三日月

營業中

休息中

自從第五波疫情之後都冇食過好嘢所以啱啱經過左解禁之後開返晒所有糖食所以就即刻約晒朋友出去試食好嘢今日行油站預約咗呢一間餐廳食鐵板燒去到尖沙咀鐵板燒嘅餐廳多數成行成市但係朋友話呢間係非常之咁開心又舒服唔使仲有表演睇所以就即管來試一試一坐低就嚟咗前菜三味包括有有柚子雞肉刺身炸茄子同埋炸蟹仔之前喺沖繩都食過雞肉刺身喺香港真係第一次試呢度係比較細細班細細件而且仲合埋柚子嘅味道非常之咁清新炸茄子亦都非常甘入味再加埋味噌嘅味道非常出色炸蟹仔就10分鮮味好似我哋平時食嘅小食咁海葡萄沙律海葡萄就10分新鮮10分隨口再配合沙律醬非常之咁開胃黑醋汁配日本燒汁再加上了鐵板燒鵝肝鵝肝處理得非常之好唔會有蘇媚之餘仲非常之咁濃郁再加上黑醋汁完全化解晒嗰種油膩咁之後主菜就係和牛薄燒A四嘅黃牛片入面見到佢哋嘅牛乳油分布非常之咁充足而且入面再包上了香蔥同埋菇類非常之咁爽口仲有菇嘅味道外邊就係有濃郁嘅牛油牛肉包着非常之咁出色銀魚乾櫻花蝦木魚絲炒成嘅炒飯所以佢嘅鹹鮮味道非常之咁濃郁而且炒飯炒得非常之咁乾身食到一半嘅時候再可以加入雞湯變成泡飯日食兩味非常之咁開心最後甜品就係抹茶雪糕令到今餐畫上了完美句號

放監呢兩個字好似唔係咁好聽，但係咁耐冇出嚟食飯真係有呢一個感覺，哈哈。而且呢餐甘正，食完之後真係好開心，好滿足。頭盤先嚟一個三小碟。有絹頭腐，醬茄子同煙燻雞肉。呢個煙燻雞肉真係十分之特別，喺出面完全冇食過，佢係用生嘅雞肉煙燻，聽落好似比較奇怪，但係食落去味道十分之好，好鮮味，口感好特別，而且師傅嘅刀工十分之好，係雞肉的面𠝹出一層層嘅絲，令雞肉更易入味，一定要試吓。之後就有吞拿魚沙律，味道酸酸甜甜，為將要食嘅主菜打開序幕。三色刺身有甜蝦，油甘魚同埋吞拿魚，甜蝦雖然唔係好大隻，但係佢嘅味道十分之鮮甜，有種留香嘅口感。到食主菜嘅時候，首先就係食呢一個阿拉斯加銀鱈魚，食日本菜銀鱈魚係我必叫嘅食品，呢度食嘅銀鱈魚同一般出邊用咗西京汁整嘅銀鱈魚唔同，佢只係用咗少少嘅胡椒，鹽，同埋自家製嘅汁嚟調味，所以除了提升味道外，鱈魚嘅味道可以完全咁保留住。之後就係帝王虎蝦，未食見到咁大隻虎蝦已經流晒口水 一路睇師傅整發現師傅嘅手藝非常之好，慢慢用工具將蝦分開，然後將蝦頭嘅蝦膏取出製作汁料，最後淋在大蝦上面，整到菜蝦味十足。到咗我最鍾意食嘅鵝肝出場 ，鵝肝嘅厚度非常之厚，並唔係出邊嘅紙甘薄，煎完之後都完全無縮水

工作咁辛苦，美食就成為咗我返工嘅動力💪🏻今次再返嚟三日月食嘢，上次只能夠食個quick lunch，適逢假日就可以慢慢坐底嘆返個鐵板燒😌望住師傅料理嘅過程好似睇緊表演咁，視覺味覺同時享受到，我同朋友都幾enjoy😼• 三日月極上一人前鐵板餐 $798精緻嘅前菜包括煙燻雞肉刺身、茄子漬物同螢光魷魚。突破心理關口初嘗雞肉刺身，其實冇想像中難接受，口感同味道都有啲似煙三文魚咁。螢光魷魚醃得入味，鹹鹹香香，略嫌有些微腥味😗沙律菜放上沖繩特產海葡萄，多份脆卜卜嘅口感。時令生蠔非常巨型飽滿，一啖食唔晒要分兩啖🤣，海水味較淡身，餘韻超鮮甜，大大隻特別滿足！刺身三點有油甘魚、中拖羅同牡丹蝦，一貫新鮮高質素貨色🧡食完豐富嘅前菜先啱啱到重頭戲！師傅用咗大量牛油將北海道帆立貝煎香，烹煮期間已經聞到陣陣香味喇🤤帆立貝外層微脆而裡面保持半生嘅彈牙口感，生熟度啱啱好，牛油香味加上帆立貝自身嘅鮮甜令人意猶未盡，舖墊喺底部嘅菠菜亦都吸收到香味，成件事好正😚！二選一嘅海鮮則同朋友各選一款Share嚟食。師傅將深海野生白鱈魚嘅魚皮片起再另外煎香，令魚片好似薯片咁脆，魚肉嘅部分亦柔嫩得令人驚喜。帝王虎蝦蝦肉新鮮爽口，師傅更

尖沙咀嘅三日月係日式高級鐵板燒店，由日藉鐵板師傅主理，晚市堂食重開之後都幾旺場，有得望住師傳表演嘅Bar位一早就Book滿晒，坐Table位靜靜地欣賞下街景，個feel都唔錯！日本赤鮑魚鵝肝和牛二人前套餐 $2,280前菜煙燻雞肉刺身 - 淡淡嘅煙燻味，帶少少爽口，都幾清新！茄子 - 茄子軟綿，索滿上湯！味噌豆腐 - 咸香度頗高，食完啲味蕾醒晒！極上刺身帶子 - 頗為鮮甜清新！油甘魚 - 鮮美可口嘅魚味同埋油脂，營養仲好豐富！牡丹蝦 - 軟糯甘甜，Size巨大！拖羅 - 脂肪比例極高，用舌頭輕輕一頂已溶化，油香滿分！海葡萄沙律加入沖繩特產海葡萄嘅沙律，特別Fresh！季節時令生蠔來自北海道厚岸町嘅生蠔， 蠔身厚肥，海水味淡，以酸汁同埋辣蘿蔔蓉襯托，相當滋味！鮮活日本赤飽魚巨型嘅日本赤飽魚，浸煮過再製成冷盤，做到肉身軟腍，邊位爽脆嘅雙重口感，加埋海帶同昆布帶來嘅鮮味，真係鮮上加鮮！茶碗蒸蛋極滑溜，帶蟹嘅鮮味，唔錯！鐵板燒日本蔬菜香煎鵝肝厚身嘅鵝肝煎至外脆內嫩，勁爆多汁，甘香美味而且餘韻長，大滿足！蔬菜煎得頗為香口，索少少鵝肝嘅肥油同食，滋味無窮！A4鹿兒島和牛薄燒卷師傅嘅調味拿捏得好精準

朋友生日, 知佢好鐘意食鐵板燒, 但因為疫情D幾個月少左收入, 想可以平D埋到單好彩有另一位朋友介紹, 話尖沙咀三日月性價比好高, 就BOOK D間先餐廳係以木系無印風既裝修為主, 令食客覺得舒服我地叫左$798 promotion 和牛餐, 師父好快就拎D食材比我地睇啦, 好靚!!! 令我地食得放心前菜有四款:刺身: 超級新鮮, 油甘魚真係好味到有今生無來世, 而赤身&蝦都好正!海葡萄沙律: 海葡萄少少既咸味更來帶出沙律菜既清新!三小點: 整體都好開胃, 最特別係雞肉刺身, 同熟既完全唔同口感, 但都好好味茶碗蒸: 得岩岩好, 唔會過熟, 保持嫩滑, 而且有唔少料增加味道&口感香煎鵝肝X日本野菜: 鵝肝煎到外脆內軟, D肝既脂味滲出口中, 超級香口, 配上黑醋真係perfect match。而D野菜雖然係鵝肝隔離似係伴碟ONLY, 但味道好日本, 之係好甜呀!帝王虎蝦: 朋友都話食咁多次鐵板燒, 第一次見到成隻蝦拼返晒出黎, 令人驚喜, 而且蝦肉好爽口, 加上蝦膏煮成既汁, 一口一啖, 諗起都想再去食過阿拉斯加銀鱈魚: 銀鱈魚煮得岩岩好, 好嫩滑, 而且魚皮係拆出黎再煎脆, 勁香口,

好耐都冇出街食啦, 所以一可以出街食, 就想揀D根本冇可能外賣既野食, 其中鐵板燒就係其中一樣最想食既野, 友人介紹係TST有問$798可能食晚餐鐵板燒的,所以就好快BOOK左位去食啦 D間三日月係TST B2出口行幾步就到, 好方便入到去覺得環境好好, 因為我地有訂到枱, 所以可以坐係BAR枱, 食鐵板燒一定要睇住師父煮先開心依架出街食始終有少少怕肺腅既, 三日月就放左好多部呢隻空氣清新機, 令我地都食得特別放心前菜三小點分別有螢光魷魚, 矮瓜同埋雞肉刺身, 都係D好開胃既前菜, 而其中螢光魷魚同雞肉刺身都幾特別, 螢光魷魚幾鮮甜, 而雞肉刺身都幾嫩滑, 唔會有怪味刺身刺身分別有牡丹蝦, 吞拿魚&油甘魚, 好新鮮, 完全冇腥味, 我最鐘意就係吞拿魚, 完全冇渣, 口感好好海葡萄沙律D度既海葡萄唔似係沖繩食到果D咁咸, 而係帶有清新既感覺, 配合其他好新鮮既沙律菜, 口感提升度大大增加茶碗蒸無比既嫩滑, 係自己屋企永遠都蒸唔出, 而且同蛋蒸既唔係水, 而係好好味既高汁, 令到味道層次提昇鐵板燒日本野菜+香煎鵝肝野菜係有南瓜, 露荀, 冬菇, 蓮藕, 係鐵板既熱力力逼下, 令到菜既汁液都

21/4晚就有堂食啦，呢段日子可能你會好驚堂食，但應該也有不少朋友唔會驚，會繼續出去食，由求係有好多飲食優惠的餐廳。三日月又係其中一間有做late lunch同early dinner的餐廳，一人前鐵板餐，有齊鵝肝、帝王虎蝦、宮崎和牛，大部分的貴價食材，基本上食完唔駛食晚飯。不如就睇下有乜，前菜三小點，當中雞刺身係重點，無諗過係呢到食到，沒有大調味，只係簡單的檸檬調味，但都吃到其精彩。豆腐同茄子，相對自然不造作，一定要鮮食計時三，如果唔係個味道會完全唔同。刺身三點，赤身、甜蝦同油甘魚，最愛就係油甘魚，油香一流，赤身你睇過色彩都知唔會差得去邊，最普通就一定係甜蝦。我個人唔特別愛海葡萄，但呢個海葡萄沙律做得特別好，因為海葡萄選得靚，不會死鹹而吃不到其和沙律混合起來的層次。茶碗蒸簡單同食到餐廳的真功夫，入面有多種蝦肉，配菜，食落口感豐盛，滿足。師傅上場，同平時一樣，先上碟俾你睇當日食嘅嘢，當然宮崎和牛、鵝肝、帝王虎蝦，野菜、阿拉斯加銀鱈魚全部在位，你見呢個陳容，講真個價錢真係幾震撼。先上阿拉斯加銀鱈魚，師傅個汁係重點，銀鱈魚嘅滑同埋軟綿綿，係令人吃得感動的，可惜這天下午無得飲酒，唔係送杯白酒

老細請食飯梗係揀間好啲嘅餐廳啦你都尖沙咀嘅呢間三日月鐵板燒 餐廳有師傅喺面前親自主理 非常高級首先有三款前菜 麻醬味增絹豆腐 柚子汁茄子 經過煙燻嘅雞肉刺身海葡萄柚子醋沙律 海葡萄脆卜卜好得意牡丹蝦 油甘魚 赤身茶碗蒸 蛋香味濃沃 十分滑溜帝王虎蝦 好巨型呀大過我前臂咁長 醬汁係用咗蝦頭膏同牛油去做非常香濃 肉質彈牙 鮮味十足阿拉斯加銀鱈魚 火喉控制得啱啱好夠滑溜勁正嘅厚切鵝肝 配上黑醋汁一啲都唔油膩A5宮崎和牛 今日嘅重頭戲用咗西冷去做 五成熟仲係粉紅色 油花分佈均勻 極香牛油味炒飯用左 櫻花蝦 白飯魚 日本酸梅 份量都幾大 加埋鰹魚高湯做茶漬飯雲呢拿雪糕配草莓脆脆

疫情之下，外邊用餐也成為一種奢侈。今天，特地將困在家多時的友拉出門，到了尖沙咀這家店享用鐵板燒午膳。店舖裝璜華麗高檔，地方寬敞，職員有禮地邀請我倆坐到吧檯旁，能近距離欣賞師傅們的功架也是味道的一部份。我倆都選了「三日月A5宮崎和牛鵝肝帝王虎蝦一人前鐵板餐 」前菜三小點 - 分別有雞肉辣身、茄子漬及豆腐。雞肉辣身第一次見，肉身有煙薰味道，配上檸檬汁提鮮。茄子漬經醬汁醃製得軟綿，十分入味。刺身 - 分別有甜蝦、吞拿魚及油甘魚。吞拿魚及油甘魚都是厚切，而且油香肉鮮。吞拿魚沙律 - 沙律中還有荷蘭豆很是特別，另外還有車厘茄及沙律菜。茶碗蒸 - 個人感覺味道徧淡。鐵板燒日本野菜及香煎鵝肝 - 主角鵝肝十分肥厚，在鐵板上已傳來濃濃的香氣，阿拉斯加銀鱈魚 - 香脆可口，配上秘製忌廉汁很是惹味。帝王虎蝦 - 個頭十分之大，經過烹煎香氣滿溢，是另一個高潮菜式！A5宮崎和牛西冷厚燒 - 加 $100 就轉成厚燒，肉嫰多汁，香口的油脂佈滿味蕾，令人食指大動。

見疫情緩和即刻搵餐廳食，今次想食鐵板餐所以就book咗三日月，叫咗個好豐富嘅三日月A5宮崎和牛鵝肝帝王虎蝦一人前鐵板餐，就咁睇餐單都見到好多嘢食。前菜有三款，分別係好厚身嘅豆腐、茄子，同埋雞肉刺身，第一次食雞肉刺身，帶煙熏味，雖然唔係好食得出係雞肉，但係都好好食。刺身有吞拿魚、油甘魚，蝦刺身。最好味係個油甘魚，一放入口成個口腔都係油脂，食得出係好新鮮嘅魚生。接着就有海葡萄沙律可以過吓味蕾嘅味道，再食埋個茶碗蒸暖一暖個胃。阿拉斯加銀鱈魚個賣相好唔錯，首先食咗塊煎香左嘅魚皮，再食塊銀鱈魚，超濃郁嘅魚油味。帝王虎蝦充滿驚喜，蝦身好巨型，師傅再用蝦膏煎香做汁放返上蝦身上面，每食一口都會覺得好感動，係最好食嘅其中一樣。香煎鵝肝配鐵板燒日本野菜，個鵝肝煎到好香，熟度啱啱好，因為油脂比較豐富所以配野菜就剛剛好。去到最後，A4鹿兒島和牛薄燒卷係一款味道比較強烈嘅牛，我都好鍾意牛味重嘅肉，每一樣菜式我都覺得好好味。已經食咗好多樣嘢，最後仲有鐵板炒飯入面有櫻花蝦同埋有啲魚仔，最鍾意係佢啲炒飯炒到好乾身一粒粒，之後仲可以伴湯食。食完之後就飲埋佢個味噌湯。今日甜品係雲呢拿雪糕，食完覺得好滿足。

兩年無得去旅行 又出左消費劵 唔食返餐有質素既日本野真係會對唔住自己 襯放假即刻book左三日月食返餐好既A5宮崎和牛鵝肝帝王虎蝦一人前鐵板餐 $798+10%前菜三小點 (豆腐、茄子、煙燻雞肉刺身)刺身(吞拿魚、油甘魚、蝦)刺身好鮮甜 吞拿魚同油甘魚都好厚切值得一提刺身上既配菜 都好特別 其中最面既一塊真係第一次見 食落口感好清新 查問之下 原來係蓮花既莖部海葡萄沙津茶碗蒸 濃郁既蛋香味 最鐘意入面加左海帶 口感有所提升阿拉斯加銀鱈魚肉質好滑 充滿油份 魚皮煎到脆卜卜係另一種風味帝王虎蝦真心係全個鐵板餐最正既 平日唔太好蝦膏既我 都被佢既蝦膏所驚豔 肉質實淨彈牙 仲超級大隻同厚肉香煎鵝肝/鐵板燒日本野菜小妹最期待既鵝肝面層煎封左 外脆內軟 入口即溶 一啲都唔騷 鵝肝獨有嘅香味每一啖都係口入面大爆發A5宮岐和牛西冷厚燒加咗錢由A4和牛卷升級做A5和牛勁重牛味同油脂 每一啖都好滿足櫻花蝦鐵板炒飯/味噌湯職員教落食到一半可以落埋用茶碗裝住既鰹魚湯一齊食不過小妹比較鐘意就咁食多d 櫻花蝦同銀魚仔好香甜品

今日同朋友慶生 就去同佢嚟到尖沙咀嘅呢間三日月鐵板燒到成個午餐啦 餐廳嘅鐵板燒套餐十分抵食每位都係$798前菜係麻醬味增絹豆腐 柚子汁茄子 經過煙燻嘅雞肉刺身海葡萄柚子醋沙律刺身 牡丹蝦 油甘魚 赤身 非常鮮甜特別係赤身 一啲根都冇茶碗蒸阿拉斯加銀鱈魚 好夠厚肉魚皮煎得脆卜卜 油香十足帝王虎蝦 超級巨型重用蝦頭膏做咗醬汁 肉質彈牙香煎鵝肝 極度後切 做到外脆內軟嘅效果a4鹿兒島和牛薄燒 油花分佈好靚 五成熟啱啱好 入面捲上日本大蔥 可以中和返油膩感麵豉湯師父加左櫻花蝦 白飯魚 日本酸梅去做炒飯 炒得非常夠乾身飯粒有咬口而且酸酸地一啲都唔漏 仲可以加埋鰹魚高湯做茶漬飯 一飯兩食好得意雲呢拿雪糕配草莓脆脆 香甜又滑 加埋脆脆特別有口感

疫情開始緩和，終於可以同老婆出去補食生日飯，老婆想食鐵板燒，所以去了這間新開不久的餐廳。我們坐在吧枱，師傅在面前即燒即食，既可欣賞師傅在鐵板上燒煮的表演。店員先送上三款前菜，其中最特別一定是煙燻雞肉刺身，滿口充斥著燻香味。吞拿魚沙律酸甜開胃，令人為之一振。三款刺身中，油甘魚最肥美甘香，甜蝦及吞拿魚不過不失。茶碗蒸蛋香味濃又嫩滑。師傅很有心機把虎蝦殼燒至香脆，虎蝦很大隻，而且爽口彈牙，用了牛油煮蝦膏作醬汁，十分邪惡但鮮味十足。銀雪魚肉質嫩滑且鮮甜，魚皮煎至有種食炸魚皮的香脆感。鵝肝兩面煎至焦香，而且去掉筋位，火喉時間控制準確，煎至剛熟保持嫩滑，淋上黑醋汁中和油膩感；旁邊還配上蘆筍、南瓜等蔬菜。以A4鹿兒島和牛包著香葱及雜菌，輕輕一燒就食得，和牛有肉味之餘又不會太油膩，配上三款醬汁，各有特色，個人就喜歡原汁原味，所以加了些玫瑰鹽就已經足夠。炒飯用了櫻花蝦、木魚及香葱，最重要是梅醬，以兩個梅子製成醬汁，炒飯入口帶微微梅子酸香；另外亦可以鰹魚湯作茶漬飯享用。最後飲返碗味增湯及雲尼拿雪糕作結尾。

出了消費券，即刻上網看看那間餐廳可以用啦！最後訂了尖咀這間三日月食日式鐵板燒。前菜煙燻雞肉刺身有濃郁煙燻香味，入口完全無生肉的血腥感覺，反而似燻肉味但又嫩滑；另外的是茄子及味噌豆腐。刺身油甘魚最鮮甜甘香，甜蝦爽口；吞拿魚鮮甜肉質結實。吞拿魚沙律沙律清新開胃。茶碗蒸蒸蛋嫩滑又有魚子的鮮甜。鐵板燒日本蔬菜及香煎鵝肝鵝肝煎至兩面金黃香脆，配上黑醋汁，正好減輕油膩感，鵝肝外脆內嫩滑，入口充滿油脂甘香；南瓜香甜，蘆筍爽脆。阿拉斯加銀雪魚銀雪魚皮煎至香脆，銀雪魚肉質嫩滑，配上特製白鏈汁，鮮嫩無比。帝王虎蝦虎蝦蝦膏豐富，加上牛油做成蝦膏牛油汁，虎蝦肉質爽彈，蝦膏鮮味；蝦頭煎至脆口。A4鹿兒島和牛薄燒卷薄燒和牛中間加了菇及香葱，三款醬汁包括蘿蔔蓉酸汁、自製麵豉汁、麻醬中，酸汁正好能減輕油膩感，和牛入口溶化。鐵板炒飯獎木魚絲、櫻花蝦及梅汁炒至飯粒微焦脆，帶淡淡梅汁香，最後可加入鰹魚高湯當茶漬飯，一飯兩食。味增湯有些菇及昆布，正好清一清味蕾。最後食埋個雲尼拿雪糕，非常滿足的一餐。