三和敘

營業中

休息中

✨ 友人A唔知做咩今日大獻殷勤喎，話要請小妹我食好西。小妹翻屋企經常經過一間三層高嘅日本餐廳，原來係食日本爐端燒嘅，今次我就同友人A去explore下呢間三和叙。✨ 三和叙好跟足日本嘅爐端燒做法，除咗佢地嘅美食之外，店餐具整齊嘅擺放，店員貼心嘅服務，我地都十分之欣賞。✨餐牌。今次我地嗌咗個late lunch。✨ 季節刺身盛合👧🏻 Late Lunch 嘅頭盤包咗三款刺身，小妹最中意嘅當然係中拖羅啦，真係入口即溶㗎。嗰日咁啱見到日本好出名嘅喜知次，香港唔係度度有㗎，下次一定要再食！✨ 和牛鐵板薄燒👧🏻 Main Course 係和牛薄燒。店員好細心咁介紹點樣去食個和牛，加咗少少麵豉嘅和牛，鹹鹹地咁將和牛嘅味帶咗出黎。成個Main Course 都好似一個藝術品，完全唔想食咗佢破壞咗佢。✨ 炭烤鰻魚飯👧🏻 佢地嘅鰻魚係用炭烤嘅，食落口好大陣炭嘅香味，鰻魚都好大塊，好易入口。小妹最中意就係個飯，飯粒好分明，而且乾身得黎好有咬口。✨ 三和叙自家製涼粉

估唔到九龍城都有OMAKASE！預先book 咗平日嚟食，原來都幾多人。店舖雖然唔大，但有幾層～不過我哋今次唔係食OMAKASE，而係食set～刺身盛合，一次有3款刺身，最好食係toro，魚油香，有口感西京燒銀雪魚，師傅係面前燒，再加埋甜甜的醬汁，上菜時仍然熱辣辣，啖啖肉天婦羅飯，有齊蝦、青椒、南瓜，醬汁另上，炸漿薄，同樣地夠熱辣辣，即使點上醬汁都唔會淋晒～另外仲有幾串串燒，燒雞腎、燒雞心同黑豚串，雞腎爽口；雞心口感RICH；黑豚串半肥瘦。甜品有芒果cheesecake，食落感覺smooth~特別推介呢度嘅蘋果汁，唔好以為同一般蘋果汁一樣，呢隻會輕微食到有少少蘋果蓉口感！

今日突然之間早放工，又有少少肚餓，我同事就帶咗我去九龍城食串燒👏🏻👏🏻入到黎餐廳環境很舒適，原來佢仲有happy hour Set,啱晒依家嘅我👏🏻👏🏻👏🏻👏🏻Happy hour set 可以選擇五款不同串燒，我選擇了明太子雞翼，五花腩，柚子豚肉腸，茄子和日本番薯。食材很新鮮，而且日式串燒方法，味道十分不錯。還有一杯清甜嘅蘋果汁，不錯的享受👍🏻價錢也只是$200左右，也不算太貴，下次會嚟試一試晚餐，有很多不同日本直送海鮮👏🏻👏🏻十分吸引😋😋

這是一間位於九龍城，蠻新的一橦式三層日式食店。今日和朋友試了這裏的日式happy hour set，串燒可選三款肉，兩款菜，和一杯飲料（可選清酒紅白酒或果汁），份量對happy hour 來說絕對適合，吃完不會太飽，還可留肚吃晚餐。我和朋友分別點了兩款雞翼，一款是明太子雞翼，令一款是日本阿波美雞翼，店員解釋這是俗稱我們香港人所講的走地雞，絕無激素，肉質也夠爽口。我卻是幾欣賞他的調味，很有風味，而且燒得恰到好處。當然其他的串燒，師傅的功夫也很到位，是一間高尚的日本餐廳，下次有機會也會試試樓上2樓的鐵板燒，或3樓的刺身壽司。

相信用九龍城嘅瑰寶嚟嘅形容三和敘一啲都唔過分! 我自小就喺九龍城返學,經常會喺九龍城覓食😂😂今日趁早左收工就同左媽咪過嚟試新野,餐廳樓高五層,每一層都有着唔同嘅主題,每一層嘅氣氛都唔一樣,感覺casual又有點貴氣!由於時間尚早,我哋就揀咗一個late lunch & Happy hour嘅套餐!先來嘅係一份刺身,睇色澤就知道刺身係好新鮮, 我本人呢麻麻哋食拖羅,但係佢嘅肥湯我見到佢嘅問你非常細緻,入口夠順滑,徹底改變左我對陀螺嘅印象!跟住嚟嘅係一份和牛鐵板燒,和牛裡面包着葱, 而且碟嘅四邊都有唔同嘅伴碟,淨係睇個presentation已經非常impressive! 跟住仲有一個黑毛豬滑蛋飯,呢個相對地有驚喜,黑毛豬有種彈牙嘅感覺,配合埋半熟嘅滑蛋,正! 不得不提嘅係,我好欣賞佢嘅面試湯係非常之熱辣辣嘅! 至於串燒呢,我哋揀咗餐廳必點嘅阿波美雞翼,對於雞翼咪嘅我，雞翼燒得外脆內嫩，保留住肉汁,另外仲有啲蔬菜類,串燒基本上唔需要額外嘅調味,我哋揀咗日本番薯,師傅嘅烹調方法好特別,食到嗰種外面脆裏面軟嘅感覺! 整體來講我對餐廳嘅印象非常之好,而且店員嘅服務態度值得一讚!

成日行過經過見到一座5層高的日本料理店，睇落幾高級。外面是現代化既建築，內裡是日式古樸裝潢。叫左兩個Weekend Late Lunch Set $498/位，包刺身、兩款主菜、甜品及飲品。【季節刺身盛合】由淡食到濃先食左邊先，吾系好記得叫咩，口感軟淋，味道清淡，吾太岩我。之後食右邊既深海池魚，晶瑩到好清晰既魚紋，油而不膩，質感爽脆。最後中間既赤身拖羅，系背腹不含油脂的部位，肥美厚切，含脂量少關係食落肉質實又有咬口。大拖羅系呑拿魚腩位置，佈滿精緻的花紋, 口感入口即化，鮮味而帶魚油香，系刺身中既極品！【龍蝦鐵板燒】一條龍蝦剝好哂殼又切粒，彈牙又鮮甜，有D沙律伴碟。【牛鐵板薄燒】好精緻既造型！用左佐賀m5牛肉片包炸蒜同蔥花，食落比較油。【炭燒鰻魚飯】表面造成皮脆效果，無焦燶澀味卻有碳香，鰻魚嫩清無骨。【鐵板和牛炒飯】紫洋蔥 、青蔥、紅蘿蔔粒、 蛋及牛脂，吾系好食到牛肉，不過就好香牛油脂香。【吉烈黑毛豬扒蛋飯】黑毛豬扒上曬上蛋漿，令到豬扒同飯柔軟，黑毛豬扒結實，不過喜歡脆卜卜香口既口感多D。【甜品】濃厚既芒果味，味香清新。

6月。一年之半是時候邊吃邊回顧與展望選了我留意很久的日式料理三和敘有與朋友歡聚之意的確，這地令人很有驚喜爐端燒、和式及鐵板燒分別在五層樓建築餐廳由外而內也做到一絲不苟每個細節和服務也細心三和敘明白師傅與客人互動的重要全店坐位不多每位食客也能與師傅溝通食材屬貴精不貴多店內自設魚缸及空運海鮮當然不乏稀有食材想吃得精明又要慢活不仿週末到這裡嚐它的late lunch一次過吃到三層的推薦食材第一度先由刺身師傅出場四點刺身 赤貝、中拖羅、右口魚、深池魚魚生鮮甜 頭盤已經令人開胃第二度菜由鐵板燒師傅表演燒南非原隻龍蝦及美國安格斯薄燒牛扒兩款也令人驚喜龍蝦爽甜彈牙 蒜蓉牛油鐵板燒非常香口沒有多餘調味味蕾直接感受到原鮮味第三度菜是和食炭燒鰻魚飯及稻庭冷烏冬邊看爐端燒師傅功架已經值回票價Menu最特別是無限添飲清酒紅酒日本蘋果汁坐著聊著大半天此刻只是不過五百我肯定地說龍蝦一份也要過千元這個價錢實在很貼地餐廳說這個只是特別推廣我要短時間再來一次讓自己享受一下#三和叙#爐端燒#和食#鐵板燒

星期六約咗友人喺九龍城食lunch，行到福佬村道見到間門面好靚嘅日本餐廳。原來呢度有Weekend Late Lunch set，見menu啲嘢食幾吸引就決定豪食一餐。先點咗杯紅酒嘆下，口感較溫和易入口。季節刺身盛合有四種共六件。左口魚裙邊 - 口感爽脆赤身拖羅 - 肉質較實大拖羅 - 油脂感重，好肥美深海池魚腩 - 味道鮮甜爽口主菜我揀咗龍蝦鐵板燒，龍蝦雖然唔係好大隻但啲肉都幾多，肉質彈牙味道好鮮甜，配上切片白蘑菇一齊食好好味。伴隨嘅沙律菜好清新。友人揀咗和牛鐵板薄燒，和牛包住香蔥等配料一齊食減輕油膩感，同埋烤麵包一齊食好惹味。飯麵類我揀了天婦羅飯套餐，即叫即炸熱辣辣，炸粉好薄好脆，中間食物炸得啱啱好。友人揀咗迷你飯麵兩種，分別係炭燒鰻魚飯同野菜稻庭鳥冬。燒鰻魚係師傅即刻燒，味道好香，魚肉嫩滑。野菜稻庭鳥冬味道清新最後嘅甜品係芒果芝士蛋糕，入口綿滑，芒果味好濃，超好味！舒適環境，食材新鮮，服務真誠，用心製作，小酌一杯，享受人生，與友一叙，優越餐廳。

路經九龍城，發現一間門面裝修比較新既餐廳，睇下，原來係一間日本菜。三和敘係一間高級鐵板燒餐廳，全棟三層，樓上係包廂。我地就坐左係地下鐵板燒附近，但過程同食完都無油煙味道。Early dinner 未太餓，所以就同朋友叫左個 happy hour set再加散叫。串燒燒得剛好，可以食到材料的原汁原味，因為日本食材夠新鮮，所以唔需要太多的調味。某些新鮮蔬菜食材放左係鐵板枱上。另外選了日本番薯，但因為太好食，我地再散叫，燒得外脆內軟，太吸引趁熱食曬無影相。呢度有日本餐廳的細心服務，會幫客人將串燒拆出黎。另外散叫的茶碗蒸同燒飯團。餐廳食物值得推薦，happy hour除左酒，食物都好重要，除左平時既西式snacks, 可以試下三和叙既日式串燒。

平時去九龍城，通常食泰國菜。今日去的是一幢樓高5層，其中3層提供不同的菜式，包括爐端燒、刺身壽司及鐵板燒。要了個late lunch 套餐，套餐有無限添飲的飲料、刺身、主食、飯麵及甜品。刺身有間白，中拖羅，大拖羅，海膽，新鮮肉厚，最愛海膽。主食分別要了龍蝦和牛肉鐵板燒，龍蝦肉爽口，牛肉多汁。其中一個要了迷你鰻魚飯和迷你冷烏冬，比較喜歡吃鰻魚飯，用珍珠米配特製鰻魚汁。另外一個要了吉列豬扒飯，十分香脆，配上漬物及味噌湯。最後還有自製蛋糕， 非常美味而且滿意的一餐，亦很欣賞店員的服務。

We came all the way to Kowloon city for this yummy late lunch set! This set provides a range of option which was in reasonable price and tasty 😋 the set will definitely make you holding your belly out the door. Let’s start with the starter - fresh sashimi was served; several pieces for each fish was provided. It was a great start for the meal. After that, we were served with a main dish each - we picked the fish marinated in miso and beef which tasted fabulous! Juicy and thin layer of fat coveri

臨近黃昏5點幾覺得好餓，男胖子見我等唔到食晚飯，就提議不如試下呢間嘅late lunch,5點半就last order, 我地就快手落埋單。個set 大致上有刺身，一個小食同一個main course 咁，仲有飲品任飲同甜品，要成$498一個人，實在係有啲奢侈，但偶爾都要被人寵壞一下。日本產蘋果汁好解渴，蘋果味好香，唔太甜，酸度亦剛好。刺身一睇啲色澤就覺得係上等貨色有深海池魚，呈半透明，唔腥而且鮮味十足！赤貝好爽口！最唔捨得食就係肥拖羅，睇下啲紋理幾細緻，入口好順滑，一咬即融。龍蝦肉份量都唔少，炒得好濃郁惹味，肉質爽彈。呢個和牛入面有蔥油，牛味重，點旁邊嘅淡雪鹽食都幾特別。炭燒鰻魚飯同野菜稻庭烏冬相對普通左啲，但啲飯粒均勻沾鰻魚汁，加分。吉列黑毛豬扒蛋飯，呢個好驚喜，蛋呈半熟狀態黐住啲黑毛豬扒，好吸引，味道好好味！豬味好香，可惜男胖子只係留返一舊同堆飯比我，想喊甜品就有雪糕，分別係清香柚子味同令人想醉嘅威士忌味。食完之後上左樓上參觀。

九龍城真係尋寶地, 食肆林立而且質素奇高今次食既係一間集串燒同刺身於一身既日式餐廳 ---- 三和叙店舖裝修一流, 格調高雅我地揀左個下午茶餐, late lunch set揀左個吧枱位, 可以一邊睇一邊食先黎飲品, 我揀左100%日本蘋果汁, 好香好甜, 唔係市面個種加左糖既果汁朋友揀左真澄清酒, 易入口, 唔錯先黎個前菜 ---- 季節刺身盛合刺身最重要係新鮮, 魚肉鮮甜, 特別係左邊白色個種, 有果香, 好味再黎係天婦羅飯同湯, 材料雖然唔算特別, 但水準不錯鐵板龍蝦燒上碟時已剝殼,  蝦糕不少, 食落肉爽, 香甜炭燒鰻魚飯, 鐵板和牛炒飯鰻魚燒得好好食, 夠juice, 唔乾身和牛雖然切左粒, 但牛肉味依然好濃, 用黎炒飯都幾唔錯和牛鐵板薄燒配有三款配料, 有麵豉, 炸蒜片, 仲有一樣唔記得咩黎, 但都係用黎配牛肉食, 令味道層次同口感更豐富最後係甜品, 竟然係西式既士多啤梨芝士蛋糕, 細問之下, 原來係餐廳既鐵板師傅自家既出品蛋糕酸酸甜甜, 味道一試難忘無論環境定食物都可以令你享受一日, 一定會返食, 讚

上個周六係1點先起到身，就同呀媽去左九龍城搵下有咩食，原來福佬村道開左間新野，仲要有Weekend late lunch兩點開始到六點個餐牌都好吸引，又有刺身又有鐵板燒，最正係飲品任飲！！！！！！！而且仲有清酒，真係飲多兩三杯都回到本Waiter service都好好，會每道菜式介紹返季節刺身盛合 - 有薄切魚、油甘魚、赤身同拖羅，每一樣都非常鮮味，赤身係一D筋都無，魚味超濃，高質龍蝦鐵板燒 - 跟住黎左個最期待菜式，應該有用返龍蝦膏炒香，鮮嫩彈牙無得彈，極快就清哂和牛鐵板燒 - 薄切和牛再包住蔥粒，減輕油膩感又能增加香氣，比較特別嘅係佢仲配搭左唔同GE配料，有海鹽吊味，另外再有麵豉薏米同醃漬海帶，好有心思自選三和叙特製迷你飯麵二種炭燒鰻魚飯 - 每粒飯粒都經過調味，鰻魚都算燒得香，個面再脆身D會更正野菜稻庭烏冬 - 其實已經食到飽飽地，呢個清清地好岩數天婦羅飯套餐 - 呀媽要左呢個，佢話炸蝦爽脆新鮮，仲有茄子、蕃薯同粟米仔，唔會油膩日本產蘋果汁 - 好似青森個隻蘋果汁味～nice真澄清酒 - 以為係差野，點知入口好順口，總共飲左三杯，好滿足總括而言，呢個價錢有咁多樣野食，仲要樣樣都唔

呢排好想去飲杯清酒食下爐端燒，又聽見九龍城新開三層樓高日本料理店，近近地即刻約朋友去試。一坐低咁岩見到happy hour menu覺得幾抵，一杯酒再加五份串燒，可以揀3款肉2款菜，只限17:30-19:30，時間剛剛好仲有得食😂，正。剛點完菜就送上左一杯真澄清酒，仲用左紅酒杯凍上。食物方面首先揀左日本黑豚肉五花腩串，燒得好有鹹香肉味，肥膏都燒得好香脆。之後就有雞肝，質感有啲似豬潤，鐘意食內臟既朋友可以一試。而明太子雞翼燒得外皮香脆，咬入口感覺幾豐富，因為入面係填滿左明太子，同雞翼既油香融入，一隻真係唔多夠喉。蔬菜再揀埋燒茄子同埋日本蕃薯，茄子食落去味道較淡，不過口感幾特別，唔似川式港式燒得好稔，硬身少少。日本蕃薯就非常出色，用料感覺唔同，問左一問主廚原來係用愛知縣既蕃薯。師傅功架非常好，燒到外脆內軟，味道又甜又比其他蕃薯多一股奶香味。最後忍唔住都encore左呢份日本蕃薯！除左呢個happy hour set，我地都再額外點左是日廚師推介，價值$160既汁燒飛驒和牛肋一串。Menu都寫左係日本直送食材，黎到之後都冇令我地失望，牛味好香好重，肉質又稔，齒頰留香真係冇誇張。雖然真係唔平，