上海弄堂菜肉餛飩 (已結業)

喺 open rice search 到呢間餐廳，先被佢嘅名字「上海弄堂」吸引，而食評又不錯。好想試下。今晚朋友有空，相約弄堂見。環境很不錯，雖然餐廳吾算大，但樓底高，感覺舒服，真有啲上海 feel。餐牌第一頁，已解釋什麼是 "弄堂"。原來是小巷的意思，所以餐廳英文名是 Shanghai Lane。明晒。急不及待要點菜。點了雪菜炒年糕。年糕本身並沒有什麼味道，但有嚼囗，用雪菜搭配，最適合不過。煎餃子都頗大件，味道不錯。小籠包的皮就略厚了點。餛飩味道不錯，一口一件👍最後點了酒釀丸子同芝麻湯圓作完結。蠻不錯。這裏的店員服務很好。值得一讚!

好多無食過上海菜了，突然想食醉雞，見圖片睇落唔錯就簡左呢間黎食。剛好中午12點，沒太多人，但過左20分鐘後已滿座。上菜時間都幾快手。一人套餐 $83-🍴菜肉餛飩4隻菜食得出新鮮，咬一口連埋湯飲，正。-🍴花雕醉雞 菜飯無重既花雕酒味，雞嫩，皮滑。個人鐘意食軟綿既飯，覺得菜飯硬身左小許，但醉雞連菜飯食絕配。-🍴凍豆漿 +$5濃豆味，甜度剛好，好飲！炸銀絲卷 $20好似炸饅頭，但比炸饅頭甜，外皮脆，連埋練奶食都唔錯。中間滿滿銀絲小籠包4隻 $35豬肉新鮮，豐富肉汁，連埋薑醋食好夾。韭黃炒鱔糊 $110味道剛好，無腥味，愛吃韭黃，份量亦夠多。整體黎講不俗，醉雞值得一試。

今天老公又到灣仔外勤，但由於我倆都不太餓，所以不想吃太多，走著走著便看到這間<上海弄堂>，吃餛飩和小籠包都好喎入到舖內，是濃厚的上海情懷，還播著老上海的歌曲，很懷舊的感覺呢！剛打完風，天氣又熱又焗，甚麼都不叫便先來一個凍酸梅湯！酸酸甜甜的，很好渴，渴後彷彿暑氣全消！菜肉餛飩是這裡的招牌菜，怎可能不點！餛飩的皮不算很薄，是有口感的一種，內裡菜比肉多，很適合我的口味，吃後很飽足！不能不點的當然還有小籠包啦！包子的皮同樣算是有口感的那一種。光是吃餛飩和小籠包已經令我飽了，看來是因為真正上海式的餛飩是正餐來的吧！小籠包內的肉團和湯汁也很多，肉團鮮味彈牙，超正吃了這麼多肉肉當然要吃點蔬菜來平衡一下，我們點了上湯火腿津白。津白烚得剛熟，既沒有清澀味亦不會過老，配上咸咸的火腿絲和上湯，吃下的感覺很舒服！不過索價70元就好像有點貴。最後老公有點未夠飽，所以點了擔擔麵，但由於我已經差不多，所以只吃了一小碗來試味。麵質比較偏硬身，比較有質感，口感不錯。而且擔擔麵的辣度還可以成為小，中，大，三個程度，客人可自行選擇，很貼心呢！湯底很香濃，有濃濃的麻醬混花生味，伴著小肉粒吃，真的不錯$256元

近日天氣太悶熱，午餐不想又是西餐那麼heavy, 和同事去了一間上海食肆用膳。店內裝修有懷舊畫像，堷添幾分中國色彩。脆皮素鵝我們點了一個套餐和散點兩款上海菜。腐皮外層炸得香脆，沒有油益味，餡料十足，主要是蘿蔔絲及冬菇絲。雖然是午餐，但分量比一般餐廳的為大。脆鱔這個我的至愛，每逢食上海菜，一定會點這個菜式。他們即叫即整，需時二十分鐘，所以上抬後的溫度很熱。醬汁與脆鱔混合得好，醬汁的味道和份量不會蓋過鱔的鲜味，口感香脆，屬於本店必試之選。排骨擔擔麵擔擔麵有小辣、中辣和大辣。我選擇了小辣。麵條幼細彈牙，湯底好香芝麻味，辣的程度是可以接受。這個我選擇了套餐，包了一杯豆漿。豆漿冰凍，有香濃黃豆味，但甜度可以略為減少以配合香港人的健康飲食習慣。

一進去上海弄堂就發覺環境舒適，坐位寛濶。沒有壓迫感。店員親切。尤其是店長，笑容甜美。上海食店，一定唔少得小籠湯包。必食，皮薄咸靚，不過本人口味比較重。會覺得淡一些。其後點了菜肉雲吞八隻＄46 店長話要必食。👍🏻👍🏻小籠包四隻＄35上海春卷＄25。香樁菜拌豆腐＄48家鄉熏魚＄65脆皮素鵝＄58韮黃炒鱔糊＄110韮黃炒鱔糊＄110酸辣湯每位＄30銀絲卷正每條＄18還有店裏竟然有酒類供應。美酒佳餚。應有盡有！下次一定同成班朋友再黎品嚐！

在香港很少機會同朋友一起食正宗上海菜，皆因大家早已意識到健康優於口腹一時之慾，對以「濃油赤醬」見稱的本幫菜自然避而遠之。至於這間上海菜館吸引我光顧的原因，是因為它以家常菜風味之名招徠。說實話，好吃便是，又何必計較吃到的是否正宗上海菜。未知是否老上海家常風味緣故，打開餐牌發現淨點餛飩總是搭配豉油湯底。女友說不如試試「酸辣湯餛飩」。酸辣湯勁度略嫌不足，對於愛吃酸辣的人可能食得不過癮，卻正中我這些愛平和口味的。餛飩皮薄，餡雖不算多，卻淡淡食出新鮮肉汁。眼前這一碟「紅燒肉百頁結」，不禁令我想起從前到上海遊玩時專程到致真會館品嚐「兩頭烏紅燒肉」的小時光。皮肉經燜燒後潤而不膩，肉質軟燸，夾起時不見得多餘肥脂在顫抖，心想多食幾塊亦不會有罪疚感吧。相伴的百頁結同樣入味得很，相當出色！「嫩雞煨麵」是女友今餐至愛。煨麵煮得有點爛而保持麵質爽滑，飽吸雞湯精華，難怪女友鐘意得湯喝得一滴不漏為止。「黃金排骨菜飯」則是今餐我至愛。豬排都是即叫即炸，不但炸得金黃色，表皮酥脆，且入口鬆軟，配飯食非常可口。這晚能夠品嚐上海家庭菜口味，又有香片茶消滯解膩，感覺真好。

今天和好友聚舊兼看演唱會，路經天樂里這家上海食店。好友說有同事經常惠顧，於是二話不說便拍版了。店內裝修既懐舊又有點高雅的上海味道。幾位甜姐兒待應，體貼又週到。小籠包4隻 $35肉汁豐富，皮夠薄。家鄉薰魚 $65 印象中薰魚是黑墨墨和乾巴巴的，但這裏的薰魚除了帶點點陳醋和魚香外，賣相也不錯。、鯇魚紋清淅，肉質結實。菜肉餛飩8隻 $46 又薄又滑的雲吞皮，包著翠緑的菜蔬和鮮甜的肉粒。粒粒飽滿又多汁，菜比肉多夠清新。脆皮素鵝 $58 酥脆的腐皮包著香軟的木耳、冬菇和紅蘿蔔等幼絲。不油不膩，我們都吃到停不了口。酸梅湯 $18 酸梅湯頗美味，既可解暑又開胃消滯!很久未吃過這樣美味和價錢合理的上海美食，而這裡的環境和服務也很稱心。一定要帶媽咪和男友再來品嘗啊!

和媽本來想吃甜品做晚餐，卻覺得不夠飽，還是要吃個正餐。由銅鑼灣步行到灣仔，媽媽被這家餐廳的古老照片吸引，而吃餛飩，小籠包等也不錯，就推門進去。牆上掛著不同舊香港式的風景畫，另外天花的吊燈也古色古香。就是滿滿的懷舊風~套餐是最抵食的組合， 我們叫了一份一人套餐。另外在主餐牌選一些小食~加多個主菜也好。一人套餐可選這裡招牌的菜肉餛飩，有四粒，用的是豉油湯底，有鹹香味道。餛飩皮又薄又滑，餡料有白菜和豬肉末等，菜的分量多，所以咬下去很爽脆啊。在套餐選了黃金排骨配湯麵。陽春麵的湯底有點像雞湯，有鹹鮮的味道，麵條非常柔軟嫩滑，比想像中好吃。 排骨是比較像薄豬扒片，炸漿不厚但炸得酥脆好香口。我們點了兩款小食，其中一款是小籠包。它的皮不算很薄，但是也不會很乾，容易咬開。看到內裏的湯汁滿溢，配合餡料豬肉味道鹹中帶甜，juicy又美味。炸銀絲卷簡直讓我們喜出望外！！它的外皮極度鬆脆，碰一下就會掉落碎片，內裡部份也鬆軟， 沾煉奶吃是最高享受！無錫脆鱔是我們在好奇下點的，原來就是將鱔切成條狀炸起，再混上醬汁奉碟。鱔炸得香脆，混合合了甜甜的醬汁。杰身的醬汁有拔絲的效果，感覺特別。另外也有用豉油炒過，帶出了鹹香，

今晚去完灣仔行街，朋友仔話聽講附近有間上海菜都幾好味，所以我地就去咗試下。一入去就餐廳就覺得間餐廳幾有格調，有點懷舊的典雅feel，中國味。服務員態度友善而且溫文。地方亦非常乾淨，坐得都舒服。一大開個Menu就想叫好多嘢食，但係得兩個人，所以就叫左以下嘅嘢食。總括嚟講啲嘢食都好食同滿意。素菜餛飩$46-個餛飩比我想像好食好多。個雲吞皮煙煙韌韌，外面仲滑滑地，容易入口。裏面有好多種唔同嘅素菜料，有不同蔬菜的清甜味，仲有一啲菜汁，真係好好味。小籠包$35-個小籠包同出平時系出邊食嗰啲，有一啲唔一樣，個皮比較有啲質感，比較厚啲，皮都好味。重要係小籠包啲湯真係好清甜，同好有肉味，又鮮。糖醋魚塊$112-魚塊外皮炸得脆，魚肉又滑，有魚味，一啲都唔腥。個汁煮得好唔錯，酸酸甜甜好開胃。扁尖毛豆素雞$75-素雞有好香嘅大豆香味，滑滑地，又好有𡁻頭。冬菇清甜又有冬菇味。清清地又夠味，唔錯。蔥油拌麵$38-個啲麵條煮得啱啱好，又唔硬又唔冧，韌韌地幾好食。又有乾蔥味嘅豉油混在一起，啲乾蔥爆得好香，有濃烈嘅蔥香味。啲豉油又唔會太咸剛剛好。

由於在附近做運動，所以成日在銅鑼灣，灣仔一帶吃飯，未試過這間上海菜，裝修幾靚，坐位舒服又唔迫。樓底幾高，天花燈好靚！我們兩個人叫了酸辣湯 $30不是好辣，一碗兩個人分都可以，而且入面有好多料，竟然仲加了豬肚絲，好少見。$30 咁大碗真係好平！菜肉雲吞 $23店員話是人手包的雲吞，食得出入面的菜好新鮮，無味精！湯底好清，加少少豆瓣醬好好食。醉雞+ 大辣擔擔麵 $75擔擔麵有得揀大中小辣，我就梗係揀大辣啦！好辣好重花生味，好食！不過略嫌d麵太淋。醉雞有雞腿和雞翼，太好運了，好香酒味，肉質好嫩滑！一set才$75，比散叫抵！咸肉炒津白 $80津白幾甜，但咸肉真的有點咸，唯有食多兩條津白中和一下，份量頗多，我們兩個人食剩少少。埋單兩人才是$235，算是抵食而且坐得舒服的餐廳。

之前和朋友來過一次，今日放工後朋友想吃上海菜，所以便介紹他來上海弄堂試試。🌶酸辣湯（$30/位） 一如以往，要點個酸辣湯，一位份量有一個湯碗之大。入面非常足料，有木耳、雞線、冬菇、豆腐、雞蛋等，酸辣味道調配得宜。 🌯上海春卷（$25） 炸春卷入面包住椰菜絲、豬肉、冬菇等食材，香脆可口，輕輕配上香醋更加好味。點了個一人套餐（$98） 🍃菜肉餛飩 配上豉油湯底清清地又唔會太過濃，配上新鮮大粒的菜肉餛飩，內餡非常足料，鮮味香口。🍚回鍋肉菜飯🐷 回鍋肉炒得非常香口，有椰菜、豬肉和其他配料炒成，穫氣十足，好味！ 可以配上我最愛的菜飯。 🍜醉雞擔擔麵（$75） 醉雞的花雕味道挺為濃香，肉質嫩滑，滲透花雕的香味令雞肉更為香口，酒味更香濃。 擔擔麵充滿麻香和芝麻味道，麵條吸收曬味道，非常香口惹味，不會很辣的。

本人一直好喜歡上海菜，特別鍾情家常菜的感覺～多年前曾光顧中環的分店，今天經過灣仔天樂里時，竟發現原來上海弄堂在這裡開了分店店內的裝潢更是非常大氣優雅，和我印象中多年前的中環分店像茶餐廳的感覺相差甚遠！座位擺設相當舒服，適合聊天，店員不但不會趕走你，而且更不斷為你添茶「弄堂」，是上海小巷的意思。一般而言，上海弄堂就是品嘗上海家庭小菜的好地方。我喜歡這裡的上海菜樸實而正宗，多款式又抵食！我同朋友兩個都是上海菜的fans，今次點了好多我們愛吃的菜式我們點了一個套餐另外再在menu點了幾款想吃的～上菜的速度幾快，點菜不一會，就上齊了！跟套餐的餛飩~ 每粒都幾大，皮薄得黎好滑，餡料新鮮套餐+$5有醉雞(選了菜飯)~ 好鍾意食醉雞，份量夠晒2個人食！加左菜的飯感覺好清新健康！擔擔麵份量幾大！好少辣～好喜歡食燻魚！！甜甜地，外層炸得香脆，魚肉入味～質地煙韌～正排骨的份量都好多~ 外層炸幾酥脆我同朋友傾左勁耐計～坐得好舒服～傾計一流！而每個位都排得幾有私隱～店員的服務態度和頻頻主動加茶~ 值得一讚!而且性價比高！一定會再回來！

娘親話未去呢間店食過, 所以今晚便去試下.......一行3人坐低, 雖然舖面不大, 但環境ok.點咗幾樣餸: 小籠包, 咸肉豆腐湯, 脆鱔, 菜膽獅子球, 醬炒茄子, 香酥鴨(半隻), 雲腿蛋白炒飯, 排骨擔擔面。雖然好多點了許多樣餸, 但其實他們的份量都不太多, 好容易便食完, 加上哥哥的食量大, 這樣就差不多啦…先講小籠包, 即叫即蒸, 夠熱夠新鮮, 但皮太厚, 味道還可以。咸肉豆腐湯, 份量夠4人份, 豆腐十分嫩滑, 但味道實在是太咸了, 食完一碗就要不停灌水飲, 連娘親話佢食開重口味都覺得好咸。菜膽獅子頭, 這個味道不錯, 獅子頭的肥肉與瘦肉比例不錯。脆鱔, 味道都還可以, 都幾香脆濃味。醬炒茄子, 毛豆濃醬炒茄子, 標準上海菜的味道。香酥鴨(半隻), 鴨味很濃, 外皮酥脆, 內裡肉質嫩滑, 半隻的份量不太多, 2-3人食ok。雲腿蛋白炒飯, 味道ok。排骨擔擔麵, 排骨炸得頗酥脆, 味道不錯, 點了中辣, 辣度可以接受, 不會死辣, 頗香。最後娘親有叫了桂花酒釀丸子作她的甜品, 她表示桂花糯米酒香濃郁, 都幾好食。

趁住星期日今日好悠閑咁同媽咪一齊去灣仔行街，行完街好攰而且媽咪突然之間又話好想食上海野，所以我地就去咗天樂里嘅呢一間上海弄堂菜肉雲吞店～喺香港其實有好多上海菜嘅連鎖店，原來呢一間係最近先至開分店，喺跑馬地天后都有佢哋嘅鋪頭。入到去由於係星期六日嘅關係所以今日係冇午市套餐供應嘅(但仍有特餐) 但媽媽睇過不太合心意，所以我哋就喺a la carte度揀食物啦~ 我同媽咪兩個分別揀咗嫩雞煨面，炒鱔糊，菜肉雲吞同埋銀絲卷係等待食物嘅同時，再睇下店嘅環境，其實個感覺好似返返去夜上海一樣，佢樓底好高，而且仲有一盞好傳統嘅吊燈，牆四周都掛咗上海夜景字嘅畫感覺令人好愜意真係好似返咗上海一樣。嫩雞煨面($59)煨既感覺唔太強 有啲似湯麵多啲~但因為我本身就不太鍾意好糊嘅感覺, 所以我鐘意食! 韭黃鱔糊($110)炒得好香 數量亦都好多味道亦好夠 ! 至於呢一個菜肉雲吞($46) 8隻 佢用咗豉油湯底相感覺好特別從來都未試過係咁樣好似食緊日式嘢咁 唔係好上海菜感覺haha可能食完炒鱔糊嘅關係覺得呢個菜肉雲吞味道比較淡味道可加強! 炸銀絲卷($20/條)最後呢個炸銀絲卷係我最滿意嘅一碟菜～外面炸得好香脆入邊

弄堂是上海市中成片街巷內的居民所組成的社區，是上海的特有的文化。除了建築，社區外，上海的美食也在上海文化中扮演重要的角色。晚上八時到達餐廳，可能是閒日的關係，不用等位置，侍應生很快就招呼我們坐下，還介紹了一些菜式。餐廳環境很不錯，牆上盡掛了些老上海的掛畫、照片等，還播著懷舊的經典金曲，氣氛很好。餐廳小菜類非常多，而且還提供了兩人/多人套餐，十分優惠，但最後還是決定選擇單點，因為可以叫到自己喜歡吃的小菜。小籠包吃上海菜少不了就是小籠包。這傳統，經典的點心，卻包含了相當多的技術，小籠湯包的好壞絕對能代表餐廳的功架。大小剛可一口吃下、餡大而肉多、汁多味鮮！香煎鮮肉餃煎肉餃也是不可不吃的經典點心。底皮煎至香脆，香而不濃，剛好鎖著了肉汁在內，皮厚度剛好，煎餃皮太薄反而會不好。加上少量辣醬更加美味。小黃魚今天剛好有廚師限時小菜，小黃魚。侍應生在我們坐下就會介紹小菜給我們，這小黃魚才38元，十分抵吃。酥脆的金黃表面，內裡魚肉卻很幼嫩，初初還怕魚肉會太乾。簡單的料理，不用特別的配料，調味，單吃魚肉已很美味。最後還點了無錫排骨無錫骨的醬汁我十分喜歡，鹹甜調和，而且鎮江醋的比例不多，個人口味喜歡淡淡的醋香