時間尚早, 店家不是大多客人, 即時趕快取位醫醫肚先。
店家一人一鍋定價$158一位, 竟然連埋有十款海鮮, 當中更有鮑魚貴妃蚌等貴價海鮮, 絕對超值。
小妹選了紫色的紫薯湯底。哈哈紫色的, 好像女巫湯底似的😁。
再黎2人份量既勁量新鮮靚海鮮。實物睇真係超大份, 食完海鮮都已經有6/7份飽。
當中一提是店家海鮮是超新鮮, 聖子大大隻彈牙爽口, 鮑魚, 海蝦, 蟹等等都絕對超出預期,正呀!!店家更會教你放海鮮之先後次序, 烹煮時間, 不會因烹煮過時而浪費了新鮮的海鮮, 超貼心!!
玫瑰蝦滑 $28蝦滑份量不少, 而且非常足料。單單肉眼已見到大量原粒蝦肉, 鮮甜味美且彈牙可口, 必點之選!
其他配料碟碟$8, 你冇睇錯真係8元。起初小妹以為8元的份量一定超少, 但可以話店家真係良心食店, 每碟均有3件份量。當中豚肉肥牛, 你夾起一塊是超長勁大片, 與坊間二三片份量無異, 最緊要是新鮮又滑嫩!!
食到最後已飽足9成, 店員更會主動提供南瓜紫薯粒及米糊, 讓你將吸收了海鮮肉類精華的湯底烹煮成粥, 務求令你捧腹離開。
在店家短短1個多小時相處內, 深深感受到店家的用心及店員細心的服務, 以相宜的價錢便可品嚐到安心又滿心的一餐。下次經過必再來到訪。
