影片
更多
2023-06-16
69 瀏覽
一鍋堂係我定期會嚟，幫襯咗好多年嘅任食火鍋店。荃灣分店的位置好方便，喺正市中心，今次同朋友嚟食個early dinner，7點前離座食最貴嘅C餐限時120分鐘，$268一位，另收加一，已經可以任食高級日本、澳洲和牛、特色安格斯牛肉，仲按人頭送有殼鮑魚、珍寶帶子！一出電梯就見到右手邊黃色搶眼打卡位，火鍋店佔大鴻輝19樓全層，非常寬敞，坐玻璃窗附近可以見到開揚市景，二人、四人坐卡位都坐得好鬆動！一坐低就先叫咗個酸菜白肉湯底，除咗有好多白肉、酸菜，仲有蕃茄、蘑菇，湯底味道酸酸地，好適合熱辣辣嘅夏天飲，好開胃。大部份食物用QR code落單，梗係要點牛肉啦，種類超過10款，點左日本和牛、澳洲和牛、封門柳、牛板腱、花雕浸安格斯牛肉，一鍋堂牛肉質素不嬲唔錯，今次淨係日本和牛都食咗7碟，牛味非常香濃，油脂分佈平均，軟腍腍但有口感，澳洲和牛都有散發濃郁嘅牛肉味，唔同嘅係肉質更加結實！另外點咗蟹籽手打蝦滑、竹笙、紅心蘿蔔、花膠、冰山蚌、手打孜然雞丸、鴨血、八吋長蟹棒、芋絲、菠菜皮韭菜餃等，手打蝦滑、孜然雞丸、海蝦都好彈牙，雞丸孜然味好突出！韭菜餃脹卜卜、外皮好煙韌、淥熟咗之後韭菜水份出晒嚟，又juicy
一出電梯就見到右手邊黃色搶眼打卡位，火鍋店佔大鴻輝19樓全層，非常寬敞，坐玻璃窗附近可以見到開揚市景，二人、四人坐卡位都坐得好鬆動！
一坐低就先叫咗個酸菜白肉湯底，除咗有好多白肉、酸菜，仲有蕃茄、蘑菇，湯底味道酸酸地，好適合熱辣辣嘅夏天飲，好開胃。
大部份食物用QR code落單，梗係要點牛肉啦，種類超過10款，點左日本和牛、澳洲和牛、封門柳、牛板腱、花雕浸安格斯牛肉，一鍋堂牛肉質素不嬲唔錯，今次淨係日本和牛都食咗7碟，牛味非常香濃，油脂分佈平均，軟腍腍但有口感，澳洲和牛都有散發濃郁嘅牛肉味，唔同嘅係肉質更加結實！
另外點咗蟹籽手打蝦滑、竹笙、紅心蘿蔔、花膠、冰山蚌、手打孜然雞丸、鴨血、八吋長蟹棒、芋絲、菠菜皮韭菜餃等，手打蝦滑、孜然雞丸、海蝦都好彈牙，雞丸孜然味好突出！韭菜餃脹卜卜、外皮好煙韌、淥熟咗之後韭菜水份出晒嚟，又juicy又清新！竹笙、鴨血、蟹棒質感都好好！
餐廳中央有個位置係熟食、飲品、蔬菜、前菜、丸類及腸類自助區，食材食物種類好多元化，最緊要係地方非常乾淨，好似時刻有人打理咁！試咗熟食釀茄子、炸魚塊，都整得好用心，一啲都唔係劣食，茄子炸過又加咗好多調味料，好香好入味！炸魚塊好脆食上癮！手作養生茶系列唔係咁甜，感覺又會健康啲！
張貼
