上海弄堂菜肉餛飩 (已結業)

餐廳名字簡單，卻充滿老上海風情。所謂「弄堂」，是老上海的一種獨特社區，由一整片街巷內的居民建築所組成。「弄堂」本義指此類居民區中的小巷，類似北京的「胡同」。20世紀上半葉之前，上海的居民房屋大多建築在「弄堂」制式的小巷內，有成排的獨棟房屋或公寓樓或連成一氣的排屋，彼此緊密相連，因此孕育了特殊的「弄堂」生活文化，是海派文化的重要組成部分。隨著上海城市改造建設，弄堂和弄堂文化正在逐漸減少，但上海一些仍未發展的老社區，仍然存在着「XX街 XX弄」的老式地址。地舖餐廳的面積唔會太大，推門入內仍然有個小玄關，估唔到餐廳老闆願意佔用一點面積，佈置一個磨砂玻璃屏風用以阻擋視線、以分隔餐廳入口與裏面的座位區，有點高級餐廳的影子。佈置簡約典雅，尤其餐廳正中央這個仿圓拱吊頂，感覺就好似電影電視劇所帶給我們，屬於 1920、30年代十里洋場的上海的高級餐廳裝修風格。配合這種裝修風格，牆壁上的佈置同樣簡約、並配合懷舊風；既有五六十年代非常有名、位置就在附近的龍門大酒樓照片，也有法租界年代、上海黃埔江沿岸的外灘風光油畫。在這種環境下食上海菜，對出品的要求自然有所提高、直覺上也認為出品質素必定有番咁上下。在香港食

Sunday evening dinner for 2. We can all by this chain and decided to try it. The food was soso. We order a single set plus dumplings. The rib was ok. The rice was a little dry. The dumpling was raw so was send back to kitchen. The hot and sour soup tasted old. The ingredients were soggy. When we got the bill. They charge us double for the tea. I don’t like dishonesty. Never come back again.

上海弄堂菜肉錕飩灣仔間上海弄堂，我都算常去，因為味道幾好，都岩小朋友食，今日，一家四口食個晚飯。地方都幾大，環境舒適。我叫咗鍋貼、菜肉餛飩、小龍包、嫩雞煨麵，俾D小朋友食大人就食回鍋肉年糕、醉雞配擔擔麵、賽旁蟹。菜肉餛飩：大大粒，菜肉分明，湯底清甜，岩曬小朋友食。鍋貼：個底脆卜卜，又多肉汁，小朋友大愛。小龍包：最後都係大人食，小朋友怕熱到咀仔，凍咗又無咁好食賽旁蟹：大大碟，但較普通。回鍋肉年糕：年糕煙煙unun，回鍋肉夠香辣醉雞：較淡囗，雞一般。擔擔麵（中辣）麵偏淋，可以硬身少少，辣味正常。嫩雞煨麵：岩小朋友食，我就一般喇😂😂😂

平時食得多西餐，放題，今日就同朋友搵咗間上海菜食下。餐廳位於灣仔同銅鑼灣地鐵站之間的天樂里，兩個地鐵站行過黎都有少少路程，要行十分鐘左右。對住電車路出面，都幾易搵。中午黎到已經唔算好多人，環境舒適清靜。裝修都很有古式風味，牆上有啲很舊式的相片，中間天花頂的一盞特式大吊燈，滲透著濃濃的复古味。全日供應的1人套餐，$86/$98已包小食，主菜同飲品。前菜之一，酸辣湯，材料豐富，有木耳，粉絲，豬肉絲等，湯比較稠身質地，飲落唔會好辣，酸辣味好夾。另一個前菜，菜肉餛飩，4隻，湯底是䜴油湯底，清甜可口，餛飩皮十分滑溜，誠意之作，韭菜同豬肉餡的比例都剛剛好，咬落爽口清甜。無錫排⻣，跟菜飯，飯粒結實大粒，菜粒鮮甜，混入飯中感覺清新，排⻣煮得十分淋身入味，肉質厚，醬汁好惹味，送飯一流。上海炒粗麵，麵條彈牙，粗度適中，有很香的醬汁味道，色澤光鮮，加上有清脆的小棠菜同薄豬肉片一齊炒，更加美味。桂花酒釀丸子，少少酒香味，有好多桂花粒同米，食落層次豐富，丸子都好彈牙，糖水清甜。仲叫咗兩杯凍豆漿，香滑清甜，食上海菜的絕佳配搭。

平日由灣仔行去銅鑼灣時成日經過呢間上海弄堂，今日終於有機會黎天樂里係銅鑼灣同灣仔之間，地鐵出應該係銅鑼灣會近少少入到去見到裝飾幾新穎，感覺舒服天花吊燈好靚，加埋牆上既掛畫幾有老上海味道1人set有$98 同$86兩款，可供選擇既主菜都不少單點菜式價錢亦相宜，見到有英文menu,睇黎做埋遊客生意熱豆漿好濃郁既黃豆香，放左一陣面層已結衣酸辣湯好開胃，味道唔會太辣，而且配料豐富紅燒肉百頁結，紅燒肉偏肥，伴上醬汁送飯一流湯麵清淡，配上少許蔥花食落好清新，中和左主菜既油膩感回鍋肉意外地唔辣，而且用既係瘦肉片，炒得幾好食菜飯加回鍋肉不失為一絕配男友話百頁結口感好似千層豆干（笑）埋單每人約$100，食物環境價錢都不俗，下次會再幫襯

好好好友生日，話明 “好好好友”，所以我每年都會為她悉心安排一切，除送上親手製作的生日禮物外，當然不少得揀間餐店吃生日飯啦! 知她最喜歡吃上海菜，小籠包、雞絲粉皮等等…..通通她都愛，估我今次揀了一間我也喜歡的上海餐店。餐店位於天樂里，門面優雅脫俗，透過半落地大玻璃窗看入裏面，內裏環境更加吸引。拉門而入，古色古香的天花大吊燈，周邊還以同一系列的壁燈襯托，很高貴優雅。還有牆身多幅懷舊相片，伴着懷舊的國語歌曲，真係好有feel。地方不算很大，泊牆設有一排沙發座配數張二至四人枱；中間有幾張四人枱，還有三張大圓枱，枱與枱之間有一定的距離，都坐得幾舒服。 安坐後，店員便隨即傳來多份餐牌，分別有下午茶優閒套餐、全日供應套餐、午巿套餐和一本設計精美的散點餐簿。菜式類別有小食/點心、冷盤、阿娘餛飩、肉類/雞鴨、河鮮、蔬菜/豆腐、湯、煨麵/湯麵、炒麵/拌麵、年糕、飯類、甜品和飲品，選擇都幾多。既然可遇上星期一至六由2:30pm- 5:00pm的下午茶餐，仲要星期一至五免收加一服務費，當然不能錯過。有七款選擇，還有精選優惠小食配搭，而每款餐食均免費奉送凍豆漿一杯或特色品飲一杯，相當經濟實惠。*******

趁仲係下午茶時段周圍看看有冇特價下午茶平時只想到「南記粉麵」，今日經過灣仔天樂里有上海弄堂，發現有下午茶㗎！4點半左右人流不多，坐在近門口玻璃角落，幾光猛環境幾骨緻樓底幾高，還有大吊燈叫了一客排骨擔擔麵連飲品$49平時正價一碗排骨擔擔麵要$68，現在平19蚊仲包埋一杯飲品添檸檬薏米水-淡淡檸檬香令薏米水更覺清新擔擔麵中的麵條是幼身的軟硬度適中，擔擔湯醬熱辣辣內有麻醬和花生香，有少許肉碎和蔥花，少辣剛好。 店員還溫馨提示趁熱盡快食用以免凍左同埋浸林左啲麵呢排骨夠乾身唔會油淋淋排骨不厚粉，偏瘦唔肥，可惜肉質唔鬆感覺實淨，如果之前有揼揼鬆便好⋯$49 這口價這質素算不錯

年三十想食上海菜應節，決定行遠少少黎到想食好耐既上海弄堂，估唔到唔洗等位即入。菜肉餛飩 ($48) 8隻餛飩塞滿爽脆、厚而嫩既小棠菜粒，肉比例少，但鮮味十足，金元寶式摺法亦食到薄餛飩皮既煙韌。 灑滿蔥花既豉油湯底溫和唔會膩，充滿家常味道。醉雞擔擔麵 ($75)花雕酒味濃郁，餘味有少少酒糟既微苦；雞皮下呈啫喱狀，可惜分到胸位，啖啖肉但雞脾肯定更加滿足。 小辣擔擔麵濃稠度有如攤凍既花膠湯，我鐘意花生味唔會過重，肉燥、蔥粒同香辣湯汁漿住軟滑既幼麵條，必試。排骨湯麵 ($59)排骨大塊厚肉、嫩滑入味，炸漿偏粉狀薄身，唔算十分酥脆，勝在乾爽同排骨本身夠好味。 朋友唔食得辣叫左湯麵，清澈既雞湯清爽鮮甜，但份量較少，單點一份未必夠飽。年三十只可以散叫，平日其實有$86 set包左醉雞擔擔麵同4隻餛飩，今次相同組合比平時貴左少少，但份量好足好飽。 我鐘意套餐配搭好自由，可選餛飩、醉雞、排骨、無錫排骨、獅子頭等，配湯麵、菜飯或擔擔麵(+$10)，茶芥$3，環境幾靚，上海癮起時可算經濟實惠之選。 下次再戰~

I wish I took a picture of the food I had because it was actually disgusting. There were multiple strands of hair in my dan dan noodle. The soup was also lukewarm, with soggy noodles, bland taste. Not to mention when I called them to inform them of the hair, I was dismissed and told it happens and "sorry lor." Never going back there again. 

同老婆去銅鑼灣買電話，順路去埋灣仔果邊睇下有咩食，原來上海弄堂灣仔都有分店，我都好耐冇食過佢喇。之後我地睇下餐牌，原來都有午餐，每個午餐都配一杯飲品。我同老婆都叫左熱蜂蜜咸檸檬水近期天氣比較凍同乾燥，叫返杯特飲潤一潤，杯咸檸檬味道跟帶少許咸酸味，但有蜂蜜去中和整體味道，非常潤喉。【花雕醉雞】配擔擔麵花雕酒好香，酒嘅味道浸入左雞肉內，D雞肉好有酒香味又嫩滑。配上那花生味濃的湯底，帶點少少既辣，又可以配埋老婆果個黃金排骨一起吃，一絕。【黃金排骨】配菜飯炸排骨入口完全感到不油膩，加上香脆的表面，每一件都好厚身得來肉質又嫩滑。【西洋菜餛飩】季節限定另外叫一碗有8大隻餛飩，餃皮又滑又薄。西洋菜同豬肉餡料比例菜多過肉，對我黎講菜多過肉會比較好。湯底只不過係用豉油調味,但係就更加特顯到菜肉嘅味道。【荳沙鍋餅】甜品我地叫左個荳沙鍋餅，餡料很多，不算好甜，蛋皮香脆，不錯。

今天在港島區逛街，晚飯時間朋友說想吃中餐，我提議了吃上海菜，故在openrice搜尋了一下。今晚來到的餐廳樓底非常高，一盞大型吊燈很有氣勢。牆上的掛畫亦充滿上海的特色。餐廳全日供應1人套餐，故我們點了兩個餐。因為喜歡吃菜肉餛飩，所以兩個餐都要了餛飩。餛飩是自家手製，而且饀料十足，咬上去啖啖小棠菜，因為新鮮，所以很翠很爽。可以自行加點醋或辣醬調味。其中一個主菜要了無錫排骨配菜飯。排骨全部是有豬軟骨的，很稔很入味，而且有少許醋味。另一個主菜要了上海炒粗麵，份量大，有小棠菜、椰菜、肉片，不算油膩，也不會很鹹。最後還點了你小籠包，皮不算很厚，咬一口充滿肉汁，蘸上醋味更佳。店員很勤力加茶，價錢又合理，可以再光顧。

農曆新年快到了, 今天去灣仔文具店買新年揮春及飾物佈置家居, 突然想起上海年糕及餃子, 於是決定先去 上海弄堂 吃個午餐, 再購物。面積不算太大, 但裝修佈置很用心, 好有復古風格, 帶點懷舊味道！天花上的吊燈很古式古香,  店內光猛, 衛生, 座位舒適. 店內掛著舊上海美女圖及舊日香港街道風光。午市時段, 客人很多, 我們等了十分鐘才有位.    坐下後, 我們看看餐檯墊, 有介紹 弄堂 意思 及 招牌 菜肉餛飩.菜牌介紹食品, 圖文並茂.  有小炒,菜, 湯.河鮮, 肉類, 雞鴨.麵食, 小點.午市套餐優惠, 部份時段免收服務費.我們喜歡  1 人套餐, 因為非常豐富, 可自選組合. 分 $86 , $98 , 有小食, 主菜, 可配 白飯 / 菜飯 / 湯麵.  價錢頗經濟.  點了兩個套餐.  加了 $5- 配 豆漿一杯.小食一:   炸春卷入面包住椰菜絲, 豬肉絲, 冬菇等食材. 炸得香脆可口, 輕輕配上香醋更加好味。小食二:   菜肉餛飩大大粒的菜肉餛飩有4個, 內餡非常飽滿,    配上豉油清湯底,  不會過濃, 配上青蔥好美味.菜肉餛飩皮薄, 菜比例多些, 所以入口爽甜

平時鍾意四圍行•去發掘唔同美食•喺灣仔無意發現咗間古色古香嘅上海店•味道唔知點哩•餛飩有三個選擇菜肉素菜西洋菜餐廳名係上海弄堂菜肉餛飩•點少得叫番碗菜肉餛飩試試皮薄•餛飩脹脹滿滿•菜肉比例恰當•食唔停囗•花雕醉雞每一啖雞肉散發陣陣酒香•酒香又唔會蓋過雞嘅味道•絕對無喧賓奪主•相當出色小籠包皮薄•肉汁鮮甜•又一推介•桂花糕味道清清甜甜•杞子明目•食多兩件都無問題•餐廳提供午餐•下午茶餐•全日套餐•真心抵食•灣仔區黎講真係一個唔錯選擇

中午約了朋友去灣仔買電腦零件，轉下口味唔食中西餐轉食上海菜，行了幾個街口見到門口上海弄堂餐牌就去食，只因食完坐車走都方便，行出少少就是巴士站。 環境相當乾淨燈光也十分光猛，枱與枱的空間也很適中，給客人很舒適的感覺。 仲有全日供應的套餐 一杯熱豆漿、一杯凍的豆漿 熱的豆味香噴噴飲下去非常香濃細滑 一碗酸辣湯，當中材料非常豐富已足夠2人一起享用，少酸少辣味道好岩一般吃得不辣的朋友。 最經典的上海菜飯組合 套餐：排骨＋菜飯 材料新鮮菜飯有著濃濃菜味，入口完全感到不油膩 炸排骨很入味，加上脆卜卜的咬口外脆內軟，每一件厚身得來肉質嫩滑。 點了一個套餐HK$78 包一款小食 一碗麵，這個餐是醉雞配上擔擔麵，更可以自選提辣度的要求。想吃想吃但因怕太辣，所以店員很好提議點BB辣 擔擔麵BB辣 吃擔擔麵最好是要趁熱食，一邊吃也聞到非常香濃氣味，非常滋味呢~ 擔擔麵湯底帶麻醬香，不膩滯的口感一點也不覺得湯底黏膩，麵條沾上了醬汁而且非常有咬勁。 上海炒粗麵 粗麵條入口煙韌彈口很有嚼勁，每條麵條都夠入味，加上有椰菜、白菜、肉片。而且一碟的份量十足。 炸銀絲卷 一向都是我小時候至