三和敘

營業中

休息中

隱世大和美食三和叙---米白色的牆身及和風格調濃罩著整間小店，給人很自在及舒服感，腦海中馬上浮現東京後巷那些居酒屋之畫面，日本男人不願提早歸家，寧願和朋友暢飲一番及吃吃爐端燒才回家！跟新相識做自由工作者Harriet在三和叙會面，大談自由工作者之路如何艱辛及彼此初心，喜歡自然用心去做，跟這間日本小店，相信厨師就是喜歡日本美食，才用心製作每一道菜……叫了以下款色:1.炸白蝦仔: 先來前菜，炸白蝦仔，白蝦仔也有5至6 cm長，炸至金黃，入口奇脆無比，惟獨欠日本酒，作為前菜，它以亮麗姿態呈現，十分稱職地打開我的胃部，迎接下一道菜。2.日本阿波美鷄翼: 用炭燒出來的鷄翼，味覺馬上敏感起來，味蕾也擴張不同味覺區域，一口咬上鷄翼的中部，鷄味十分濃，肉汁也蠢蠢慾動地滲出，鷄皮脆肉又嫩，真的想從Harriort 手上搶奪另一隻鷄翼，貪心乃是人性一種，貪心衹因渴求吧！3.美國安格斯薄燒: 安格斯牛懶洋洋地睡在軟多士上，身上超薄的肉衫反覆摺上幾摺，分成四塊親密地背對背靠著，用筷子夾上，已感覺到牛身之薄及肉脂分佈何其均勻，油脂在口中揮發出來，口感十足，令人一試難忘，回不了頭。3.西京味噌燒銀鱈魚: 如手掌般

朋友帶我去佢屋企附近呢間爐端燒, 話食材好新鮮, 而且位置寬敞, 係敍舊嘅好地方一入門先知原來佢有成三層, 我哋食嘅係最底層嘅爐端燒, 地方乾淨整潔, 俾人一種好舒適嘅感覺朋友介紹呢道燒牛蒡, 牛蒡茶就聽得多, 呢個食法真係第一次, 出奇地好食, 感覺有啲似食緊薯條, 加上少量鹽粒, 好香口😍味噌燒銀雪魚肉嫩多汁, 我通常用嚟形容牛扒, 但呢道魚真係好唔同, 烤都可以烤得咁juicy, 的確抵讚👍🏻和牛鐵板薄燒呢道係我最鍾意, 薄燒和牛包住蔥蒜, 和牛入口即溶, 加上蔥蒜味道豐富, 仲有伴碟嘅香脆蒜片簡直有點晴嘅效果😍阿波美雞翼燒得剛剛好, 表皮香脆, 入面香嫩多汁烤日本粟米好新鮮香甜多汁😋和牛炒飯和牛份量多, 油香四溢😋

返工之後，食變成我最大嘅樂趣，每一放工後都會踏上尋找美食之旅，希望從美食中彌補工作嘅空洞。由於工作地點喺九龍，所以呢排更多發掘九龍嘅餐廳。今次就去左九龍城嘅三和叙。餐廳總共有三層，每層屬於唔同款式嘅食物，由下而上分別為爐端燒、鐵板燒同壽司。餐廳有吧枱位同卡位，坐係吧枱位嘅我哋面前放滿各種新鮮食材，另外亦見到師傅嘅英姿。我地總共叫咗七款食物，首先出場嘅係炸白蝦仔。炸白蝦仔本身味道夠鹹，炸完之後更加香脆，飲酒嘅時候一定要配呢個炸白蝦仔。西京味噌燒銀鱈魚肉質好滑嫩，除咗沙律醬，銀鱈魚上面仲有一條好似蔥既幼薑，配搭相當新穎。鐵板燒菜盤入面有秋葵、南瓜、番薯、茄子、菇同青椒。茄子切成扇型非常精緻，至於秋葵、青椒亦係大愛。和牛串係我今餐最期待嘅食物。外皮微焦，可以見到和牛呈鮮紅色，肉汁豐盛，入口即化既肉質更加非同凡響，旁邊既小食味道酸酸甜甜，可以解膩。日式阿波尾雞翼肉質嫩滑，帶有淡淡雞肉味，不過唔係太多肉，比較瘦。比起雞軟骨，雞胸軟骨應該係第一次食。兩者口感同樣爽脆，不過軟骨更大，旁邊既肉更多。上面嘅菜式都係串燒或者小食，感覺冇咁飽肚，所以最後叫左黑毛豬滑蛋飯。黑毛豬幾厚身而且多汁，滑蛋同洋蔥送飯

今日同朋友去九龍城買蛋糕，喺福佬村道經過見到一整幢嘅日式料理，先醒起之前响社交媒體見過有關三和叙嘅報導。咁近城煌廟就梗係要入去求支籤啦，反正都黎咗，朋友又唔介意食埋飯先走，於是就入去喇。三和叙原來都分左幾層有爐端燒、刺身、和食、鐵板燒。因為我朋友唔食生野，所以我地點咗啲爐端燒同和食。炸白蝦仔：好脆口，白蝦仔蝦味都幾濃，好好食，如果飲酒嘅話，叫依個邊食邊飲邊傾計，一流👍🏻黑豚肉蒲燒：薄切黑豚肉卷住薑蔥燒香，豚肉又唔會燒到老哂，鮮嫩兼juice。伴碟有金山寺味噌同昆布鹽。黑豚肉薄燒點昆布鹽食就令其鮮味提升；點金山寺味噌就令黑豚肉蒲燒甜味提升，完全係兩個口味黎。不過唔好兩樣都同時點，我試左係會中和返嫁😅日式阿波尾雞翼：用備長炭即燒，時間控制得好好，熟之餘食落有肉汁，皮脆肉嫩。西京味噌燒銀鱈魚：魚肉好滑，魚嘅醬汁甜甜的，完全唔需要點沙律醬。北海道爽甜粟米：日本粟米本身已經比較香甜，燒起上黎就更加好食。師傅好細心，燒好後將粟米破開，夾起上黎方便好多。野菜烏冬：湯好清甜，烏冬唔同出面超市/凍肉鋪買果啲真打稻庭烏冬，不論味道同口感都一流。最後食埋甜品，士多啤梨雪糕同柚子雪芭。士多啤梨雪糕好香同好滑，

去旅行前同姑拉食飯黎左九龍城三和敍，原來一橦3層都係三和敍，有分爐端燒，鐵板燒，壽司刺身Omakase我地叫左龍蝦鐵板燒，和牛鐵板薄燒有包1杯飲品，2款迷你飯麵或天婦羅套餐或吉列黑毛豬扒套餐，我地叫左迷你鰻魚飯，迷你和牛炒飯，吉列黑毛豬扒飯套餐，叫完先發覺叫得太多飯姑拉又減緊肥。。。最後都係我包底。2個餐有包刺身，有魚薄切，深海池魚，赤身，炙燒Toro， 每款刺身都好有光澤同新鮮龍蝦鐵板燒用左本地龍蝦，肉鮮甜彈牙，正，仲用左龍蝦膏整既汁鮮上加鮮又香濃和牛鐵板薄燒係A4佐賀和牛，肉質嫩滑加埋蔥花好香口，亦唔會肥膩，之前係第二到食過A5和牛就太油膩，所以A4係剛剛好。和牛炒飯炒得乾身粒粒分明，一黎到就有陣牛油香味，仲有d煎香左既和牛粒粒，好好味又充滿牛油香雞蛋香同蔥香。鰻魚飯既鰻魚都燒得好香個鰻魚汁唔會死甜滑蛋吉列豬扒飯，豬扒厚身唔會乾柴，都好食，估唔到飯類都好味。最後食埋個豆腐芝士蛋糕，幾濃郁豆味，係個汁酸左少少，夾埋一齊食就可以中和番。仲見到有魚缸養住龍蝦，鮑魚，蠔等海鮮，可想而知海鮮類新鮮個厠所仲好夠大，亦貼心提供埋牙線，至簽等。環境乾淨整潔，日式裝修設計，睇得出花左好多心思。侍應

前嗰排諗住幫個老友搞個生日飯，記得佢話佢好鍾意食日本野，咁就梗係落足力幫佢搵返間有份量嘅日本料理餐廳慶祝啦！知道九龍城有間日式料理好評幾多，餐廳嘅服務同埋環境氣氛都好好，咁就梗係帶埋我個老友試下佢啲嘢食啦！🥰首先嗌左日式阿波美雞翼，師傅係即時喺我哋面前用長備炭燒，燒得好均勻，好香！因為佢用咗海鹽醃製過，更加入味👍🏻再嗌左個日本鮮蕃茄炭燒作為前菜之一，蕃茄好新鮮，微焦再加上昆布汁，好開胃！之後再嗌左西京味噌燒銀鱈魚🐟，食落去好新鮮，冇腥味，配合埋甜甜嘅醬汁同沙律醬，更帶岀銀鱈魚嘅味道，正！然後再嗌左個炸白蝦仔，好脆好好食，又唔會話太鹹，食完之後更加開胃！在嗌咗個黑豚肉蒲燒，入邊仲有啲蔥同埋薑，之後再用薄豚肉捲着再燒，豚肉超嫩口，可以再點埋側邊啲海鹽，真係好好食！最後就叫咗個雜菜蕎麥面，面唔會話太硬太軟，口感好好！😍我最滿意佢呢度嘅環境之餘，依度嘅服務態度都好好，所以有機會一定會再過嚟！

原來除咗自己男朋友之外連媽咪都咁鍾意食日本野今日佢同我同阿姨三個人去咗九龍城一間叫三和敍既日本料理店到食晚飯咁我哋就坐喺最下面果一層我相信應該係鐵板燒我聽佢哋介紹其實樓上都仲有兩三層係食爐端燒同壽司咁我哋首先嗌咗一個炸蝦嘅小食同埋幾串串燒炸蝦好香脆阿姨話佢應該係用新鮮日本既細蝦炸成用黎送sake 都好岩之後要咗日本黑毛豬雞腎日本A5和牛串 仲有雞翼黑毛豬既油脂分布好靚而且佢燒得好香上面沈左黑椒鹽另外日本嘅和牛入口即溶油脂嘅味好香落左小小鹽都已經好好食雞腎口感好好 質感好高級另外兩隻雞翼 份量好大隻佢上面用左一d 特別既調味料處理過正之後就一個鐵板燒菜盤入面有番薯茄子蘆筍蘑菇秋葵同南瓜咁估唔到佢地用黎燒都幾好食甜甜地 而且擺盤好細緻之後就有一個燒雞串佢既汁係甜甜地肉質鮮嫩另外呢一個係新鮮燒鯖魚佢旁邊配左啲蘿蔔蓉同埋檸檬俾我哋加強佢嘅鮮味而且魚嘅質地非常新鮮 燒到外皮脆脆地另外我哋見唔係好夠飽就要左兩個和式吉列豬扒蛋飯佢將一啲洋蔥好細心咁處理好之後鋪左係豬扒嘅底部依家上面再淋滑蛋配合埋珍珠米 真係好暖胃又好食而且佢哋嘅服務都好好 每樣嘅菜式都有細心介紹

三和叙。“三”代表3種唔同嘅和食。地下嗰層係爐端燒， 二樓係鐵板燒，三樓係刺身壽司。表妹在fb的短片，就是介紹這日本料理😎😎。最近都是睇表妹的fb，作為飲食指南😚😚😚餐廳最擅長嘅就係，善用各種新鮮當造食材， 為客人烹調各種料理。雖然不是星期六日， 但我們來到的時候 ， 已有不少客人。 剛進店舖已被爐端燒的香味吸引， 所以決定由這裏開始品嚐它們的料理。店員們都很熱情，會主動和我們溝通， 最後我哋決定交畀佢哋發板。店員幫我哋安排咗以下呢幾樣嘢食 ：北海道白粟米， 日本野菜沙拉🥗， 炭燒和牛胸腹🐂， 炸日本赤雞🐥， 北海道石垣貝， 稻庭烏冬🍜。食材新鮮日本直送✨✨✨北海道白粟米🎐8-9月期間限定白粟米爽口清甜多汁味道清甜有點像甘蔗日本野菜沙拉野菜十分新鮮配日式柚子醬油沙拉汁， 酸酸甜甜清爽開胃。😋😋燒日本和牛胸腹😍😍高溫炭烤的和牛胸腹， 外層肉味香濃， 裏面充滿肉汁。 而且油花均勻細緻， 肉質軟嫩。 烤至半熟的和牛胸腹 配上 鮮青芥辣根醬， 簡直就係完美嘅配搭💜北海道 石垣貝8月期間限定石垣貝鮮嫩爽口🎐， 配上新鮮青更加美味😍炸日本赤雞🐥外皮炸至金黃酥脆，內裏仍然保持肉汁， 雞肉嫩滑彈牙。

今次上左二樓系第二種格調，選用米白色調，每層都有兩個廚師座鎮，可以睇到佢地刀功。【蟹肉忌廉薯餅】外層麵包糠炸到勁酥脆，內裡一絲絲既蟹肉粒粒既紫洋蔥，幾有口感且吾覺油，內外都有cream，食多會膩，兩個人share就剛好。【鐵板燒雜菜】三款蔬菜，有茄子、秋葵、南瓜，燒到醬油勁香但又冇搶味。【雞胸軟骨串燒】有肉有軟骨，吾系出面果種細細粒無乜肉果種，口感好脆。【鐵板雞扒】鐵板高溫將雞皮煎壓到好似薯片甘脆，雞扒都幾juicy，調味吾多味道純粹。【爐端燒】整出嚟後拌埋生雞蛋同醬油一齊食。【鐵板鹿茸島豚肉】初頭以為上錯左，睇落勁似牛，裡面仲係呈少粉粉紅色。最後食埋烏冬麵就岩岩好，湯底清清地幾好飲，甜左少少，牛肉得兩三片，好夠肉味。

燒日本鮮蕃茄配昆布汁：好開胃的前菜。蕃茄新鮮、清香 、微焦配上昆布汁，風味絕佳。明太子油揚：日本豆卜，有如蜂巢豆腐的口感，但更有豆味及彈性。食落唔油膩，配上香口的明太子醬，味道更上一層樓。食完濃味野當然要食埋個茄子漬物，飲啖茶，清清口腔，準備下道菜啦。燒海膽地甲：貝類十分新鮮，配上海膽，兩者結合將味道昇華、湯汁係精華為在，當然不能錯過啦。高水準之作，必定要試試。燒豚肉露荀：食材新鮮有豬肉味，味道匹配，中和油膩感。薄燒安格斯牛肉：燒安格斯薄片包住燒蒜粒，味道濃厚，頗有口感。可在碟自行點配海帶乾、面豉醬及海鹽，不同配搭帶黎不同的味道，任君選擇。自己就比較喜歡配上海帶乾，味道好夾。喜歡食濃味香口野既你，一定要試試。野菜稻庭烏冬(熱)：烏冬口感細滑，湯底清而不淡大口大口咁食先至過癮。總結：餐廳環境舒適寧靜，乾淨企理。侍應服務周到，主動換碟同加茶。餐廳標榜是日食材每日空運到港，用料上剩，一食便知龍與鳳。燒海膽地甲及薄燒安格斯 十分出色，令人驚喜。下次路經九龍城，不妨試試。

到過三次，頭兩次和朋友同事去，在地下一層的爐端燒，串燒款式多，食物質素很好，另外單點了一客炸豚肉飯，同樣是高質素，十分美味滿意！今次第三次，到二樓的鐵板燒光顧，純粹是星期五放工悶悶地的新嚐試，自在獨享，感覺治癒！欣賞這餐廳的待客之道一流，包括食物質素、廚師技巧和服務態度套餐組合包括了龍蝦、魚及和牛，整個烹調的過程在你面前進行，簡直賞心悅目！餐飲配搭了自選的梅酒和紅酒，當天光顧時人數不多，環境清靜。龍蝦很新鮮，配上薄薄的燒蘑菇，清新可口；燒魚配搭着特別的配菜和松露醬進食，創新美味；和牛即燒即食，配合你進食進度奉上，確保了一流的口味！

老公話次次七夕情人節成日去港島食不如今日就近近哋喺九龍城食嘢💜❤️嚟到呢一間新餐廳 樓高五層😍低層係爐端燒 2層係鐵板燒 第三層係食壽司仲有兩層係vip本身想食鐵板燒但係full左😭成棟餐廳都有好強烈嘅日本古風🤩🤩裝飾設計全部都超日系華麗派🎀🎀真心打卡都打到手軟🙈於是我哋食咗爐端燒😌.💟阿波尾雞翼師傅即時喺你面前用長備炭燒超香！ 用海鹽醃過 好入味💟三和敘自家製雞肉丸配生蛋啲雞肉燒得啱啱好 又滑又彈牙點埋燒汁配生雞蛋 超好味🥺💟蟹味噌沙律用蠟燭燒住個味噌畀你點沙律🥗可惜蟹味噌太濃味💟炸忌廉蟹肉薯餅呢個絕對100分 入口又脆又香完全冇油益味 唔覺油膩👍切開睇勁多蟹肉薯蓉🦀🦀濃烈嘅忌廉香 又creamy 超滿足😋💟黑豚肉薄燒入面有啲蔥同薑🥬用薄豚肉捲住再燒 豚肉好嫩微微燒燶 點昆布 甚至海鹽 都好好食不過個人覺得食原味薑蔥味最好食☺️💟雜菜稻庭烏冬烏冬爽口彈牙 個湯都好甜不過雜菜唔算好多 比較清淡💟燒日本粟米 落咗牛油加長備炭燒燒到燶燶哋加上本身好甜好甜 真心好味😳.🎀三和叙Sanwa Jo🎀九龍城福佬村道46號地下

九龍城三和敘，佔地三層，分別食爐端燒、鐵板燒及壽司，平日19:30前有Happy Hour Set，有5串串燒（3肉2菜）加飲品，$198/位。飲品揀左蘋果汁，日本直送。日本阿波美雞翼及辣明太子雞翼：雞翼燒得恰到好處，左邊的明太子雞翼已經起骨，啖啖肉！柚子豚肉腸：豬肉腸帶柚子味，感覺清新。雞肝：半熟雞肝才是皇道！日本黑豚肉五花腩串：半肥瘦腩肉燒出油脂，非常香口。雞腎：檯面上的串燒用叉，令我可以輕鬆將食物取出，非常方便！雞腎好爽口！有機冬菇串：juicy有水分！日本蕃薯：加了牛油燒，更香甜！日本青椒仔串：微辣好味！銀杏串：去日本食串燒必食的項目，呢度都有質素！

這家餐廳樓高三層🏢，三層都分別有不同的主食供應。地面提供爐端燒🍢、二樓是鐵板燒🥘、而三樓就是供應魚生刺身🍣的，還有廚師發板料理。，另外兩層是party room VIP房形式經營設有最低消費，能坐10-15人不等。五層的裝修都很不一樣，但共通點都是座位比較寬敞，裝修簡約的。我們今次選擇了在地下的這一層吃爐端燒，運氣不錯 ，被安排了坐梳化座卡位，坐得挺舒服。這裏亦有吧檯，可以看著師父一邊燒一邊吃，又是另一種風味😉。這裏提供happy hour set， 包括三款肉類🥩、兩款蔬菜🥬和飲料🍺-可選sake, beer, white & red wine 或 juice，只需$198。我們點了兩個set，飲品要了啤酒和Sake。⭐️日本黑豚肉五花腩串 - 豚肉🐽肥瘦均勻，豬肉味香濃。脂肪經過燒烤之後，很脆，很香口。加上柚子醬，能去除豚肉上的油膩感。⭐️辣明太子雞翼 - 雞翼上枱的時候很豐滿，釀滿了很多明太子。雞翼燒到皮脆肉嫩，釀在雞翼入面的明太子亦經過精心挑選，鹹辣味剛好之餘，還散發出一種我們從來沒有嚐過的香味。⭐️柚子豚肉腸 - 這款豚肉腸的豬肉味🐷很香濃，腸本身還有少量黑椒鹽調味，還加上了柚子皮

喺三月食完老友請我食嗰餐生日飯之後，大家都忙到傻，一直都未有時間約出黎食飯見面……事隔三個月，到左呢個老友既生日月，咁岩我地兩個呢個星期日都放假，又點可以唔約佢出黎食飯慶祝呢xpp知道呢間日式料理只係開左大半年左右，但已經多次聽說餐廳既料理、服務同環境氣氛都相當好，所以呢日就約左老友黎呢度食返個late lunch;))) 我地訓醒出到黎到就三點，好彩呢度既weekend lunch set係去到5點半，所以一d都唔洗急；D呢度既weekend lunch set係HKd$498+10%一位，每人會有一份精選刺身、三選一既清主菜、自選定食同一份是日精選甜品，而飲品（清酒、紅酒、蘋果汁同汽水）仲係free flow 添啵！！！未食之先，飲返啖清甜冰涼既日本產蘋果汁先，之後就開始食我地既刺身啦~~白身魚薄薄切清鮮，點上酸汁，教人開胃，中拖羅固然肥美，而赤身同深海池魚亦鮮嫩高質！主菜方便我選了和牛鐵板薄燒，而老友就揀左龍蝦鐵板燒！兩份主菜同時上場，兩者賣相同樣吸引！試左舊朋友既龍蝦，實屬鮮味香濃，龍蝦肉塊既爽又彈，混合濃郁既龍蝦蝦膏既汁醬，仲要配上鮮磨菇薄片，整個味道配合得出色不已！！！雖然