七福神和食亭

營業中

休息中

哩間日本餐廳位於佐敦地鐵站附近，係佢開張嘅時候我已經想去食，但就一直都冇去食過今日朋友話想喺佐敦度食嘢，就即刻俾我諗番起哩間日本餐廳有心唔怕遲最後都試到😋😋😋同朋友兩個人原本打電話話book1900hrs，點知嗰侍應好無禮貌話，兩位我地唔接架！唯有walk in la!!!!!呢度比我想像中細，都幾窄吓喎枱同枱之間幾乎都容唔到一個人嘅身位我見我隔離枱不停俾人撞，撞到我都叫佢不如坐過啲我嗰邊打開Menu都幾多食物選擇，我呢啲蛋控就一定要嗌蛋卷食啦然後再嗌左個炸三文魚骨同埋三文魚鰭大蔥串燒雞，一干燒嗰蛋卷不錯，好滑，好有蛋味，熱辣辣係今晚最好食！！至於個炸三文魚骨就唔太好食，炸得over左，成份深啡色，見到都唔多想食至於個大蔥串燒雞勁一般，雞無雞味，反而好大浸雪藏味最後嗰一干燒就好失望，因為燒得好濕，同埋唔夠熱

本身我同阿媽都好鍾意食日本野/放題,就搵下有咩食,見呢間唔錯望到餐牌都幾ok就book左,2個人比左張卡位,好彩係卡位最後阿哥早放工join左我地7點時大概5成人,到7點半係坐滿!先要讚餐牌做得好出色,圖文並茂可以睇到野食係點,而且選擇非常多,刺身 沙律 壽司 手卷 小食 飯 麵 甜品,一定有野岩食,我同阿媽真係睇左20分餐牌先落單落單係自己寫單交比侍應,大部分食物都有號碼,方便又好玩炙五味壽司,特長三文魚腩,帶子,海膽,和牛壽司炙五味係燒過,好香特別好食,特長果然好長,抵食!海膽鮮甜份量都唔算少,反而和牛比較薄唔太食得出牛味軟殼蟹手卷會有2件,餡大件配上青瓜絲同wasabi沙律醬好match, 亦無咁油膩而海膽手卷亦算抵食,唔會得上面有海膽,食到一半亦有焗蠔,上面既醬同芝士唔會太咸搶左蠔既然鮮味,蠔大隻好鮮,無記錯$24! 正呢碟係2個串燒拼盤,除左菇比較咸,其他都燒到脆卜卜,亦唔會過火,小見雞心,有4大件魷魚鬚,今晚最鍾意!大概有7件,每件2~3條,份量非常多,炸得好酥脆,魷魚本身都易咬唔un呢個忘記左菜名,豆腐超滑外皮脆,配上芝士醬,鐵板上所以之後再食仍暖叫左2杯飲品,牛油果鮮奶

約了二位朋友吃飯，大家都選擇近地鐡站的，最近選擇最合適佐敦 “七福神”，今次店員給我們安排在房間內，都幾舒適、安靜！刺身牡丹蝦、三文魚、吞拿魚刺身 $123和牛刺身 $65新鮮甜美，一下子全都吃光了😁。壽司 🍣三個傻大姐太肚餓，點了多款壽司😋章紅魚壽司、三文魚腩壽司（特長）、芥末八爪魚壽司、海膽壽司、玻璃蝦壽司、鰻魚壽司特別喜歡玻璃蝦壽司蝦肉爽口彈牙！芝士鐵板燒豆腐香濃芝士味，加上細小蔥花、蟹子，更帶出香滑豆腐鮮甜。炸物🤗芝麻雞翼鐵板燒牛舌，以洋蔥作配料，非常惹味。酒精飲料🍻菊正宗（熱飲）朝日啤酒雪糕甜品綠茶雪糕紅豆雪糕 充滿食力、笑聲、滿足的一夜！😁😁😋

是日星期五，又係happy friday嘅時間喇，想食日本嘢但又唔想去放題，所以就決定黎半飯堂嘅"七福神和食亭"。由佐敦地鐵站行過去都只係需要幾分鐘，非常就腳方便，由於之前已經黎過幾次，所以唔駛點睇餐牌已經可以order。一行三人想食多d唔同嘢，所以主要都係叫小食，再另加一個飯。和風珍味拼盤 :三色日式前菜一向都係我嘅最愛，呢個拼盤真係岩晒我。拼盤份量都幾多，當中中華沙律食落好爽口，而螺肉辣辣地好開胃。士多啤梨煙三文魚果醋沙律 :沙律非常大盤，三個人share食就岩岩好，煙三文魚配上雜錦沙律菜及士多啤梨片，感覺好清新，沙律菜食落新鮮爽口，士多啤梨配上柚子味果醋及沙律醬食落酸酸甜甜，感覺舒服。關西風玉子燒 :一份有六件，微烤過嘅玉子燒入口微暖，口感鬆軟，味道甜甜地好重蛋味。六品刺身盛(合) :六款刺身分別係三文魚、鱆紅魚、吞拿魚、北寄貝、帶子及甘蝦，全部都厚切，每款都好新觧，當中三文魚入口鮮甜，帶子亦嫩滑。蝦天婦羅 :天婦羅即叫即炸，上檯時熱辣辣，炸蝦炸得鬆化，炸粉唔會太厚，賣相呈金黃色，非常吸引，蝦肉鮮嫩彈牙，唔會炸得太乾。滑蛋豬扒飯 :豬扒厚身大件，食落外脆內軟，肉質鬆化多汁，白飯配

同阿仔到佐敦道裕華國貨辦完年貨，晚飯時間自然到平靚正嘅"七福神和食亭"喇！若果唔係阿仔一定唔會陪我出來喇！上次同佢嚟過食到佢好回味！今晚我地點左以下最想食嘅刺身，四款都點曬，再加多隻活赤貝刺身$ 96/ 2本非常新鲜！油甘魚 / 4切 厚度適中入口甘香爽滑，活赤貝爽甜脆口彈牙！帶子刺身/ 6切 同甘蝦刺身件件都 閃閃令,入口鲜嫩甜美！食材質素真係一直都保持到水準！值得一讚！食完咁新鲜嘅刺身，阿仔最爱嘅司寿又上抬喇！赤貝寿司 $ 22/ 件 海膽寿司 $ 32 / 件三文鱼籽寿司 $ 36 / 件帶子寿司 $ 24 / 件嘩！好新鲜！啲飯軟熟微暧配上面層啲唔同嘅刺身鲜甜，爽，軟，滑，嫩，多種口感！極上特级和牛 $ 48 入口甘香肉味鲜甜，好味！最後食番啲熱嘢……九洲拉麵 $ 65個湯濃味，啲麵彈牙！面層嘅肉豚肉好淋好甘香，最後連湯都飲清光！就知幾好味呢~两母子都好享受！每次來都係食得咁開心！對哩度啲燒物都係咁欣賞，實在太飽！留番下次再食過！！

可能個標題會畀人感覺誇張左， 不過我可以 擔保真係唔好食， 首先講下佢個刺身好多嘢都唔新鮮， 之後有個玉子 還可以因為都熱辣辣， 之後惡夢就開始啦， 油淋淋嘅炸天婦羅軟殼蟹， 一個平凡過任食放題既 炸天婦羅蝦， 仲有一個連街邊檔都不如嘅魷魚鬚～～～ ，我覺得佢唯一優勝之處就係 地處交通方便， 人流多， 同埋好平，不過如果講到平嘅話有好多任食嘅放題都可以好平， 總言之一句我好少會食淨嘅但係今次我食淨 多過一半！ 雖然淨低一半但可能我覺得我嘅口味有問題 之後我就好環保地帶返屋企俾家人食， 好少地係不嬲唔揀飲擇食嘅媽咪都話畀我聽呢間好似唔係咁好食喎😑😑😏 足以證明我係冇問題嘅！

今日去左佐敦食「七福神和食亭」食知日式lunch! 心午有lunch set食係抵食！叫左「極上魚生丼」同「刺身定食」，仲可以自選1款小食，試左清酒蜆，也不錯！極上魚生丼有好多款不同的魚生，三文魚，吞拿魚，帶子等等，仲加左$5轉左牡丹蝦，都幾好食，心心眼！飯係有埋醋既酸味，好正！另order左個$68既串燒5品盛盒，包左5款不同既串燒，有冬菇，雞翼，雞軟骨！超抵食，呢個大推！ 壽司都食左幾款，最特別係個$50 炙和牛壽司，入口即溶！有點略貴但物超所值！最後叫知甜品食下先「椰子雪葩」用真椰子殻上，好少女，椰子味濃！完美既一餐！

餐廳位置方便，約朋友一大班一齊食，唔怕伯搵唔到，同埋環境設計幾有日本風，果日7點入座，全場座位爆滿，呢間餐廳都幾受歡迎Menu 選擇多，影唔晒，大家到時可以坐低慢慢揀，我叫左佢個牛舌、同咖喱白飯！叫左個清酒煮蜆，上到黎唔會太熱，幾清甜，易入口，清酒味唔會搶左蜆味。係一兩隻有少少沙，呢D不能避免架啦，但整體係好食再黎係個咖喱形珠白飯，料好足，咖喱好香，唔會辣，做得幾日式風味，上面仲有飯素，食完會想再食，前提個飯真係珍珠米！跟住我地叫左個壽司拼盤24件，份量足，壽司整體都新鮮，最鐘意個花之戀！再上左個牛舌，唔會軔，做得出色，貼近日本餐廳質素，幾嫩口，個醬甜甜地最後，叫左個波蘿雪葩，唔會雪到好硬，都易(筆)到出黎，係香港好少餐廳有！終於食到，波蘿味十足，好fresh

同阿媽去辦年貨經過呢邊 見到呢間樓上日本菜係網上有好多人推薦 咁就順便入黎坐下食個lunchMenu單單係lunch set就已經有廿幾款既選擇 去到係lunch time既尾水 除左餐廳自己hold起左既幾個卡位之外 其他都full晒蒲燒鰻魚飯定食 ($56)鰻魚飯用日式便當盒上枱 賣相都唔差 味道唔錯 咁既價錢都預左鰻魚唔會有太大塊 不過有咁多蔥花灑係上面就真係比較少見飯就係普通米薄薄一層鋪係底 以lunch黎講份量就比較少壽司定食 ($68)壽司都幾新鮮 定食有8舊 都算抵食 甜蝦食落好鮮甜 帶子食落就欠缺口感 感覺唔太新鮮單件既鰻魚壽司比起鰻魚飯上面既就更加好食 可能因為配左舊醋飯既關係啦蝦多士跟餐既小食都有好幾款可以選擇 蝦多士炸到好香口 炸粉唔會太厚 食得岀係有蝦肉 一舊岩岩好就係一口既份量八爪魚壽司跟餐麵豉湯餐飲叫左菊花蜜 用個茶記杯感覺有點怪怪 而甜品就係雪米糍其實幾廿蚊食到個日式lunch set 仲包埋小食甜品野飲真係幾抵食

每次都是中午時段來食的，對於日本菜來說價錢不算太貴了。如果多朋友一齊午餐的話可以叫多人套餐，會抵食很多，選擇菜式亦比較多。但今次只跟一位朋友到來所以各自只叫了一個餐，不過份量亦很多，之前試過食滑蛋豬扒飯，個蛋好滑配飯食簡直一流。壽司亦好生鮮，最特別是餐廳附送的飲品並不是傳統日本餐廳的綠茶或普通茶，而是熱菊花茶，飯後飲一杯暖暖的菊花茶，令個胃舒服不少。而且餐廳更有飯後甜品糯米糍，所以十分抵食，值得推介。

要數佐敦出名既日本餐好評最多算是七福神和食亭今日比較遲食dinner9pm先上到去佢收10:30一坐低就即寫紙落單要讚下佢地上菜好有效率好快就到牛舌串好正勁厚身非常有咬口芝士焗天火蠔又係必試大大隻啖啖肉芝士味勁香濃可拉絲同蠔勁夾蠔種亦非常優質另外我好鐘意黑松露海膽茶碗蒸用料好重本 又真係足料黑松露海膽既味都好夾蒸蛋勁滑 熱辣辣既蛋好香鹽燒多春魚好多條 燒得好好魚肉唔會散亦唔會太油煮得好好味所有食物都好有質素 唔會令你失望又多款式又好味係好好既餐廳之選

朋友介紹 話佐敦有間性價比非常高嘅日本餐廳 想同我去試下餐廳喺2樓上去嘅樓梯都係木既顏色感覺柔和而又充斥着日本嘅風味入去見到充滿日式風味嘅裝飾餐牌製作非常精美而且圖片彩色 點餐可以圖文並茂點餐係要自行手寫點餐紙的 三文魚腩 非常肥美厚切鹽燒青唐豆腐煮豆腐新鮮炸起 非常熱辣 滑身到不行鐵板牛柳粒粒燒牛肉軟滑又大粒 香口芝麻雞翼同樣都係新鮮炸起 皮脆肉嫩滑韓風豬頸肉炒拉麵份量大又足料 點左幾份壽司質素都唔差黑松露海膽茶碗蒸蒸蛋非常之滑 士多啤梨活乳酪夠晒大杯同解渴

上次食完午餐，覺得幾好食，所以決定再戰晚市。一行3人到訪，去到已一輪咀落單，因為岩岩收工真係太攰太餓。今次冇叫到魚生，因為朋友要戒口，有點可惜，但都叫左蟹籽沙律，芝士泡菜薯條，日式炸蝦餅，關西風玉子燒同一個套餐：網燒牛扒+芝士肉醬燒茄子。蟹籽沙律：已經叫左細碗，但都仲係好大碗。初時見到咁多醬都有d驚，但撈埋一齊之後，食落都幾清爽，唔膩，係一個好既開胃菜。芝士泡菜薯條：不過不失，略嫌泡菜略少。不過好彩有番茄醬，唔係會太乾。日式炸蝦餅：得4件，少貴。但蝦肉扎實，口感唔錯！唔會太油膩，同埋個炸粉皮絕對唔厚，大讚！玉子燒：好嫩好滑，軟綿綿既口感！燒茄子：比我想像中更大更長。之前以為係好細份。茄子本身幾清甜，加埋芝士肉醬，惹味！網燒牛扒：可能有太大期望，所以有點失望。味道不過不失，食完冇咩感覺，但唔會韌。整體而言，都值得推薦！感覺前菜，小點質素較好！下次要再試刺身壽司先得！

最近是朋友的生日，他特別愛吃日本料理，所以我帶了他去這間日本餐廳。這裏的食物種類選擇多，總有一款會適合他的。首先來的是壽司，這裏分別是火炙帶子，火炙和牛及火炙蟹柳，我特別喜歡吃火炙過的壽司，特別是有那種煙燻的味道。這是燒牛舌，牛舌厚度適中，而且味道爽口彈牙。這是芝麻雞翼，賣相很美呢！雞翼炸得黃金色，外脆內嫩，而且充滿芝麻的香味。這是炸蝦天婦羅，粉漿沒有特別的厚，而且炸得很鬆脆，蝦肉也很彈牙。最後還叫了甜品，就是一客紅豆雪糕。雪糕球特別的大，而且雪糕充滿了紅豆的香味，還有粒粒紅豆呢。

上次係到食過個芝士焗天火蠔覺得好正，所以決定今日再黎食過🤤假日黎到都幾多人，好彩有卜到位！今次叫左大愛既芝士焗天火蠔（$70/3），果然冇失望，蠔依然都係咁大隻，面頭芝士好多，好有蠔味！仲叫左個滑蛋豬排飯，三文魚腩同帶子刺身，香芒花之戀同埋青蘋果雲呢拿奶昔。個滑蛋豬排飯（$60）份量都幾多，豬排炸得好脆，又唔會比啲滑蛋搞到淋左，而且肉質唔會好un！而三文魚腩刺身（$68/5）既油脂分佈平均，入口即溶咁，好有油香！帶子刺身（$56/6）就好鮮甜同埋都幾大粒！花之戀（$48/2）配埋芒果都幾特別，外層既三文魚都幾新鮮。青蘋果雲呢拿奶昔（$38）都幾大杯，飲落好香青蘋果味，唔算太甜！