一鍋瘋 (已結業)

今日補食莎莎生日飯。主角鍾意打邊爐。當然叫佢自己搵啦！最後搵到呢間一鍋瘋確實唔錯。一人一鍋。湯底仲好等別。有栗米/椰子/紫薯/菠菜我地一行三人揀咗3款不同湯底粟米~滚起之後好香粟米味。夠灣甜椰子~冇咩椰子味紫薯~係我揀的。所以可以講多少少比大家知紫薯味湯底，未滾起都已經好香紫薯味。當滾起時更香。每位$158包湯底及10款指定海鮮。其餘後加食物由8元到28元不等（肥牛除外）美國安格斯牛小扒$98（例）$168（大）美國三角牛肩$68（例）$118（大）而家介紹吓食物先今日指定嘅10款海鮮包括有解鮑魚/貴妃蚌/印尼白屋子/本地鮮魚片/泰國海中蝦/花甲/印尼東風螺/紐西蘭馬刀具/越南蓄蜆/日本白蜆/菲律賓肉蟹鮑魚~我唔小心跌咗隻鮑魚落地，所以冇得食。講唔到我的感覺。貴妃蚌~蚌肉都幾厚印尼白聖子~唔好睇佢細細隻，但肉脹卜卜。好鮮甜泰國海中蝦~都幾大隻，蝦肉爽越南蓄蜆~都算大隻印尼東風蝦~肉細但解甜日本白蜆紐西蘭馬刀具菲律賓肉蟹本地鮮魚片美國安格斯牛小扒~牛味都唔錯. 而且唔靭. 份量都多. 每份$8的火鍋配料. 我地叫咗以下呢d雲吞~好夠味, 餡又多. 可能我個湯係紫薯, 所以雲吞變咗色海胆丸

早想一嘗粥底火鍋滋味，礙於衛生關係一直卻步，看到有一人一鍋火鍋，一於試試。湯底我要了甘荀、友人要了粟米。海鮮拼盤非常大堆頭，有蝦、 蟹、鮑魚、花甲、貴妃蚌、沙白、魚片等等。海鮮非常新鮮，蝦子很活潑，不停「跳樓」；蟹充滿蟹膏，肥美鮮味；花甲、沙白鮮甜飽滿。另叫了美國安格斯牛小排(例)，份量足二人食用，肉質軟滑不韌，肉味濃郁。八蚊份的配料也算抵叫。吃光配料就麻煩店員加入南瓜和芋頭，加入粥底，煲至水滾，香甜滿足。這個價錢我我覺得可以一試。

星期日卻是下雨天, 在旺角街頭行人來去衝衝, 小妹購物意欲亦大減, 惟食欲郤出奇地激增。腦袋中忽然想起熱騰騰的火鍋, 路經一間食店*一鍋瘋-提供一人一鍋勁量海鮮火鍋, 即時要拉埋老公入去品嚐啦。時間尚早, 店家不是大多客人, 即時趕快取位醫醫肚先。店家一人一鍋定價$158一位, 竟然連埋有十款海鮮, 當中更有鮑魚貴妃蚌等貴價海鮮, 絕對超值。小妹選了紫色的紫薯湯底。哈哈紫色的, 好像女巫湯底似的😁。再黎2人份量既勁量新鮮靚海鮮。實物睇真係超大份, 食完海鮮都已經有6/7份飽。當中一提是店家海鮮是超新鮮, 聖子大大隻彈牙爽口, 鮑魚, 海蝦, 蟹等等都絕對超出預期,正呀!!店家更會教你放海鮮之先後次序, 烹煮時間, 不會因烹煮過時而浪費了新鮮的海鮮, 超貼心!!玫瑰蝦滑 $28蝦滑份量不少, 而且非常足料。單單肉眼已見到大量原粒蝦肉, 鮮甜味美且彈牙可口, 必點之選!其他配料碟碟$8, 你冇睇錯真係8元。起初小妹以為8元的份量一定超少, 但可以話店家真係良心食店, 每碟均有3件份量。當中豚肉肥牛, 你夾起一塊是超長勁大片, 與坊間二三片份量無異, 最緊要是新鮮又滑嫩!!食到最後已飽足9成

一人一鍋 $158🥢五顏六色可以個個揀唔同湯底試下橙色🧡甘荀黃色💛粟米白色💟椰子紫色💜紫薯綠色💚菠菜湯底只有好淡既味唔會遮蓋海鮮味道🦐🦀有十款海鮮蝦、蟹、鮑魚、貴妃蚌、花甲、聖子⋯全部都好新鮮無沙😋蟹仲有好多膏好貼心❤️有提示每種海鮮要煮幾多分鐘唔洗驚太熟/唔熟另加配料都係每款$8咋記得唔好眼闊肚窄最後會加南瓜粒芋頭粒煲粥索哂d精華😍😍😍😍個粥好綿好正！重點！中意我地既分享就follow我地啦

人們對「紫薯乜乜乜」的態度好兩極化，一係好鍾意，一係會好厭惡。上網睇到紫薯可以用來做火鍋湯底，雖然我無咩大的反感，但是他覺得好得意，所以同他一齊去食一次。可能我哋來得比較早，所以好快有位坐。雖然枱與枱之間的空間較窄，不過抽風效果不錯，所以完全不焗促。原來呢度係一人一鍋，除了可以各自點自己喜愛的鍋底之外，仲可以分享選取的食材。他點了紫薯鍋底，而我就點了粟米鍋底。而食材方面，咁豐富的海鮮 set 當然是不能錯過吧~ 另外還選了一些食材。最正的一定係蟹，睇到入面多膏到呢～ 不論係膏或者係肉都香滑到不得了。其他的食材都好好食，款款新鮮美味。我們放入自己的鍋去煮熟，食材都會變色，不過食起上來湯底的味道不會很濃而蓋過食材原本的味道。加過一次水，又食到差唔多，d 水只係剩番三份一左右，職員給我們米飯去煮粥。其實係要邊攪邊煮，否則好易燶底，好快就食得啦～無論係入邊個鍋底，味道甜甜地，較煮菜時突出，暖暖地十個惹味。

上星期同朋友路經通菜街，順便揾下食。叫左十道鮮味鍋，湯底就要椰子湯，係無味精無色素，好健康啊。十道鮮味仲包田園沙律，為我個胃打一打底，沙律菜新鮮爽甜，不錯。十道鮮味盛惠158，有十款海鮮，算好抵下。海鮮有蝦、花甲、蜆、蟹、班片、貴妃蚌、鮑魚同蠔仔。最好食係花甲同蜆，好肥美鮮甜。蝦爽口、班片滑，其他都唔錯。配料方面，我地叫左肥牛、蘿蔔、水餃、豆腐、蟹棒。個湯煮完海鮮先落其他野食，倍加鮮甜，蘿蔔嗦汁就更加好。到最後加埋d粥入去煮，岩岩好夠飽，不錯。最爽係當晚有世界盃睇，餐廳裏面既食客一起睇波，隊下啤酒咁，相當熱鬧。店員服務態度不錯，會推介食物予客人。

旺角找美食，這條街最多小店。看見門口已經吸引。入座後，店員先叫我們揀湯底，原來係一人一鍋的。而且湯底好特別的，有黃、橙、綠、紫、白，就是粟米、甘荀、菠菜、紫薯和椰子湯底。鍾意食海鮮的我，見到這盆海鮮就興奮。店員還提㸃煮的時間及次序。先食魚，跟住食貝殻類，最後食蝦蟹。但鮑魚就不用把殻一齊放入煲煮。海鮮好新鮮，蝦又大隻又鮮甜，而且好有蝦味。而隻蟹肉厚鮮甜，還有勁多膏點了店員說是店內皇牌的美國安格斯牛小排，肉質煙韌，有牛肉味。還點了玫瑰蝦滑，這𥚃的蝦滑是不同的，店員說不可直接放入煲煮。到食時，真是同平時食的不一樣，好有鮮蝦味，而且彈牙，還放入了蟹子，真係好鮮甜最後湯底加入南瓜粒、芋頭粒、米糊及冬菜，煮成粥。原來菠菜湯底煮的粥都幾好味，可以保留到海鮮甜味。

又到星期日家庭樂，陪阿媽由花園街行到女人街，邊行邊傾邊掃街好歡樂，行到天黑等埋阿爸就係女人街揾食，阿爸一見到海鮮粥底鍋即刻唔洗諗就入去~呢度套餐$158/1位，價錢好吸引，特別在於一人一窩，可以試唔同味道粥底，然後有一盤新鮮海鮮，其他火鍋料就由$8起，叫多幾款都唔肉痛~首先diy混醬~然後揀粥底味道，等候其間有新鮮爽脆沙律作前菜~粥底我揀左菠菜，對面既係紫薯，天然既顏色好靚好吸引~大大盤海鮮盤有齊蟹，蝦，魚，蟶子，鮑魚，螺，蚬，蚌等等，好豐富~呢個價錢有新鮮貨確係驚喜~蝦生猛，肉爽彈~貝類鮮味無沙~我至愛就係蟹啦，好鮮甜，厚肉仲好多膏~菠蘿雞肉滑，墨魚滑各$28美國三角牛肩(大) $118非常大堆頭，份量比想像中多好多，睇個樣唔算靚，但食落驚喜，牛味濃，唔太肥，食落有質感，大家都覺得好好食響鈴，雲吞，唯山各$8雲吞係鮮蝦雲吞，$8三粒抵食~水餃，牛柏葉，烤魚皮各$8食哂火鍋料就可以請店員加南瓜同米糊，煮到稠杰就食得，呢啖粥結合左所有海鮮同火鍋料既精華，若隱若現既波菜清香，好好味好滿足~

同friend行女人街shopping後已經係到dinner time,剛巧經過豉油街與女人街交界,發現有間一鍋瘋餐廳，門口Menu介紹每人只係＄158元已經有10款時令海鮮、重有粥底可五款揀一，我哋喺玻璃窗望入去，見到有好多食客,佢哋一人一鍋打邊爐，好衞生， 兩個決定今晚就入去啲間試試。😍嘩！好生猛嘅海鮮，見到啲蝦仲扎扎跳👏🏻，店員悉心介紹我哋話可參考指示牌，颯唔同種類嘅海鮮有唔同嘅時間,效果會更好味。鮑魚入口感覺唔靭，夠淋滑有口感。貴妃蚌同蟶子好大隻味道鮮甜。肉蟹同蝦好生猛又新鮮，肉質夠彈牙又覺鮮美。我哋叫咗美國安格斯牛小排，例$98元，一上枱見肉質光澤新鮮，只係拖兩拖就食得，入口鮮嫩又甘香。又試吓佢自家出品嘅玫瑰🦐滑同迷你拼盤,每分＄28元，自家出品真係零舍唔同，特別好味😋 又有超過40款火鍋配料，每份只係＄8元一碟，見咁抵食又叫多4款，有蟹粉包、海膽丸同雲吞，好多餡料係入面，；溫馨提示：食嘅時候要小心入邊啲汁四淺。美國豚肉，淋滑鮮味，又係＄8元一碟真係好抵食👍食到最後服務員幫我地加咗啲南瓜粒落湯底後再加啲粥，粥索晒啲精華，煲滾之後重好味，我同friend足足食咗幾碗😋

今日出旺角入貨，非工作也，夏天到又係時候換下護膚品啫！順便食個晚飯，平日晚出旺角無咁多人真好，所以捉咗屋企人陪我。成班海鮮控經過依間火鍋店就被海報吸引了。本以為是普通粥底火鍋，原來佢仲有不同選擇， 我就揀咗紫薯味，因為靚囉，嘻... 一人一鍋，正！(當然佢哋試了其他口味啦)一人有10種海鮮，我最愛"印尼白聖子"及"大連貴妃蚌"，依兩款都係口感超彈，又鮮味；但食鮮魚片就要注意有少許骨，聽說多⻣的魚較甜，佢又真係甜嘅。另外單點了一些食材，其中"玫瑰蝦滑"堅好味，唔係純蝦膠，係見到一粒粒蝦肉的，好鮮甜喎！還有"美國三角牛肩"都好重牛味，口感幾彈。最後個粥底海鮮味超甜，果然係精華所在，本來已經飽了，也忍不住食了一大碗粥添！

行女人街最怕就係行行吓落雨，仲要係斜盤大雨,為免掃興就唯有中場休息去附近尋食醫肚，咁岩路經呢間一鍋瘋特色粥底火鍋就係比呢個$158套餐吸引咗入黎，餐廳無豪華裝修，但座位也算得上乾淨整潔。入座後職員就為我們講解套餐食法首先揀選一種自己喜愛嘅粥底，再享用豐盛嘅海鮮盤，之後可追加牛肉及不同款式嘅$8火鍋配料落單後先送上麻醬什菜沙律紫薯粥底菠菜粥底10味豐盛海鮮盤肉蟹，鮑魚，蟶子，象蚌，蜆，魚片，海蝦，螺....大滿足當然追加係指定動作菠蘿雞滑 墨魚滑，雞滑有點平凡，唔係想象中嘅要求，墨魚滑也尚算彈牙。美國三角牛肩，有驚喜，牛味濃厚，而且師傅切得唔會過薄，帶有咬口，而且(大)$118份量很多，Cp值很高。$8火鍋配料，一分錢一分貨，所以每種只有3件。最後拌入米糊，南瓜粒，煮成香粥，滿美口福

約咗同事食飯，大家都想打邊爐，但兩條女又唔係食得多又唔係！搵到呢間一人一鍋海鮮火鍋！價錢又好抵$158一位！老老實實一分錢一分貨所以本身期望唔大，諗住一試無妨心態！當日落雨斯濕，所以都無乜人放咗工仲走出去食飯！餐廳都無乜人！我地可以揀自己鐘意既粥底，打完海鮮就可以食個鮮甜粥底！見到粟米/ 紫薯/ 甘荀/ 椰子/ 菠菜，不停掙扎粟米定紫薯定椰子🥥，結果我都係抵唔住紫薯粥底誘惑😂 同事就揀咗粟米粥底！海鮮就係指定既十款，另外加咗$98例牌美國安格斯牛小排，$28墨魚滑，其餘既火鍋材料都係$8，所以細細份，勝在選擇多，我地揀咗娃娃菜，萵筍，等等！諗住加住少少先唔夠先再加！落完order 食物黎得好快，先黎咗粥底，顏色好鮮豔，不過聞落就無乜紫薯味，同事個份就有啲粟米味，呢間餐廳有張紙教邊樣海鮮要淥幾耐，我地就跟足黎食😂 一開頭食魚覺得好鮮甜好surprise，跟住一一咁食海鮮，幾乎每一樣都好鮮甜呀！我同同事都好意外呢個價錢食到咁高質既海鮮！我覺得最鮮甜係象拔蚌，聖子，蟹都好香好好食！真心好高質呀！其間侍應都好主動加湯底！跟住食牛，個牛都真係好有牛味好抵食！其他火鍋材料都好正常好食！ 食到呢到已

約了朋友慶祝生日，兩個大男人食飯其實最好都係打下邊爐，十下十下開開心心。由於我地都係鍾意食海鮮既，咁就上網搵到依間係旺角食海鮮火鍋店。我地有book 枱，而且又早食，所以都有卡位。 依度主打係海鮮一人鍋，158蚊一位有10道海鮮。 首先就揀湯底，黎之前做左功課，D湯底係五顏六色既，咁我就揀左綠色（菠菜湯底），我朋友揀左白色（椰子湯底）之後㨂其他配料，揀好左就等食XDDD 食之前一人一碗沙律 湯底黎啦～我個碗好綠色 首先到既係海鮮拼盤 睇個樣都覺得好新鮮，今日D海鮮有 蟹、聖子、蜆、螺、花甲、貴妃蚌、鮑魚、蝦、同埋魚。 唔止新鮮亦都睇落乾淨 之後店員就比張menu我地教我地點煮，每樣食材都有煮既時間開餐既時候到了！！！ 蟹都幾多羔 鮑魚佢地會洗左，去左D內臟，同埋成個起左比你，食起上黎好方便。 蝦一人兩隻，好大隻食落好彈牙。 聖子其實最麻煩係洗，因為多沙，但依隻就無，食落好鮮味。蜆同埋其他海鮮都好味。食完海鮮就食其他配料啦。我地又揀左D 配料，有幾樣係28蚊，28蚊配料份量就多D 而更多既配料係每份8蚊，都好抵食。 咁我地就揀左邊爐必食既料，有肥牛、美國豚肉、雞脾肉、雲吞、水餃、午餐肉、

近排迷上左Hottoys模型，每兩三日都會走一轉旺角交低份糧。呢日又一次上去，死心塌地落左訂之後就同另一半係附近覓食。行一行女人街果頭，見到兩邊食肆中有間主打粥底火鍋店，見價錢又唔太貴 就試一試 反正我地都好耐未食過粥底火鍋。我地揀左$158套餐 包10款海鮮，然後再揀佢主打無味精、無色素既粥底。另外仲有一d丸類、肥牛、蔬菜，一律8蚊一份，十分之抵。未幾就有沙律送上，蔬菜清新爽脆，撈均沙律醬，十分開胃。相隔冇3分鐘，鍋底已經送上。我就點左椰子粥底，顏色呈乳白色，毫無雜質，仲有淡淡既椰香。另一半則點左粟米，粥底呈奶黃色，認真真材實料，望落亦十分治癒。同一時間海鮮拼盤亦都送上。見菜單表明，每款海鮮都分別來自日本、越南、印尼等，橫跨多國 非常吸引。當中有鮑魚、肉蟹、海蝦、東風螺、鮮魚片等等。餐廳亦都好細心，將海鮮既煮食次序、時間都印左出黎。跟住佢黎煮咁就唔驚淥過龍啦。生魚片切得唔薄唔厚，厚度適中，淥1、2分鐘就食得，無乜骨，淡淡既椰香更加襯托出魚鮮味。食粥底火鍋點可以冇貴妃蚌？貴妃蚌出味肉厚，味道鮮甜。放入鍋中 更加係同椰子粥底溶為一體，外表上更白，味道上更甜。大蓮鮑魚，餐廳貼心地已經預先開

完全冇特別，海鮮完全唔新鮮，個海鮮份量好少， 158一位，不如去食扑扑蜆好過。至少佢哋168一位， 有過百隻新鮮蜆食。食呢間做158啲完全唔新鮮嘅海鮮，太貴了，其他＄8的配料太少了，例如肥牛得三舊，響令3pcs，菜都係得兩住，實仲要加埋一都差唔多＄10一蝶，而且用料是完全唔新鮮，係所有都唔新鮮。我以後一定唔會再去，如果你哋唔信，不仿自己去試一試