上海婆婆 (已結業)

放工後與同事一同晚餐，選址屯門v city「上海婆婆」，6點幾入去未算很多人，後黎就幾乎滿座。.餐廳環境挺寬敞，裝潢摩登，內裡滿光鮮的，提供的座位不少，也設有卡位呢。一坐下，侍應先給我們每人一杯龍井，入口甘香。看看餐牌，很多菜式都不算貴，比較貴的多是小菜類，討論了一會點了下面的菜式。.雞絲水晶粉皮 $58這裡的粉皮很薄富彈性，雞絲的分量滿多，配上香濃幼滑的麻醬，惹味不足。.鎮江肴肉 $58「水晶肴肉」又名「鎮江肴肉」。用了豬的前腿肉，烹調的工序繁複。看到每件肴肉都是粉紅剔透的，底層是凝結了的豬皮，形態美觀，沾上些鎮江醋提味。食落滲出陣陣的紹酒香、彈牙且肥而不膩，是一道很特別的菜式。.五香金錢牛展 $55每片牛展都切得很薄身，筋位滿幼細，但五香味不夠突出。.松子黃魚 $158這是一道老少咸宜的菜式，原條黃魚起骨後再炸，夾起來啖啖魚肉，再淋上十分惹味的芡汁-甜酸醬，是一道開胃菜，伴飯一流。.婆婆小籠包 $30一籠4隻，皮未夠薄，咬落雖有肉汁流出，但味道一般，與其他菜式相比較為失色。.花雕醉雞 (忘記價錢)友人超鍾意食呢碟花雕醉雞，食落雞肉滿嫩滑，而且花雕味很重。.咸香蝦球 $122小妹至愛

之前媽咪生日，全家去咗V city 嘅上海婆婆幫佢慶祝。為節省等位時間，所以我預先係V City 個Apps book 咗位。之後預番時間去，所以一去到就可以直接入去，夠哂方便^^菜式選擇頗多，整體味道不錯，敗筆在於小菜唔夠熱。或許係因為周末客人多，所以廚房預先整定。總共叫咗五款菜餚: 醉雞(冷盤)、蟹粉炒飯、小籠包、鎮江排骨、賽螃蟹。另外叫咗兩道甜品: 擂沙湯圓、豆沙高餅。蟹粉炒飯幾香口，但暖暖地，唔夠熱。鎮江排骨明顯放涼咗， 個汁酸酸甜甜，頗入味。醉雞雖然用醃酒浸住，食落涼浸浸又夠嫩滑。賽螃蟹無咩驚喜，但送飯一流。小籠包味道一般。擂沙湯圓皮薄餡靚，豆沙窩餅幾脆口，值得一試。 

自屯門吉之島的上海婆婆結業後都少食上海菜了，Vcity開了這麼久，都知道有間上海婆婆，不過每次星期六日都見滿客要排隊，今天早去不用等位等太久，所有終於可再食了！我們叫了酸辣湯、醉雞、雞絲粉皮、黃鱔牙菜、婆婆粗炒，仲有大、小籠包！仲有個唔記得乜野魚咁 ..酸辣湯：我沒飲，但媽媽說不錯雞絲粉皮：很香的麻醬醉雞：好食，酒味香濃黃鱔牙菜：好食，味道我喜歡，黃鱔都新鮮小籠包：好食，但沒太大驚喜，因跟一般上海菜的小籠包都差不多。大籠包：這個很特別，湯真的很多！婆婆粗炒：夠汁、夠味，不太乾亦不太濕。擔擔面：少少辣，開胃，不錯！花生醬香濃，上海面軟硬度適中。還有飲豆漿的，都好濃，好有豆味！不太甜！整體不錯，這是太多人等位了！還有太多客，店員都太忙沒有來加茶。

V City開左咁耐，第一次來到，肚餓了，還是來到老字號的餐廳吃晚飯。乜都吃的我，一向只愛吃和只喜歡評價，對點野冇興趣，就交比朋友點，朋友們點左銀牙鱔糊、松子黃魚、婆婆小籠包、紅油炒手、清炒蝦仁、生煎鍋貼、糯米燒賣等。。。甜品就有豆沙鍋餅和香蕉高力豆沙。上海婆婆質數果然是好。銀牙鱔糊: 黃鱔好鮮味，牙菜好乾淨好爽！松子黃魚:酸酸的甜甜的，又多魚肉，令人很開胃，難怪朋友們都讚好。婆婆小籠包及生煎鍋貼:皮薄饀靚，足夠湯汁。鍋貼底煎得脆！清炒蝦仁:嘩，一隻字，掂！蝦仁好鮮好爽口呀！口感一流！紅油炒手:好大隻呀﹐配左辣汁饀肉，好味美。糯米燒賣:點講呢，樣似燒賣﹐皮包住糯米飯，糯米飯香/汁被包住，糯米飯變得多了汁，吃下很特別呢。豆沙鍋餅和香蕉高力豆沙:豆沙夠甜味，皮夠脆。高力豆沙有埋香蕉好少有。

上星期日是母親節，跟媽媽慶祝，去邊度食當然由媽媽決定，最後決定來上海婆婆。我們一行四人，來到門口發覺已人山人海，但都沒有改變我們的決定。大約等了半時就到我們入座，知客告知我們只有一個半小時用膳時間，這原全不是問題，因為已經餓了很久我們馬上點菜，分別點了黑醋排骨，老乾媽炒年糕，酸辣湯，小籠包，松子王魚，高力荳沙。這個是必食的，因為很好送飯。本來想點上海炒年糕，但因為想試一下新東西，於是點這個。這個年糕比想像中辣，十分刺激，食得媽媽在噴火。因為只有我一個人食，所以只點了一位用的。但小小一碗湯材料都十分豐富，有木耳，荀絲，豆腐，肉絲。小籠包亦都是必食，皮薄肉鮮，而且每個小籠包下都有一塊青蘿蔔，防止漏出肉汁。甜品我們點這款，因為不是隨處都能食到。軟滑的蛋白包住一小塊的香蕉，還有一小口豆沙，一人一粒實在不夠。我們只食了一個小時左右，未夠一個半小時就埋單走了，走的時候還有一大堆人在等。雖然是這大時大節，侍應忙過不停，但服務水平跟平時都不是有太大的落差。值得一讚。

慶祝母親節，便到V City上海婆婆吃飯。今次食左鎮江肴肉，嘩！晶瑩通透，賣相已相當吸引，食落重正，肥瘦適中，入口融化 ，必食之選！五香牛展，筋肉平均，有牛味，雖同其他地方看到的差不多，但佢糸比較好食啦。松子黄魚，魚肉好鮮，甜甜酸酸，炸得好香脆，配埋d波羅松子食，更好食，魚肉又起哂骨，岩哂我呢d懶人食。咸香蝦球，蛋黃發得好平均，炸得好香，裏面隻蝦夠大又夠爽。雞絲水晶粉皮，麻醬超香，夠多夠入味，麻醬全都浸入粉皮，喜出望外既好味。火腿聿白，聿白好大棵呀，夠"林"，火腿夠金華好夠咸，聿白配埋一齊食，剛好。花雕醉雞，酒味香醇，隻雞又滑又多汁，正！。婆婆粗炒，麵夠粗同彈牙，又夠多菜多餸，很好！甜品 --> 豆沙高餅 & 迷你雷沙湯丸豆沙高餅，脆囗好味，豆沙夠多夠熱！雷沙湯丸，細細粒，易入口，又多雷沙，好美味。上海婆婆果然能保持一貫水準

家住屯門既我，竟然由我d同事約我去VCity既上海婆婆食飯。又估唔到都幾好食！因初初入去都好多位坐架，所以諗過唔知好唔好食，但係食到一半時d位就full晒。詳細寫下食左d乜先1. 雞絲水晶粉皮呢碟係我同事叫既，本來我對呢d粉皮既興趣唔太大既，但我聞到麻醬味好香，所以就夾左d食，一食真係幾正！佢既麻醬真係靈魂所在，襯落去d粉皮度真係好好食，d粉皮都好彈口，如果雞絲分量可以再多少少會更好！2. 鎮江肴肉食落都同預期既差唔多，肥瘦適中，味道唔錯！3. 小籠包本來有諗過叫大隻版既小籠包架，但又想食多d其他野所以最後都係叫個正常版 ..個皮厚左少少，但我好鍾意咬落去爆湯果下，好多間上海野都得唔好，但係呢度食既小籠包咬落去就做到我覺爆湯果下，佢d湯真係夠晒多，而且肉又唔會太死實，如果個皮薄返d d 真係 Perfect！4. 醉雞呢個真係讚！真係出符意料之外咁好食！雞夠晒滑，酒夠濃又香！我本時食雞都會飛皮既，但我真係忍唔住吞埋d雞皮！5. 咸香蝦球我平時唔食蛋黃既！但我同事極力推介，所以就食左粒！蛋黃味真係極重，呢個我唔like (但純粹我個人問題)，不過蝦肉好彈口，都好大隻下！不過我怕蛋黃，所以

星期五放假又落雨，一行三人開車去了Vcity揾食，貪呢度泊車優惠，閒日消費$100已可免費泊1小時，加埋有Vcity的VlP會員咭可泊多1小時，即有兩小時，即消費$200巳可泊3小時，相比屯門市廣塲，真係扺好多，屯市星期五己當星期六日計，只計在Aeon 內的消費，其他商戶消費計在內。因去到11點15分，有些食店仍未開，未吃早餐家人唔想等目利銀次，見上海婆婆巳䦕，又有午市套餐便入內。午市飯套餐包一個湯，一白飯及一自選小菜，價錢由$5X至9X元不等，視乎你選那小菜!家人選了黑醋排骨$54，說味道不錯，本人見份量也不少!午市麵餐$58包自選麵及小吃各一。家人點了蕃茄牛肉麵，及紅油抄手，說抄手個汁好味，但麵只有一蕃茄，亦不是什麼蕃茄湯底。本人選了上海雲吞麵加小籠包。上海雲吞麵4/10~最先上檯，份量不多不少，有4粒雲吞，食味一搬，湯沒甚味道，芽菜好大"浸"味，隔夜貨，明顯有部分芽菜巳頭尾巳變啡色，麵質雖不太淋，但亦不爽彈，而且似黃色那種平價拉麵味，dislike!小籠包7/10~新鮮熱辣，保持水準，皮薄有湯汁，夠鮮!3人埋單$187，ok啦!

今日與友人二人同行食午餐，來到上海婆婆，發現了有午市套餐，有多個小菜選擇，於是決定一試。我們一人點了一個小菜：分別係椰菜回鍋肉及黑醋排骨。落單後，餐湯很快便奉上，咸肉津白豆腐湯，味道帶咸，可能因為有咸肉關係，還算不錯。接著很快便上了椰菜回鍋肉味道帶有少少辛辣，而且回鍋肉不算太肥。最後連黑醋排骨都上了這個菜一上枱馬上閒到很濃烈的醋味，令人胃口大開。加上有洋蔥及菠蘿等配菜襯托下，更令人食指大動，有添飯的衝動。順帶一提，上菜速度快，十分適合趕食飯時間的上班一族。如果多幾個同事，便可以多試一下其他菜式。

友人有一張V CITY送她的上海婆婆現金券，反正大家很久沒去吃過，就去了。為了遷就素食的友人，我們點了以下食物：1. 賽螃蟹2. 叉子素菜(連四片叉子燒餅)3. 雞絲冷麵4. 迷你素菜包上海婆婆的上菜效率一向很高，十分鐘左右，食物陸續上桌。所以就算有一小時半的用餐時間限制都不是問題。先來的是賽螃蟹，算是今天四項食物中味道最正常的一項，不過不失。之後來的是雞絲冷麵。麵條夠冰涼，但嫌略為硬身，另外沒有想過麵條是已撈滿醬油，太鹹，但配上的雞絲卻淡而無味，還好配菜尚算爽脆。叉子素菜，如果不是厨房太拚命下醬油，應是一道很清新的菜式，加上熱呼呼的叉子燒餅應該很好吃。但我和朋友都奇怪，有必要下那麼多醬油嗎﹖至於迷你素菜包，我沒有吃，但朋友表示，飽皮相對鼎泰豐的略厚，但饀料切得幼細，菜亦新鮮，她說以$28三個的收費，算是這樣了。因為厨房下得醬油太多，我覺得很口渴。埋單二百二十元，和預期差不多，只是，能在味道方面做到一個比較合理的平衡嗎﹖

一行5人星期日12點幾，見上海婆婆不用等位，而且重開後未試過，故便決定光顧7/10 ~ 最先上桌，牛薄但但大塊，夠入味，碟頭也不少!7/10 ~ 要了兩籠，皮夠薄，湯汁及肉夠鮮，好味。6.5/10 ~ 配料不少，醬汁夠濃，麵質軟彈，唯汁多了小小，炒得濕了點!7/10  ~ 鍋貼底煎得夠香，一咬內裡的油汁即破皮彈出，好鮮味，但始終懷念舊式上海店煎到大半隻都香脆，並不是現在只是底脆!6/10 ~ 味道一般，包皮欠鬆軟!4/10 ~ 一睇落就唔開胃，成碗湯咁，似執碗時幾碗食剩的湯倒埋一齊，冇花生味，好在麵質仍彈牙!5.5/10 ~ 夠熱夠脆，但餡料冇乜味!7/10 ~ 炒得乾爽，味道好似臘腸炒飯，唯比較油，味道幾好!4/10 ~ 太乾硬了，似炸到冇肉汁，味道得個咸字，冇茶味!

尋晚去咗位於 V city 嘅上海婆婆.有朋友之前食過舊店話唔錯的, 今次帶埋我一齊去。四人行，三個係上海人。都幾多人，同埋有個 app 係拎飛，清楚知道叫到咩 number。都好方便呀！花雕醉雞冷盤來講，雞唔夠凍。雞皮唔夠爽，雞唔夠鹹，得少少酒味。蒜泥雲白肉粉皮唔彈牙。蒜係粒，唔係蓉狀。隻汁唔夠蒜味。肉質普通。 Bad!蝦籽鍋塔豆腐豆腐外層完全唔脆！失敗！唔夠鹹，唔夠蝦子味。 Bad!蔥油餅唔知點解冇平時蔥油餅果隻蔥香味。 OK!蔥油開楊拌麵上海人稱蝦米為"開楊"蔥油拌面加上蝦米，味道同啲料都唔錯，係啲蝦米唔夠香。 Good!婆婆小蘢包皮厚薄度都ok，唔算超薄，肉汁都有但唔算多，味道唔錯。 OK!桂花蜜汁金沙骨肉質都ok，外層脆脆哋，淨係外層有淡淡嘅蜜糖味，但隻骨完全唔鹹又冇桂花味。 Bad!火腿滑津白唔明點解火腿津白，啲津白可以完全冇火腿味！真係火腿還火腿，津白還津白！ Bad! 

今日學校放早所以就約左爸爸媽媽去食LUNCH諗返轉頭都有一排無食上海婆婆啦之前係屯門市廣場果陣成日食本身以為無左點知咁岩上次經過VCITY先見到重開左咁岩今日媽媽話想食上海野咁我就即刻諗起不如食下上海婆婆啦一入到去見到店舖既裝修比起以前更為華麗我諗主要既原因係為左配合返VCITY既檔次坐底之後梗係即刻睇MENU有咩改變啦但睇落充好次無咩新菜式只係價錢每樣都加左幾蚊但係物價飛漲既年代加價都係可以理解既每次食上海婆婆我都係叫果D野嫁啦今餐都幾油膩而且我同媽媽都覺得新店唔夠以前好定價高了 份量小了 味道差了久久叫一次回味下便可以了 

時間係星期三既夜晚七點幾, 平日既屯門呢個時間冇乜人, 商場各個食肆都唔洗點等位, 鐘意食上海菜既我自然又揀番上海菜。今次就揀左平時要等位等好耐既上海婆婆, 睇下係咪真係咁值得食!黃金四季豆香脆可口, 每一條四季豆都沾上咸蛋黃, 好食, 但好熱氣, 生飛滋既朋友唔好食啦XD黃金炒飯 用上咸蛋黃炒飯, 飯粒尚算乾身, 但 唔係炒到粒粒均勻分明, 有啲飯痴住左, 同埋配料不足, 淨係食到咸蛋黃, 有啲寡黑醋排骨上枱見到菠羅已經心知不妙, 上海菜既黑醋排骨係唔會落菠羅, 師傅畫蛇添足搞到變左廣東菜咕嚕排骨, 仲有顏色唔對版, 應該更加黑先岩, 完全唔係上海菜濃油赤醬應有既特色婆婆擔擔面湯底尚可, 但唔夠熱, 麵條淋左啲...

Vcity 開左咁耐，好多間食肆都食過！好似紅X蟻，牛X，羅X記，利X館等等。但食嚟食去都係覺得婆婆d嘢冇得輸，又吾貴又吾平咁樣！所以今日又嚟食過。點左平時都會食嘅家常薄餅，呢個餅比起利X館的手抓餅更香口，又夠乾身。鎮江小排骨，完全吾知點解會叫“小“因為排骨粒粒都吾細，而且又大碟喎，味道就算不錯。三杯雞丁，究竟係邊三杯呢？味道帶甜，返而冇宮保雞丁咁好食。家常豆腐，此家常又不同彼家常，材料有豆腐(會冇豆腐嫁咩？)，回鍋肉，冬菇，青椒，荀片，味道就辣辣地。好食。甜品高力香豆沙，材料有高力，香蕉，豆沙。一份吾夠，食夠兩份，咁你就知有幾好食啦。