一鍋堂 (瓊華中心)

營業中

休息中

一鍋堂,好耐之前已經想黎食啦!!今晚終於比我黎到任食火鍋..難得黎到當然要揀最好…我地食C餐..「高級日本和牛,豚肉」餐裡有日本產黑毛和牛精選進口牛肉花雕浸安格斯牛肉手切牛脊肉魔鬼辣安格斯牛肉西班牙栗飼豬肉高高級日本美国安格斯牛肉紐西蘭羊巷肉北海道千歲戶米豚肉封門柳西班牙伊比利亞黑毛豬牛脷心托只係食以上既野都回本,全部都係靚野…即點即到!!唔洗等好耐!!出面有調味區，小食區，丸類,飲品同埋雪糕…坐得耐就出去，攞支飲品就啱晒啦!120分鐘慢慢食 唔急…最緊要食得開心!!呢度環境都好舒服，唔會覺得好迫!今次食完已經約定，下次幾時再嚟啦!!旺角店:旺角彌敦道620-628號瓊華中心6樓@e_pot #一鍋堂 #瓊華中心 #打邊爐 #火鍋放題#任飲任食 #任食火鍋 #旺角 #hkfood #hkfoodie #foodblogger #foodie #foodieblogger #blogger

如果要lunch 打邊爐，依家越嚟越多選擇，不過講到食咗好幾年，一定要講呢間。依家仲有好幾間分店！————————————————————————100鐘午市火鍋放題 C餐💰248 /位（平日）午市供應時間係由朝早11:00-下午16:00，記得留意返last order 時間。呢個餐有高級日本和牛同豚肉，選擇非常多。肉類：✨日本產黑毛和牛 油花紋路靚，食落重牛味。✨花雕浸安格斯牛肉 出奇地好好食，夠淋帶有淡淡酒味。呢兩款印象深刻，必食。特選食材 ：特別啲有100%濃汁爽彈牛丸，勁彈牙，好爆汁。香辣牛肉滑為味蕾帶上刺激感。平時少見既健康南瓜墨魚滑，無見過既日本紅心蘿蔔。食物選擇太多，要每樣食一粒已經勁飽。飲品有✨想任食邊爐🫕，可以試試佢。

作為一鍋堂fans既我，之前一路都係食荃灣同葵芳分店，今次黎到旺角瓊華分店，睇下有冇分別先！我揀左艇家一品魚湯鍋，店員話呢個湯超足料，所以病得鴛鴦湯底🙈 個湯底樂清甜，而且好多魚同海鮮，我仲叫多左d蜆同蝦令個湯底更鮮味🤭套餐C餐方面最正係有日本黑毛和牛😆😆 狂嗌！！油脂豐富而不膩，食左好多碟，其他牛肉品質一如既往既好！鱔同脆肉鯇又係我大愛，好好味！好爽脆！自助區方面瓊華店麻雀雖小，但樣樣都有，菜同小食都好多，有好多涼拌菜，冷麵都彈牙。最後一定要食返個雪糕，仲要係焦糖味，我食左兩杯🤫

阿爸阿媽今日提議打邊爐想任食，所以去了一鍋堂，因為一鍋堂有老人家優惠，而且可以任食，但係今日就九點後叫了C餐，因為大家都想食好一點又再平一啲！ 9點後超抵！想再盡情食它的手切牛脊肉及美國安格斯牛肉。 而湯底方面,今日選擇鴛鴦鍋一邊係我喜歡的沙嗲，另一邊就是豬骨湯底。沙嗲味濃郁，豬骨湯底，真係有一嚿大大的豬骨，因為係真正熬製出好耐嘅湯底。點菜主要是用QR code點菜，食過咁多次。脆肉腩，卜卜蜆與及新鮮大蝦，都係完全有保證脆肉鯇好爽好甜，仲有魚魚油香味。而蜆有兩種類，比較喜歡卜卜蜆，鮮甜中仍有海大海水味。切牛脊肉 - 厚切的牛脊，肉質滑身兼且牛味重。美國安格斯牛肉 - 油脂味深重及肉質非常之嫩口。牛肉紐西蘭羊卷肉 -唔好睇小佢薄薄的一塊，羊肉味道非常之濃郁。最正就係花膠，真係唔止花膠咁簡單非常之滋補有膠質。另外設有自助區。小食有麻辣蓮藕片，冰山蚌，鳳爪，車厘茄，爽脆醃蘿蔔，醬油秋葵，超甜粟米…. 數之不盡，我仍愛是它的脆脆魚皮！而其他選擇是香菇貢丸汕尾魚丸木耳丸午餐肉香腸汕頭牛肉餅 蔬菜又係別的擺設，以及質素都不錯。蔬菜非常新鮮有多種蔬菜選擇，例如油麥菜，生菜甚至連羽衣甘藍也有。而令有它

少有地跟King 姐返工是同一個班次，一樣是早班。哈哈，所以即興相約來個午市放題火鍋快閃。我們揀了瓊華中心的一鍋堂，又快又方便，一出舖頭，行過紅綠燈，一分半鐘就到，快過坐火車。午市套餐C，連加一，人均消費$273，快閃任食即刻有得食。醬料齊全，至愛的蒜粒和沙茶醬一大匙羹一大匙羹的取，哈哈。飲品菜類熟食，無限自取，例如麻辣土豆絲，麻辣蓮藕片，麻油菠菜，都是比較特別的。飲品中的玫瑰花黑枸杞養生茶味道可口，是健康的味道喔，哈哈。點餐全部用Qr code 點餐，想食就點，以我們今次為例，一點餐，一分鐘左右，餸菜便上枱，king 姐形容為”好快”，哈哈。黑松露墨魚滑，鮮蝦滑，長腳蟹，野生竹笙，豬肉片，牛肉片，山根，鮮菇，應有盡有。想食幾多，一點就有。而且豬牛片類切得好薄，入口不硬不韌。墨魚滑更是軟嫩有彈性，可口佳品。忘了提到湯底，我們揀選了藥膳養生湯底，裏面的配料足而豐富，光是飲湯，都已經滋味愉悅。

一鍋堂聽朋友極力推薦👍🏽 所以就黎左嘗試一下先😆我係第一次食「一鍋堂」😂 一食就愛上了❤️店內既燈光是光猛的，而且有很多枱，每張枱都幾大下，叫左好多野食都唔怕😂 我仲坐左係窗口卡位的位置，好舒服呀！出面亦有自助區位置🥤飲品區：各式罐裝及包裝飲品都有的，有熱飲櫃及軟雪糕機。樽裝茶👉🏽養生洛神花茶、提神薄荷烏龍茶、玫瑰花黑枸杞茶和迷迭香薰衣草茶他們自家製樽裝茶都好特別呀，同出面平時飲的有點不同，甜味多點點，而且有一款飲落有種梳打味 🥬蔬菜區：有羽衣甘藍、菠菜、唐生菜、油麥菜、娃娃菜等每款都分好一份份，前面亦有寫左係邊一款菜，方便拎呀！🧂醬料區：打邊爐梗係要自己都整下啲醫料黎點下的，有蔥花、蒜粒🧄等等🥚火鍋配料區有些火鍋配料就係可以自己出去拎，如炸魚皮、響鈴卷、午餐肉、芝士腸、香菇貢丸、出前一丁等🥗沙律吧區當啲野未熟同埋個爐未到時，可以食住個沙律吧先😆有沙律菜、粟米粒、車厘茄等仲有一些前菜小吃，例如香辣鳳爪、麻辣雞腎等麻辣正也~係1️⃣2️⃣0️⃣分鐘任飲任食的火鍋放題有3️⃣個套餐🍲🅐精選進口牛🅑特選安格斯牛🅒高級日本和牛、豚肉我就簡左套餐🅒高級日本和牛、豚肉 🤤7點至9:30入座係$308，7點前離座$2

再回訪一鍋堂，今次第一次去旺角瓊華分店，哇闊好多靚好多！😍 我地坐窗邊卡位，好舒服！我地揀左C餐高級日本和牛同豚肉任食🤩 湯底揀左養生藥膳湯🍲 食左如下：.🥩日本產黑毛和牛🥩花雕浸安格斯牛肉🥩美國安格斯牛肉🥩精選進口牛板腱🍖北海道千歲戶米豚肉🍖西班牙伊比利亞黑毛豚肉🐟手切白鱔片🐟手切脆鯮魚片🐚帆立具🐚沙白蜆🐚珍珠貝🦐自家製鮮蝦雲吞🧆100%濃汁爽彈牛丸.原來養生藥膳湯係素湯底😱 素食者可選，味道有濃郁既藥材味但少左肉甜味，咁又可以食到火鍋既肉既原味🙆🏻‍♀️ 一律同意日本產黑毛和牛最好食😋 多油脂且香！美國安格斯牛肉同牛板腱就肉味濃，花雕浸安格斯牛肉好有新意好香！.西班牙黑毛豚肉好軟腍好好食，北海道豚肉反而口感實d! 白鱔片encore左兩次，唔駛叫其他魚肉啦🤣 帆立貝大大粒😋 沙白同珍珠貝差不多，雲吞唔錯😋 100%濃汁爽彈牛丸是必食，超正，爆哂汁，每次去一鍋堂都會叫😋.飲品多選擇，除左自助落單，出面都有自助吧可以拎丸類蔬菜類，仲有醬料區！甜品有雪糕機，今期係哈密瓜味🍉 .最後，好鍾意最後張圖，就係餐廳門口旁邊霓虹招牌寫住：打邊爐最緊要係咩？最緊要有你！🤣

屋企人來電要打邊爐，叫我去買材料，嘩！諗吓都會好辛苦，又要去買又要清洗，我即刻話要食去一鍋堂食啦！之前食過都話重抵過自己買嘢打邊爐，材料新鮮，湯底又多選擇，最重要係任飲任食，食完又唔洗做善後工作。最近我哋果間係旺角瓊華中心分店，一於打電話去book 定位。餐廳地方夠大又整潔，冷氣夠凍，抽風都做得好好。設有自助區：火鍋配料區、蔬菜區、飲品區。材料擺放整齊，清潔衛生。放題分A,B,C餐，主要係肉類同海鮮嘅分別，所有餐都可以任食自助區食物，其餘肉類、海鮮等食物就要用QR code落單。我哋擇左120 分鐘放題 C 餐。除咗可以任食高質素肉類外，重可以任食新鮮手作海鮮類、手工餃丸類、肉丸類等。湯底揀咗杏汁豬肺湯，湯膽選用60斤以上的優良豬骨以文火熬煮而成，味道香醇濃郁，含有豐富骨膠原及營養素，再加上不同材料製作不同味道湯底。豬肺洗得乾淨冇異味，湯底除咗有豬骨濃味，重帶有杏汁香味。日本黑毛和牛，肉質來說，黑毛和牛的肉較為扎實，且擁有平均的霜降脂肪以及濃厚的風味。封門柳位於牛的橫膈膜的肌肉，其肉質鬆軟，不易變韌，而且牛肉味極為濃郁。西班牙粟飼豬肉，西班牙名種豬，豬隻在生長過程中會被放牧到草原食栗子

一鍋堂唔洗我介紹都知岀名性價比高，每人三百幾蚊，海鮮豬肉牛肉羊肉同丸乜都有得你食，保證你捧住個肚走🤭今次我哋揀咗養生藥膳湯，個湯有好多藥材，最鍾意飄出來嘅藥材香又養生，好正！一場嚟到梗係揀最好食嗰個餐，乜嘢肉都有得你食，我哋試咗牛板腱，美國安格斯牛肉，封門柳，牛利心托，手切牛脊肉，日本產黑毛和牛，西班牙栗飼豬肉，北海道千歲戶米豚肉，多咗好多特色嘅醃牛肉，有花雕浸安格斯牛肉，香辣安格斯牛肉滑，特別要提嘅係魔鬼辣安格斯牛肉超級辣，唔食得辣嘅慎選其實今次我哋係主打海鮮，重點推介嘅有珍珠貝，我哋覺得比沙巴蜆更加鮮甜嫩滑，我哋encore咗幾次，養顏滋補嘅花膠都係必食嘅，脆骨腩肉質勁爽口，連埋嘅魚皮勁彈牙，手切烏魚片白鱔片同脆鯇片都好新鮮，烏魚片個質感好特別，滑嘟嘟，唔錯唔錯。醬爆瀨尿牛丸都好好食，一咬個汁咇出，肉質好鮮甜，不過小心燙嘴佢嘅墨魚滑蝦滑就唔使講啦，全部都係手打嘅，新鮮彈牙，一定要食返兩轉有營南瓜墨手作蝦丸喺新岀品，加入南瓜口感味道升級。連八吋長腳蟹棒都可以任食，啖啖肉好開心。食埋個稻庭烏冬，煙煙韌韌索晒湯好好食，飽晒！最後食埋個北海道蜜瓜雪糕作結，今餐真係非常滿足。

一鍋堂對大部分香港人而言都絕不陌生，而我亦從中學時期開始已經成為常客，現時分店愈來愈多更於瓊華中心開設第二間旺角店，可見人氣有增無減。瓊華中心分店比總店更加寬敞明亮，牆上壁畫加上霓虹燈牌打卡一流，裝潢走簡約路線令人耳目一新。120分鐘晚市火鍋放題低至$168一位，我們則選擇正價每位$308的C餐。眾所週知一鍋堂湯底選擇繁多，例如一鍋潮汕湯、胡椒豬肚湯、沙參玉竹鯊魚骨湯、櫻花蝦湯、檳城喇沙湯、杏汁豬肺湯等共十六款，更不時推出期間限定湯底。自助沙律吧除了有沙律菜、粟米粒、車厘茄及三款沙律醬外，更有麻辣蓮藕片、韓式涼拌豆芽、麻油菠菜、醬油醃蘿蔔等前菜，更有香辣鳳爪、麻辣雞腎、麻辣拌手拉麵等小食。另外亦少不了其他火鍋配料如炸魚皮、響鈴卷、午餐肉、芝士腸、香菇貢丸、出前一丁等，當中最特別是芫茜燒賣。醬料區旁更有兩款熱食前菜，當日為一鍋麻辣滷鴨血豆腐及紅燒豬軟骨。各式罐裝及包裝飲品應有盡有，不得不提四款自家製樽裝茶飲：養生洛神花茶、提神薄荷烏龍茶、玫瑰花黑枸杞茶及迷迭香薰衣草茶，更有熱飲櫃及軟雪糕機。羽衣甘藍、菠菜、唐生菜、油麥菜、娃娃菜等時令蔬菜亦已分好一份份方便自取。我們另加$50升級鴛鴦鍋自

整體黎講係幾抵食，火鍋配料款式都算多，其中花膠、墨魚滑幾好食，鍾意食蔬菜的朋友都係個好選擇，蔬菜類新鮮。火鍋湯底好麻麻地，麻辣湯底都比較淡。有一些自家製的飲品，例如玫瑰花黑枸杞茶、洛神花茶、薰衣草茶等，味道清新，配打邊爐都不錯。我哋係四人份量，不過每次點肉類，例如肥牛，每份只有三片好薄的肉😅😅鍾意食肉的朋友，就真係要慢慢等…😅😅都幾多人幫襯，如果冇book位，臨時Walk in應該較難有位。餐廳場地都幾大，但位置不太闊落坐，得有少少迫，抽風系統也一般，所以坐落有啲侷促。

4點50分黎到，4點55分開始問有冇人訂座(但係都唔係開始入座)。入座情況非常混亂，叫冇訂座嘅人先撳飛，撳飛部機根本就冇開嘅，另一個同事就話係五點十五分才會入座。係咁問有冇人訂座，出面條隊就水蛇春咁長，等到個湯底黎水滾食得起碼都五點三( 未計後面仲有一班人未入坐)，一係叫你啲夥記四點九開始入座(排得隊嚟差唔多)。早場平廿蚊，到頭來食得1.5小時，得不償失，夥記們都會好積極提醒你七點鐘要離座，顧客體驗非常差。初初係做得好好，先會由牛大人轉嚟食一鍋堂，而家真係要好好重新再考慮。(另加紙咁薄嘅肉，相片一張)

今日來－鍋堂打邊爐，120分鐘任食放題。選左C餐高級日本和牛、豚肉，$308加－，－係唔食，要食就食最好的。剩係肉類都有好多款：— 黑毛和牛、安格斯牛肉、北海道千歲戶米豚肉、西班牙伊比利亞黑毛豬、手切手脊肉、西班牙粟飼豬肉、紐西蘭羊卷肉、封門柳及牛脷心托。鍾意食肉嘅朋友一定要選呢個，性價比好高！湯底選了養生藥膳火鍋，奶白色的湯底採用多種中藥熬製而成，滋補養生。甘甜之中帶點微辣。健康得來好味道。食物選擇非常之多。其中必吃之選有：🐂封門柳－隻牛只有一件門柳，但呢度竟然係任食😝鬆軟得來牛肉味濃。🐂100%濃汁爽彈牛肉牛肉肉質鮮嫩得來超彈牙，咬落去爆汁，肉味香濃。🦐手打蝦丸滋味鮮味，蝦肉鮮甜可口、爽口鬆軟，而且大大粒、份量十足。🌶️－鍋麻辣滷豆品呢個係熱食。夠熱夠香夠好味。😝豆品滷得好入味，索晒啲汁好好食。有少少辣，但辣得過癮。🌹玫瑰花黑枸杞茶呢度有多款養生花茶— 薰衣草茶、薄荷烏龍茶、洛神花茶。而我就選了玫瑰花黑枸杞茶，養顏、清熱解渴。不會太甜。整體感覺好好。上菜速度快、服務員收碟收得密。坐位寛大舒適。價錢又合理。性價比不錯呢！

講真一鍋堂呢間分店，雖然環境比豉油街果間新好多，但食物同服務態度真係差好多我黎兩次兩次都係咁，食物出唔齊/唔出，服務有咁差得咁差，人地豉油街係就係舊啲，但起碼食物會出齊，無果樣野食會通知.我地5個人，晚上8點入座，叫左最貴果個c餐，寫就寫有黑毛和牛，花鵰牛，麻辣牛.我第1轉每樣牛叫左3碟，佢和牛只黎左1碟，1碟4片，5個人分點分？問個員工話切緊，但結果個黑毛和牛我無論點幾多都無再黎過，既然你無和牛點解唔直接同我講？咁我唔洗簡最貴果個餐啦下話？.而花雕牛就次次都黎左雞，同啲員工講我地落牛唔係落雞，就隊張單比我睇，岩呀，張單都係寫牛，但點解次次都拎雞比我？廚房樓面都唔識字？再問第2個員工先同我講切緊，又係切緊，咁都無理由比啲雞塞住我把口.而其他牛舌，手切牛，每次點3都只黎左一碟，仲要每次都係咁，出唔齊，啲野落極都唔齊什至唔到，到追既時候先話岩岩到貨？然後即出比我.枱面吉碟無人清，都唔緊要，隔離有下欄車，我地可以自己清過去，但追個野食都黑哂面又掉野又砰砰砰咁，雖然放題無服務可言姐，但都唔會係要受你地啲員工氣囉

早放工又約到人晚飯，食火鍋放題好似已經成為生活嘅日常😍性價比高嘅「一鍋堂」絕對係首選👍🏻最喜歡瓊華中心嘅分店，坐得較為舒服，裝修新淨。嗜牛的朋友今次揀咗套餐C，主攻多款高級日本牛肉和豚肉七點前結帳，仲每人減$40，更抵食！「蘿蔔粟米豬骨湯底」清甜得來有胡椒味，超大件豬筒骨正！🌟日本產黑毛和牛雪花紋理清晰細密，入口柔軟甘香，有牛脂香氣。薄切小巧，要encore幾個round 先夠😋😋🌟手切牛頸脊厚切夠稔滑，有調味，啱晒喜歡啖啖肉嘅朋友～😋北海道千歲湖米豚豬🌟西班牙栗飼豬肉C Grade 套餐連豬肉都好高質！切得夠薄，一淥就食得，豬肉帶甜又嫩滑。👍🏻🌟西班牙伊此利亞黑毛豬🐽有豬肉香，唔韌，美味可口。😋🌟羊肉唔錯，又嫩又滑唔羶。飲品櫃有勁多選擇，當然少不了招牌自家製養生花茶。另一邊十分貼心，仲有保溫嘅飲品，熱茶，飯後來一杯勁消滯。唔點唔得項目：🌟梅菜豬肉餃，梅菜爽脆超正！自助區仲有丸類、菜類和冷盤。凍菠菜做得好吃😋麻辣雞腎好入味又爽！潮州牛肉餅牛味濃。👍🏻😋海鮮：今晚嘅蝦🦐非常惦，好新鮮好甜！👍🏻👍🏻沙白肥美，仲有鱔片，手做雲吞啖啖鮮蝦味！潮州魚蛋，推介！超彈牙有魚味。👍🏻全程冇漏單，落單後