七福神和食亭

營業中

休息中

前幾日喺佐敦附近上完韓文之後，就諗住約咗個朋友喺附近度食嘢。我突然之間好想食日本野，所以就約咗個朋友喺七福神度等。我哋特別鍾意叫廚師推介嘅嘢食，好似叫咗個蟹肉味噌甲羅燒，鐵板燒牛舌同埋芝士燒天婦羅蟹腳卷等等....呢個就係蟹肉味噌甲羅燒配左個飯團，佢呢個蟹肉燒得好香，佢個蟹膏味好鮮甜，而且上邊仲有啲蟹子，更加惹味。依個飯團特登整成三角形，好有日本風味。呢個係大阪風味鐵板燒牛舌，佢每片牛舌都好厚身，好有口感。而且味道好爽口，仲有啲蔥嘅香味添。呢個係芝士燒天婦羅蟹腳卷，出面啲飯就凍但係入邊啲天婦羅蟹腳就熱辣辣，而且芝士味好濃郁。

經過佐敦，隨意入咗一間日式餐廳，午飯時間都幾多人。炸雞軟骨$38剛炸起嘅雞軟骨熱辣辣，十分酥脆，炸粉唔會太厚。八品刺身盛 $268呢個刺身拼盤有齊三文魚、油甘魚、吞拿魚、八爪魚、北寄貝、帶子、甘蝦同埋海膽。以呢個價錢黎講咁大盤，整體質素唔錯。超級厚切嘅魚肉口感充實，鮮味突出。海膽無苦澀味、無出水。值得一讚嘅係北寄貝中段切成細條，凸顯爽脆嘅特點！法國生蠔 gillandeau $58盛惠58蚊一隻嘅生蠔口感唔錯，體積唔算細，蠔肉飽滿而且味道鮮甜。如果以拼盤形式點選，百幾蚊有埋一人份量嘅刺身，價錢更相宜！冷稻庭烏冬 $55有別於讚岐烏冬，稻庭烏冬麵條幼細，入口滑溜，簡簡單單拌醬油已經好美味。炙五味 $56火炙壽司一向係我嘅至愛。壽司飯細細件，但係上面嘅配料就好長，實在滿足。蟹肉味增甲羅燒配雙目珍珠飯 $58身為一個愛蟹之人，日式浜燒當中我最喜歡嘅菜式少不了甲羅燒。蟹膏加蟹肉，雙重享受。配飯團食冇咁鹹都幾好。

早係2年前就同男友食過七福神，而且記得體驗唔錯，咁岩又經過佐敦，所以一定要重遊舊地啦。因為假日六點半左右就到啦，所以仲有空位，不過食左差不多半個鐘已經全場爆滿啦。餐廳環境同印象中差不多冇咩點變，依舊有和風味道。KIRIN一坐底男友話好口渴，即刻就點左支啤酒啦。KIRIN 啤每次旅行去日本嘅居酒屋都必點，所以諗都冇諗就叫左杯啦。八品刺身盛盒對上一次黎就點左壽司為主，而今次當然要揀刺身啦。呢碟8款刺身嘅盛盒會用冰盤上枱，而且份量都幾多。雖然每款刺身都得3塊，但係每塊都又厚身又大塊。特別係油甘魚，魚肉鮮甜肥美。鹽燒三文魚頭男友平時食魚都鐘意食頭，所以特登叫左呢碟三文魚頭。用鹽燒過後，魚頭肉依然嫰滑，唔會有鞋感覺。串燒5品盛盒5樣之中分別有3樣肉及2樣蔬果。當中豬頸肉夠肉汁提味，手羽拆開後都方便食客進食，燒東菇都幾爽口。魷魚鬚論炸物黎講，魷魚鬚一定係我3大最愛之1，呢度炸得夠哂鬆脆，用黎送酒就最好啦。石鍋香辣海鮮手打烏冬點呢個之前見到香辣呢個字都驚太辣食唔到，不過冇諗過佢辣度岩岩好，配上佢湯底後係好好食。海鮮同烏冬份量都幾多，有大蝦，帆立貝及青口等等，烏冬冇過火，食落夠彈口，再加上入面原來都幾

食物質素還可以，不過服務態度欠佳，酒杯有污跡冇人去清潔，仲話清潔唔到😨😱真係令人好失望然後我發現全間餐廳只用一個清酒樽?!點解呢？即係如果有10個客人飲清酒，就冇清酒樽去招呼佢哋啦😅😅😅你話奇怪不奇怪😱

4個同事午餐食328元，人均84元，食得飽飽，係算抵食魚生都算新鮮，天婦羅，炸蝦餅，網燒牛扒，味道唔錯，服務員都幾有禮貌，上菜都快，環境比較嘈，唔適合三五知己傾解。

一段時間冇黎七福神覺得好懷念，於是同朋友提議黎食下dinner。香蔥三文魚丼 78魚生飯係每次必食既野，當然有我最愛既三文魚。粒粒飯都食到啖啖魚香，重有香蔥味簡直冇得輸。串燒五品盛盒 68非常豐富，有齊豬頸肉，雞翼，青椒，雞肉串等，味道都唔錯。大蝦雜錦天掃羅 62石鍋香辣大蝦海鮮手打烏冬 88烏冬口感唔錯，帶煙韌既感覺。海鮮都非常足料。燒肉帶子串 62幾特別既串燒，燒肉包住大大粒既帶子。外皮食到鹹香，內裡彈牙鮮甜，係味覺既衝擊。芝士焗天火蠔 70熱辣辣，好靚好吸引。芝士味非常濃郁。

今天走出尖沙咀，再到佐敦搵食，目標當然是日本野，上網目到尼間CP值很高，所以膽粗粗就試下。一來馬上點了飲品，推薦的是牛油果鮮奶沙冰，感覺更像奶昔，比較heavy，但牛油果味很重。刺身及壽司點了三文魚腩，油甘魚，赤貝及帶子，三文魚腩非常非常美味，很厚身，而且很新鮮，價錢亦很抵，誠意推介。（因為太美味，所再點了一客）油甘魚亦是厚切，油香不錯，可以一食。赤貝不算是十分新鮮，但仍算是不錯，很爽口。小食亦有驚喜，炸墨魚咀很大粒，咬下去有爆漿的效果👍餃子味道偏咸，比教普通。

已經係第3次黎食七福神了，依然係高水準高性價比！同男朋友都好掛住呢度嘅日本菜，所以專誠book枱黎食餐豐盛嘅晚餐。鐵板燒牛舌爽口又嫩口，仲熱辣辣！蟹肉味噌甲羅燒，每次都要食！水準依然，味噌味道濃郁，蟹肉亦好鮮甜！炭燒河豚乾，即係雞泡魚乾，好少地方有得食，因為識得處理河豚嘅師傅實在唔多！咸甜適中，調味調得唔錯！蒲燒鰻魚口感細嫩，燒得好香！鮭魚燒飯團，外面有少許焦焦的，係飯焦香！飯團外脆內軟又煙韌，係三文魚炒飯，特別美味！食日本野，當然唔少得刺身，我鍾意食三文魚，所以每次食刺身都會叫，今次特別啲，男朋友提意試下三文魚腩，原來魚腩相當肥美，仲有入口即浴嘅感覺！一於以後都食三文魚腩！

晚上九點搭高鐵返到香港，突然想食日本菜，所以就嚟到附近呢間日本餐廳試下。🦀芝士燒天婦羅蟹腳卷面頭的芝士微微燒香，連埋沙律醬味道酸甜好濃郁，加埋中間包住大大舊嘅炸蟹腳，一啖食落去非常之有滿足感。🐂石鍋牛肉飯牛肉的份量都幾多，餐廳用嘅牛肉唔係肥膏仲多過肉嘅嗰種肥牛，肥瘦比例適中，食落唔會太油膩。不過略嫌調味唔太足夠，撈埋飯食較淡味。🍜冷蕎麥麵用嚟送麵嘅麵汁唔會太咸太濃味，麵條夠凍食落口好清新，但份量偏少，胃口細的女生吃都是剛剛好。🦑燒魷魚筒魷魚圈完全無骨啖啖肉，燒嘅時間掌握得好好，唔會燒到魷魚過乾同太過燶，肉質唔韌易咬開。最鍾意就係點埋旁邊的沙律醬嚟食，酸酸地都幾開胃。

對日本食物零抗拒力嘅我，每個月都至少要食一餐日本料理。通常都會食連鎖式壽司店或者任飲任食放題店。有時食放題好似好多野食，但往往都係眼闊肚窄。所以今次因為母親大人生日就揀左間風評極好GE日本食店 – 七福神啦。 因為一早電話BOOK左位，所以一起到唔洗等就有得坐啦。店內環境日系簡潔風，而最重要餐牌一目了然，圖文並荗。八品刺身盛盒日本餐當中不可缺少的刺身，而且八品刺身CP值實在太高，不能不叫。盛盒之中Ge 8款刺身分別係 三文魚、吞拿魚、油甘魚、八爪魚、海膽、北寄貝、甘蝦及帶子。呢個價錢連海膽都有好抵食，加上會有紫菜同飯團一齊附上，夠哂細心。刺身可以睇得出係厚切，而且入口冰鮮肥美。海膽完全冇任何腥味，值得一讚。大蝦什錦天婦羅除刺身外炸天婦羅亦係必點之一，呢到炸粉炸得幾鬆化，而大蝦亦都夠哂大隻。另外蔬果都唔錯呀!網燒牛扒呢道網燒牛扒又係抵食之選，牛扒大大塊之餘價錢亦都唔高。網繞過後肉質爽口得黎又充滿肉汁，即使唔點任何配料牛味已經好出啦!!牛油果鮮奶沙冰除酒外都有不少特色嘅飲品，當中最令我印象深刻就係呢杯牛油果鮮奶沙冰。通常一般市面上飲到嘅牛油果沙冰都會加好多糖，冰粒都大大塊。但呢到用上鮮奶後

最近，同左三幾個朋友去咗佐敦一間必食嘅日本料理餐廳＂七福神和食亭＂黎慶祝生日，裡面的地方環境都唔錯，算係乾淨企理，衞生方面都幾好，可以俾食客坐得很舒適！食物方面，餐廳有好多唔同選擇，不論主菜、小菜都好多，而且價錢都唔算貴。呢個係＂牛肉石頭碢飯＂味道好香濃，而且牛肉都非常香軟，配上洋蔥，非常醒胃😋另外，仲有飯焦，好好味，好飽肚！賣相都好靚呀！呢啲係散叫嘅壽司🍣，好好味呀，紫菜好爽脆，而且飯都是即叫即整，碓保用新鮮食材。有火焰蟹樓，三文魚、帶子、八爪魚、沙律壽司等。呢個係牛柳粒燒魷魚🦑

我已經成為這家七福神日式餐廳的可客。每次我和家人來到這餐廳享受晚餐，都會點大盤的刺身。尤其是三文魚刺身， 肉質 新鮮， 紋 路晶瑩剔透 ， 還有其他 刺生可供選擇 ， 餐廳 裡面都是選擇比較 新鮮進口的刺身。另外我來這邊必點的就是一口牛。一口牛 味道鮮美 肉質嫩滑 ， 中間還配上 最喜愛吃的 薯蓉， 很有特色。再 點了 多款不同 美味 巧手 的 壽司，不須點醬油，壽司的味道已經很出味，賣相也很吸引。不可不說鰻魚飯的鰻魚非常肉厚肥美， 鋪上 燒汁 在 鰻魚上 也很 惹味。朋友還order咗 特別的apple cider。上抬也很特別，用杯子跟支架倒出來的apple cider，我們可以一邊喝，他就一邊自動填滿，特別好玩， 夠曬興奮。

又黎到佐敦呢間和食餐廳，性價比夠哂高！先叫咗啲壽司黎食，叫咗火炙蟹柳壽司同香芒花之戀。花之戀係由三塊三文魚包住而成，分量十足！不過入面加翻啲沙律醬會好啲，食落較乾身。墨魚咀唐揚 ($48)呢個小食都唔錯，炸粉唔厚，而墨魚咀係好有咬口，好香口，同啤酒係絕配🤪七福神奄列飯 ($52) 次次見到蛋包飯都一定會叫黎食🤤 唔好睇佢個樣好似乾爭爭，食落去都唔錯架。蛋好厚好香蛋味，係唔夠濕潤但未去到太乾，飯粒都分明有口感食咁多野，少少口渴就叫咗呢杯芒果乳酸沙冰，都唔錯。

去佐敦發現咗一間好抵食既日本餐廳！！趁住肚餓，一次過叫咗好多野食！🤪呢度有各式各樣既壽司可以叫，咁就叫咗呢個金龍蝦反卷 ($46) 炸蝦炸到好脆好新鮮，包係啲飯入面，加少少沙律醬就更加正！本身好鐘意食茶碗蒸，而呢度除咗原味仲有黑松露味！黑松露海膽茶碗蒸 ($39) 黑松露味道好濃郁，但海膽味道就一般。蒸蛋都好滑~燒物叫咗厚切牛舌 ($58) 有2串，每串有3塊厚既牛舌，燒得好香，食落亦都夠哂咬口。大蝦雜錦天婦羅 ($62) 炸物都做得唔錯，幾抵食！淨係大蝦已經有3隻，好彈牙🤤 蔬菜有南瓜，茄子等等，都唔錯~魷魚鬚唐揚 ($50) 雖然好熱氣好邪惡但又點會忍得住口唔食先得🤤 鰻魚炒飯 ($68) 鰻魚好足料😍 炒飯應該好香，而且用咗珍珠米，食落夠哂口感🤘🏻

七福神和食亭-性價比高日式料理門面遠遠就看到的大燈箱招牌，桃紅色底配上七福神三字，內裡日系風格，充斥木傢具的元素，亦設有梳化卡位，配上木屏風還有七福神的擺設，溫暖舒適的格局。炭火燒天鳥串燒四品盛有京蔥雞肉串、炸雞翼串、炸雞皮和雞心，雞肉串嫩滑不乾身，雞皮炸得爽脆。大阪風鐵板燒牛舌熱騰騰的鐵板燒，厚切海量多的牛舌，腍身的牛舌加上惹味大阪燒燒汁，還有底部的洋蔥吸滿醬汁。露筍牛肉爽口的露筍被肥牛片包著，當中的油分滲進露筍中。三文魚孖寶雙拼三文魚扒加上三文魚腩，外皮煎得香脆金黃色，內裡魚油非常香，而且令魚肉滑又香。大蝦雜錦天婦羅爽口彈牙的大蝦天婦羅，還配有秋葵、蕃薯、南瓜、茄子、冬菇等，脆脆的炸粉配上天婦羅汁，不同口感的蔬菜。滑蛋豬扒飯名符其實的滑蛋，幼滑的蛋還帶著蛋汁，配上甜醬汁、洋蔥，最重要是吉列豬扒，厚切的豬扒，肉汁夠一點炸得乾的感覺也沒有。椰子雪葩、富士蘋果雪葩用椰子殻和原個蘋果盛著的雪葩，椰子雪葩奶味較重，濃濃的椰子香，吃起時雪糕感較重；蘋果雪葩則冰沙感較重。