七福神和食亭

營業中

休息中

久未見面的友人最近生日，而日理萬機的她晚上又太忙，唯有在她公司附近食好西去慶祝一下～～這間日式食店平常很多人，提前預約穩陣一點，何況我們是lunch時間去呢～先點了刺身拼盤，有北寄貝、海膽、三文魚、甘蝦，特別是海膽很鮮很甜，配搭脆紙菜必食！還有三文魚很厚口感很好！另補點了帆立貝刺身，夠冰凍真的昇華不少，這就是跟點壽司的分別～芝士焗天火蠔，這個有驚喜，芝士味濃郁之餘，蠔處於生熟之間，口感味道都非同凡響！蟹肉味噌甲羅燒，看照片已令人涶涎三尺，蟹肉加上蟹膏，再加少許飯糰恰到好處，不過最後有點飽，飯糰浪費了少許🥺蒲燒鰻魚，很大很大的一條，燒汁甜而不膩，唯獨是太大條，太飽肚了😆芝士天婦羅蟹腳卷，我發現我們都很喜歡芝士跟蟹，所以又點了這個混合體😂當然沒令我們失望啦😁點了這麼多，當然不會便宜，但滿足度真的爆燈了！友人也不會埋怨這餐生日飯吧☺️

聽朋友介紹去佐敦食左間日本餐廳，話性價比幾高，初時諗住佐敦啲餐廳會有啲難搵，原來只係係裕華國貨後面街，地點又幾方便喎。睇一睇餐牌,已經有好多野想食。叫左以下幾樣，都有d食唔晒。關西風玉子燒$56，新鮮制作，蛋層數夠多有口感。蝦雜錦天婦羅$65，上粉薄，哩個價錢竟然有3大隻蝦、茄子、木瓜、蕃薯、秋葵。魷魚鬚唐揚$55，即炸配上五味粉沙律醬，香脆野味。鹽燒青唐豆腐煮$38，用上日本豆腐，極滑豆味重。 露荀牛肉$55，配上燒汁，露荀爽口。特盛海鰻丼$130，鰻魚分量超多，鰻魚汁加上日本珍珠米，正。厚切牛舌$62、燒冬菇$28，牛舌特厚入味，冬菇唔乾仲係Juicy 。 海膽蟹肉茶碗蒸$42，蟹肉配蛋非常鮮味，蒸蛋既時間亦掌握得好好。

事原妹妹仔想我幫佢占卜算命,但又唔知俾幾多錢.....我話大家咁熟, 咪請我食番餐飯仔算囉!想食咩呀?日本菜囉! (因為近排少食日本菜!)咁....想去邊間呀?你請你話事啦!咁.... 佢就訂咗枱去七福神!七福神唔係第一次幫襯, 水準唔錯, 所以放心再幫襯.妹妹仔請, 所以由佢發辦, 蟹籽沙律 (大份量), 炸雞軟骨, 六品刺身盛兮, 蒲燒鰻魚, 九州拉麵.未講食品之前, 先講吓個廁所, 好乾淨! 讚!炸雞軟骨超正, 外表香脆之餘雞軟骨一D都唔硬, 而且極軟又極 Juicy, 爆分! \(^0^)/.六品刺身盛兮除咗有最愛三文魚, 重有帶子, 甘蝦, 北寄貝, 吞拿魚同鱆紅魚, 最深印象係帶子同甘蝦, 肉質極鮮甜, 我重留意到底部放上冰粒保持底溫, 夠貼心.蒲燒鰻魚魚身夠厚肉, 入口即溶而且味道唔會太甜啱啱好, 滿意.我自己少食九州拉麵, 眼前嘅叉燒份量比想像中多, 最重要入口即溶, 湯底亦濃郁, 拉麵彈牙之餘唔會過冧, 滿意x2.最驚訝係個大份量嘅蟹籽沙律! 竟然用個大大個湯碗裝大大份沙律上枱, 你話如果份沙律唔好食都可以放棄唔理佢, 衰在份沙律足料攪到好好味喎! 結果食完個沙律已經

去佐敦附近都好似新開左唔少美食，而呢間成日經過都會見到佢樓下需要排隊所以今日就提早黎book定位一於嚟試吓。蟹籽沙律（大）因為平時見出面嘅沙律份量都比較少，於是就叫左個大的，而呢間嘅沙律份量完全係超出預期，係平時的份量的3倍，適合6個人以上食。而入面的青瓜都非常爽脆。唯一有少許問題係沙律醬太多，所以好膩，建議大家可以叫少醬。芝麻雞翼一碟有四隻，全部都連埋雞翼尖而且係新鮮即炸，表面嘅調味功夫都做得十分之好。夠晒入味有少少鹹鹹地同埋香料嘅味道啱啱好，而且入面啱炸得啱好，仲有肉汁唔會太乾身又唔夠熟，所以呢個芝麻雞翼都叫得過。三文魚腩，一客有5塊，每塊都切得幾厚，係平時放題嘅厚度嘅兩至三倍到。所以食落非常之有口感，而且脂肪分布非常之好，所以非常之容易咬落去，而且唔會有其他唔新鮮的味或者唔夠凍嘅情況出現。石鍋燒香蒜牛肉飯，一上枱嗰陣已經聞到面頭大量蒜香嘅味道，而且石鍋非常之夠熱。所以一上枱之後要開始拌飯。如果唔係就會出現燒焦嘅情況，不過正正係因為夠熱所以成碗飯都會充滿着好香嘅牛肉同埋蒜香味道。十分之惹味。而且牛肉嘅份量都比得相當自大方，少少鹹鹹地嘅汁同埋蒜香食落非常之開胃。炸雞軟骨，上面嘅炸粉一

餐廳分開兩層，下層係接待，上層係用膳，有種更遠離繁囂同私隱嘅感覺。刺身拼盤餐廳提供左唔同嘅刺身拼盤選擇，可以自由配搭自己想食嘅刺身。嗌左一份有帶子、油甘魚、三文魚同北寄貝。芝士焗天火蠔焗蠔嘅大小絕對唔會令人失望，比想像中大隻。餐廳採用嘅芝士唔會太咸，亦唔會濃味，唔會蓋過蠔嘅鮮味。芝士燒天婦羅蟹腳卷天婦羅蟹腳係啱啱炸起，再包入飯卷，入邊依然香脆又夠熱。牛油果鮮奶沙冰估唔到成餐其中一個驚喜係呢杯牛油果鮮奶沙冰。飲落其實唔太重牛油果味，反而更似鮮奶，回味嗰下就會感覺到牛油果嘅味道，成杯野都好香滑。特盛海鰻丼叫得做特盛，份量都有返咁上下。成份鰻魚都係厚切咁。食落好有口感，加上鮮味嘅鰻魚汁，味道一流。墨魚咀唐揚食炸物，尤其係細件野最怕太厚粉。呢度落炸粉份量啱啱好，食落外脆而墨魚咀又好彈牙炙五味有五款火炙壽司，分別係鰻魚、鴨胸、、甜蝦、吞拿魚同三文魚。

佐敦橫巷裏有間舊式上樓的日本餐廳，價錢親民。未到7點已坐低，首先點左三文魚腩，吞拿魚，帶子刺身，帶子鮮甜，厚切三文魚腩好肥美，濃濃魚油香，食左2片已經投降。再來個海膽手卷，海膽唔會好腥，淡淡的味道，而且食到底都仲有海膽，正！食完冷盤就開始熱食，串燒點了牛舌，份量給嚇到了，厚切之餘仲要勁大塊，牛舌要燒到剛好，好考時間拿捏，師傅控制得好好，燒到好爽口，讚！有南瓜，番薯，軟殻蟹天婦羅，看了價錢後，必選軟殻蟹，我未見過如此親民的價錢，而且是大碼的軟殼蟹，加埋天婦羅炸醬，整體感覺係十級大份，抵食！點了鰻魚炒飯作主食，快速上台之餘，仲要有熱度，而且炒飯粒粒分明，配上鰻魚汁的香味，令我今晚食多左飯！總結，店舖係舊式日本餐廳的裝修，可想而知唔係食環境，而真係食品質，出品快靚正，價錢親民，絕對係物超所值！

星期六準備與朋友去佐敦行街街，在行街之前先吃個豐富的午餐 ~ 七褔神和食亭也是不錯的選擇。蟹籽沙律 ~ 超大的沙律，裝滿很多蟹柳，青瓜絲及蟹籽，非常抵食。關西風玉子燒 ~ 蛋煎非常嫩滑，而且味道亦不錯。石鍋燒香辣大蝦海鮮手打烏冬 ~ 有大大隻鮮蝦，青口，帶子等，非常豐富，湯底微辣而濃郁，還有嫩滑的手打烏冬，非常好味。紫芋金粟薯餅 - 紫芋很香甜，做這個甜品非常適合美味。椒鹽風味本菇 - 用粉醬炸的菌菇，味道不錯，內軟外脆，是最佳的小吃。

週未來到佐敦，一直久仰大名，就來試試這間日本料理。我們一口氣叫了不少食物！蟹肉味噌甲羅燒，滿口蟹肉咸香惹味，配合加了醋的飯團，實在是天衣無縫！芝士焗天火蠔一上菜就嗅到陣陣濃郁的芝士味，蠔肉肥美多汁，回味十足。芝士燒天婦羅蟹腳卷，蟹腳又脆又軟，層次豐富，加上芝士，真是絕配！燒牛柳粒也很出色！牛柳粒本身很大粒，燒得剛剛好，很軟腍，沒有渣，牛柳粒中間還見到鮮紅色，表示燒到大約7至8成熟，剛好鎖住肉汁的程度。中間還配有薯蓉，份量十足！菠菜玉子煮實在是意外驚喜！本人最討厭味精，這個菠菜玉子煮完完全全是天然的食材味道！玉子煮得非常滑，真是意想不到！值得一提的是這兒環境乾淨寬敞，侍應態度友善，很適合一家大小去用餐！

係佐敦行過呢間日本餐廳，見到個菜單價格相當平民。，一於就入去試一試。店中菜單的種類繁多，有刺身，壽司，燒物，丼飯等等，我們就各點了一些試試。首先是海膽魚子丼，兩者的份量亦相當多，多到滿滿的不見飯，海膽鮮味相當重，配上彈口的三文魚子，兩者相得益彰，簡直是絕配。然後是炙五味，顧名思義是五種不同種類的燒壽司，當中的燒鰻魚及燒蝦最出色，燒鰻魚入口即化，外皮亦有點香口。同樣地燒蝦，外皮配上牛油香及輕微燒焦的蝦肉，每一口也是享受。燒物當中燒大蔥雞是最出色的一項，燒的時間控制得相當好，大蔥既可保留水份，亦能做到輕焦香口的外皮，證明燒的師傅相當有經驗。另外加埋其他食物，兩人食的晚餐大約為$500，果真是平民日式料理。

自從上次朋友帶我來這裡食過之後,一直回味當中的味道,至今仍然念念不忘,決定再同朋友一齊來食!店內裝潢以木色為主,就連餐枱和椅都好一致,給人柔和舒適的感覺!這裡同之前一樣,用餐時段人潮非常爆滿,無論係近窗的卡位或中間位置都已全部坐滿,好彩我們之前預約好,店員好快就可以安排坐位比我們,真係太好!餐牌食物選擇十分多,有壽司,剌身,丼物,沙律,蛋料理,佐酒小食,串燒,天婦羅,炸物,磯燒,海鮮,麵飯,甜品,飲品等,多款多到不得了!選好想食的料理後,可以將壽司,剌身,卷物等寫在點餐紙上,其他料理則同店員落單就可以了!<石鍋燒香辣大蝦海鮮手打烏冬> 烏冬用熱度超高的石鍋送上,熱呼呼出哂煙!!就算放耐一段時間,食到最後仍然保持一定的熱度!石鍋裡有好多海鮮,有大蝦,帶子,青口等,全部都大大隻,食起來爽口彈牙,肉嫩鮮甜,加上湯底有少少辣味,惹味又開胃!<北海道鍋燒蠔仔粥> 蠔仔粥好似泡飯一樣,飯粒分明,口感濕濕嗒嗒易入口,粥裡加入冬菇,蛋花,蔥等,提升湯的鮮味,蠔仔每粒既飽滿又沒有腥味,真的不能錯過!<照燒雞和風潛艇> 有一條和半條選擇,我們選擇了半條,包上

難食到嘔，明將質素，百思不得其解點解會有800個LIKE🙂試咗幾樣食物無樣樣係好食既。啲壽司飯勁硬，三文魚有渣，豬軟骨湯拉麵又勁淋，冷麵中大伏，連凍檸茶都係無茶味😑唯一正常既係個甜品....

是我其中一間鍾意食的日本食店 我個人喜歡它的熟食 價錢抵好味 還有菜時間又快 不用等太奈就食得 #個人推介 一口牛 中間的薯蓉我好鍾意 好重奶味 好cream#青木瓜沙拉 好味 又有食蔬菜 扮吓健康

在佐敦逛街後到這𥚃吃晚飯。食物選擇非常之多，而且價錢公道。神戶野菜炒 $55主要為椰菜，配料有冬菇，紅蘿蔔絲，紫菜絲，鰹魚片等，健康味美👍豆腐風野菜湯🥣 $55份量相當大，而且足料豐富。除了豆腐及菜，還有冬菇，秀珍菇，本菇等👍煙鴨胸凱撒沙律🥗 $58鴨胸肉嫩滑，切得幼細易入口，沙律醬汁味美👍北海道鍋燒蠔仔粥🥣 $60足料好味👍鰻魚炒飯 $70鰻魚切成小塊，令炒飯口感豐富👍牛油焗帶子 $78味道香濃，帶子鮮嫩😋火炙三文魚腩壽司 $30熟度剛好露筍牛肉串 $55賣相精緻，味道一流😋醬油燒京蔥雞肉 $38雞肉鮮嫩，焦上醬油的京蔥也很好味👍枝豆 $32新鮮好味總括來說，這裡的菜都很足料又抵吃，而且上菜速度快，服務好。

時勢混亂，不吃連鎖壽司店，支持平民小店是大趨勢。今天和閏蜜到佐敦整指甲，閒逛一下便選了日式樓上小店，雖說小店，人潮卻多，7時已坐滿客人。我們坐梳化位，點了三文魚，油甘魚，海膽，呑拿魚，帶子，鱆紅魚，各款都新鮮而且大大件，絕對抵食。炙五味，和牛，三文魚，甜蝦，呑拿魚，鴨胸，炙燒風味吸引，微微熏焦，齒頰留香。燒牛舌，大片不膻，牛油香烤，回味無窮。露筍牛肉，蔬菜加薄牛肉是絕配，還有大葱更惹味。墨魚咀唐揚，炒粉不厚，彈牙，沾沙律醬很滋味。芝麻雞翼，肉厚芝麻香，十分滿意。最後配上清新甜品，菠蘿雪葩，賣相一流，一個小菠蘿中空是雪皅，微微酸甜，菠蘿很香。

令人意想不到，在佐敦的橫街竟然有一間上樓的日本料理居酒屋，一上到２樓，竟然是全場爆滿的。雖然全場爆滿，但不會阻礙到你跟朋友邊傾邊食，事關食店裡的枱有著恰到好處的距離，而且還有一間私人房可供預訂。當然一間居酒樓，除了環境，食物當然要美。而這方面，我對於這間＜七福神和食亭＞亦感到十分滿意首先，我朋友推薦它們的特飲＜啤酒沙冰＞＜啤酒沙冰＞的沙冰泡沫令到整杯生啤比普通的生啤更為冰凍。直到食完整份晚餐，我朋友的那杯沙冰依然跟開始時一樣，生啤上依然有一層泡沫，是我朋友讚這杯沙冰的地方。＜海膽魚籽丼＞是以這平民價但少數食到的新鮮丼飯。雖然它的份量會比其他丼飯少，但以＄１３８的價錢來說，＜海膽魚籽丼＞的新鮮度絕對是超值！另外，<特盛海鰻丼＞亦是十分美味，碗上鋪滿大大塊燒鰻魚，是有厚度咬落彈牙的蒲汁燒鰻魚，絕對是必點的菜單之一。還有＜日式炸蝦餅＞，＜炭火燒河豚干＞和＜嚴選串燒五品盛＞都是幾款一流的伴酒菜大家絕對要試試。