七福神和食亭

營業中

休息中

一直想食七福神，今日終於經過去食。佢呢度餐牌好多食物，有壽司、卷物、刺身、串燒、鍋物等等。由於選擇好多，所以可以自己喺張紙逐一落單。叫咗個刺身拼盤，有海膽、飯團、三文魚、吞拿魚、油甘魚、北寄貝、帶子、甘蝦刺身，非常豐富。卷物叫咗金龍卷，非常新鮮，炸得香脆，好食！加咗一客赤背壽司。赤背鮮甜夠爽口。串燒叫咗個串燒拼盤：有全串雞軟骨、冬菇、豬頸肉、燒雞翼、青椒仔。再叫咗個牛舌串燒好食。軟殼蟹手卷都唔錯，都係新鮮炸起，幾好！

今晚終於有得同老公出去撐下枱腳，事緣老公話揾到間位於佐敦嘅和食店，睇埋食評後就安排訂位，竟然話比驚喜我，呢間和食亭需要上一樓，還比 book位時間早左些，門口嘅服務員都比我地上去，我地一踏進梯間已感受到好爽嘅冷氣因為天氣悶熱，真係即時加分，要試埋食物質素先可定斷。被帶到窗邊卡位，兩個坐落舒服又有空間感。做足防疫要求，而且好爆一定 book定位，個個都食得好滿意咁。Menu超多選擇，自己落 order 紙，分晒類別方便揀。唐揚尤魚鬚 $55熱辣辣送上嘅鬆化香脆有又嚼頭 鐘意食尤魚鬚嘅老公 勁讚賞。清酒煮海膽 $88必食推介，蜆肉肥美鮮甜，雖然清酒煮但蜆嘅鮮甜無被蓋過，反而提鮮添。主食揀壽司，即叫即製，我選擇左炙燒帶子，鰻魚同埋赤貝，飯量少d刺身就配合，食多幾件也無罪惡感我反而好想試呢款免治雞丸串 $55曾經係日本食過，不過就係雞軟骨做較有粒粒咬口。同樣跟隻生雞蛋的，而呢間就用上免治雞肉，串起燒得外表金黃，再醮蛋汁來食特別香滑。日式小食中，較喜愛螺肉不過普普通通。甲羅燒滿滿蟹肉蟹膏 配埋飯團同紫菜，我見好多枱都有叫，唔執書叫翻個同老公嘆下，真係好香濃鮮，齒頰留香。甜品雪糕也好吸引，可惜個肚

已兩、三個月沒有外出晚膳了，見疫情稍有緩和，約了閨密出來傾訴一番。裝修過後的七福神，比從前更光亮整潔，加設了一些防疫隔板，也增加了私隱度。侍應都是熱情有禮，服務周到的。八品刺身盛合 $288各種刺身都非常新鮮，有齒頰留香的海膽、油甘魚、吞拿魚、三文魚、八爪魚、甜蝦、帆立貝及北寄貝。奉上紫菜片及壽司飯，體貼！芝士焗天火蠔 ＄72每隻蠔也是香滑豐滿，蠔味濃郁，芝味滿分！鹽燒青唐豆腐煮 $38豆腐非常軟滑入味，連吃兩件也不會歉多。芝麻雞翼 $62熱辣辣的芝麻雞翼，外皮香脆，肉汁豐富。鹽燒油甘魚鮫 $78魚鮫位香滑多肉，以鹽帶出魚香。蟹籽沙律 $60蟹籽卜卜脆，蟹棒和青瓜絲新鮮，混合了BB沙律醬，大大碗也能清碟。梅酒 $138美食當然要美酒相伴。柚子雪糕 $24常說女士有另一個胃，即使吃得飽飽，也要吃個甜品才肯罷休！這雪糕是重柚子味的、酸香幼滑的。

Google到呢間日本野好多好評，walk in去食，個場都9成滿。兩個人叫左壽司、石鍋燒香辣大蝦海鮮手打烏冬、蟹肉味噌甲羅燒同大蔥雞。🍴壽司味道幾好，魚生都新鮮，最好食係火灸三文魚🍴蟹肉味噌甲羅燒好掛住日本個個，見呢到有就叫左，仲配埋紫菜同白飯，燒到熱辣辣，有日本既味道，好好食。🍴石鍋燒香辣大蝦海鮮手打烏冬大蝦又真係幾大，爽口彈牙；湯底辣度得bb辣，唔食辣都食到；烏冬彈牙；石鍋keep到溫度，唔怕凍曬，連埋鍋入面既娃娃菜，係一道幾港式風味既烏冬。🍴大蔥雞燒得太乾，雞肉鞋口，唔太推薦

想念日本可惜不能動身前往，想起了這一間之前吃過，不論味道還是價錢都非常滿意的居酒屋餐廳，決定再次過來餐廳菜式選擇很多，絕對能照顧不同客人的需要和胃口蟹子沙律，份量非常之多，我和朋友點了大份量的，絕對是適合三至四個人食用，青瓜爽口，蟹籽和蟹柳的份量亦多刺身四款，剛好正在做優惠，油甘魚驚喜，帆立貝亦厚切，這個價錢上非常推薦炸墨魚咀，我和朋友都十分喜愛這一道佐酒小食，非常香口，外皮香脆同時間墨魚咀濕潤吉列蝦反卷，吉列蝦同樣炸得非常香脆，配合壽司飯吃非常滿足芝士肉醬茄子，烤茄子吃得多，配搭芝士肉醬比較少嘗試，同樣非常不錯，芝士的鹹香配搭茄子非常配合最後甜品來了一道菠蘿雪䓃，非常滿足

不知何解，每隔一段時間又會想念七福食神的美味食物，這天趁疫情稍緩，即約三兩知己出來這裡聚聚！餐廳重新裝修，感覺更開揚舒服。亦加了防疫圍板，食得安心！八品刺身盛盒刺身拼盆係每次指定必食頭盆！💪🏻眼前一亮、看到已經胃口大開，款款吸引新鮮，肥美海膽，入口即溶且豐，甘香回味；北寄貝爽口結實，特別是三文魚， 新鮮帶子和甜蝦每次必定追加。😋追加深愛美食帶子刺身（6切）甜蝦刺身（5本）這兩款每次和朋友都係食過不停。😋😋和牛刺身薄薄一片和牛，肥脂均勻有牛味，入口即化，果然係上等和牛。👍🏻魷魚鬚唐外層酥炸溥皮，緊緊包住了魷魚鬚，入口非常酥脆、彈牙。脆皮煎餃子薄餅般的脆皮底，吃起來卜卜趣~~而餃子底部金黃的色澤誘人食慾， 咬下去酥脆的口感與內餡多汁超滿足。芝士焗天火蠔濃香芝士外層稍稍燒焦，配上一些煙肉粒一同烤焗，加上惹味肥嘟嘟原隻鮮蠔，豐富口感，只可以説最佳配搭。柚子酒（300ml）酒逢知己千杯少，每次都會試不同的酒，今次挑選抽子酒，清幽脫俗嘅柚子香味，恰好酒濃和甜度，值得 Encore！😽芝麻雞翼外皮滿佈芝麻，麻香帶趣，雞肉還保持鮮嫩，而且有少少鹹香醒胃感覺。👍🏻紅豆雪糕日本紅豆雪糕，奶味香濃，入口細緻

星期五放工嚟咗佐敦呢間餐廳食日本野！東野都好多人喺樓下排隊，入咗餐廳之後都見到係滿座！感覺都好受歡迎一共嗌左五樣嘢有18件壽司拼盤鰻魚炒飯軟殼蟹卷照燒雞和風潛艇，呢度只係半條嘅份量牛粒味道都唔錯

四周圍都大減價，買到荷包好肉痛，滿足的拿着戰利品，去支持一下很久沒到的樓上日本料理，七福神和食亭 好像剛剛翻新了，室內裝修更加和式明亮，採光度很好。餐牌裡食物款式選擇多，而且價錢實惠，份量落足料，怪不得經常性都滿座。蟹籽沙律突然間好想食多啲蔬菜，清新減肥一下，蟹籽鋪滿沙律上面，好多青瓜絲夠晒爽脆，蟹籽加蟹柳同樣美味。炸魷魚鬚熱辣辣酥脆可口，呢款小食好開胃，魷魚鬚香噴噴入口彈牙有咬口。壽司食日本料理當然唔可以錯過壽司啦！海膽壽司份量都算多，紫菜脆口，海膽入口即溶且豐腴肥美，甘香回味。赤背壽司，鮮甜爽口，新鮮好味道。吞拿魚壽司，顏色紅潤有光澤，新鮮可口，這裏的壽司味道也不錯。焗肉醬茄子手打烏冬焗肉醬茄子，有肉有蔬菜，醬汁美味，每一條手打烏冬都沾滿醬汁，彈牙又好味道，值得一試。露筍牛肉串肥美的牛肉卷着露筍一起燒，鎖緊肉汁，露筍入口爽脆，牛肉味道濃郁，醬汁味道很不錯！柚子雞翼花柚子啱晒夏天食，最近天氣悶熱，清新日本柚子系列，配搭脆炸雞翼最適合不過。雞翼花皮脆肉滑，食到甜美柚子芳香，多汁惹味。鰻魚炒飯鰻魚鮮甜又唔腥，炒飯粒粒飽滿，充滿鰻魚鮮味，口感有層次。雪糕綠茶、柚子味，帶我穿越日本旅遊時光，

疫情放緩，困在家有點悶，今晚約了朋友在佐敦吃晚飯，老地方照例選點也是在"七福神美食亭''。 踏入餐廳眼前一亮！原來裝修了，比以前亮麗了。 食物更沒令我們失望！全新的Menu一樣的精美，圖文吸引！先來三文魚腩 (5切 ) $ 68帶子刺身 ( 6切 ) $ 60刺身晶瑩剔透，閃閃生光！非常新鮮！魚腩柔軟，嫩滑甘香！帶子夾着鮮檸檬片一起吃， 將鮮味提升得淋漓盡致！清酒煮海蜆 $ 88蜆肉肥美鮮甜！蒲燒鰻魚 $ 135肥美，味濃甘香與白飯最匹配！芝士燒天蚝 $ 72 /3隻這個不得吃！面層的拉絲芝士焗得忌廉狀態，熱騰騰的！蚝杯很深，蚝肉非常肥美，爽滑鮮甜啖啖肉！真難忘的滋味！醬燒豬軟骨湯拉麵 $ 65麵質彈牙，湯底不肥膩，豬軟骨更加綿滑柔軟。紅豆雪糕 $ 24略甜，雪糕滑滑紅豆香味濃濃！椰子雪芭 $ 48一椰的香濃！今晚太滿足了！如此美食，可說是爲這段抗疫日子的最大安慰！

之前同朋友再來食七福神，食物質素一樣咁好，岩哂一班人黎聚一聚。石鍋香辣手打烏冬 88辣度適中易入口，烏冬口感煙un，最驚喜係海鮮配料唔少。雞翼串 38雞翼燒過又能鎖住肉汁，好惹味。露筍牛肉串 55牛肉幾juicy,同露筍好夾。三文魚腩（5切） 68朋友同我都鐘意食三文魚，新鮮厚切，入口即融。帶子刺身 60蟹籽沙律 60冇諗過咁大份簡直係jumbo size，加埋沙律醬好開胃，粒粒蟹籽增添口感。關西風玉子燒 56 十分推介。

論香港人最喜歡的菜式非日本菜莫屬，日前同男朋友去左食壽司，壽司選用日本米炮製，軟韌有飯香，而且男朋友好讚賞佢嘅壽司飯力度握得適中另外用料新鮮外觀飽滿，味道相當鮮味。所以好想分享一下，呢間道係【7福神和亭】。佐敦食肆林立，餐廳位於彌敦道311-313號1樓，位於佐敦港鐵站附近，沿樓梯上至盡頭便進入店內。入面格局開揚，裝修清雅，以深色木材為主，唔知係咪今晚係星期五晚嘅緣故，相對疫情上都比較多人，有好多打工仔落嚟飲番杯。呢度寬闊有一點點焗促，不過勝在咩組合嘅人都可以安排到，因為有房又有卡座等等。此店供應，拉麵、燒物、鍋物、炸物，燒物，壽司，手卷，刺身，飯，鳥冬，飲品等。選擇甚多，揀選美食都花了一點時間。👉🏻芝士焗天火蠔 $72以牛油和牛奶做汁底，加上巴馬臣芝士調成美味“芝”味白醬淋在生蠔上，放入焗爐焗至上色，忌廉醬汁十分濃香，芝士同調味做得幾好，這道焗生蠔無疑是大餐頭盤之選！生蠔鮮甜美味，蠔好新鮮，再加埋檸檬汁一齊食，芝士焗生蠔 亦受不少人青睞，只因愛上生蠔和芝士味道的完美配搭。👉🏻七味醬油燒雞扒 $58起鍋後可以再灑上一些七味粉，增加味道，味道較溫和,多層次的麻辣口味令人再三回味，已經有鹹

很久沒有吃日式料理，今晚去了吃日式料理，還點了很多不同的食物。六品刺身盛兮刺身拼盆是必叫的，每款都新鮮，三文魚肥美，不過不失，如果散叫的，不妨試鱆紅魚及帶子。金龍蝦反卷這蝦反卷一吃再吃，味道很不錯，蝦炸得好脆，美奶滋份量剛好。炭火燒七味雞扒雞皮燒得十分好，皮下脂肪已全消失，像薯片一樣，非常好，惟雞肉嚡了點，不知是否跟燒雞皮的時間有關，整體還算不錯。蟹肉味噌甲羅燒價錢不算太貴，而且味道很濃，每口都是鮮味蟹膏及蟹肉，夾在飯及紫菜一起吃，很美味，正如店員所說是店內最好味的其中一款食品。七福神奄列飯有點驚喜，普通的一個奄列飯，本來沒有特別期待，當吃的時候，卻出奇的美味，份量很足，蛋很滑，飯內的餸不算很多，但吃來卻簡單而美味。燒肉帶子串串燒也是不錯，帶子雖沒有餐牌的大，但配合燒車厘茄及煙肉，味道惹味。山型香桃雪葩充滿香桃味的雪葩，在吃了一頓美食之後是最好的選擇，清香水蜜桃味濃厚，每口雪葩都是鮮果味，雪葩夠凍，可以慢慢嘆，非常好。

朋友在佐敦開業，湊熱鬧後各自晚餐，免於聚集。我倆小口子隨即找到《七福神和食亭亭》，屬中價的日本餐廳。入口處日式布置很和風，感覺良好。沒有點太多的刺身，只點了油甘魚刺身，肥美油香厚切，質感充實。自選壽司拼盤，三文魚腩、油甘魚、玻璃蝦、赤貝、吞拿魚及加州反卷壽司。整體質素平均，但特別喜歡新鮮赤貝，那種天然的爽口感，的確美味！吃完這盆壽司都飽足了七成 👍另外點了人氣的海膽魚籽丼，分量比預期少，但味道還好，魚子配海膽，魚籽有天然咸味，醬油都可以省掉 👍💖💖除刺身壽司外 還點了些熱食，這客露筍牛肉，露荀夠嫩無渣，牛肉不韌，加上燒汁及芝麻，味道很好。椒鹽風味本菇，椒鹽味道很中式，中日 fusion 菜 🤭🤭！脆口中有本菇的軟稔，一件接一件的可口小食 👍💖💖南瓜蕃薯天婦羅，炸漿厚薄適中，南瓜蕃薯都是甜甜的，勉強算是甜品啊！🤭🤭整體還算令人滿意，又是一個愉快的晚上！

好耐冇食牛肉飯，過下口癮，都幾多牛肉同埋個汁撈飯好味～係落得有啲多炸蒜，好似啖啖都有蒜味咁特別版大阪風味厚燒牛舌，真係好厚，味道就還好啦，可能叫返平時串燒嗰隻味仲好 😂壽司一啲都唔貴，又多款式，以呢個價錢係物超所值～想食日本野又唔想洗咁多錢，絕對可以尼呢度！

約了朋友到佐敦地鐵站交收書本，反正已經在附近決定跟她吃完晚飯再回家吧！裕華國貨附近有一樓上居酒居，之前吃過食物都不錯，今晚一於就決定去吃個晚飯。柚子乳酸波子汽水先調配好柚子乳酸放入大冰杯中，再自己倒入波子汽水，味道酸酸甜甜，有點似忌廉溝鮮奶，很好喝喔！關西風玉子燒玉子燒即叫即整，新鮮熱辣，蛋味香濃，入口軟嫩。七味炸雞外皮香脆可口，雞肉保持鮮嫩，而且充滿肉汁，沾少少七味粉沙律醬，更添滋味！牡丹蝦剌身蝦肉爽甜彈牙，甜味十足，非常新鮮。芝麻雞翼成隻炸到金黃色，外皮香脆，內裏雞肉嫩滑多汁，超正！七味軟殼蟹卷+金龍蝦反卷2款卷物餡料都非常酥脆，餡料份量非常多，而且味道不錯喔！鰻魚炒飯遠遠已經聞到鰻魚香味，入口惹味可口。