一鍋堂 (新都會廣場)

營業中

休息中

一鍋堂係我最近食過最高質嘅平民火鍋放題。人均二百五十就可以品嚐優質食材，火鍋湯底多達十幾款，相當誇張又有氣勢。多人分享好開心，獨樂樂亦好過癮！今次兩個人黎到二人一鍋，坐底即叫湯底然後出去睇下有咩攞。 15款湯底已經R爆頭..仲有兩款葵芳限定同 金寶湯聯成嘅周打蜆湯同牛尾湯底，極難揀之下最後決定沙參肉竹鯊魚骨湯，因為呢款湯市面少有，味道香濃又唔會搶走其他食材嘅味道。出到自取部真係眼球都掉下來，一道好長嘅飲品雪櫃牆，各式各樣嘅飲品任揀，有多款自製嘅健康飲品 ; 另一邊箱有大大個雪櫃主打放蔬菜保持新鮮度💯仲有冰菜可以任食！唔少得有丸類，粉麵類及少量熟食。我地經手機落單餐嘅食材已經到達，但張枱唔係太夠位擺要疊起，所以唔好一次過點太多。身為牛魔王第一件事梗係淥牛啦！我地點左3款試下：美國安格斯牛板腱/牛小排/封門柳三者之中個個最鐘意肥瘦均勻嘅牛小排，如果鍾意肉味重啲就會揀封門柳。另外手打潮汕爽彈牛丸真係不能錯過，未識過一間放題有呢款牛丸供應，豐富脂香又多汁其他推介有野生竹生， 金蟲草孢子，珍珠貝，生猛海蝦(兩轉都勁大隻) ，全部都係必點！ 都係值回票價嘅食材！120分鐘任食，食到全場人走晒

呢日約咗朋友嚟呢度行街，我好少去呢度行不過都幾多嘢睇之後去咗6樓呢度打邊爐我哋預先book咗位係門口揀埋食邊種放題同個湯底先入座，之後用QR code點嘢食，好方便呢度環境都幾大幾乾淨比起唔少打邊爐放題嘅餐廳更舒服我地叫咗豬骨湯底，味道都幾清甜架，可能因為個湯底放咗d冬瓜同豆腐豆腐幾香滑，唔錯自助區有大量蔬菜、公仔麵、冷盤前菜，丸類同獅子狗等等嘅嘢食啲蔬菜好新鮮仲有好多紙包飲品，汽水同自家制清熱飲品我哋兩個人當日試咗三款我最鍾意係洛神花茶，酸酸甜甜咁解膩一流另外烏龍茶都唔錯㗎呢個冇加糖嘅！墨肉滑都幾新鮮彈牙竹笙吸曬d湯汁又爽口，好味魚皮餃調味唔會過咸，個皮又唔會好厚個種食落有少少咸香味道唔錯呢我最鍾意食嘅牛舌，好食！有肉香之餘又夠曬彈牙爽口大推介！其他牛肉同豬肉都好新鮮最後整多杯牛奶雪糕好香奶味又夠滑

真係想食一鍋堂好耐啦！不過每一次都有勁多人排隊，搞到次次都有啲卻步，今次終於的起心肝排隊！呢間都算幾抵食，大約二百幾蚊已經可以食兩個鐘，而且火鍋配料有勁多！出面有好多冷盤同小食可以夾，其他就可以用qr code落單！要回本當然要食返十幾碟牛肉啦！ 當日食嘅套餐包左安格斯牛肉，肉味都算幾濃郁～而且肥瘦啱啱好，真係一塊接一塊😆😆😆 朋友都叫咗啲丸黎食下～ 味道都算正正常常，不過不失咁啦最正嘅都係墨魚滑，彈牙而且真係有鮮味，算係超有誠意～ 出面都有好多款唔同嘅菜，打邊爐湯底配菜係常識吧！都幾鮮甜～ 唔錯

路過葵芳去咗葵廣，之後去新都會搵食，可以係佢哋app 拎左飛先，唔洗企定定喺度等，可以係葵廣行住街等，好怕有D等好耐，晚市有3個唔同嘅價錢選擇，當然貴嘅價錢食物種類會多啲同肉類嘅質素都會高啲我選擇左B，中間價錢，食物都好新鮮，飲品，蔬菜，有凍嘅小食，熱嘅小食，以及醬料，都係可以自取嘅，非常非常之方便，你要幾多你自己話事啦送嘢食嘅速度非常快，點完之後幾分鐘就送上，我係晚上8:30左右到嘅可能過左最煩忙嘅時間，另外有牛奶味雪糕🍦都係任食嘅

約左朋友葵芳行街😎心血來潮想食打邊爐😎在去咗葵芳新都會廣場搵食，4:30已經排左2-30人！我哋都即刻去排隊5:10入到去。食物種類超級多，第一次一定試唔晒!!我叫左b餐$198 加一 星期六日要加多$10 就算叫最平嗰個餐後面果d已經好夠食！熟食黃金魚皮最正！牛肉質素都好高牛肉完全唔梗非常軟滑湯底我哋叫咗潮汕，若然味道唔夠豐富下次要試吓冬陰功自家茶種類都多我試咗碟豆花同埋洛神花，有少少太甜。100滿足嘅一餐仲有好多款唔同嘅湯底有排你試！做會員仲送冰糖檸檬🍋👍🏻

嘻嘻終於食到呢間人氣任飲任食邊爐啦🤩一鍋堂葵芳旗艦店佔地13,000 呎，環境相當闊落，裝修充滿空間感，坐得好舒服呀🥳以任食邊爐黎講性價比都幾高！平日晚市有3個套餐選擇，唔同餐肉同配料嘅種類都有分別～小編揀左B餐，可以任食2個鐘😋餐廳供應15選特色湯底選擇，小編揀左檳城喇沙湯同埋蘿蔔粟米豬骨湯～ 豬骨湯就咁飲真係有濃郁嘅豬骨鮮味，湯底仲加入左黑胡椒，食落更惹味！喇沙湯略嫌唔夠濃稠，同埋辣啲會仲正😆B餐包左美國安格斯牛肉、封門柳、牛脷心托、美國安格斯精選牛板腱、西班牙粟飼豬同埋紐西蘭羊卷肉～ 最正一定係美國安格斯牛🥳 油脂比例平均，而且厚薄適中🤩封門柳整體偏瘦，食落牛味夠濃，而且肉質比較厚實😋配料包羅萬有🤤餐廳嘅手打丸、蝦滑同墨魚滑都相當高質，爽口彈牙🥰 當然唔少得大家都鍾意食嘅海鮮啦！海鮮都有唔同種類，例如鮮蝦、花甲等 蝦🦐除左QR code落單之外，仲可以喺出面攞唔同嘅冷盤同熱盤，超多野食超滿足！最後食返杯雪糕🍦牛奶雪糕奶味突出，冰感比較重😋味道有啲似牛奶糖😂鍾意食甜野嘅時候定會鍾意❤️飽到要捧住個肚返屋企🤣

如果同旺角/荃灣比，我覺得有少少比咗落去， 純粹路過試下個lunch。 平日人唔多， 冇訂位1235 仲有位可入座。100分鐘如果兩個人其實啱啱好， 但係張枱有啲細， 放埋食物感覺好迫。最鍾意佢蔬菜選擇多，而且新鮮。 凍肉方面，大致上同旺角／荃灣差唔多， 上菜快、偶爾有漏單。但熟食好似無咁多選擇， 唔知係唔係因為lunch呢🤔 同埋雪糕响其他兩間分店會有toppings加落去， 呢間只係得一個味嘅雪糕選擇， 好似有啲單調左。

無論天氣是怎樣，都無阻香港人對火鍋放題的熱情。聽説這家火鍋佔地過萬呎，還在商場內，交通方便。在門口會先點湯底，當然要試葵芳店限定，與金寶湯聯乘的忌廉周打蜆湯了！果然，座位相對闊落，通道也不會太窄。而且裝潢也很打卡able 令人差點耽誤了正事！等待點的火鍋料來之際，當然不能放過自助前菜小食吧，沙律豬耳，應有盡有。無論是牛板健和牛小排，還是封門柳和牛舌，都有牛味又不太肥，蘸一蘸自己調的醬，甚麼風味也有。蟹籽蝦膠釀冬菇一份兩顆，爽口！韭菜餃皮薄還滿有韭菜清甜，值得點！飲料千萬不要錯過他家的手作花果茶，也有不少特色飲品。配料超過多，這才有借口再來！

好耐無打過邊爐,知道葵芳有間一鍋堂即約同事放工食。餐廳設計寬敞,坐得好舒服。我哋選咗B特選安格斯牛,有美國安格斯精選牛板腱、美國安格斯牛,還有我最喜歡食的封門柳湯底選了「養生藥膳湯」 煲內加入各種藥材, 散發出好香藥材味, 湯底又唔會過鹹自助區除了有好多款混醬材料,也有飲品和蔬菜丸類任食。餐廳選用QR code 落單, 非常方便又環保, 唔會怕重點或漏單飲品櫃內有紙包、罐裝,仲有自家製飲品蔬菜選擇多亦好新鮮肉類款式多之外,仲有水準美國安格斯-牛味濃郁,肉質軟腍安格斯牛板腱-質感較牛肉爽口,牛味亦濃 ;牛脷心托-肉質軟身唔嚡口封門柳-油花比安格斯多,肉質嫩滑封門柳-油花比安格斯多,肉質嫩滑咁多款牛🐄肉汁豐富,滚6-8秒就食得其它食物都高質, 特別係海鮮/餃類。海鮮最出色係生猛海蝦-蝦肉結實爽滑,大隻又鮮味; 沙白蜆-大大粒好新鮮。另外手打丸嘅墨丸孜然雞肉丸和潮汕豬肉丸, 用新鮮肉打成,膠質滿滿, 鮮甜彈牙。韭菜餃-韭菜皮薄餡多,有咬口不得不推介呢個 8吋長蟹棒,食落口感十足。烚後唔會咁易鬆散,可以完全保持到原本形狀,味道帶甜另外我第一次吃鴨血煙韌又爽口配上麻辣雞件辣得出色, 仲有呢個花膠

食過咁多間任食嘅打邊爐，一鍋堂都算幾高質素，性價比好高，呢度嘅優點首先係食物種類多而且新鮮，其次係佢呢度有自家制嘅涼茶，分別係蝶豆花茶、冰糖燉檸檬、洛神花茶同埋薄荷烏龍茶。自助區域既小食好多款式，有麻辣豬耳、我至愛既麻辣鴨血，炸魚皮、手工撈冷麵今次黎呢間位於葵芳新都會廣場嘅一鍋堂原來係旗艦店黎，唔怪之得咁大間。湯底我地簡左櫻花蝦紫菜湯，淥完嘅食物會有淡淡嘅紫菜味。食物係用ＱＲ　ＣＯＤＥ　　電話落單嘅，環保得黎又方便。等我張我叫既野食影俾大家睇下先中間左邊既係黑松露手打墨魚滑，爽口彈牙，仲有魚皮餃、魚蛋西班牙豬肉豬味濃而不肥由於我揀左套餐b，牛既選擇會比較多同高質，有牛小排、牛五花，牛肉油花分佈均勻，入口即溶，牛味濃郁最後我仲食埋雪糕添

呢間火鍋店人氣極高🙉(門口排隊排到見唔到個門口😂) 宜家新都會開左新分店，環境靚左😍，食材同樣新鮮高質！佢主打 #火鍋放題 🍲 ，仲有自助區可以拎熟食、食材、飲品、甜品，亦設有醬料bar：-1️⃣ 「特選安格斯🍲($238)」(19:00-21:30入座)🥩美國安格斯牛肉👍🏻🥩封門柳👅牛脷心托👍🏻🥩美國安格斯精選牛板腱👍🏻🐖西班牙栗飼豬🐑紐西蘭羊肉卷-手機落單嘅食材個人推介黑松露蝦滑🖤、蟹子墨魚滑🦑、鮮枝竹、鱔片🐟！👍🏻-食材Bar個人推介龍蝦沙律丸🦞、芝士丸、同寬粉！👍🏻-即食Bar個人推介香口嘅金沙鹹蛋黃魚皮💛同辣鴨血🩸！🤣 👍🏻-為左大家嘅quota，可以skip嘅有：羊肉🐑、冬陰功炒飯🇹🇭

終於約到朋友黎食呢間一鍋堂火鍋啦。一鍋堂有好多唔同分店，新都會呢間分店常常人頭湧湧，今次係一開門時間去，咁都好好彩，可以即入，所以唔想等太耐既，可以盡早來吃，因為當我地走個陣，門口都排了好多人了。今次同朋友黎食b餐，可以任食100分鐘既，$178再加一一位，都唔錯呀，因為真係有好多野食。入座前先揀埋自己個湯底，我地揀左喇沙湯底。入座之後。當然去巡下場啦，呢度好大好乾淨，同埋好多卡座，好有空間感，坐得好舒服。而且出面仲有好多野拎架，有丸類、菜類、野飲、熟食、麵類等等，全部都放得好整齊，睇見都會令人想食呀。其他肉類、海鮮類都係自行掃qr code下單，下單後食物都好快執齊送上。唔錯唔錯呢度既肉類真係好靚，紅當當的又新鮮，薄薄地一滾就熟，好好味呀。b餐既肉類款式都唔少架，有美國安格斯牛肉、封門柳、牛脷心托、美國安格斯精選牛板鍵、西班牙栗飼豬、紐西蘭羊肉卷⋯⋯⋯真係有超多選擇。太吸引。d肉類仲會有埋名牌架，所以唔怕唔知自己食緊咩肉，鍾意食既再點再encore...任食真係夠曬開心。講一講個湯底，呢款喇沙湯好濃，好地道，用黎打邊爐好惹味又夠曬味，好滋味。呢間火鍋店質素好高，又坐得舒服，下次再約朋

葵芳13000呎一鍋堂新店 任飲任食火鍋放題呢間中午不嬲好抵食 而且環境唔錯 有幾個打卡位 而且好有空間感 呢日晚市去到試咗B餐$198一位 食物款式都好多（價錢睇圖）.先講自助區 餐前小食12款 （👍🏻麻辣豬手 👍🏻麻辣鴨血豆卜）火鍋丸料近13款 蔬菜近10款飲品近35款 選擇好多 其中仲有四款自家製花果茶 感覺比較健康基本上自助區都應有盡有 .湯底選擇都有15款又鍾意食又想減肥嘅我 選擇左 比較健康嘅⭐️杏汁豬肺湯 仲有 潤肺化痰止咳功效呢日晚市去到試咗B餐$198一位可以任食⭐️美國安格斯牛肉 ⭐️封門柳 ⭐️牛板腱 等等今日主要都係食佢回本🥰除此之外 海鮮都係一大回本位例如⭐️花膠 ⭐️手串海蝦 ⭐️帆立貝 ⭐️沙白 ⭐️墨魚滑等等.整體 無論湯底 定係火鍋料 食物選擇都算多環境新淨 乾淨而且有空間感 好評會回頭.#hkfunfoodrecord窮遊香港#hkfunfoodrecord_葵芳. #一鍋堂 (新都會廣場) (葵芳)地址：葵芳興芳路223號新都會廣場6樓601-610號舖.⭐️評分：味道：4/5環境：4.2/5服務：4/5抵食：4/5

如果佢早7年開，一定會變成我嘅食堂！以前成日蒲葵芳 因為讀書就係青衣要打個邊爐都要落酒樓😂 #到底係有幾耐依家多左選擇 一鍋堂依然比其他出色牛肉肉質高級 唔會因為叫多兩底走左樣小食都有睇頭 極愛麻辣撈麵！再order嘅食物都好高質 必點墨魚滑飲品方面有自製涼茶 Tiff哥推薦冰糖燉檸檬🍋開胃又解渴地方大 有位置打下卡 同朋友黎吹水食飯唔錯～～～～黎葵芳行街又有多一個dinner嘅選擇啦❤️～～～～

尋晚媽媽好想食火鍋，今晚搵到間放題火鍋，一定要食返夠本😋😋😋👍🏻揀左B餐 $238/位，抵！抵！抵！ 唔係單止價錢，食物質素相當高，款式多到食唔哂😆今次揀左養生藥膳湯👍🏻香濃藥材味，但原來有我最愛既金寶湯底，下次試下先😋是日最欣賞：「鱔片」好滑而且脆口🥰「田雞」滑嫩👍🏻而且好少地方放題食到😂🤣😂「海蝦」好大隻🥰 而且爽口😆👍🏻「肥牛」靚野🎉熟食「麻辣豬手」好吸引👍🏻👍🏻備註：🔺環境新淨又大，而且整潔👍🏻👍🏻🔺亞媽話鱔片相當出色， 要再去😆😆🔺電子化， 手機自行落單👍🏻