上海廳1930 (已結業)

朋友夫婦邀請我和另一位朋友去上海廳吃晚飯，這裏的環境很不錯，沒有強烈的燈光和吵雜的聲音,只有浪漫柔和的燈光。服務員也很有禮貌。我們叫咗小籠包，與廣東的酒樓不同，很好吃。酸辣湯雲吞與別的上海菜館不同，雲吞特別好吃。雪菜肉絲炒年糕，年糕軟軟爽爽的，味道剛剛好，廚師功力夠。蒜泥雲白肉，上面有粉皮和蒜泥醬，很是惹味。四小拼更加豐富，有四樣不同的食物。蠔油小竹荀也是特別調製的，與別不同。雞絲拌海蜇皮更是我的心頭好。甜品有酒釀丸子和擂沙湯丸，不太甜和細細粒，容易入口，也好好味。這間上海廳值得下次再來光顧。

今日嚟咗黃大仙探朋友，然之後就近近地落咗商場食飯去咗呢間上海廳，有時食粵菜悶悶地又想食飯，食上海菜係一個不錯嘅選擇。頭盤有四小併、蒜泥雲白肉，呢個天氣最啱就係食涼拌，頭盤好啱口味，每樣份量都有少少，白肉夠晒入味加上蒜蓉嘅香味，真係食唔停口。小籠包一籠有四件，皮薄涵靚，一咬入去啲湯流晒出嚟，都幾燙口所以要小心食。朋友就介紹左雪菜肉絲炒年糕，清清地而且煙煙銀銀，大人小朋友都啱食，夠晒健康。總括來講呢間上海餐廳值得下次再嚟回味。

今日發掘咗黃大仙一間唔錯既上海菜餐廳，味道唔錯，價錢都親民環境舒適，服務又好。今晚兩個人叫咗五個菜，有茶芥、加一，每人先大約$170非常抵食，而且提供素食選擇干貝賽螃蟹味道唔錯啱啱好，唔會太淡而且啲豆豆唔會林曬，仲好有咬口擔擔麵可以選擇辣度，就算揀唔辣都得，而且味道濃郁，好香花生味中意食辣既朋友可以叫中辣以上素小籠包小籠包食得多，不過素既就真係第一次食餡料全部都係菜類，非常好味，沾小小醋味道更好菠蘿黑醋排骨食落口好香黑醋味，肉質亦嫩滑配料都唔輸蝕，菠蘿夠曬甜火腿扒津白雖然望落係一道清清地既菜，不過用埋金華火腿去煮，個咸香味入埋菜裏面

今晚同家人去左食左菜，宜間餐廳都幾抵食！👍🏻👍🏻👍🏻黃金炒飯真係金黃色，材料有鹹蛋黃粒同蝦仁。炒飯入口好香，鹹蛋黃味滲透整個口腔，very good!拍黃瓜海蜇係我最喜歡既冷盤呀！海蜇煙煙靭靭，超愛宜種口感！拍黃瓜清近爽口，加左蒜泥，入口辣辣地，但幾特別呀！京蔥扒鴨係MENU上既推介之一，鴨肉索哂醬汁既味，味道十分濃。丙配上冬菇、冬笋、京葱既配料，非常入味!宜碟菠蘿咕嚕肉其實係素菜，用左猴頭菇代替豬肉，食落好有嚼勁。醬汁同平日食到既菠蘿咕嚕肉無分別，清清地ORDER宜碟素菜菠蘿咕嚕肉也不錯呀!

黃大仙呢個商場翻新後都無點係到開過餐每次行經商場都俾上海廳既懷舊風裝潢吸引住今次終於有機會食喇聽鋪頭名就知食上海野 所以小籠包同生煎包可以話係必叫兩者比較下生煎包較為出色 我特別要讚佢個包底得夠脆口中間饀料雖然吾太多肉汁 但好在包身吾會油淋淋 入口無咁膩小籠包一客四件 爆肚餓既我即刻成件放入口點知中間大量肉汁 熱辣辣好易燙到咀建議上菜後稍等一會先食 吾係就似我咁中伏小籠包沾埋醋連薑絲的確係最佳配搭小吃方面我俾100分雞絲粉皮晶瑩剔透粉皮 加上大量麻醬面頭加上青瓜絲 增添清新口感 將所有配料一齊撈好 絕對係夏天冷盤小吃之選主菜推介京蔥鴨 ($118) 約有半隻鴨既份量調味方面甜甜地幾惹味 而且部分位置連住D脂肪邪惡得黎又好好食由於呢碟醬汁會比較重 我覺得配合白飯食會更夾飲品方面叫左杯豆漿一試 侍應話只有凍既供應如果吾飲凍飲要留意喇豆漿甜度適中 入口都香豆味 $15/杯可以一戰臨尾叫左高力豆沙香蕉作結 平時高力豆沙食得多 有香蕉做饀就真係少有估吾兩者又幾match喎 我勁中意佢個皮軟綿綿既感覺口感100分 咁豐富既一餐人均百幾蚊 cp值幾高 下次都會再黎食

I didn't realize this was part of the Shanghai Popo group until I saw the front page of the menu.The menu is almost the same but there are some modern twists and some new dishes.It is impressive there is a page of selections for vegetarians including the xiao long bau that I tried.It was very tasty but watery.On the menu there was this intriguing minced apple and garlic noodles.Basically it tastes like noodles in sweet apple juice mixed with garlic.Tried two different tofus.The Sichuan one was r

經過黃大仙中心入左上海廳食，等一次幫襯，叫左午餐，酸辣湯麵，牛𦟌麵，小籠包，葱油餅。酸辣湯麵都夠料夠味唔錯；牛𦟌麵就頗淡牛𦟌切得太薄；小籠包唔錯幾好，皮薄多湯，係推介；葱油餅⋯⋯似係葱油酥多啲，唔係一塊係圈住上，可能係我唔識野啦⋯⋯；食物唔錯，但員工態度有待改善，上菜時成隻碟拷落枱，成個人嚇一嚇⋯⋯，上菜就放底行過⋯⋯全無禮貌可言⋯⋯，希望貴公司可多加留意，就十全十美。

平日我哋都會覺得黃大仙冇乜好嘢食，不過經過今日我就終於改觀啦。等我同大家介紹下今日食咗乜啦。呢度嘅午餐都算係經濟，飯餐就可以有一個小菜再加來湯同白飯，麵餐就係一款拉麵再加小籠包之類嘅點心，咁你都可以加錢再配其他小食嘅麵餐個小籠包嚟嘅時候，已經覺得係好新鮮，因為仲出緊煙，個皮唔會太厚，而且有好多肉汁，套餐來講質素算係好好架啦。例湯入面有豆腐同埋金華火腿，我覺得有少少偏鹹，但又真係好好味嘅。我哋仲加左一個油炆荀小食，因為都幾多蠔油所以係偏甜嘅同平時有少少唔同，唔算特別吸引。飯餐揀咗咕嚕雞球，都幾抵食因為雞球份量唔少，其他配菜例如菠蘿都幾多下，好適合送飯，而且啲雞球小小似韓式炸雞，回味無窮啊。

麻醬拌粉皮 $46麻醬香濃，粉皮彈牙，青瓜絲清爽。係開胃既涼菜～四小拼 $96左一：肴肉火腿咸香，充滿骨膠原既啫喱口感彈牙左二：烤麩甜甜地，一咬落去口腔充滿醬汁，如蜂巢腐皮一般的口感左：燻魚口感結實，帶有魚香右：排骨有微微既酒味，醬汁都係偏甜的酸辣湯雲吞 $52酸辣湯內配料好多，有豆干、木耳絲、筍絲等，湯底偏酸。雲吞皮做得好滑，豬肉餡亦都唔錯。素小籠包 $36素小籠包有驚喜！雖然係素，但咬開入面都裝滿菜湯，好juicy，皮亦都又薄又靚。個人認為可媲美鮮肉小籠包呢～上海廳炒飯 $68上海廳炒飯貫徹上海菜既濃味，飯粒煙韌，有啲蝦同豆角高力豆沙香蕉 $46高力豆沙香蕉就做得比較一般，因個餡係凍凍地的，炸得唔夠熱，紅豆蓉份量亦都較少。不過炸皮做得幾好，乾乾爽爽的無油膩感。

早前在OpenRice 搜尋黃大仙食店，比我搵到這家上海廳，今晚約齊二位朋友到來晚膳，一坐下來就給小館內環境吸引了，這裡利用的工業木卡板做上空裝飾，平時在工廠區就見得多，懂得用這種環保方法都好心意，原來上海廳是上海婆婆同一集團的！怪味雞感覺微辣老抽味重，雞都算滑口四小拼當中包括：水晶肴肉、江南小排骨、五香熏魚、三喜烤夫各有特色，我比較喜歡江南小排骨味道甜甜地又食落有小許酸味不肥不膩紅燒麵根素雞豆腐豆腐質細嫩滑盡吸收醬油非常入味素菠蘿咕嚕肉眼測顏色鮮豔已令人食指大動，猴頭菇被炸得外脆內鬆軟酸甜醒胃無比青菜煨麵這個味道比較淡口麵質還可以不得不提這裡食飯時間有限，時晨一到服務員便準時叫你交檯

昨天與家姐,老公一齊去食上海野.點了以下食物:1)燻魚:我同家姐好鍾意呢款小食.而呢間既燻魚亦合我地既要求：夠乾身,醬汁夠多.推介.2)酸辣湯:突然好想飲少少酸辣湯,所以我同老公share一碗.酸辣湯正常.飲完滿足,哈哈.3)松子魚粉再薄少少會好d.但整體都ok.4)干煸四季豆:我鍾意食呢款.呢間都ok.但可以再乾身少少.5)唔記得左叫咩名,有桂花蜜汁火腿,炸腐皮,包:呢個好好好味,一定要食,推介.

今天母親大人生日，所以一家人相約到上海廳晚膳，再買個蛋糕跟母親大人慶祝⋯我們都是第一次來上海廳，因為地點便利，港鐵站就在商場底層，自攜生日蛋糕也沒有任何切餅費，是個不錯的選擇，惟一缺點是沒有訂座服務，所以妹妹下班後帶著生日蛋糕先去取位，還好因為是平日，所以不用等位😘餐牌上除了多款上海名菜外，也另外設素食菜單，我們點了8個菜：四小併 $96味道中規中舉，但熏魚偏甜，骨頗為多雞絲伴海蜇 $62雞絲份量偏小，味道較清淡松子黃花魚 $152黃花魚炸得很香脆，滿滿一層甜酸醬，還有大量菠蘿及椰果很醒胃，小朋友一定喜歡，但母親大人覺得偏甜～黃金四季豆 $65四季豆沾著滿滿咸蛋黃，略咸了一點，伴飯吃一流金絲蝦燒賣 $35燒賣肉是軟綿糯米，賣相跟餐牌相片相差有點遠，雖然賣相不佳，但味道不錯上海小籠包 $36味道算不上非常出色，但也有足夠湯汁生煎包 $35跟小籠包一樣，同樣是符合水準，但說不上出色瑤柱金蒜炒飯 $66下單時侍應問我們要小辣還是走辣，由於母親大人不吃辣，所以我們走辣，但個人覺得小辣應該會更好吃，至於瑤柱只找到幾條細絲和母親大人慶祝當然要有蛋糕，這個蛋糕超級好味！整食物質素中上，環境舒適寬敞，

平日放假就當然諗住下晝喺屋企瞓返一大覺㗎啦！加埋近日寒寒地嘅天氣，你唔係唔瞓呀化？ 不過！世事就冇咁完美嘅… 就喺我計劃好同周公玩遊戲嘅日子，我爸爸堅持要我同媽咪陪佢出去食下午茶！我算！！嚟到黃大仙，大老闆話要食擔擔麵，我哋就近近地嚟地鐵上一層嘅上海廳。感覺佢嘅裝修同個商場好唔同，商場好光佢就暗暗地，商場時尚啲佢就懷舊啲。餐廳仲放咗好多懷舊擺設添！坐落都幾舒服！我哋三個叫咗兩個下午茶餐同一個午餐，因為下午茶餐冇小籠包。。。。 但要留意午餐冇(凍)豆漿送，下午茶餐先有，要飲就加少少錢啦！係！佢哋係冇熱豆漿嘅！啲麵都幾爽，擔擔麵我哋要少辣，勁香花生味！我自己唔食得辣都覺得冇乜料到，我諗叫中辣應該都得！下午茶餐個麵份量少啲啫，其實都唔細，我諗除非你好大食！小籠包夠熱，入面夠湯，皮都算薄，入面舊豬肉都好新鮮！炸春卷勁熱！入面好多菜！我擺咗幾個字先食都仲脆仲暖，正呀！豆漿都好香！又夠大杯！其實我自己鐘意飲熱豆漿多少少嘅，可惜佢冇呀，問過㗎喇！總結嚟講：呢間係有下次嘅！ (要注意係佢哋話咗我知夜晚係冇訂位嘅，假日仲限食個半鐘添)

裝修好靚，環境同氣氛感覺好舒服同 懷舊 兩個人去食左3個餸一個冷盤，都係2百幾蚊埋單，花雕醉雞味道一般，因為花雕酒唔夠入味乾扁四季豆炒得太濕小籠包ok!值得去試下人力車裝飾好靚

同家人去左黃大仙廟, 之後就係黃大仙中心搵食啦 ! 因為係平日關係, 所以有午市套餐, 餐廳夠大所以好多座位, 唔駛等好耐已經有位。忘記影下餐牌, 午市套餐選擇好多, 最後叫左2個套餐。餐廳職員好有禮貌, 加茶速度好快, 基本上唔駛出聲, 職員已經自動自覺加茶。尤其係繁忙時間,真係一讚。魚香茄子配白飯及例湯擔擔麵走辣配小籠包魚香茄子配白飯及例湯雖然話係午市套餐, 但絕不馬虎, 魚香茄子一上枱時, 見到真係好大碟, 只怕一碗白飯都唔夠食。講返味道, 茄子煮得夠腍, 肉碎加上冬菇絲煮得入味, 真係好味道。例湯我沒有飲, 家人話味道好濃, 唔會好水浠浠, 飲晒亦沒有口乾的情況。擔擔麵走辣配小籠包擔擔麵的花生醬好香, 令到你食欲大增, 因為喉龍痛唔可以加辣, 慶幸可以走辣。麵身正常, 可以一試。小籠包有4粒, 果然做到包內湯汁不漏底, 最怕係夾起時已經穿左, 滿足非常。食飽飽後侍應執好晒野後, 仍然不斷為我們添茶, 不會給你被趕走的心理。越黎越中意食上海菜, 尤其小籠包, 下次會再黎食過。