三小漁

營業中

休息中

觀塘區小菜❤️❤️❤️..觀塘一間中菜館，主打粵式小炒。菜式豐富，有傳統小炒、特色菜式、海鮮類別，裝修好新、座位好寬敞，真係好適合一家人 或者朋友一同用餐。而且擺盤精緻，一點都不馬虎呢。-餐廳服務💁🏻‍♀️ 仲好周到`好細心，一黎到會先用滾水幫你消毒碗碟🥣🥢，確保衛生乾淨呢。抗疫功夫做到足，讓食客安心。仲會耐唔時問下菜式味道意見呢，貼心服務。-ll $108牛仔骨🐮 好嫩滑，滿有油脂香。份量仲不少，真係好惹味，送飯一流。ll $88豬油渣🐽 香噴噴，炒餸真係會香好多，粉絲吸盡豬油渣香 真係好邪惡 好香口，不過確係吸引，略嫌粉絲有點碎散呢。ll $108半隻雞🐥 份量不少呢。霸王雞肉質嫩滑，薑蔥基本既味道，確能簡單地帶出雞既味道。ll $12砵仔蒸飯平日已經好少見，蒸出粒粒分明白飯，確有一點不一樣。配上各種小菜：雞🐥、牛🐮、豬🐽，呢餐確係滿足吧。..一邊食飯，一邊見餐廳不斷有食客入座，可見質素不差，有一定客源呢。而且價錢合理，環境寬敞舒服，仲冇收加一添，觀塘區一間唔錯既中菜廳。..

今日同男朋友係觀塘行完街就打算食埋晚餐，但又唔想又係apm食，所以就係附近揾左呢間評價唔錯嘅餐廳。餐廳好大好闊落，裝修得好靚好高尚，入到去成個感覺都好好，特別一提待應服務態度都超好好有禮貌，我同男朋友都驚嘆好少有餐廳可以保持到。見大家都讚佢地嘅雞，所以我哋都叫咗半份。原來半份都好多！由於我哋唔想食咁熱氣所以冇叫到風沙雞，可能因為咁食囉冇其他人講咁驚艷，但蔥油都好香，雞都好嫩，下次有機會一定要試埋風沙雞！流心蛋秘製牛腩煲另外仲叫咗一個牛腩煲，牛腩煲係以石鍋上，上枱嗰陣時仲係熱辣辣，不得不讚佢嘅牛腩醬汁真係整得好好，好惹味，而且牛腩肉質嫩滑，入口即溶，好食！另外仲有一隻煙燻流心蛋，流心效果好好，不過我個人就麻麻地煙燻嘅味道，但都幾得意！最後仲叫咗個金銀蛋莧菜，同樣份量好多，雖然係普通嘅一碟菜式但都冇令我哋失望。總括嚟講呢間真係幾正幾好味，唔怪得之有咁多好評，而且價錢都好合理，因為份量真係幾多下。

同朋友係apm買完野,佢話想食中菜,用openrice搵,就見到觀塘成業街10號電訊一代廣場 - 三小漁,收工時間人太多,行過去大約10分鐘路程疫情關係,餐廳都要求客人先量體溫,再潔手後方可入內用餐,做得十分好。餐具經過高溫消毒,店員溫馨提醒小心會熱親手,。自家製涼茶,估唔到會用呢種杯裝,相信係整好後直接雪入雪櫃,唔加冰,就唔會令飲品變淡,諗得十分細周到,涼茶唔太甜,入口好清潤,好fresh!半隻風沙雞,雞皮燒得香脆,雞肉仍然能夠保持肉汁, 不會太乾身,外脆內多汁,送飯一流,十分推介!和牛粒炒飯,煲上既炒飯,保持住"獲"氣,每粒飯炒至粒粒分明,吸收哂和牛既香味,一家大細來到,必點!炸蠔餅,蠔仔數量夠多又夠哂大隻,炸粉唔厚身,抵食,配上酸酸醬汁,同樣是送飯佳餚,同樣推介!啫啫通菜煲,食飯總要有菜中和下,通菜新鮮爽口,配上啫啫醬汁,無論就咁食定係送飯,同樣出色!炸鮮魷,炸至黃金色既鮮魷同樣大大舊,外層炸皮唔會太厚,可見呢間餐廳真材實料,絕無搵笨,良心餐廳!再來一些close up,超高質的中菜晚餐,皮夠薄,絕無戲場!推介給每一位!

最近都係屋企附近搵食，難得外出用膳嘅機會，當然要做足功課揀間高質嘅。 搵到呢間新開中菜一致好評，大家都好真誠咁大讚，今晚就黎試吓。鮮菠蘿芥末蝦球 ($148）蝦球好大隻新鮮，輕輕炸過粉唔會好厚又香口。 值得一讚蜜糖芥茉醬好清新開胃，墊底嘅菠蘿更加好有驚喜，多汁爽甜，食得出係新鮮菠蘿。 略嫌蝦球只係暖暖地，味道略打折扣，但明白太熱會令醬汁溶化，整體令人滿意。川味脆牛腩 ($138)近乎每一台都有叫到，原隻乾指天椒同炸好嘅牛腩一齊炒，牛肉完全沾染左麻辣香味，本身牛味都好濃，夠晒香口。 牛腩脆皮夠晒薄身，唔會好油膩，份量仲好多。金沙鮮魷皇 ($128)鹹蛋黃醬幼滑甘香，鮮魷皇勁厚身爽甜，感覺到師傅炸野嘅功力唔錯。金湯小米獅子球 ($98)純粹因為朋友鍾意食獅子頭而叫，本來冇咩期望，因為怕南瓜湯會太甜味道唔夾，估唔到會零違和。 金湯鹹甜得宜，天然南瓜香味可以解膩。 獅子球當中加咗少少馬蹄，肉質軟滑多汁，配埋有少少口感嘅小米，味道好豐富。青雪菜蠔仔海鮮泡飯 ($138)本來只係想叫個飯餸下，估唔到係全晚最精彩嘅菜式。 同預期中一樣，蠔仔泡飯同潮式蠔仔粥好類似，意料之外係湯底居然超級鮮甜，好重方

一行四人，想食d精美的中菜，有人提議去觀塘試呢間三小魚。呢度座位舒服，裝修精緻。職員都有禮貌，未食都覺得第一感覺良好。先沖左桂花烏龍飲下。前菜是煙燻糖心蛋，唔錯的。第一道菜脆皮風沙雞，皮炸得脆，雞肉保持到嫩滑無太油膩，醃得好入味。第二味係，金沙鮮魷皇，咸蛋黃係表面，魷魚彈牙鮮味，咸蛋黃既香味加埋，超正。另一味清蒸龍躉仔，只賣198其實性價比好好，也十分鮮味。另一味就艇家醬香炒大蜆，味道濃烈，辣辣地，好搶口！ 由於屋企人一企人一定要粉麵，就叫左個擔擔麵，勁大，好抵食。呢度性價比高，適合一家大細食。

係觀塘番工多年，哩度好多美食餐廳，放左工約左家人食晚餐，我就book左三小漁中菜館。三小漁環境優雅闊落，座位舒服，而且性價比高。我地一家四口，點左飲桂花烏龍茶，另外點左5個小菜。脆皮風沙雞半隻：哩度招牌菜，必叫之選，皮脆肉滑，啖啖肉，十分美味😋金沙鮮魷皇：哩度鮮魷份量十分足料，夠大條，又唔多粉，炸得香口。艇家醬炒大蜆：炒得好有鍋氣好野味，大蜆勁大隻。煙燻糖心蛋：煙燻糖蛋唔多中菜館會有，小食必點之選。清蒸龍躉仔：蒸得夠火喉，汁甜肉滑。私房担担麵：哩度担担麵份量超級大碗，賣相相當吸引，足夠4個人食，味道微辣開胃。

早幾日去咗觀塘食飯，網上面見到開咗一間新鋪就同老公入去試吓喺出邊望入去見到裝修都好靚感覺都算高尚座位又夠闊落唔使擔心同啲枱好近每張枱上面都有大燈職員為每位入去進食嘅客人都會量度體溫非常細心椒鹽鮮魷$108魷魚炸到金黃色，卜卜脆，非常惹味魷魚又夠爽口彈牙炸到非常乾身，粉漿完全唔厚鹹味啱啱好口感極佳鑊氣十足食落口感豐富用了新鮮非常好味冰鎮咕嚕肉$148豬肉非常爽口，甜甜酸酸非常惹味放在冰上10分鐘之後食，更令外皮香脆，非常出色嘅小菜配埋新鮮又甜嘅菠蘿，加埋青椒去炒非常健康牛油炒蟹一放上桌子上已經聞到鑊氣嘅香味一隻蟹大大隻夠晒我哋兩個人食非常重嘅牛油味調味又很出色味道滲入左蟹肉入面香濃既蟹鮮味，蟹鉗部份更是啖啖肉，十分滋味，學到已經拆咗，不在辛苦拆殼，食得非常方便見到非常多膏，夠晒肥美

幾個朋友食飯, 還是吃小菜形式的中菜最開心, 可以方便分享食物, 二人世界比較難做到, 自己也喜歡中菜款式多變, 及有鑊氣, 朋友選了這間在觀塘區的餐廳, 聽它的名字三小漁, 以為吃辣魚那些, 但原來吃高質小菜呢。裡面環境是新裝修, 所以感覺特別舒適乾淨, 坐位也很闊落, 和其他客人距離很遠。桂花雪梨$18 我們的坐位望到放在餐廳中央的雪櫃, 餐廳的自家製飲品很是吸引, 叫了一杯桂花雪梨, 清甜滋潤, 又不會太甜, 最後還可吃了那一小片雪梨。椒鹽四季豆$88用椒鹽的做法, 四季豆變得香口, 趁熱吃, 外層還脆的, 裡面不會乾, 豆很嫩綠, 而份量也很多, 如果兩個人可能吃不完, 適合多人分享。另外還有一款黃金四季豆, 也很吸引, 下次都想試。家鄉海鮮炒米粉$108看樣子已經很吸引, 材料均勻散佈於米粉中, 芽菜選用脹卜卜的, 特別甜, 海鮮以細隻的為主, 包括蝦、八爪魚、青口等, 更能融入於炒米粉中, 加雞蛋同炒, 米粉爽口條條分明, 個人幾欣賞這炒米粉。脆米咖喱蟹$368 來到重頭戲, 一隻蟹三百幾真不算貴, 而且還有20兩, 可給2-4個人吃, 咖喱蟹的汁是靈魂, 夠香, 香中帶辣

而家冇得出街，唯有睇反以前d相，食的好西。。依間係以前由小店食到換左上黎大舖的中菜舖頭，我一路都好支持架！次次都要叫的脆皮風沙雞，叫左半隻！依然都係咁脆咁香，雞肉好嫩滑，而且份量好多！如果少少人叫半隻已經好夠！椒鹽炸鮮魷同樣好大份，唔太咸，仲好香口好脆，真心好味，份量好多所以最後拎走。酥炸特色脆蠔餅你見到幅圖都知好大份😂😂😂然後又係香口好脆，蠔份量都ok，然後佢唔同潮州個種，唔係一大餅既，反而係好多碎碎的脆餅，唔同食法！最後係中餐舖竟然叫到個甜品食😃😃😃叫左豆腐雪糕，入面好驚喜有柚子粒！唔知係佢比錯左柚子味定點呢😂😂😂不過點都好啦，依間真係大件夾抵食！最後飲埋桂花烏龍茶，解下滯，就好滿足了！

今日我地黎到觀塘搵食去左一間叫三小漁既中菜館呢度既掌廚師傅係好多間有名氣既中菜館,經驗豐富,一身好本領呢隻環境非常好,有如去了高級酒店既中菜餐廳食飯部份菜牌更加要預訂先有得食用料靚,加上手藝,成就最好既味道唔怪得係咁既環境下仍然都要排隊等位我地今次點了一客脆皮風沙雞,半隻$128椒鹽鮮魷 ,炒通菜 平均價位都係$100上下,價錢唔算貴,但食落水準真係出色先講脆皮雞,半隻份量都非常多,外皮脆而薄身少油脂雞肉雪白嫩滑,啖啖肉,味道不會過濃,已經好少食到咁出色既脆皮雞肉椒鹽鮮魷,魷肉厚身彈牙有鮮味,本身已經均勻咁上好左椒鹽,唔洗另外點鹽食,呢種係最好既食法炒通菜,上菜時隻煲仍然超夠熱,仲係燙手,炒得岩岩好,唔好過左火,仍然脆綠爽身有肉碎有蝦米有蒜,食落特別濃味,但唔會口乾,配返個白飯就岩岩好埋單都係平均200零蚊一位,好抵食唯一就係上菜會比較慢,但係值得等~

在限座令下，午市揾位食飯真頭痛，我見派宣傳單張上堂食/外賣9折，最重要係仲有座位就二話不說前去光顧，打工仔午市時間好寶貴 ，真係爭分奪秒！這間食肆是新開張不久， 裝修簇新，環境舒適！簡簡單單點了兩款午餐 -流心蛋私房擔擔麵及菠蘿咕嚕肉及砵仔蒸白飯午餐包1杯飲品，有汽水及自製養生飲品- 紅棗桂圓及雪梨茶任擇整體味道都不錯，而擔擔味道是麻辣跟傳統不同，價錢尚算都合理。

三小漁三小漁地址: 觀塘成業街10號電訊一代廣場1樓B01號舖一個人食飯，保持社交距離脆皮風沙雞$128 半隻,$248一隻，風沙即是炸到金黃脆身的蒜粒, 而雞本身都會醃好吊乾再下熱油中炸, 皮呈出豉油啡色, 亦是仆仆脆的。中菜都是食比較濃味, 因中國人多配白飯, 會令人更開胃爬多幾口。$88蠔仔肉碎時蔬，落了好多蠔仔同豬肉碎，湯都有肉鮮甜味了，上湯無油又較健康$108 豬手燉到軟腍無比，皮qq腍身再炸的脂質中帶骨膠原 ，濃郁的汁也很下飯，鹹辣一起在口中爆出

前幾日同屋企人喺觀塘食飯 原本想打邊爐 咁岩見到隔離開咗一間新鋪 於是就諗住入去試一試 而且一見到佢開業初期仲有打折 覺得好吸引。入到去裝修都幾靚 感覺都幾高級 而且座位都好闊落 唔使擔心同隔離枱嘅人好近 同埋每張枱上面都有盞大燈 影相都幾好睇。餐廳嘅選擇都幾多 好多都係家常小菜 比如係冰鎮咕嚕肉 魚香茄子煲 不過今次我哋都想試吓餐廳特別嘅菜式 於是我哋首先叫咗半隻風沙雞 餐廳上菜唔算好快 不過風沙雞好香脆 而且雞肉都好多汁 亦都唔會好油膩 出面食嘅風沙雞通常都好乾身。其次我哋叫咗一個蟹子豬油炒粉絲 豬油令到粉絲好香口 而且份量真係好多 四個人食就啱啱好。然後我哋仲叫咗醬油炒蜆 屋企人都幾鍾意食海鮮 而且佢係定價 唔係時價 所以都幾抵食。食落去香噴噴之餘 炒到入邊冇沙 同埋所有蜆都係開晒嘅 都炒得幾入味。另外特別想推介佢哋嘅養生飲料，包括左桂圓紅棗水同埋雪梨水 飲落去非常滋潤 聽講如果下晝食嘅話 午餐會包埋嘢飲添！最後都想讚下呢度嘅服務，真係幾細心同用心！

自從三小漁搬了新店，由於疫情問題2個月未一家人支持!今天一於早些來吃5:30.新店地方很大很闊！環境一流 ！尖沙咀及中環名店都未必有咁好環境！㡺價錢仲是舊店！又無加一！以架仲有88折小孩必點的麻婆豆腐！生菜煲！四季豆！炸子雞！我2老就點了蒸聖子！所有餸一到枱就被2隻化骨龍清理左！尤其炸子雞！我不執輸即叫多半隻！真太好吃！唔知太久未出街吃過飯還是新店水準比舊店更佳呢？咁等你地去試下了但順帶一提要吃炸子雞一定要先預訂就包保有得吃！因為埋單時聽到大廚叫出來！今晚炸子雞售罄

吃中菜最適合一行數人，可以多叫幾道菜。來到這家新開的私房菜（店員說他們從牛頭角搬過來），地方比想像中大，店員招呼有禮貌。點了好幾份前菜及主菜，很多樣都非常出色。前菜來說，個人最欣賞話梅淮山（$48），味道有驚喜，酸酸甜甜很開胃。陳醋黑琥珀木耳（$48）的木耳很特別，一大塊的，很爽脆。煙燻糖心蛋（$18/半隻）惹味值得一試，而蒜香牛油雞翼（$62）則比較普通但也香脆惹味！主菜最有驚喜的是流心蛋秘制牛腩煲（$108），上菜滋滋聲已經夠吸引，牛腩煮得腍、調味特別，流心蛋也很好味！另外，水煮龍躉（$268）要了加辣，細份。魚肉鮮嫩魚味重，非常入味。配料非常足有青瓜、薯粉、木耳，非常抵食！金沙四季豆（$98）亦非常正！鬆脆之餘鹹蛋量足，吃到最後一條依然很脆！不過真的建議多幾個人分享，實在太大份了！物超所值的一餐飯，必定會回來再續！