七福神和食亭

營業中

休息中

經過佐敦，隨意入咗一間日式餐廳，午飯時間都幾多人。炸雞軟骨$38剛炸起嘅雞軟骨熱辣辣，十分酥脆，炸粉唔會太厚。八品刺身盛 $268呢個刺身拼盤有齊三文魚、油甘魚、吞拿魚、八爪魚、北寄貝、帶子、甘蝦同埋海膽。以呢個價錢黎講咁大盤，整體質素唔錯。超級厚切嘅魚肉口感充實，鮮味突出。海膽無苦澀味、無出水。值得一讚嘅係北寄貝中段切成細條，凸顯爽脆嘅特點！法國生蠔 gillandeau $58盛惠58蚊一隻嘅生蠔口感唔錯，體積唔算細，蠔肉飽滿而且味道鮮甜。如果以拼盤形式點選，百幾蚊有埋一人份量嘅刺身，價錢更相宜！冷稻庭烏冬 $55有別於讚岐烏冬，稻庭烏冬麵條幼細，入口滑溜，簡簡單單拌醬油已經好美味。炙五味 $56火炙壽司一向係我嘅至愛。壽司飯細細件，但係上面嘅配料就好長，實在滿足。蟹肉味增甲羅燒配雙目珍珠飯 $58身為一個愛蟹之人，日式浜燒當中我最喜歡嘅菜式少不了甲羅燒。蟹膏加蟹肉，雙重享受。配飯團食冇咁鹹都幾好。