加1蚊@@侍應有禮，食物好食，絕對值得encore 啊！下次會試晚餐。

平時約朋友食飯，習慣唔係食日本野就係西餐，今日友人就懶特別，話帶我食上海弄堂，食上海野所謂「弄堂」即係上海小巷嘅意思，係食上海家庭菜嘅地方！行入餐廳，已聽到陣陣上海音樂，連同牆上嘅掛畫，非常有氣氛呢！見到餐牌有一個$78嘅一人套餐（全日供應），既然咁扺，無理由唔嗌嘅！我地仲好健康嗌左個上海腿茸津白$70！套餐小食方面，我同友人分別嗌左四粒餛飩同春卷！前者皮薄，餡料豐富，連湯一齊食，熱辣辣好味道！後者外面炸到脆卜卜，外脆內軟！主食方面，我地叫左個陳年花雕醉雞同黃金排骨，同樣配菜飯！食後我個人比較喜歡一醉雞，除左因為無咁熱氣之外，就係雞件酒味香濃，肉質嫩滑，有驚喜！一餐飯點都唔能夠唔食菜既，呢個津白出色既地方係個上湯，連一向唔多食菜既友人，一陣就掃清！今餐上海野大滿足！

在灣仔返工的好處是周圍都有餐廳，選擇眾多，緊有一間啱你心水。今次去了在鵝頸橋附近的上海弄堂菜肉餛飩。餐廳燈光光猛，地方闊落，還掛多張香港幾十年前的相片及播著懷舊歌曲。還有一幅畫描繪香港多年前的灣仔景色，軒尼詩道對出已經是海邊，可想而知現在填了大半個維港。餐具全都印有餐廳名稱。菜肉餛飩8隻：每隻餛飩都脹卜卜，外型精美，大小一樣，餡料十足，菜肉的比例平均，肉汁豐富，果然是鎮店之寶。三鮮炒麵：有火腿絲、雞肉、蝦肉、芽菜及白菜仔，用料十足，炒麵是略為炸過，所以非常香脆。鎮江肴肉：面層及底層呈啫喱及水晶狀，中間是酥軟的豬肉，入口溶化，絕對不油膩，醮上鎮江醋，甜中帶肉香。豆沙鍋餅：豆沙餡極多，幾乎爆出來，外層的餅皮不是平時吃開的薄皮，是帶點糯米的餅皮，所以非常煙韌，豆沙不會太甜，非常好味。蜂蜜咸檸檬：是每天特飲，味道跟帶少許咸酸味，但有蜂蜜去中和整體味道，非常開胃。總結：

灣仔天樂里其實是在灣仔站及銅鑼灣站的中間，此處人多車多餐廳多，尤其是連接軒尼詩道的天樂里，每行幾個舖位就可以見到一間餐廳，除了有廣東茶餐廳，還有日本菜等，款式多多，令人難以選擇。今日去了位於天樂里及軒尼詩道交界的上海弄堂菜肉餛飩，有名你叫菜肉餛飩，應該是鎮店之寶，不得不試。餐廳牆身掛滿舊時香港的相片，另外還播著懷舊的上海歌曲。餛飩有生有熟，有湯有煎，有普通菜肉有西洋菜亦都有素，除此之外，還有各款的上海小食及主菜，可以單點或配套餐，午餐約$40-60起，價錢在該區來說非常大眾化。另外堂食茗茶每位$3 。炸銀絲卷外層呈金黃色，外脆內軟，不會很油膩，醮上鍊奶吃，有淡淡奶香。菜肉餛飩8隻每隻餛飩都脹卜卜，外型精美，大小一樣，餡料十足，菜肉的比例平均，肉汁豐富，果然是鎮店之寶。無錫脆鱔脆鱔炸得香脆，每條外層都包裹著卥汁，甜中帶咸，色澤呈亮黑色。菜膽獅子頭菜飯獅子頭比較結實，不會鬆鬆散散，但肉味帶點肉腥，菜飯比例均勻，飯粒分明乾爽，菜亦非常乾身，不會太咸。排骨擔擔麵小辣炸排骨外脆肉嫩，但比較薄身，有肉汁，擔擔麵的湯底非常杰身，花生醬味濃郁，幼麵麵質爽口彈牙，麵比餸更好吃。豆漿豆味濃郁不會太甜。總括

天樂里的上海弄堂菜肉餛飩，之前已來過，主打吃上海菜式，環境舒適味道好，所以今日放工後再同朋友來吃。小籠包（$35/4隻） 即叫即蒸的小籠包一份有4隻，皮薄多汁，肉質鮮嫩，入口熱燙燙的，一口一粒，非常滿足。輕輕蘸香醋更加美味！點了2個一人套餐，包小食和主菜。陳年花雕醉雞菜飯（$83） 醉雞的花雕味道挺為濃香，肉質嫩滑，滲透花雕的香味令雞肉更為香口，酒味更香濃。吃上海菜當然要吃菜飯呢！🌯上海春卷 炸春卷入面包住椰菜絲、豬肉、冬菇等食材，香脆可口，輕輕配上香醋味道更好！另外點了一人套餐（$98） 醬燒茄子湯麵 醬燒茄子味道不速，岩曬唔食得辣的朋友，茄子軟腍入味，非常惹味！ 湯拉麵份量非常多，湯底非常夠味，拉麵爽滑，惟浸久了會變腍，建議可分開上碟。 菜肉餛飩 豉油湯底清清地，又唔會太過濃，配上4大粒新鮮的菜肉餛飩，內餡非常足料，大大隻，鮮味香口。套餐加配豆漿加$5 份量大大杯，豆味香濃，好飲！

是晚放工後係灣仔有講座，就一於去試試係附近嘅上海菜😋平時lunchtime都好多人，我夜晚大約6:15到，唔洗等就有位😆👍🏻裝修幾復古，環境光猛乾淨，服務OK。我叫左個1人套餐，有小食&主菜（菜肉餛飩&麻婆豆腐跟菜飯），另外加$5豆漿。套餐方面可以揀跟飯/菜飯/湯麵。食左無幾耐有朋友join食飯，散叫左個菜肉餛飩。套餐餐牌：嘢食😋：味道方面：菜肉餛飩夠晒健康，多菜少肉；菜飯份量好足（最後都食唔晒😂）；麻婆豆腐份量都好夠，味道唔會好辣，送飯超好食👍🏻！埋單有計茶錢&加一服務費。套餐係$98，散叫餛飩係$48。

今日同媽咪去灣仔，醒起係OpenRice見過唔少餐廳都幾多好評，但最近想食中菜，最後揀咗食上海菜～環境好舒適，好整潔嘅感覺，白色嘅牆上掛咗唔同嘅畫，重現老上海的感覺🏙好耐無食上海菜，每樣都好想食😂結果眼闊肚窄嘅我地，又要捧著個肚腩走😂菜肉餛飩（8隻，$48）連店名都加上菜肉餛飩，又點可唔試下呢！傳統豉油湯底，皮薄餡多，一咬開就即刻溢出小棠菜嘅香味😍麻油味唔太香濃，菜同肉嘅比例都幾啱～咁啱師傅就係我地隔離包緊，果然慢工出細活！醉雞菜飯（$68）酒味幾濃郁，不過就唔算太入味🤔有雞脾位，整體都幾多嚿，但肉質較普通。好耐無食菜飯，如果多啲菜，唔好切到咁細就更好啦😋酸辣湯（$35）值得一讚好多配料，有冬菇、木耳絲、肉絲、豆乾絲、豬肚等👍🏻👍🏻味道偏酸而不太辣，口感唔會太稀。炸春卷（$28）個皮好厚，炸得唔夠鬆脆，而且炸得耐咗少少😣不過餡料都幾入味～酒釀丸子（$30）唔煙韌，但桂花味幾濃☺️熱豆漿（$18）味道好甜，幾滑。環境幾好，午市寧靜舒適👍🏻服務唔錯，不斷會幫我地斟水，後來發覺有茶錢😂

於廣東菜為主導的餐飲業市場中，上海菜於香港佔有一定的席位，相對油膩的韓燒，濃味的泰菜，是出外用膳的較健康選擇。 有多間分店，主打上海家常菜的 - 上海弄堂，介乎於灣仔與銅鑼灣之間的天樂里分店，地理位置上的考慮，晚餐開飯時間應該不用怎大排長龍吧，幸好早到一步，跟預期一樣不用等位。 店面佔地不算太大，不過特高樓底，掛上一盞大吊燈、木屏風、老掛畫，一派老上海的風格，優雅而不落俗套。 餐牌保留了8、90年代香港上海菜館的特色: 中英文對照之餘，還有日文的加入，老號的作風呢。 店方主打的阿娘餛飩裡頭，就有多款餛飩選擇，就來一碗招牌 - 菜肉餛飩 $48。餛飩本是飽肚之物，再搭上麵條的話更是飽腹，為可嚐到其他菜式，於是點了淨餛飩。 一碗有8隻，湯頭並非平常採用的高湯雞湯，而是用了豉油湯底，還是第一次遇上。濃濃的豉油味，沒有太多味精，加上蔥花點綴，鹹而清淡。 餛飩大隻而飽滿，餃皮滑溜不厚身，薄薄的把餡料顏色也透澈了出來，小棠菜跟豬肉餡的比例算是平均，在小棠菜的爽口配合下令8隻餛飩輕易被消滅。 小籠包 $38一籠4隻小籠包，比起其他上海菜店定價也挺經濟實惠。 即叫即蒸非常熱辣辣，餃

朋友相約去灣仔行電腦商場，買完電腦，左一袋右一袋，搵地方食嘢， 朋友就話想食上海菜，就上網揀咗一間， 位置上都唔難搵既，同有午餐食既。我地就叫左鹵水牛展菜飯同花雕醉雞菜飯配豆漿。 菜飯大大碗， 菜同飯嘅比例啱啱好，最重要食落唔會成口油。 至於鹵水牛展 ，夠曬入味， 牛展完全唔難咬， 軟硬適中，入口有香滷水未。至於花雕醉雞花雕酒， 用料十足， 成隻雞充滿酒香。我地重叫左上海小籠包， 小籠包四隻一籠，隻隻皮薄又多肉汁，再配合埋個醋加薑絲，更加美味。蒸銀絲卷， 普通貨色， 勝在熱辣辣，夠新鮮 ，點練奶食夠曬易入口。涼伴小黃瓜 ，夠曬凍，黃瓜有冇出水， 落過下功夫， 啱我食。經濟實惠 ，下次有機會再食。

當年，因為國內的戰亂及其他政治因素，大量的上海人來到香港營商及謀生。所以，上海的美食，江東一帶蘇浙美食，早已經成為了香港的美食。說上海菜，舊派的，有其可愛之處，但因為多油，味道太重而令到現時著重健康飲食的人怕怕。但，菜式會隨著時代而進步及改進的。現今的市面上，越來越多的海派食府，明顯地，他們同傳統的老派香港式上海小館有分別，就是帶點時尚感，及出品較健康少油。而就在我工作附近的天樂里，新開了一間叫《上海弄堂》。 《上海弄堂》，並不是什麼華麗的上海館子，但細心的裝修，放棄了閣樓的空間，再換來一盞吊燈。令人一入來就覺得整個飲食環境，好有滬江的色彩。 是日同朋友輕鬆午餐，所以就一人一個飯餐，簡簡單單。花雕醉雞，午餐的一人份量其實不多，看起來好像不夠1/4雞。份量雖是細，但屬一人份量的午餐，也可以說是不多不少。而味道上，有很香的酒味，有很嫩滑的雞肉連雞皮，配唔配飯一起吃，都很開心。 我點了回鍋肉，香港大多數的上海館子都有回鍋肉。這一個新派的滬式回鍋肉，辣感不會太強勁，又不會像老牌上海館子的多油。而令人開心的，就是味道保持到香港人吃慣的傳統味。伴飯一起吃，很是開心的。 年紀大，大家都喜歡食菜，我們