上海婆婆 (已結業)

已經來過好幾次了.今次在下午茶的時段到來.人不是很多,所以不用等就有位置了.由於是4點左右.所以我和家人吃的東西也不是很多.點了一個清庭炒拉面,和婆婆擔擔面.清庭炒拉面都還可以.但油份就多了一點.如果沒有油份或者更少.就更加好.婆婆擔擔面就充滿了花生的味道.可能是這個招牌面的特式.我就覺得花生的份量似乎多了一點.味道算中上的.(與大部分有擔擔面吃的地方比較)就這2個菜,我覺得味道OK的 =]環境就以懷恨主題為主,地方都算寬敞.(坐在兩旁的梳化椅)中間的位置就有點擠的.

好耐好耐以前有一個婆婆，叫上海婆婆，自從佢係市中心消失後就冇再見過佢啦！後來佢係Vcity再一次出現了。有所改變的係店舖內的裝潢，新潮了。不變的係依然好多人 。等了大約十幾分鐘（兩個人快d）之後就入座了，叫了幾個平時食開的小菜：黑醋排骨，黃金四季豆，醬燒茄子，少不了上海鋪必食嘅小籠包，甜品就食豆沙鍋餅。食小籠包最緊要係咩？係要夠熱，婆婆就做到呢點，而且皮薄肉鮮，有人喜歡點鎮江醋食，而我就鐘意就咁食，因為吾會蓋過肉汁的鮮味。最好食嘅係黃金四季豆，碟菜一放低，咸旦皇的香味四溢，而每條四季豆都佈滿了咸旦皇，簡直係大滿足。而其他的菜都保持到水準。最後食埋豆沙鍋餅做甜品就劃上句號，飽飽了。雖然埋單時發現食物的價錢貴了，但係係百物騰貴的情況下，加幅係在可以接受。

想食上海野，近近地就試樓下VCITY上海婆婆﹗今次第一次食呢間，整體感覺很滿意﹗﹗是我食過數間上海婆婆質素最高的一間。先來一碗例的酸辣湯試試，酸辣道及材料份量剛剛好，沒有蝦仁，啱哂我口味﹗醉雞算是很大隻，酒味算濃，帶有花雕苦味，不怕喝酒的人最愛的味道，怕喝酒的人可能怕苦，愛喝酒的人可能還想酒味再濃。我和老公都很喜歡吃鱔魚，第一次來也試試這裡的鱔魚，真的很讚﹗份量也多，兩人夠食有餘﹗當然例牌試食下小籠包~個名幾吸引，食落都唔錯~

記得以前，如果要食上海婆婆就需要在屯門市廣場大排長龍雖然等得耐, 但一碗熱騰騰的擔擔麵就覺你回味聽聞VCity 都開了一間上海婆婆當然要過去試一試, 7:30 到達沒有長龍，無需等位坐下後還未人齊職員就再二連三要求我們盡快落單，令得菜都放涼了沒關係，應該要繼續開開心心慶祝生日的花雕醉雞: 酒味香濃，略嫌雞油太多，雞肉不夠滑擔擔麵: 湯底OK, 配料極少黄金四季豆:香濃惹味的咸蛋黃，包住爽甜四季豆，正黑醋排骨:排骨肥肉多，骨粗小籠包︰皮薄餡靚！但肉汁少！桂花蜜汁金沙骨：肥肉多，骨粗，味道太甜..松子黃魚：皮脆肉嫩，醬汁醒胃應該唔會再黎呢間上海婆婆，非常失望

趁放假同屋企人黎左vcity行街，行過上海婆婆見到唔洗等位，而且屋企人又鐘意食上海菜，就決定係度食晚餐。入面環境幾舒服，唔會郁下就整到隔離枱。食上海菜就緊係要試下小籠包先，一籠有四個，個包薄多湯汁，小籠包好熱，味道幾好，黎到一定要試。不過之後既雲腿津白就有d失望，雖然咬落好清爽，但雲腿得薄薄地一兩塊，略嫌吝嗇。炒年糕又係個幾好既菜餚，年糕咬落幾煙韌，配上醬汁非常惹味。 我第一次試上海婆婆覺得d菜餚幾好味，不過屋企人覺得d菜色冇上海菜濃郁既味道，口味遍淡。係vcity算係值得一試既餐廳。炒年糕又係個幾好既菜餚，年糕咬落幾煙韌，配上醬汁非常惹味。 我第一次試上海婆婆覺得d菜餚幾好味，不過屋企人覺得d菜色冇上海菜濃郁既味道，口味遍淡。係vcity算係值得一試既餐廳。

佢以前系屯門市廣場的時候, 除非好早來等位, 如果唔系起碼要半個鐘. 果時的野食真系好好食. 今日我地可能早到搵位(6:45pm)所以唔等位. 不過有時經過見到佢都無屯廣以前那麼多人等位. 搬左黎V-City, 裝修同以前差不多, 裝修同樣都系d配合「婆婆」年代的裝飾, 有d婆婆掛畫, 不過d座位比以前密左多好 服務同以前一樣, 侍應想你快d落單, 快d食完 叫左4樣菜色同1個甜品, 全部都系以前覺得好好食的菜色.四小拼(肴肉, 燻魚, 烤夫, 小排骨): 份量太小花雕醉雞: 雞肉嫩滑,酒味香濃三絲冷麵: 太少麻醬,但系麵依然夠彈牙紅油抄手: 醬汁唔夠辣, 唔夠味香蕉高力豆沙: 是我的至愛, 但可能系整定然後叮番熱佢, 所以唔夠軟棉棉但食完後, 好失望, 覺得質素不如以前, 比我感覺好似換左個廚師

呢間上海婆婆長期多人排隊,之前聽好多人話呢到食物美味，今日屋企人話想試所以我地一早就去等位啦,等左半個鐘先入得.入到去環境都幾好幾舒服,唔會太迫.我地叫左:酸辣湯:好大碗好足料，無論熱度，咸度，酸辣程度都非常正，不過我覺得辣左少少,怕辣既人唔係好食到擔擔麵: 一擺上檯已經好香,d麵好幼細同彈牙，個湯底仲有好多花生醬好好味~黄金四季豆:看似簡單既菜式,其實佢用用鹹蛋黃炒完,每條四季豆都比鹹蛋黃包圍住,好香好惹味,令人追住係咁食~黑醋排骨:排骨炸得幾香幾惹味,酸味岩岩好婆婆粗炒:其實唔覺有咩特別.....配料好少好似只有肉絲,椰菜,白菜.....味道唔見突出,個麵仲有少少皂水味,令人失望總結水準價錢都ok既,不過唔係樣樣野好食

今日跟同事到了VCity的上海婆婆吃lunch，本以為跟晚市一樣，叫菜食飯那種，原來平日上海婆婆有lunch menu和下午茶menu的。十二時的上海婆婆仍未需等位，直入的感覺很好。今天沒有拍下menu給大家看，但這裡的午餐大約$50-60一份，選擇頗多，有選擇困難症的慎入 (笑...)。午餐大多一份飯/麵、一份菜式加一份湯/小食，份量足夠。銀芽炒黃鱔套餐 ($65)這午餐其實除了炒黃鱔外，還配上白飯和湯。但由於小妹很！肚！餓！的關係，白飯和湯已吃了幾啖，相信也沒人有興趣看被我吃過的飯和湯吧！雖然只是$65，又有飯又有湯，但那份銀芽炒黃鱔也沒馬虎的，更並不是偷功減料的全是銀芽。配上濃味醬料炒的，配白飯十分match！小籠包很簡單的說：皮薄餡靚！肉汁多！椒鹽小黃魚小黃魚炸得香脆化骨，上面鋪上大量蔥花，但配起來吃便太咸了。

週日到訪三聖邨享用午膳，及後到附近的 V City 閒逛。經過一輪血拼，不經不覺又到晚膳時間，隨意選了商場內的上海婆婆。餐廳畫飾餐墊皆用上數十年前的玩意作設計，配合「婆婆」年代。食物方面，主打上海菜式。每款菜式不會很大碟，可多吃幾款。雪菜桂魚羹：調味很鹹。五香燻魚：普通。脆皮素鵝：皮脆，餡料稍不足。迷你素菜包：無吃過，無意見。婆婆小籠包：皮薄，肉餡汁略少，OK。生煎鍋貼：皮略厚，普通。紅油炒手：紅油汁蒜香惹味辣度足。桂花蜜汁金沙骨：醬油清甜帶花香，金沙骨肉質都算鬆化腍身。干煸四季豆：四季豆脆口，醬汁略甜，少了一份惹味。松子黃魚：皮脆，魚肉滑度OK。醬汁略酸及稠身。婆婆粒粒炒飯：感覺有點似臘味飯，油身，普通。

公司搬到屯門後..加上我大肚..朋友們多數都遷就我係屯門食飯..朋友仔生日決定去'上海婆婆'試試..六點多入席不用等..帶位說可坐落單計個半鐘..心想..我又不是來任吃..不用限時這麼巴閉吧?隨意地落單後..待應說要等15-20分鐘..但不用5分鐘已極速上菜..(整個過程..所有待應都沒什麼表情的..好像機械人)四小拼(肴肉, 燻魚, 烤夫, 小排骨)um..是大肚關係還是怎樣?坦白我覺得四樣都不好吃..四款都是冷冰冰的..肴肉..我以為有點像薰蹄之類..單吃沒什麼味道..口感有點像軟jelly..跟隨是有一碟浙醋的..我不肯定是否用來蘸肴肉(不是白醋呀)..我試過蘸..但都不覺得會好味了>~<燻魚..入口覺得太甜..吃一口已不想再吃下一口..烤夫..um..咸..就是不好吃..小排骨..算是這四小拼最好吃的一樣..是糖醋味的..但我真的不明白..冷冰冰的..以上四款..坦白說..絕對不值得叫..hkd 92..完全是晒錢..京蔥手切牛肉包上菜超快..果然又是半涼的..唉..我最怕這些包點不熱..不熱就會開始浸油..一向明明京蔥應該很香很濃味..但不知何解這個只是很輕京

之前都試過你I square 間上海婆婆食過，食物偏喊，態度差，本來都唔想再食呢間，無奈朋友好想食，所以係v city呢間試下！叫左8款食物，我只介紹我較喜歡的幾種吧！我最喜愛干貝賽旁蟹，炒得好滑，不太油膩，有少量配菜，味道適中，不太咸另外，我都幾喜歡松子王魚，魚炸得十分脆口，加上甜酸汁都好脆，但脆漿略為太厚，可以薄點。甜酸汁酸度十分適中，唔會過酸，唔會有刺喉嚨感覺，配上菠蘿，蝦米，味道十分好！V city呢間較好，味道適中，唔會太咸，並且較有禮貌

今日晚餐去v-city食，原因係見v-city 有手機APP可以預早攞飛，好似幾方便。去到啱啱下個到我既號碼，跟住店員同我講有枱埋緊單，點知一等等左二十分鐘。算！我地一行6人入座，坐係門口卡位，座位非常逼。        朋友求求其其叫左8樣野，五分鐘左右，餸菜開始上到枱，不過第一個上枱既唔係前菜麻辣豬𦟌，依個上菜次序錯誤我認為係依類出名既餐廳係唔應該出現。       跟住到講下d食物，碟碟d份量都比舊舖細碟左，賽膀蟹煮得唔夠散，完全唔似食蟹既口感，韮王鱔糊既鱔肉超廋，紅油抄手，醬油味淡，其餘幾樣都係普通貨色。       座位逼，等位耐，食物普通，份量細，之前屯門市廣場舊舖，都無以上問題，我長期幫襯，今次搬舖後第一次，奕都係最後一次。

今日同家人一起到V-city 上海婆婆食晚飯,一行三人,我們擺完飛之後等了十分鐘左右才能入座,可能是因為星期五吧?入座後發覺座位較為擠迫,周圍都比較嘈我們叫了約四款點心+一個麵,雖然環境較迫和嘈,但是食物卻有一定水準,我們叫了一個膽膽麵,麵身十分彈牙,不是太濃味,可以如果你是喜歡花生醬的話,這個麵就太適合你了。我們也叫了一個炒年糕,不太濃味,十分好吃,可是,年糕比較飽肚,叫了年糕後可以少叫一些食物,但是他們的千層糕本人就難以接受,千層糕上放滿了提子乾,又甜又喊(味道)的,食完比錢時,叫了一會有人應我們,他說他很快過來,可是過了一會後,他才過來,時間較長,我們吃了三百幾元,可是都算是物有所值。p.s.本人第一次寫食評,文筆較差,請多見諒

是日與家人食飯，大家都無主意，唯有用最簡單的方法決定，就是猜拳決定！而猜輸的就是我。由於先前有跟朋友食過上海婆婆，覺得不過不失，於是決定再試。當日是平日，不用等候可直接入座。眾人商量後就點菜……鎮江小排骨，小籠包，炸銀絲卷，黃金炒飯，椒鹽小王魚。全餐飯最好食就是小王魚，魚炸得香脆，魚肉結實，加上面頭的配菜，非常惹味。而黃金炒飯亦都是滿意之作，份量多，材料豐富，有咸蛋王，虾，火腿……最後埋單時詢問侍應有否信用卡優惠，侍應回答只有大新銀行one+信用卡才有85折，在此希望可以有更多的信用卡優惠提供，令我們的荷包可以慳一筆。

星期五的晚上，又是一個相約好友吃飯聚會的好時機. 由於我們仨都很喜歡吃上海菜，所以晚飯地點就定為V city的上海婆婆，貪商場夠新且商店林立，旁邊就是屯門西鐵站，交通十分方便呢! 當晚7時左右等候的客人已經很多了，店子內也坐滿了客人，生意真好呢! 幸好我們等位也不算耐，而且店員安排我們坐卡座，坐位濶落挺舒適的. 我們選擇的食物如下: 1.      花雕醉雞 ($65)雞肉相當冰凍且嫩滑，亦滲有濃濃酒香，作為開胃前菜相當不錯，個人超級喜歡呢! 2.      淮揚酸辣湯 ($28/位)由於我們想試多點不同的食物，故只點了一客酸辣湯分享. 但以位上的酸辣湯份量也不少，每人也分到大半碗，如果2位來吃的話，我覺得點一客已經足夠. 酸辣湯夠酸而帶辣，配料有木耳、筍絲及肉絲等，獻汁下的份量剛好，不會太糊口，這店的酸辣湯很有水準，愛喝酸辣湯的朋友別錯過! 3.      芥末香酥蝦球 ($108)個人很喜歡吃芥末菜式，不過很多地方總是做得不好，不夠辣又不攻鼻. 這次試過上海婆婆的芥末蝦球，立即愛上了，即炸燙口的彈牙大蝦配上非常攻鼻的芥末，味蕾得到十級刺激，愛吃芥末菜式的必要點來試試，絕不會失望的!