上海廳1930 (已結業)

中國有八大菜，上海菜係我最愛係一種，之前聽一個住黃大仙的朋友講，佢話黃大仙商場有間又抵又好味的上海菜，放工前諗番起，見近近地就放工黎左食原來上海廳係上海婆婆旗下的一間餐廳，之前係其他地方都有食過上海婆婆，質素都唔錯，今日黎到見到個靚靚環境同知道係屬於呢個集團，再加上朋友的介紹，我對今餐都幾高期望MENU好大本好厚，隨便揀左幾版黎影俾大家參考下拍黃瓜海蜇 ($48)先來一個前菜，黃瓜加入左唔少蒜泥，而海蜇就有少少麻油味，海蜇的口感令人有欲罷不能的感覺，想一條接一條的不停食落去，呢兩樣野作為前菜好開胃砂鍋醃篤鮮 ($96)醃篤鮮係經典的上海菜，「醃」係鹹豬肉，「鮮」係鮮豬肉，「篤」係上海話入面，就係用小火煲好耐的意思，叫呢個主要係為左飲湯，湯無味精，入面有唔少菜、百頁結同竹笋，湯味鹹鮮濃郁且有竹笋的清香金湯雜菌煮津白 ($68)金湯的意思原來係呢道菜用左咸蛋黃去煮，所以就有金黃色的湯，津白同雜菌食落有好濃蛋黃香，略嫌鹹左少少，如果加個白飯食中和一下應該更好蔥爆羊肉湯拉麵 ($52)今晚放棄左我最愛的鱔糊拉麵試試新野，蔥爆羊肉湯拉麵比較少見，蔥爆羊肉加入湯後味道依然好濃，用拉麵吸晒D味一齊食

今日甘岩得閒就同老豆黎黃大仙拜下神啦拜完就梗係係附近揾下食行到黃大仙中心見到呢間上海廳裝修幾有feel於是乎就卜錘入去啦真係幾正架連張桌紙紙巾都落左心思設計個下午茶餐加左個雞絲粉皮味道ok好多麻醬但真係好少好少🙈小食揀左老豆中意食既春卷但呢個春卷多菜唔岩老豆口味😂反而我就覺得幾Fresh最後就到主食擔擔麵個人覺得好一般係多麻醬落單姐姐都好好提我洗唔洗要唔辣定小辣所以我揀左小辣但就無乜特別因為的味老豆不太喜歡就無追加了🙈總括黎講ok啦裝修華麗野食一般服務好好有機會再黎試下其他野先😉

位於黃大仙中心地下，一入去就已經見到好大間，曾經食過天水圍果間，覺得唔錯，今日帶左兩老黎食上海菜，餐廳的裝修帶有30年代的上海風，加d 現代既吊燈，感覺不錯。話梅花雕醉雞 $72前菜，小小凍既雞件選用上脾為主，較為嫩滑，亦有雞翼，一共大概都有10件以上，三個人份量都夠食。花雕酒味濃，唯話梅味不夠突出。但好值得一試。上海小籠包 $36即叫即蒸，小籠包皮算薄夠熱，肉質唔覺係雪藏，下面有片青瓜怕痴底，擔心食客一夾會爆，細心加分，唯湯汁不夠多，但價錢份量合理。排骨擔擔麵 $58要多個排骨都係貴淨擔擔麵$10，所以叫埋個排骨。花生和芝麻味香濃，可以選揀大、中、小辣。排骨炸到外脆入面D肉仲好粉嫩！唔錯！唯湯汁較多，如果可以再少D汁就正!但價錢也是十分合理。酸辣湯雲吞$52雲吞有5大粒，真係好大粒，個皮唔粉，仲帶點酸辣湯的辣。酸辣湯可以揀大、中、小辣。 湯底唔會好似開粉咁漿口，入面材料有大量冬菇絲木耳絲豆腐絲，如果$52黎講，覺得幾值得叫。炸銀絲卷 $20銀絲卷即叫即炸，最緊要係外好脆入面個包好SOFT，個皮帶點金黃都幾唔錯，如果個包再收多一陣水就好PREFECT! $20抵食!菠蘿黑醋排骨$73如

一家人去完黃大仙廟拜神，行入北館搵嘢食。見到間上海菜館，裝修都幾好，有懷舊嘅感覺， 門前仲放咗一個素食菜單。今次有老有嫩，望落都好啱食，就行入去試下，叫咗幾個傳統嘅上海菜。第一次幫襯，唔知等幾耐先有得食，就叫個冷盤，食住等。青瓜拼海蜇，通常酒樓都係麻辣味，但佢用咗傳統嘅蒜香味，青瓜清爽 ，海蜇彈牙，清清淡淡，夏天食啱啱好。未食完冷盤，小籠包同生煎包已經到了。先食小籠包，小心燙傷，好熱呀! 一口一粒，滿口都是濃湯。但生煎包就比較普通，勝在包皮鬆軟。要讚下呢個松子菜粒炒飯，食落唔油膩，但一粒粒嘅炒飯都有少少鹹香味配上菜粒，偶然食到松子，令味蕾有一番新感覺。松子魚、雲吞雞到上海舖都會食。松子魚睇見好多汁，但炸得好鬆脆，好彩多配菜，家中長者好鍾意，夾下夾下，酸甜味適中。雲吞雞有半隻雞，而且好新鮮，食落有雞味 ; 雲吞細細粒加上濃湯配搭，令人食過不停。食埋甜品就是完美的一餐，我今次叫左個香蕉高力豆沙，真係唔錯 香蕉味濃郁，豆沙餡清淡，好食。

同朋友係黃大仙區做完運動，就去揾野食醫肚！行到黃大仙中心見到有間上海餐廳，見到之後就立即決定食呢間！通常上海菜係食雞絲粉皮，不過呢到有更多選擇... 包括雞絲海蜇！有D餐廳的海蜇會落得太多味精，令個味道太咸，食完好口渴。不過呢碟係剛剛好！兩位女生一齊，當然會叫碟菜。呢到有款黃金四季豆，D咸蛋黃既咸香味令到四季豆好有層次！呢碟，十分推介！叫左一碟主食「上海廳粗炒」，好多女士們聽到粗炒就怕油太多。呢碟麵真係唔洗怕，佢油唔會太勁之餘，仲會有蔬菜同菇炒埋一碟，健康之選。

黎到黃大仙食lunch同男朋友都特別鍾意食上海野😍見到呢間唔係平時見到嘅連鎖店就決定試試佢～午市大約1點左右黎到都唔洗等就可以即刻安排入座不過都成8成滿 似係幾多人捧場😳比起平時連鎖店嘅一貫裝修呢度帶點老上海懷舊嘅感覺 好別緻💕午市餐牌：午市都幾抵 全部70蚊樓下 可以揀麵餐跟點心 或者餸跟客飯例湯👍🏿我地決定每樣嗌一個 大家share樣樣可以食d🤤跟餐嗌嘅前菜雞絲粉皮 (+$15)麻醬非常香非常惹味👏🏿👏🏿 而且雞絲唔會好鞋😚跟飯餐嘅例湯都幾足料喎😳😳 入面有紅蘿蔔、粟米、瓜不過味道普普通通招牌擔擔麵+上海小籠包 ($64)-招牌擔擔麵擔擔麵個麵底煮得好林 唔會成舊麵餅咁唔係好食到辣味 但麻味好重 又係令到成碗都好香好好味💕-上海小籠包男朋友對食小籠包好講究😂佢話試一間上海菜必定要試佢嘅小籠包呢度小籠包未算超皮薄 但入面餡同平時唔同 食得出唔係全豬肉 而且好juicy😳💕同埋勝在上枱時熱辣辣 黑醋排骨 ($56)我特別鍾意上海黑醋 所以呢個又係次次都會嗌呢個黑醋醬夠杰身炒得d排骨夠香 唯一係d肉唔太多😭😭但個汁超送飯 超好味😚見仲有quota 跟餐嗌又唔貴 所以就嗌左個甜品😊酒釀

偶爾我去黃大仙逛街也會穿過黃大仙中心出去往黃大仙廟拜拜，祈求此生快快樂樂健健康康地度過餘生。每當我乘扶手電梯往黃大仙中心北館地下層也會路過一間燈光帶點昏暗、內部裝潢古典特別的餐廳──上海廳。這一天始終要來臨，有緣份光顧特色上海餐館，昔日路過已印象不淺，店內的懷舊裝潢以及擺設佈置更叫人尤如融入了舊上海的氣息。皮蛋豆腐夏日炎炎，先來一客冷盤「黑白雙殺」──皮蛋豆腐；薄切豆腐別出心思，口感滑嫩，入口即溶，再吃口皮蛋來為「冷淡」的豆腐昇華味道，涼快透心。淮揚酸辣湯(小)涼快過後又返回火辣辣的地帶──酸辣湯；每次吃上海菜酸辣湯也是非常熱騰騰，再加上辣辣的味道，總叫我吃得鼻涕滿流，今次吃這個也熱騰騰的，但辣味不會過火，味道濃稠，材料充足，很惹味開胃。素菜系列餐牌稀見上海菜館會額外有一份素食的餐牌，照顧到想吃上海菜的素食人士。就算缺少了肉類的濃汁厚肉，味道也不會因此失色，而且還可以幫助中和吃肉的肥膩感，又可以促進消化，營養價值更不在話下。素菜包中式的包子外表平凡，白嫩純樸，內裡卻包容了綠悠悠的蔬菜，包身鬆軟水份適中，蔬菜味道清新宜入口越吃越滋味，不像外面所吃的有種怪怪似是添加劑或味精之類的味道存在，

原來黃大仙都有分店 終於約實到食上海野啦自裝修後第一次再進入龍翔中心北翼呢邊 大執位連麥記KFC通通都out晒冷盤 拍黃瓜海蟄 $48青瓜爽唔夠酸 撈得唔夠均勻 有些鹹有些唔夠味 但海蟄出奇脆口兼厚身 配埋芝麻粒 香爽脆 椒鹽小黃魚 $72賣相巧靚 鋪滿晒蔥粒 兩條黃魚也不小呀 煎得香口魚肉還是好嫩滑 喜愛香煎嘅黃魚無腥味還好多肉添 小籠包 $36每次食上海菜必叫 唔係唔似食過上海菜咁喜歡熱辣辣小籠包 湯汁係口腔流入喉嚨 回味無窮 一個人可以四粒添呀 香蔥伴麵 $52香味撲鼻 滿滿乾蔥同蝦米 伴麵即刻撈起一試食落唔太油 還好惹味酸辣湯餃子 $52 酸味夠辣味較重 食後口腔慢慢辣起 配餃子就啱啱夠味 酒釀丸子 $28最後以這甜品做結尾 丸子有咬口 "E E un un"桂花香 不太甜 竟然無酸味添 讚

朋友從美國旅行回來 相約晚飯兼比手信我 大家諗食乜好 佢地就話有間經濟有幾好味嘅上海野 近近地就黃大仙啦 其實我無所謂公司有車到都方便 8點鐘都坐滿人 好彩訂左位 直接帶我們入坐 裝修也落本 環境有特色 餐具紙墊同menu都精美 選用我最like 的綠色四小拼 $96可以食到四款唔同冷盤 肴肉 水晶帶層似 彈牙 熏魚偏甜 糖醋小排骨我最鐘意味道調得剛剛好 四喜烤麩味道帶甜但夠入味 配埋毛豆筍同木耳烤麩最佳拍檔 蔥油開揚伴麵 $52真係好香蔥油味 還有乾蔥蝦米 麵質亦爽唔會黏住 有口感 味道濃 上海小籠包 $36 最基本嘅原味就最能食到原汁 睇落小籠包皮有點厚 但其實一d都唔厚 還有好多湯汁 食時小心燙口 麵筋素雞燒豆腐 $60賣相同menu圖片99%似 味道好亦比我預期高素雞同麵筋嗦晒醬汁 令原先無特性嘅食材提升左 豆腐內嫩 走過油的外皮容易吸收的汁素食之選素菜叉子 $72 雖然係素菜但係都好惹味 因為用左菜浦粒絲粒冬菇粒 用叉子燒餅又夾來食喎 覺得有幾清新喎 唔一定用鴨鬆或者肉也可 健康些

和媽咪一樣, 都非常喜歡吃上海菜, 上星期五, 趁家中只有母女二人在家, 就提議帶她去黃大仙的上海廳來吃吃上海菜, 這裡我們之前來過一次, 地方開放得來, 環境夠大又坐得舒服, 食物好味又不貴, 所以就決定再來這裡~ 黃大仙中心這裡人來人往, 來這店吃的人都不少, 好彩訂了位, 可以很快安排入來~ 裝潢不錯, 很有上海特色!! 而食物選擇方面都很多, 冷盤熱盤小吃甜品炒粉面飯都有很多, 不怕找不到好東西吃~ 吃上海菜又怎少得酸辣湯呢! 二人叫了一窩( 好似比一碗碗來吃抵吃點), 這窩只是八十餘元, 但足有6-8飯碗量, 我們怎努力都吃不完呢..可惜~ 味道方面亦沒有令我們失望, 酸辣度平均, 湯底不會太杰太漿口, 內裡的材料亦有很多, 冬菇絲木耳絲豆腐絲, 有滿滿的口感, 微辣的很開胃呢! 話梅花雕醉雞 - 我的最愛, 花雕酒很香很濃厚, 雞件每件都滑不溜口, 浸滿香醇的花雕酒, 更添美味! 不過最喜歡還是它的雞皮, 雖然吃雞皮非常不健康, 但我還是忍不住吃了幾塊XD 上海炒年糕 - 水準之作, 醬汁不會過濃太咸, 吃后不會喝很多水沖走味道, 而年糕都是Q彈彈

約舊同學在家附近食飯，無訂檯下隨意揀左黃大仙中心的上海廳。以前黎食過一次，記憶中佢比同集團的上海婆婆好味。一人點兩款，共八個菜，基本上都有一定的水準。海哲份量多，處理的唔錯令到其質感爽脆。紅油抄手有點意外一d都唔辣，反而係甜味較重。其實係好味的，但同expectation幾唔同，大家要留意。蒜泥香肉幾香、蒜味濃，白肉半肥瘦，沾滿醬汁好惹味。伴碟仲意外地出現了粉皮。麻婆豆腐同樣地偏甜唔辣，相對地有點點失色；但豆腐都夠軟滑，口感唔錯。蔥爆羊肉做得非常好，羊肉味本是香，再配上京蔥等等的配料，好精彩。羊肉切開細件，猛火炒香後吸收左所有配料的精華，咬開尚有一點肉汁，實在太美味！松子魚係另一個驚喜之作，賣相已經好吸引，醬汁調味亦做得好。最出色係火侯控制，要將魚炸香又吸收醬汁同時保持嫩滑實在係唔容易。最後的鱔糊拌麵的味道都有一定的水準，份量亦夠多人分享。如果麵條能做得煙韌一點，相信會值更高分數。上海菜就是不浮華，簡單、滿足。

前幾天與家人去了黃大仙廟進香，今晚的晚飯選擇了位於黃大仙中心北館的「上海廳」，它是鄰近地鐵真是方便 ，裝潢以復古的30年代，門外先看到懷舊的人力車，在架上發現了不少懷式的收音機、飯壺、熱水壺、油燈等……仿彿身處老上海中，讓整體氣氛都晤錯 。感覺寬敞設不少沙發位置及圓桌，裝潢很有懷舊feel。除了環境之外，當然不少得一餐豐富的上海菜，餐牌中的菜式分別有冷盤、豆腐、砂窩湯羹、拉麵、蔬菜、海鮮河鮮、豬牛雞鴨、飯麵、點心、甜品等.......餐牌，彩色的食物照片加上中英文對照的食物名稱，圖文並茂，看來的食物都十分吸引，未食已經讓人垂涎三尺。冷盤先有拍黃瓜海蜇($48)，夏日正好有涼拌的青瓜作前菜，清爽可口，再加上有爽脆而韌的海蜇，非常開胃。味道想清淡一些可以選擇素菜餃($35)，餃子皮都好夠薄身，內有飽滿的蔬菜饀，再蘸上一些醋伴食，沒有油膩感又美味。內平時家人特別喜歡食上海菜，招牌的上海小籠包($36)當然是我們第一必然選擇， 熱騰騰的小籠包一共有四粒，豬肉餡都好鮮，豐盈的肉汁也是濃郁鮮甜，皮薄夾起時都沒有穿皮，每粒都是大細均一，水準也是不錯。另外點了一碗晤辣的擔擔麵($48)除了麵條Q彈有咬

上海廳都算係一間幾出名既上海菜店性價比高之餘又多選擇今次叫左既係生煎包必食推介, 個底係煎到岩岩好, 好香脆, 食落去比起外面食個D味道更佳話梅花雕醉雞醉雞本來就帶一點苦既味道, 呢間食就好巧妙地用左話梅令到個醉雞KEEP到個甜味, 甜而不苦, 而且D雞件都係啖啖肉, 賣相同味道同樣滿分!!蝦仁雞粒炒飯真係炒到粒粒都金黃色,而個份量都唔細, 夠我地一行4人分都得, 材料好足下, 食落唔會乾爭爭, 反而油油地好岩胃口

今次跟我朋友黎到黃大仙食呢間上海餐館裝修好MODERN, 完全冇老一派既感覺一坐底店員就快速咁送上餐牌同埋茶呢度既菜色選擇都算多揀到我地眼花撩亂, 呢個時候就更係跟住OPENRICE一班食家去叫小籠包黎到上海菜店又點少得一籠小籠包呢, 今次食既呢個價錢唔算貴, 最正係佢皮夠薄, 唔會食到一層勁厚既皮, 一咬D汁就出哂黎, 大家要小心唔好比D熱汁辣親!!砂鍋雲吞雞呢個係寫住推介, 所以我就即管試下佢, 真係喜出望外, 一雞兩食既菜式, 又有湯飲又有雞食, 雞已經煲到好嫩滑, 而且唔會好老, 食落都唔會起渣, 四個人分岩岩好, 每人一碗湯加雞件, 完全係抵食之選金湯雜菌煮津白平時食開既都係奶油津白, 今次呢間冇呢個選擇, 就叫左呢一個, 係我第一次食, 我覺得個味道都唔錯, 都係幾夾味, 而且雜菌既香氣同口感都係一流, 配埋津白真係一絕!! 正

今天放工後來到黃大仙，原因是朋友在上海廳訂了位吃飯， 還吃我最愛的上海菜，所以放工後，奪門而出飛奔到黃大仙。 其實餐廳佔地非常大，即使沒有訂位，亦可以很快入座。 吃上海菜又怎能不點上海小籠包， 小籠包皮薄餡多，而且內裏裝滿滿的豬肉餡及肉汁，味道鮮甜，充滿肉香。 上海廳粗炒 - 很愛這裏的上海粗炒，粗麵口感煙煙靭靭，而且內裏還加入了肉絲、冬菇及雜菜，令口感層次變得豐富起來，最重要是調味調得剛好， 味道不會過鹹，非常好吃。 由於朋友愛吃銀絲卷的關係，所以我們點了升及炸各一客，兩者比較的話，個人較愛吃炸的， 因為即使放涼了，炸銀絲卷的外層仍然能保持香脆， 相反，蒸的就要即時享用，不然的外層會變硬。 蝦仁雞粒炒飯 - 炒飯的味道，只是一般，相對上海粗炒的話，未到確實比較清淡， 而且蝦仁是雪藏的，基本上沒有任何味道，幸好油膩感不重，而且飯粒 亦炒得非常乾身，粒粒分明， 才挽回不少分數。 酒釀丸子 - 甜品方面，我們都點了酒釀丸子，丸子入口煙靭，帶有濃濃的桂花香味，而且甜度適中，入口不會有重重的酸味。