一鍋堂 (大鴻輝(荃灣)中心)

營業中

休息中

四個人去，等左有40分鐘跟住叫左任吃日本和牛餐，每位$308沒包加一，四個人叫了和牛一碟沒出過，次次落單之後都係顯示已出餐，反而喺隔籬枱啲和牛就出咗好多俾佢，以為我哋嘅都來緊，等左十零分鐘都係冇出到，落左三四次，等左個幾分鐘乜都冇，後尾同侍應反應左之後，都係等咗有10分鐘左右先勉勉強強出左兩碟，兩蝶得八片和牛，仲要係薄過紙巾，唔想出就唔好整咩和牛餐啦，308食左兩碟和牛，真係搞笑，心情都沒，真係差服務態度都差

一直好鐘意打邊爐，雖然天氣好熱但都無損我同朋友既興致，黎到一鍋堂呢間人氣邊爐店，見到c餐好吸引就叫左，$308一人，牛肉既選擇比其他餐類多好多。湯底點左藥膳花雕鮮雞湯，養生之餘味道亦相當濃郁，煮既食材都頗入味。牛類最鐘意係日本黑毛和牛，肉質軟腍有油香，有種入口即融既感覺，脂肪分布均勻又唔膩。澳洲和牛都好鐘意，同日本黑毛截然不同，呢個牛味較重，口感較厚實又juicy。西班牙依比利亞黑毛豬肉質亦頗軟腍，啖啖肉口感不俗。黑松露手打墨魚滑、南瓜墨魚滑、蟹籽手打蝦滑都值得一試，超彈牙又帶鮮香。海鮮特別鐘意沙白蜆同珍珠貝，相當鮮甜。牛舌我反而鐘意佢薄切，口感一啲都唔un。飲品拎左自家製健康花茶，試左薰衣草花茶同洛神花茶都唔錯，甜度適中，清新又健康。甜品除左自家製楊枝甘露雪糕，重有荔枝味雪糕，軟滑清甜又減膩。

食過呢間唔同分店幾次，總括食物質數同侍應都幾好，就除左荃灣分店呢一位長金髮，黑色粗框眼鏡既女士！首先入座時，由於reception姐姐同我地講坐窗邊第二個卡位，沿路都冇其他侍應帶位，所以我地就自己行去坐低左，過左陣呢位女士就係我地斜對面既枱到叫我地坐返過去，話我地唔係坐個張枱。其實冇所謂⋯純粹同佢講返，因為reception叫我地坐𥦬口第二張，佢就大大聲話「係呀！呢度咪1！2！第二張！二人枱！個張係4人枱！」跟住就行走左我點知你窗口隔一條走廊個張先叫「窗口第二張」呢？！你地冇人帶枱，坐錯左姐～態度唔需要咁串！另一件事就係限時完結前半個鐘佢就埋黎問有冇野要order..跟住就拎限單黎要你埋。我望下～仲有半個鐘就叫多少少野食先埋單，佢就走過黎2次問我得未，叫我埋左單先最後黎左碟蜆同我想叫個款唔同，問佢係咪黎錯左？我比埋佢地落單app既相佢睇，佢望一望「你唔駛理張相！總之呢碟係沙白蜆冇錯！」跟住就行走左！首先！你地app既相同食物名搞錯左去誤導人，竟然叫我唔駛理？你地冇錯？我望下仲有17分鐘，但已經比佢cut左order，冇得再叫返岩個款食～而呢位女士亦冇諗過幫我地轉返，除左識催我地埋單同夠

去到，選擇套餐，選擇湯底，跟著入座，座位逼、不在講，都激死就係叫嘢食有啲叫咗，無俾你，叫伙計，又無伙計應你，個app又慢，成十分鐘先下到單，下次無交易價錢叫做中等，但係將貨就價，

今日約咗表姐去食火鍋放題，荃灣大鴻輝有好多唔同嘅食肆，今次我哋就想試吓一鍋堂，呢度有三款唔同價錢嘅肉類我哋就揀咗中間258 +1 （星期日另加$10 ）呢度嘅肉類有好多唔同嘅選擇，包括左牛脷心托、安格斯、牛脊肉同埋封門柳，牛脷心托等等….海鮮方面又蝦、沙白、蜆、會員仲送鮑魚同帶子，另外亦有水魷魚唔同嘅丸類，出邊依家有好多款小食，有雞翼尖、貢菜、咖喱魚蛋亦有好多醬料選擇。呢度主要有卡位所以坐得幾舒服，而且有好多款比較少見嘅飲品，雪糕就係自助軟雪糕機今次係海鹽焦糖雪糕，以三百蚊放題呢講性格比算唔錯！

吃到飽的火鍋，真是令人感受到歡欣的感覺,各式各樣的配料，可供大家自由地選擇，還有美味的牛肉及海鮮等性價比十分之高.餐廳有不少打卡的位置，可供大家拍照，加上座位與座位之間距離十分之充足，冷氣也十分之足夠.這個120分鐘的放題，是利用QR code下單的，十分之方便又環保.吧枱有各式各樣的配料，可供大家自由地選擇，還有自家製的飲品及可樂等，連無糖飲品又有幾款可供大家選擇.蔬菜丸子，也可以在吧枱領取，小朋友一定最鍾意.牛肉油脂分布平均入口，充滿了肉味，這個價錢吃到這個質素的牛肉性價比十分之高.海鮮方便，包括有鱔片及海蝦等，同樣新鮮！特色的胡椒麵也是店舖自家製的，大家值得一試.總結無論價錢及食物質素性價比也是拎滿分的.

今晚和家人到荃灣一鍋堂食火鍋，這商場有超多食肆，地點都幾方便。店內環境寬敞，坐得幾舒服，冷氣亦足夠。這裏有很多湯底選擇，真的花多眼亂，我們點了沙爹湯底，湯底濃郁惹味，微微辣，最適合我的口味。每位都贈送帶子和鮑魚，都幾大隻，有點看頭，帶子新鮮，入口甘甜。鮑魚爽口脆身，一點都不韌，幾厚肉，不錯。黑毛和牛，油花分佈均勻，呈雪花況，看見都想食，入口軟滑甘香，完全沒有渣，可以任點任食超正。封門柳，質素不錯，牛肉味香濃，一樣是軟滑無渣，食味與和牛各有千秋。水魷，十分爽脆，是我喜歡之一，鹹水味不重，醮些辣椒豉油，好好味。海蝦串，相當新鮮，都幾大隻，肉質結實鮮甜，頗具質素。 牛舌，賣相好看，切得夠薄，入口軟滑，不韌，食味不錯。白鱔片，頗新鮮，入口油潤甘香，如果可切大片一些更好。烏魚肉質超滑，彈牙有鮮味，值得推介。這裏的青菜很新鮮，亦有不同的種類選擇，生菜夠脆口，塊塊都青綠，不錯。除了手機點菜外，還有生料自助bar，有不同的生料任君選取。還有不少熟食，各色適其適。整體而言真的很多款式，而且都頗具質素。

一鍋堂係我定期會嚟，幫襯咗好多年嘅任食火鍋店。荃灣分店的位置好方便，喺正市中心，今次同朋友嚟食個early dinner，7點前離座食最貴嘅C餐限時120分鐘，$268一位，另收加一，已經可以任食高級日本、澳洲和牛、特色安格斯牛肉，仲按人頭送有殼鮑魚、珍寶帶子！一出電梯就見到右手邊黃色搶眼打卡位，火鍋店佔大鴻輝19樓全層，非常寬敞，坐玻璃窗附近可以見到開揚市景，二人、四人坐卡位都坐得好鬆動！一坐低就先叫咗個酸菜白肉湯底，除咗有好多白肉、酸菜，仲有蕃茄、蘑菇，湯底味道酸酸地，好適合熱辣辣嘅夏天飲，好開胃。大部份食物用QR code落單，梗係要點牛肉啦，種類超過10款，點左日本和牛、澳洲和牛、封門柳、牛板腱、花雕浸安格斯牛肉，一鍋堂牛肉質素不嬲唔錯，今次淨係日本和牛都食咗7碟，牛味非常香濃，油脂分佈平均，軟腍腍但有口感，澳洲和牛都有散發濃郁嘅牛肉味，唔同嘅係肉質更加結實！另外點咗蟹籽手打蝦滑、竹笙、紅心蘿蔔、花膠、冰山蚌、手打孜然雞丸、鴨血、八吋長蟹棒、芋絲、菠菜皮韭菜餃等，手打蝦滑、孜然雞丸、海蝦都好彈牙，雞丸孜然味好突出！韭菜餃脹卜卜、外皮好煙韌、淥熟咗之後韭菜水份出晒嚟，又juicy

   天氣雖然炎熱，但約朋友出來聚會總是愛打邊爐，尤其是火鍋放題吃得特別痛快！與好友又到大鴻輝中心"一鍋堂"吃餐勁的！喜歡這裡火鍋配料款式多元化！食物擺放整潔衛生，多款熟食味道好，涼伴小食，蔬菜，粉麵類，丸類，冷熱飲品和雪糕......等。120分鍾任飲任食！座位舒適，十九樓居高臨下視野廣闊，我們吃五點時段客較少非常舒服！入座前先點好湯底，點了一款新口味湯底,*昆布紫菜味噌湯*很有新鮮感！多款湯底各有風味、豬骨湯底精心淆製，總有一款合你口味的！QR code落單快又妥，包冇甩單。今日食好一些，選了C餐；高級日本&澳洲和牛套餐 $308/位  分時段收費，  長者&小童也有優惠。湯底非常濃郁鮮甜！滾起的湯先飲两大碗！還有驚喜!每人送鮑魚和帶子各一隻!日本，澳洲和牛吃不停！encore再encore！嫩滑肉味濃!吃得真痛快！各款肉質都很鮮甜！每次必食的足8吋長蟹柳。其他各類配料都保持新鮮！水準依然!蜆肉、海蝦、小八鱼都爽口彈牙。在這裡每次都吃得非常滿足 ！提前埋單還有收費折扣！

鴛鴦鍋+$50湯底揀咗比較養生嘅沙參肉竹鯊魚骨湯同藥膳湯，湯底清得嚟好夠味，又可以滋補強身120分鐘晚市火鍋放題 C餐$308@C餐有勁多靚肉，多到不能盡錄，鍾意食肉嘅一定要嚟喪食日本產黑毛和牛👍🏻油花均勻，肉質嫩滑，食到唔停口美國安格斯牛肉👍🏻牛味濃郁澳洲和牛👍🏻油花均勻，入口即溶北海道千歲戶米豚肉👍🏻優質豚肉，脂肪均勻，肉質嫩滑精選進口牛板肉手切牛脊肉封門柳牛脷心托紐西蘭羊卷肉👍🏻濃厚多汁西班牙伊比利亞黑毛豚肉西班牙粟飼豬肉除咗肉類，其他配料都好吸引，以下呢啲係精選配料八吋長腳蟹棒👍🏻夠哂大條，啱哂蟹棒控真係花膠👍🏻 滿滿骨膠原，食多幾塊就回本黑松露手打墨魚滑👍🏻好彈牙萵筍脆骨腩真係鴨血蝦兵遇上老油條👍🏻其實即係蝦滑釀油炸鬼，幾有趣嘅配搭，外脆內軟自家製飲品迷迭香薰衣草茶養生洛神花茶👍🏻洛神花微酸嘅味道好開胃自助區同醬料區一應俱全，卡位都坐得好舒服

今日OT到9點先收工…超餓，只想刷餐勁既🙏🏻打邊爐係最好既選擇🤪🛎 $308/位 - 套餐C （成人）晚市放題有120分鐘🥰如果21:30 - 23:00入座就係$288喔如果19:00前離座就係$268添，勁抵食🛎 湯底有15款湯底揀中意辣既可以試韓式泡菜湯，或者一鍋麻辣湯🌶️冬天嗰陣食胡椒豬肚湯，或者胡椒鹹菜咸湯應該會好暖胃🙈貪心既話仲可以+$50變鴛鴦鍋試兩隻味添而今次我同同事就揀咗蕃茄牛肉湯，蕃茄超濃，酸酸甜甜好開胃👍🏻仲有唔少牛肉粒，幾淋滑～🛎 牛肉C餐係咩肉都食得！印象最深刻係牛脷心托，牛味夠重而有爽口薄切令佢好快熟，唔洗淥好耐👍🏻岩曬我呢啲餓人🥰仲有花雕浸安格斯牛肉，濃濃花雕香味同牛肉竟然好夾💯🛎 海鮮除咗肉，呢啲都好多海鮮😍鮑魚勁大粒，好彈牙，咩醬汁都唔點，就咁食就好食到個鮮味貝殼類亦有帶子、蜆等等，蜆下鍋好快開殼🤣好鮮甜我地亦都叫左蝦，有支竹籤吉住，所以好易脫殼🦐🛎 火鍋配料除左蕃茄薯仔，呢到仲有紅心蘿蔔！！！呢啲咁特別既野真係唔係到到有😚我叫左幾轉野生竹笙，個種索曬啲湯又爽口既感覺真係令我食唔停口😳蟹柳係勁長，仲長過我手臂🤣🛎 自助區有唔同嘅丸類、蔬菜、粉麵，你講得出

難得放假約埋朋友去位於荃灣「一鍋堂」食餐午市高級日本和牛放題，喜歡這裏環境寛敞又坐得好舒服，食物選擇多又新鮮價錢亦都好合理👍湯底亦都好多選擇！隨了用QR ，場外自助區有好多小食、火鍋配料、有機蔬菜、飲品及雪糕等。番茄牛粒湯番茄味香濃，湯底用咗大量牛肉粒及蕃茄熬製飲落酸酸地好開胃每人飲了兩大碗。日本產黑毛和牛牛肉紋理分明，色澤鮮紅色，每一啖充滿牛肉味道，好鮮嫩。蟹籽手打蝦滑每一啖都食到粒粒蝦肉，彈牙之餘充滿肉汁。澳洲M5和牛/手切牛脊肉肉質夠淋身，油脂豐富，充滿脂香味，每一啖都充滿肉汁。鮮豬肝厚切既豬肝加入辣椒豉油一齊食，口感一流👍海鮮（手串生猛海蝦、花膠、沙白蜆、帆立貝）樣樣都好新鮮，蜆肉無沙粒粒帳卜卜，海蝦爽甜，帆立貝厚肉清甜。自家製涼茶大約有四至五款，有不同功效及味道，打完邊爐清熱一流。海鹽焦糖雪糕好清香，唔會太甜食完好滿足😋

早幾日同朋友出去荃灣食飯，佢想食火鍋，我哋就到一鍋堂叫咗好多嘢食，肥牛肥瘦相間，肉味超濃郁，除咗牛肉海鮮都嗌咗好多，魚片等等，款式多到你食唔晒，樽裝茶飲包裝好靚，佢啲遠慮款式都多，侍應都好招呼上菜又快，最後食埋杯自制雪糕，滿足滿足！會考慮同朋友再食多次🤭

荃灣經濟實惠打邊爐 我會首選一鍋堂一鍋堂有好多種湯料， 我就揀咗白汁豬肺湯。貪佢個湯底清甜 滋潤 潤肺。嚟到一鍋堂 我首選推介 就是佢哋的海鮮 佢哋啲蝦係新鮮蝦 大大隻非常 生 猛。蝦肉紮實， 白灼鮮蝦 一啖咬落去 食得出蝦的鮮味。之後就推介佢哋啲扇貝， 佢哋啲 扇貝好新鮮 帶子 大大粒咬落彈牙 充滿海水味道。推介就係佢哋啲 魚腐魚雲 非常之 新鮮好味。呢度啲飲品任 食完之後仲有雪糕 令你非常之滿足。有好多即叫即食的小食任你拎客戶服務員服務態度也非常之好。

近排同朋友去了位於荃灣的一鍋堂，整體上，我對這裡的用餐體驗非常滿意。餐廳的氛圍舒適，裝潢簡約而現代感十足，非常適合和朋友一起聚餐！一鍋堂的招牌火鍋料理在整體上表現良好。我點了他們的養生雞湯，佢嘅都味道十分不錯。鍋底口感濃郁而香濃，湯底也非常清澈。肉類和蔬菜新鮮豐富，大部分都是高品質的食材。還有很多選擇！🙆🏻‍♀️❤️值得一提的是，一鍋堂也提供了許多其他菜式選擇，包括小吃、炒飯和湯品等等。我個人很喜歡他們的沙律，清新而開胃。此外，他們的珍珠奶茶和芋頭奶昔也非常美味。總體來說，一鍋堂是一個很好的餐廳選擇，無論是和朋友聚餐，還是家庭聚會，都是不錯的選擇。食物品質不錯，價格合理，服務也十分友善，值得一試😍