七福神和食亭

營業中

休息中

今次冇book位亦冇做research，只係行行下見到想食乜就去，見到呢間粉紅色招牌嘅七福神，應該係日本野唔會錯掛，試試佢！Menu選擇都唔少，種類齊全，目測價錢公道！星期一夜晚黎到已經好full,好好彩等左十分鐘倒有位！蟹子沙律（大）$55兩個人⋯唔小心點左呢個😱落單果陣其實店員已經有提醒：‘沙律叫大的話好大架喎！’我再望下價錢，大同細差$10,菜黎啫，我話我要個大嘅！點知黎到我大笑左，因為個size係好嚴重！係碗比拉麵碗還要大的king size沙律！青瓜絲生菜絲好fresh好爽口，仲有好多蟹籽同蟹柳，仲有仲有好多嘅沙律醬，$55真心抵到喊！炸墨魚咀如果成日食炸雞軟骨覺得悶，可以試下呢個咀咀！外脆入面有𡁻口！吉列蠔吉列皮好酥脆，唔會太厚好粉咁，隻蠔好香，唔錯！青蘋果雲喱嗱奶昔入口好香雪喱嗱味，又有青蘋果嘅飄香，唔會太甜，亦唔會太杰太heavy,算是一杯口感比較清鮮的奶昔！刺身併盤 $128有半板海膽 ，甘香，新鮮！兩隻甜蝦，質素ok!三片三文魚，肥美，超原切，啖啖三文魚油香！鱆紅魚，擺放成玫瑰花形狀，一片一片又一片咁食，個花都仲未食完，我究竟食左幾多片？！怕你唔夠飽仲俾多件飯團你，

今天相約朋友吃晚飯，在OpenRice看見這間日式餐廳評語很好所以便試一試幸運地被安排坐在卡位，位置十分寬敞舒適八品刺身盛 - 一上菜我和友人即刻相機食先！賣相真的很吸引！有甜蝦，三文魚，吞拿魚，海膽，帶子，油甘魚，八爪魚和吞拿魚。每一樣刺身都很新鮮，油甘魚和三文魚更是厚切！油脂分佈很平均！加上有我最愛的海膽！這個刺身盛真的很高質鐵板燒牛舌 - 牛舌是厚切的，再配上黑椒和洋蔥！十分惹味！炸雞軟骨 - 份量很多，雞軟骨炸得鬆脆，炸粉亦不會很厚芥辣八爪魚 - 我和朋友的最愛，八爪魚份量很多亦很煙韌，芥辣味亦不會很辣，整個前菜十分醒胃三文魚孖寶相拼 - 三文魚炸得鬆脆，唯一不足之處是肉不是很多每一樣食物都很高質，而且價錢非常抵食，是和朋友相聚的好地方

係佐敦這混雜的地方，如果不熟路真會盪失路。幸有爸爸帶路食好野，係街口就有間日本料理 七福神。日本料理果然不同放題任食，壽司特別好食，細細的簡單壽司拼盤。蟹籽壽司、玉子壽司、蝦壽司樣樣都充滿光澤而且飽滿。擺設整理，真要打一打卡燒魷魚，鮮香大份。燒汁香甜而不膩。厚肉彈牙魷魚，唔錯一人食剛剛好。再要多碗牛肉丼同牛柳粒，香嫩牛肉味，配上珍珠米，夠曬。蠔仔粥，鮮味清甜可口，有些少海鮮味，材料份量充足，牛肉飯不夠喉，加多個蠔仔粥，包你滿載而歸。

今晚約了好朋友到佐敦站等，選擇了「七福神和食亭」食日本料理，相聚一下👏👏來到了門外，餐廳要上一層樓梯😊進入餐廳看到精心擺設🏮，已感受日式風格🎏《刺身拼盤》＄123，有牡丹蝦、三文魚、吞拿魚、油甘魚，刺身新鮮肥美😋《七味軟殼蟹卷》＄52，即叫即製，沙律醬豐富😋《芝麻雞翼》＄63，熱騰騰的，味道一流😋《日式炸蝦餅》＄42，咬落蝦膠彈牙，很香口😋《燒肉帶子串》＄62，燒肉配搭帶子，食落爽口好吃😋《大蝦什錦天婦羅》$62，有炸蝦、南瓜、番薯、茄子👍《蟹籽沙律＋芒果》＄55，份量非常大👍《鰻魚炒飯》＄68，炒飯很乾身，不太鹹😋《柚子雪糕》＄22，雪糕味道酸酸甜甜，內有柚子皮，可以消化一下😊今晚吃得很開心😃，滿足的一餐日式料理😊😊

同朋友食開年飯，中餐已經不在考慮之列，經過七福記起食過， 質素唔錯，可以翻兜有少許感冒， 喉嚨乾涸， 先叫了個熱檸檬菊花蜜潤下先，然後再慢慢睇餐牌。刺身拼盤 (海膽 三文魚 甘蝦 北寄貝)海膽好正入口溶化帶少許蛋黃鹹味， 用紫菜來包飯食一流， 三文魚比了腩部位，肥美滑潤，128 抵食菠菜玉子煮下面全是菠菜，上面舖滿了雞蛋，口感比較清淡，感冒食最好😍😍燒肉帶子串蘆筍牛肉串醬油燒京蔥雞肉朋友喜愛燒烤，揀了幾樣，最特別是蘆筍牛肉串， 牛肉滲透了蘆筍汁液，口感非常特別，完全 feel 唔到肉的肥膩感覺，反覺有些清爽，估唔到呀！其餘帶子和雞串都有水準岩鹽黃金燒蟹仔美國生蠔個樣好應節，金黃橙色，灑上了岩鹽、蟹籽，啖啖肉咸咸地又帶蟹籽的鮮味，美國蠔特大隻蠔味重醬燒豬軟骨拉麵豬骨濃湯底， 軟骨夠腍入味，份量夠 黑松露海膽茶碗蒸最愛茶碗蒸，今次用料是黑松露海膽，小小松露已經滿口芬芳，加上入口融化嘅海膽簡直是絕配山型香桃雪葩整個都可以食，沒有浪費，桃味濃郁。呢餐好滿意，有機會再食過😀🤩

出佐敦辦些事，比呢間鋪頭的午市套餐餐牌吸引左，於是上去試下。除左叫午市套餐，我都會叫啲小食食吓。我都幾鍾意食海膽，不過只限新鮮嗰啲海膽，所以係餐牌見到有海膽都躍躍欲試，不過好多香港嘅餐廳海膽質素都係一般，食唔返日本食到嗰種美味。不過呢間店舖嘅海膽好新鮮，拍得住日本食到嘅海膽 👍🏼會encore。呢個係炸墨魚咀。好多間餐廳都有炸雞軟骨，不過唔係間間都有炸墨魚咀架，炸粉唔太厚，鬆脆得來又有𡁻口，好食! 一定要點沙律醬啊。鰻魚炒飯。勁大碟！幾個人、甚至一大班人 share 食都無問題。鰻魚粒數量算多，混合炒飯風味頗佳。叫一碟炒飯，再叫啲小食一齊share係個人認為最正食法。網燒牛扒定食。午巿有定食供應。50 零蚊就可以有前菜 （有幾款揀，我地揀咗章魚小丸子）、主食、湯、同飲品，抵！就此價位而言，網燒牛扒質素不俗，牛肉入味。三文魚壽司：味道正常。

今日去開佐敦買頭髮用品，順便睇吓有咩好嘢食，想轉返出彌敦道之際，見到呢間七福神和食亭，個餐牌又幾吸引，上去試一試先餐牌每樣食品嘅價錢都唔貴，餐廳會有落單嘅紙仔俾你，每道菜都有個特定編號，寫完編號寫份量就得，好似食放題咁，超級方便帶子刺身（$56）帶子超級鮮甜，厚身咬落有口感，有碎冰維持佢嘅新鮮度芝士焗天火蠔（$70/3隻）呢個焗蠔可以話係全餐的焦點，熱溶的芝士裏面，伴着煙肉，煙肉的鹹香，同芝士十分之夾。當你食咗幾啖芝士之後，會發現天火蠔嘅size原來好大隻，亦好飽滿，咬入口，充滿蠔汁，啖啖海水鮮味海膽壽司，玻璃蝦壽司（ $32 ， $14 ）海膽鮮甜，入口有淡淡鮮味，有光澤，入口Creamy玻璃蝦咬入口十分爽口彈牙蟹肉味噌甲羅燒配紫菜珍珠飯（ $58 ）$58呢個價錢，食到熱辣辣嘅甲羅燒，真係罕見甲羅燒蟹味濃郁，入口啖啖蟹肉，蟹子的用途，唔止用來點綴，入口爆汁嘅感覺，昇華咗蟹肉嘅味覺感受珍珠飯嘅甜味，亦進一步提升蟹肉嘅鮮味口感軟殼蟹手卷（ $48兩條）軟殼蟹入口香脆，有蟹汁，配上芥辣醬，更覺醒胃大蝦雜錦天婦羅（ $62 ）不得不讚這個天婦羅，上枱熱辣辣是基本，天婦羅只係用上薄薄的炸漿，

是日一丁友，係佐敦附近搵午餐兩年後再黎食，水準依舊不錯！網燒牛扒定食牛扒超級淋，醬汁味適中配合少量青葱，令口感不會肥膩配上芽菜拌碟，但因吸收過量醬汁，口感失去爽口美中不足是牛扒只有很微少的牛肉味白飯選用珍珠米，上面有一些飯素，很惹味！麵豉湯夠濃，不太咸，可惜配料較少，只有少量紫菜及豆卜胡麻豆腐是日午餐伴碟胡麻味正常豆腐過凍反而有驚喜係下面既椰菜伴菜，很清新爽口整體而言性價比高有很多款色可選份量適中值得再戰！

同朋友行開佐敦，這裡當然就係不二之選，價錢、質素同份量無疑絕對滿足到我嘅要求今次餐牌上點了個刺身拼盤$128-有最愛嘅鮮味海膽半板，肥美嘅三文魚3片，帶點粘粘口感嘅甘蝦2隻，肉質爽口嘅鱆紅魚3片，一次過有幾款口味，而串燒五品盛盒$68，有燒得香口嘅雞中翼，煙韌夠口感嘅豬頸肉，肥厚嘅冬菇，夠晒口感嘅雞軟骨，清新嘅小青椒，鰻魚炒飯$68用上了鰻魚肉粒配埋炒得乾身嘅米飯入口份外有口感，還有件份量十足嘅海膽壽司$32外，個金龍蝦反卷$46亦十分好味，一份數件包住了香脆炸蝦，魷魚鬚唐$50夠晒香脆可口，另外炭火燒河豚干$58，燒得恰到好處，熱熱地入口味道夠晒香軟，最後加埋個特色甜品菠蘿雪芭$50原隻菠蘿製成嘅雪芭，入口有香濃嘅菠蘿味道夠晒味道！所以有時在附近搵食都不用多想就係這裡！

朋友介紹佐敦有間日本餐廳好抵食。餐廳位於佐敦彌敦道，由佐敦地鐵站行過去都係幾分鐘地點方便。餐廳裝修以木為主，座位舒適。士多啤梨煙三文魚果醋沙律，沙律大大盤有份量，沙律菜新鮮翠綠，加上果醋酸酸地，十分開胃。芝士焗天火蠔，蠔身飽滿，芝士加咗煙肉，增加咗味道同口感。關西風玉子燒，多汁有口感，鮮味突出。極上魚生丼，刺身鮮美，三文魚夠肥，蝦爽彈，帆立貝軟滑甜美，吞拿魚魚香豐富，海膽新鮮。芝士燒天婦羅蟹腳卷，天婦羅蟹腳脆卜卜，加上濃郁嘅芝士味，味道非常配合。炭火燒天鳥串燒四品盛，燒嘅時間恰到好處好香口，加椒鹽作調味，令串燒更加惹味。山型香桃雪葩及富士蘋果雪葩，有驚喜手掌般大既原個山型香桃及富士蘋果香，，以冰墊底的送上，入面雪芭啖啖都有很重既香桃及蘋果味。

如果唔係果日去開佐敦，同事係咁話呢間好食，真係唔會無啦啦黎呢到食野。🙄原本期待唔大，點知食完先知真係好野啵。－Lunch既選擇好多，有幾頁，有選擇困難症既會搞唔掂。😱－一黎就上左菜蜜先，甜入心。－我地好多人都叫左個有得跟小食既餐，一人兩舊三文魚壽司，一上枱嚇親，勁多。😂出奇地OK喎，竟然都算新鮮。－燒石煱香蒜牛肉飯好香蒜味，牛肉既份量好多，同吉野家既牛肉可以一拼。😙應該用左珍珠米，粒粒圓潤，加埋適量既醬汁，食得好開心。😊－估唔到平平地都食到好野，一個餐有野飲，有埋小食，味道仲要唔差，仲有咩要求。🤭

上次嚟過 , 已經對七福神念念不忘。 這天朋友生日， 約埋三五知己又再嚟捧場慶生。"牛油果鮮奶沙冰" $38 ~牛油果味口感清甜滑溜，為味蕾帶來清新感覺！先來至愛的刺身, "牡丹蝦、三文魚、吞拿魚刺身" $123 全部新鮮美味，不過最驚喜的是牡丹蝦，入口爽甜無比 !輪到"和牛刺身" $65 , 和牛光澤誘人, 入口即溶, 令人難以抗拒 !"鐵板燒牛舌" $78 ~ 牛舌經燒烤後肉質仍保持鮮嫩，牛味濃郁 !"芝麻雞翼" $62 ~ 皮脆肉嫩不油膩"關西風玉子燒" $56 ~ 玉子燒蛋味清香，份量適中。"芝士鐵板燒豆腐" $56 ~ 芝士鹹香沒奶羶味，豆腐入口非常滑溜！"泡菜牛肉芝士燒飯" $65 ~ 一睇賣相已口水直流，惹味泡菜牛肉加上溶化芝士，令燒飯更具風味，色香味俱全！"芝麻鰻魚卷" $52 ~ 鰻魚新鮮沒有腥味, 食完才知芝麻與鳗魚原來味道可以咁夾呢！最後當然是甜品"紅豆雪糕" $22 ~ 甜度適中，清新淡雅，為這晚餐劃上完美句號。

細細個就已經跟媽咪去行國貨公司，我本來覺得啲嘢好老土嘅，點知外籍朋友就覺得我哋中國擺設好有特色，咁唯有帶佢去行個圈順便請佢食餐飯啊！就喺國貨公司隔離有一間我食開嘅日本料理，裝修平實行親切風，可以話係我佐敦嘅飯堂，價錢親民貼地。一坐低二話不說叫咗個 DIY 刺身+生蠔，兩個唔同嘅拼盤一齊上台，擺碟特別靚！生蠔拼盤 $126法國生蠔Gillandeau 一隻，入口甘香鮮甜，口感 creamy 帶有淡淡的海水味，少食多滋味！厚切三文魚刺身，入口充滿魚油香，油甘魚清甜肥美，甘蝦結實彈牙！石鍋燒香蒜牛肉飯 $68老外胃口特別大，一個人就可以食晒一個石鍋飯！佢哋係外國好少食到用石鍋熱辣辣燒起嘅飯，感覺特別新奇。香噴噴嘅香蒜味道，牛肉份量亦都好多，真材實料！海膽壽司$32喺香港食海膽其實都幾抵，今次起碼係鮮甜冇腥味，而且有淡淡的海水味，幾新鮮下！三文魚籽壽司$36一粒粒晶凝通透，一啖放入口就好似爆珠咁！口感豐富而且口腔充滿鹹香！三文魚腩壽司(特長)$24特長果然係好長呀！老外朋友見到開心到嘩一聲！呢個價錢真係十分抵食！七福神卷$38叫得做七福神當然係 signature item 啦！明太子甘香可口

經吾知第幾次黎七福神食野啦，呢度既食物高質，但價錢合理，性價比高，所以我今次同男友再黎食，食物水準同以前一樣咁好。關西風玉子燒，好有層次感，有少少甜，蛋味香濃，吾需要加醬油，已經好好食，中意食蛋既朋友可以一試。芝士焗蠔，蠔就鮮甜加上香濃多汁既芝士，十分夾。蒲燒鰻魚，外皮有少少燒焦既脆，加上濃郁既鰻魚汁，好正，同埋分量十足，好好抵食。三文魚腩，厚切既三文魚腩，食落啖啖肉，十分鮮甜，中意食三文魚既朋友吾好錯過啦。七味醬油燒雞扒，比想像中十份，而且外脆內軟，雞肉一D都吾肥又吾乾，加上七味醬汁，少少辣，十分好味。北寄貝壽司，海膽壽司同火炙帶子同樣鮮甜可口，中意食壽司既朋友值得一試。七味軟殼蟹卷，賣相精緻，啖啖軟殼蟹，加上沙律醬，十分開胃，都只係$52，性價比高。S5芝士燒天婦羅蟹腳卷，芝士香濃手，天婦羅蟹腳卷香脆，兩者十分夾，值得一試。茘枝青蘋果梳打，酸酸甜甜好開胃。士多啤梨活乳酸，好有童年既味道。山型香桃雪葩，外表精緻可愛，有香濃既香桃味，新鮮制作，必試。

之前同同事re u 嚟食過依間日菜，見佢性價比幾高就再同朋友嚟食多次。Menu嘅內容好豐富，而且價錢唔算貴，所以今次我地都點咗好多。墨魚咀唐揚($48)好爽口嘅墨魚咀，點埋沙律醬好好食，食唔停口。 板燒温泉蛋煙肉粟米($40)温泉蛋半生熟，同粟米撈匀後食，比較普通。脆皮煎餃子($48)唔算太油，餃子上嘅脆皮炸到金黃色好靚。清酒煮海蜆($88)一大碟滿滿嘅清酒煮蜆，清酒味超濃，應該煮完後有再淋d清酒上去。蜆肉大隻，洗得幾乾淨，冇沙芝士焗天火蠔($70三隻)隻蠔比厚厚嘅芝士覆蓋住，焗得唔係好燶。蠔身肥美，有蠔鮮味。盬燒多春魚($42)有6條，就咁食可能有少少咸，落d檸檬汁酸酸地會更好食。鐵板燒牛舌($78)其中一味最好食嘅菜，有好多塊牛舌，厚度適中唔會好硬，食落去牛嘅味慢慢融入口中，不錯！ 嚴選串燒五品盛($68)價錢嚟講$68食到咁多的確幾平，燒得好香，好啱送酒。