一鍋瘋 (已結業)

約咗同事食飯，大家都想打邊爐，但兩條女又唔係食得多又唔係！搵到呢間一人一鍋海鮮火鍋！價錢又好抵$158一位！老老實實一分錢一分貨所以本身期望唔大，諗住一試無妨心態！當日落雨斯濕，所以都無乜人放咗工仲走出去食飯！餐廳都無乜人！我地可以揀自己鐘意既粥底，打完海鮮就可以食個鮮甜粥底！見到粟米/ 紫薯/ 甘荀/ 椰子/ 菠菜，不停掙扎粟米定紫薯定椰子🥥，結果我都係抵唔住紫薯粥底誘惑😂 同事就揀咗粟米粥底！海鮮就係指定既十款，另外加咗$98例牌美國安格斯牛小排，$28墨魚滑，其餘既火鍋材料都係$8，所以細細份，勝在選擇多，我地揀咗娃娃菜，萵筍，等等！諗住加住少少先唔夠先再加！落完order 食物黎得好快，先黎咗粥底，顏色好鮮豔，不過聞落就無乜紫薯味，同事個份就有啲粟米味，呢間餐廳有張紙教邊樣海鮮要淥幾耐，我地就跟足黎食😂 一開頭食魚覺得好鮮甜好surprise，跟住一一咁食海鮮，幾乎每一樣都好鮮甜呀！我同同事都好意外呢個價錢食到咁高質既海鮮！我覺得最鮮甜係象拔蚌，聖子，蟹都好香好好食！真心好高質呀！其間侍應都好主動加湯底！跟住食牛，個牛都真係好有牛味好抵食！其他火鍋材料都好正常好食！ 食到呢到已