七福神和食亭

營業中

休息中

為左慶祝復活節既長假期 同朋友一早就book定七福神慶祝一下我地當晚7:00到 已經差唔多滿坐餐廳上食速度都幾快黎到日本餐廳 一定到食下刺身同壽司我地叫左一客帶子刺身 同2款火灸壽司 - 鰻魚&三文魚腩帶子刺身好鮮甜 三文魚腩亦好肥美除左壽司刺身 我地仲叫左啲熟食牛油燒帶子真係冇得輸份量多又香牛油味 正👍🏻👍🏻串燒方面 燒牛舌好彈牙值得一試仲有個重頭戲 就係 黑毛豬鞍扒塊扒岩岩熟 好嫩滑最後 因為食得太多肉 所以叫左個豆腐蔬菜鍋黎食總括而言 餐廳總類多價錢又合理 CP值高👍🏻👍🏻👍🏻

我同“友人”就先食左個生蠔拼盤，再叫左2個午市套餐，同散叫2個小食。生蠔拼盤($126)法國生蠔(Gillandeau)肥美鮮甜，幾大隻，幾實，咬落好有口感。三文魚同油甘魚厚切，幾好食。甘蝦麻麻地，無乜甜味。(個人口味: 4/5)蒲澆鰻魚飯定食+炸蝦餅+麵豉湯+熱菊花蜜($58)小食揀左炸蝦餅，熱辣辣，幾有趙口，沾埋沙律醬好食。鰻魚夠熱，口感軟熟，一啖飯一小件鰻魚剛剛好，如果燒汁再多d會更好。份量就比想像中細，本身以為係長方型既便當盒。不過以$58而言，有尼個份量既鰻魚都抵食，可以過下口癮。(個人口味: 3.2/5)醬燒豬軟骨烏冬+三文魚壽司+凍檸茶($68)好足料，有好多豬軟骨，口感唔錯。三文魚壽司正常。甜品係維記雪米糍。(個人口味: 3.3/5)芝麻雞翼($62)新鮮即炸，炸得夠脆，咬落好鬆化，肉質嫩滑。雖然望落似普通放題既芝麻雞翼，但可能炸之前有落辣粉醃過？食落有陣陣既辣味，刺激食慾，越食越想繼續食，好惹味，非常喜歡。(個人口味: 4.5+3.9/10)魷魚鬚($50)魷魚鬚口感幾嫩，唔係un到咬唔開，炸粉唔會好厚，係有真材實料，份量十足。(個人口味: 3.2+3.6/10)午市

上星期六朋友聚會，有朋友強烈推介呢間餐廳，我同幾位朋友都未食過於是就聽從朋友意見過嚟試一試，結果無論係環境價錢味道質素都非常驚喜！首先要講下佢哋每一樣嘢嘅價錢都唔係特別貴基本上都係非常吸引嘅價錢，而且佢哋嘅份量一啲都唔少，就好似呢個前菜一樣另外都叫咗佢哋嘅刺身同埋壽司，同樣地都非常驚喜，用料新鮮，同埋都唔係普通放題店嘅刺身質素，最緊要係價錢好平呀另外亦都叫咗其他嘢食，佢哋嘅玉子都整得好好食，甜得黎亦充滿蛋味，同埋佢哋嘅炸物都係即叫即整，上枱嘅時候都非常熱，抵讚另外佢嘅清酒煮蜆上枱嘅時候我都比佢哋嘅份量同埋大細嚇親，又大又多其實呢間餐廳都唔知再講咩，只係有一句總結一定會再嚟！！

呢間人氣壽司店成日都坐滿人，今次朋友book 到枱啦，放工之後勁肚餓，急不及待立即去食好西啦。三文魚腩夠肥美，上到枱都能夠保持生鮮，有冰感加上係厚切， 三文魚腩既油脂分佈幾平均，鍾意三文魚既人一定會食到好滿足。牛舌好值得推薦，夠厚身之餘比其實店舖好食，火喉燒得剛剛好，唔會燒到over左 而且夠爽口夠曬啖啖肉。天婦羅包羅萬有，內有3條炸蝦，南瓜 ，茄子，蕃薯，茹子，青椒。即點即做，上到枱仲係扑扑脆熱辣辣。而且份量都幾多，幾低食。軟殻蟹手卷炸得鬆脆，內軟外脆，但記得要一上枱就要食，唔係會凍左，紫菜一淋左就唔好食嫁啦。鰻魚丼有成5大片，鰻魚汁夠甜配飯食一流。而且價錢比外面便宜一點，性價比幾高。海膽壽司幾新鮮夠晒鮮甜，赤貝壽司夠爽口，包著既紫菜夠脆口，三文魚籽同三文魚壽司不過不失，味道不錯。員工好友善，食物質素不錯，價錢比較大眾化，選擇亦非常之多。

又來喇～～同朋友想食日本野又多選擇既，呢間的確唔錯！ 今次就試下其他款式，先黎前菜，一上刺身擺相都好吸引👍🏻尤其係果份海膽（半板）先攞紫菜，再包飯，好鮮味！ 厚厚既三文魚有3件，甘蝦 2隻，爽爽北寄貝3件 $128實惠！🍣紫菜爽脆，即點即整！ 東京風茄子煮🍆 $36初頭以為凍食，熱食又別有一番風味，再點醬汁清清地，和風口味！露筍牛肉 $52 幾喜歡露筍果款爽口，牛肉厚薄適中，bbq醬汁！清酒煮海蜆 $88呢碗蜆大大粒好足料，食極都有咁，偏濃酒香，最緊要無咩沙！北海道鍋燒蠔仔粥 $672人食～應該可以係3-4人份量～蠔仔份量都唔少，啖啖飯，軟稔稔！🥤🍨做結尾青蘋果梳打 ，抹茶雪糕！

前陣子朋友提及過佐敦有一間性價比高的日本餐廳，於是今日就同另一半去試食。餐廳位於彌敦道，佐敦地鐵站行過去2分鐘左右，非常方便！餐廳位於1樓，地下已經有招待員的招呼。內裡環境充滿日式風情，裝修以木為主，感覺舒服。打開餐牌真係名副其實種類多，價錢亦相當吸引！第一時間我就叫刺身🍣八品刺身盛盒 $268帶子肥美、海膽鮮甜、全部刺身都是厚切，口感一流！再配飯團跟紫菜🍙，yummy~炭燒黑毛豬鞍扒 $88大件兼厚身，選用香草調味果然不錯👍🏻，肉汁豐富，十分討好，值得一食！🦀軟殼蟹手卷（兩件） $48想不到這個軟殻蟹手卷有驚喜，我實在太喜歡這個Wasabi沙律醬汁，還配上長長的青瓜條口感一流！大蝦雜錦天婦羅🍤 $62天婦羅亦是日本菜必選之一，熱騰騰的大蝦炸得鬆脆爽口，還配搭秋葵、番薯、南瓜、茄子等炸物。燒雞翼兩串$36 / 燒雞軟骨兩串 $33燒雞翼燒得皮脆嫩滑，火喉剛剛好，入口香脆而不油膩。整體上，價錢合理，平均人頭約$300 ，比起食放題便宜少少。環境、服務、味道都感到滿意。😊

今日同男朋友喺旺角行街，突然想食日本野，第一時間就諗起七福神，所以又來開餐啦。枝豆絕對是誠意之作，枝豆看似沒有特別，但有些餐廳上枱時，枝豆是凍的，而七福神則是暖暖的。和風珍味拼好大碟，$50，好抵食香川燒靖角意外驚喜，好食！燒得岩岩好關西風玉子燒 上枱熱辣辣，唔會太甜，很厚實韓風豬頸肉炒拉麵 味道辣辣地，好香口，配料多，好味大蝦雜錦天婦羅 首先，炸物必須是新鮮熱辣上枱，七福神絕對做到。而天婦羅重點在於粉不能太厚，而蝦要鮮嫩多汁。 而呢個絕對做到，性價比高 。下次會再嚟試試其他款式。

前幾日喺佐敦附近上完韓文之後，就諗住約咗個朋友喺附近度食嘢。我突然之間好想食日本野，所以就約咗個朋友喺七福神度等。我哋特別鍾意叫廚師推介嘅嘢食，好似叫咗個蟹肉味噌甲羅燒，鐵板燒牛舌同埋芝士燒天婦羅蟹腳卷等等....呢個就係蟹肉味噌甲羅燒配左個飯團，佢呢個蟹肉燒得好香，佢個蟹膏味好鮮甜，而且上邊仲有啲蟹子，更加惹味。依個飯團特登整成三角形，好有日本風味。呢個係大阪風味鐵板燒牛舌，佢每片牛舌都好厚身，好有口感。而且味道好爽口，仲有啲蔥嘅香味添。呢個係芝士燒天婦羅蟹腳卷，出面啲飯就凍但係入邊啲天婦羅蟹腳就熱辣辣，而且芝士味好濃郁。

經過佐敦，隨意入咗一間日式餐廳，午飯時間都幾多人。炸雞軟骨$38剛炸起嘅雞軟骨熱辣辣，十分酥脆，炸粉唔會太厚。八品刺身盛 $268呢個刺身拼盤有齊三文魚、油甘魚、吞拿魚、八爪魚、北寄貝、帶子、甘蝦同埋海膽。以呢個價錢黎講咁大盤，整體質素唔錯。超級厚切嘅魚肉口感充實，鮮味突出。海膽無苦澀味、無出水。值得一讚嘅係北寄貝中段切成細條，凸顯爽脆嘅特點！法國生蠔 gillandeau $58盛惠58蚊一隻嘅生蠔口感唔錯，體積唔算細，蠔肉飽滿而且味道鮮甜。如果以拼盤形式點選，百幾蚊有埋一人份量嘅刺身，價錢更相宜！冷稻庭烏冬 $55有別於讚岐烏冬，稻庭烏冬麵條幼細，入口滑溜，簡簡單單拌醬油已經好美味。炙五味 $56火炙壽司一向係我嘅至愛。壽司飯細細件，但係上面嘅配料就好長，實在滿足。蟹肉味增甲羅燒配雙目珍珠飯 $58身為一個愛蟹之人，日式浜燒當中我最喜歡嘅菜式少不了甲羅燒。蟹膏加蟹肉，雙重享受。配飯團食冇咁鹹都幾好。

早係2年前就同男友食過七福神，而且記得體驗唔錯，咁岩又經過佐敦，所以一定要重遊舊地啦。因為假日六點半左右就到啦，所以仲有空位，不過食左差不多半個鐘已經全場爆滿啦。餐廳環境同印象中差不多冇咩點變，依舊有和風味道。KIRIN一坐底男友話好口渴，即刻就點左支啤酒啦。KIRIN 啤每次旅行去日本嘅居酒屋都必點，所以諗都冇諗就叫左杯啦。八品刺身盛盒對上一次黎就點左壽司為主，而今次當然要揀刺身啦。呢碟8款刺身嘅盛盒會用冰盤上枱，而且份量都幾多。雖然每款刺身都得3塊，但係每塊都又厚身又大塊。特別係油甘魚，魚肉鮮甜肥美。鹽燒三文魚頭男友平時食魚都鐘意食頭，所以特登叫左呢碟三文魚頭。用鹽燒過後，魚頭肉依然嫰滑，唔會有鞋感覺。串燒5品盛盒5樣之中分別有3樣肉及2樣蔬果。當中豬頸肉夠肉汁提味，手羽拆開後都方便食客進食，燒東菇都幾爽口。魷魚鬚論炸物黎講，魷魚鬚一定係我3大最愛之1，呢度炸得夠哂鬆脆，用黎送酒就最好啦。石鍋香辣海鮮手打烏冬點呢個之前見到香辣呢個字都驚太辣食唔到，不過冇諗過佢辣度岩岩好，配上佢湯底後係好好食。海鮮同烏冬份量都幾多，有大蝦，帆立貝及青口等等，烏冬冇過火，食落夠彈口，再加上入面原來都幾

食物質素還可以，不過服務態度欠佳，酒杯有污跡冇人去清潔，仲話清潔唔到😨😱真係令人好失望然後我發現全間餐廳只用一個清酒樽?!點解呢？即係如果有10個客人飲清酒，就冇清酒樽去招呼佢哋啦😅😅😅你話奇怪不奇怪😱

4個同事午餐食328元，人均84元，食得飽飽，係算抵食魚生都算新鮮，天婦羅，炸蝦餅，網燒牛扒，味道唔錯，服務員都幾有禮貌，上菜都快，環境比較嘈，唔適合三五知己傾解。

一段時間冇黎七福神覺得好懷念，於是同朋友提議黎食下dinner。香蔥三文魚丼 78魚生飯係每次必食既野，當然有我最愛既三文魚。粒粒飯都食到啖啖魚香，重有香蔥味簡直冇得輸。串燒五品盛盒 68非常豐富，有齊豬頸肉，雞翼，青椒，雞肉串等，味道都唔錯。大蝦雜錦天掃羅 62石鍋香辣大蝦海鮮手打烏冬 88烏冬口感唔錯，帶煙韌既感覺。海鮮都非常足料。燒肉帶子串 62幾特別既串燒，燒肉包住大大粒既帶子。外皮食到鹹香，內裡彈牙鮮甜，係味覺既衝擊。芝士焗天火蠔 70熱辣辣，好靚好吸引。芝士味非常濃郁。

今天走出尖沙咀，再到佐敦搵食，目標當然是日本野，上網目到尼間CP值很高，所以膽粗粗就試下。一來馬上點了飲品，推薦的是牛油果鮮奶沙冰，感覺更像奶昔，比較heavy，但牛油果味很重。刺身及壽司點了三文魚腩，油甘魚，赤貝及帶子，三文魚腩非常非常美味，很厚身，而且很新鮮，價錢亦很抵，誠意推介。（因為太美味，所再點了一客）油甘魚亦是厚切，油香不錯，可以一食。赤貝不算是十分新鮮，但仍算是不錯，很爽口。小食亦有驚喜，炸墨魚咀很大粒，咬下去有爆漿的效果👍餃子味道偏咸，比教普通。

已經係第3次黎食七福神了，依然係高水準高性價比！同男朋友都好掛住呢度嘅日本菜，所以專誠book枱黎食餐豐盛嘅晚餐。鐵板燒牛舌爽口又嫩口，仲熱辣辣！蟹肉味噌甲羅燒，每次都要食！水準依然，味噌味道濃郁，蟹肉亦好鮮甜！炭燒河豚乾，即係雞泡魚乾，好少地方有得食，因為識得處理河豚嘅師傅實在唔多！咸甜適中，調味調得唔錯！蒲燒鰻魚口感細嫩，燒得好香！鮭魚燒飯團，外面有少許焦焦的，係飯焦香！飯團外脆內軟又煙韌，係三文魚炒飯，特別美味！食日本野，當然唔少得刺身，我鍾意食三文魚，所以每次食刺身都會叫，今次特別啲，男朋友提意試下三文魚腩，原來魚腩相當肥美，仲有入口即浴嘅感覺！一於以後都食三文魚腩！