一鍋堂 (瓊華中心)

營業中

休息中

今日我同個朋友去咗旺角行街，行到肚餓就搵嘢食。剛好見到一鍋堂，唔洗等位就入去食啦。😙😙我同朋友發現佢哋嘅和牛餐唔算貴，所以我哋就叫咗個套餐嚟食。餐廳環境好舒服，外面仲有菜、飲品、火鍋材料同熟食等。🤩🤩揀咗蕃茄牛粒湯同藥膳，番茄味濃郁，湯底有好多牛柳粒、薯仔同紅蘿蔔，藥膳湯亦好重藥材味，好好飲。🥰🥰當然唔少得試下佢哋嘅和牛啦。和牛牛味好突出，油脂分布均勻，實在好好食。😋😋食得咁開心，我哋都叫咗幾次。除咗和牛之外，仲有其他牛同豬嘅選擇，都好濃郁牛味，真係物超所值。🤩🤩每次去一鍋堂食海鮮都好新鮮，所以今次都叫咗幾份白鱔同埋蜆。特別鍾意佢哋嘅蜆，冇咩沙，又開口，證明佢哋好新鮮！😚😚一鍋堂真係一間性價比高嘅餐廳，同朋友聚會喺度食飯簡直一流。🥸🥸

打邊爐是一種非常受歡迎的餐飲方式，非常適合用來慶祝生日，選擇了一鍋堂由於食材質量高，各種肉類性價比之好，加上座位也十分之舒適.餐廳是利用QR code下單的，免卻入紙之苦，各式各樣的飲品及蔬菜也是自由地拎取的，種類也十分之多！芫荽皮蛋湯底十分之香濃，用料十足.自家製的無糖飲料，也是本人的最愛，正好為炎熱的夏天消暑.牛肉的質量十分好，好的牛肉應該新鮮、無異味且沒有變色。新鮮的牛肉質感緊實，顏色鮮紅。肉質：優質的牛肉應該有豐富的肌肉紋理，細緻而有彈性。肉質應該柔軟、多汁且易咀嚼，牛肉脂肪分佈均勻，質地細膩。適度的脂肪可以增添牛肉的口感和風味，這牛肉真是令人再三回味.自家製的胡椒麵也十分之爽口很適合配上牛肉.各式各樣的海鮮，包括有鱔片大蝦等也十分之新鮮.

一鍋堂是我最愛的火鍋店，質素高價錢又不算貴～提供多種湯底選擇，我嘗試了他們的麻辣湯底和沙爹湯底，味道鮮辣香濃，能夠完美地激發味蕾。牛肉片質地嫩滑，口感極佳，充滿了牛肉的鮮美風味。鴨血有著獨特的口感和味道，軟嫩滑潤，能夠吸收湯底的風味，牛柏葉口感爽口彈牙。豬肉片嫩滑多汁，與牛肉片的鮮嫩口感形成了很好的對比。麻辣火鍋必點木耳和海帶～餃子皮薄，肉餡飽滿多汁～豆腐雪糕的口感綿軟滑潤，入口即化，讓人感覺清爽而愉悅。

就打邊爐嚟講～ 大佬最愛都係任叫任食～ 而家有埋小食、嘢飲、雪糕拎嘅就更加深得我心～ 今次去一鍋堂揀咗C餐～ 高級日本同澳洲和牛，$308 食足兩個鐘😌湯底揀咗沙參玉竹鯊魚湯 併 沙爹～ 總共有15款湯底，對於選擇困難症嘅我真係揀咗好耐。沙參玉竹鯊魚湯清甜，飲落幾滋潤而沙爹湯底就好香濃～ 揀得c餐~ 我重點一定係日本黑毛和牛同埋澳洲和牛，油花非常均勻，食落去都好重油香～ 有個朋友要戒牛肉，餐廳都有提供豬肉同埋羊肉！海鮮類有蝦、帆立貝等等～ 吸引我嘅仲有彈牙嘅手打蟹籽蝦滑、油條蝦滑等等～ 除咗點餐嘅Menu之外，仲有自助區，有炸物同埋涼拌食品，仲有唔同嘅丸類，公仔麵等等都可以拎，飲品選擇都豐富，有自家製嘅冷泡茶同埋涼茶，解膩一流最後梗係要用沙嗲湯底，整返個沙牛麵

我係第一次寫食評，係嬲到唔寫唔得。首先，我哋係20：04入座，按道理兩小時放題理應是交吉，所以即係22：04 suppose我哋離座。第一，接待處並冇同我哋講過如果坐超時會有幾多額外收費。第二，當我哋坐到22：10分時候個職員就隊多張單埋嚟話要俾多$230左右，仲話係見我哋冇諗住起身所以就額外徵收。係呢件事上面我覺得你可以先小人後君子話我哋知你哋會有extra charges如果我哋張檯佔用超過兩小時，而唔係隊張單埋嚟叫我哋找咗佢就算數，佢仲話張單寫明咗。咁真心係冇下次再幫襯呢間嘢，根本你係想趕客走，我唔介意打咁長篇幅去分享我今次經歷🙏

最近天氣開始轉涼， 又係時候約朋友打邊爐， 選擇左好耐， 最後決定去這性價比高餐廳打邊爐。和朋友選了胡椒豬肚湯底， 湯底不錯， 牛肉和蝦滑也不錯， 最值得推介的是他們的蜆，清甜無沙， 非常配搭湯底

之前去過荃灣分店,覺得好正!!今日朋友再約喺旺角食飯,即刻諗起一鍋堂!!一鍋堂嘅環境好好, 餐廳出面有梳化長櫈頭先早到咗,坐喺度等朋友都等得好舒服餐廳入面環境都相當好,坐得好舒服呀👍🏽湯底選擇有好多，今次我揀咗冬蔭功,超好味🤤好正呀!!!我覺得唔算好辣,少少辣辣地咁好惹味呀呢個湯底真係好難忘,喺其他地方都少見湯底都幾濃, 冬蔭功味好出, 特別食菜個陣索晒啲湯汁好正!!!可以選擇嘅食材都好多!!!!我哋食嘅係C餐高級日本澳洲和牛套餐牛肉超級高質😀有日本黑毛和牛、澳洲和牛、手切牛脊肉、美國安格斯牛肉、封門柳、魔鬼辣安格斯牛肉、花雕浸安格斯牛肉、牛舌、精選進口牛板腱、香辣牛肉滑、濃汁爽彈牛丸、醬爆瀨尿牛丸😋日本黑毛和牛好高質,啲紋好靚,牛肉味好出,食完一碟再一碟,食到好滿足。其他牛肉都好正🤩🤩🤩🤩好香牛肉味我再叫咗個醬爆瀨尿牛丸，點一份就已經有4粒咁多，呢個真係好好食，中間啲餡好滿足，不過要小心唔好咬得太大力😂朋友一咬啲湯汁噴晒落我度😂😂真係笑死😂😂😂呢度仲有好多唔同花茶同其他飲料可以選擇，唔同花茶有唔同功效，又好飲又養生！仲有唔同海鮮可以揀，例如蜆、帆立貝、蝦等等。另外仲有蟹籽手工蝦滑、各

成圍人嘅聚會都係最啱任食邊爐，今次叫咗兩個鴛鴦鍋，一個叫咗麻辣鴨血同冬蔭公湯底，另一煲叫咗養生藥膳同花膠雞湯。 通常人多咩都扔哂入鍋都食唔到咩味，但冬蔭公煮水魷個味都入到，推薦呢個湯底😋個餐叫咗個Set B，本身有朋友係會員，每人有一件帶子同鮑魚，質素都ok，鮑魚幾爽。平時嚟親呢度都會叫蝦，勝在唔係雪藏同埋幾鮮甜。隔咗一排時間冇嚟覺得d肉普遍質素好似比之前好咗。呢個醉牛幾出色，朋友們連掃咗好多碟。出面都有好多配料拎，最欣賞佢午餐肉係厚切，腸仔係用廚師腸，另外個樣好似煙三文魚嘅冰山蚌都ok。第一次試佢嘅香茅檸檬茶，味道唔錯唔算好甜。甜品選擇唔多，有豆腐雪芭、柚子乳酪雪糕同埋機斟嘅楊枝甘露雪芭。話說今次佢個system壞咗，變咗要用人手寫紙落單，但好彩d野食上得算快。

第一次黎瓊華分店，首先要讚下個整體環境，都算幾寬敞舒適，同埋大部分店員都幾好禮貌。有3個Level既放題套餐選擇，我地就揀左C餐，$300左右高級日本同澳洲和牛任食120分鐘。接近20款湯底選擇，我地揀左沙蔘玉竹鯊魚骨湯，啲湯料都幾足，飲左幾啖先開始打邊爐。食物選擇都幾多，日本產黑毛和牛、澳洲和牛、紐西蘭羊肉卷、手切牛脊肉、封門柳、牛板腱、紐西蘭羊肉卷、海蝦、帆立貝、醬爆瀨尿牛丸、水魷⋯質素都很不錯。小食都唔輸蝕，凍蝦、麻辣翼尖、麻辣雞腎、醃蘿蔔⋯味道一啲都唔失禮。飲品款式都幾多，仲有唔少自家製涼茶同養生飲品。

都有一段時間沒打邊爐，而且差不多又到打邊爐季節喇！(雖然其實都沒分，想吃就吃😂)點了「C 高級日本&澳洲和牛套餐」120分鐘晚市火鍋放題。7點至9點 $308；9點入座 $288；7點前離座 / 10點半入座 $268；小童長者任何時段 $208，另收加一服務費。湯底揀了沙參肉竹鯊魚骨湯，比較清淡，有點藥膳感覺，小心會有魚骨。一鍋堂其中一個最好特點是，飲品櫃夠大選擇夠多，還有數款自家製茶飲👍🏽。講講幾款自己比較喜歡的食物：🐮 日本黑毛和牛：必點😍！集中點它就對🤣，眾多牛中最美味🤤。油花美，牛味極濃，牛的油脂在嘴裡綻放如花🌸🤤。🐷 西班牙伊比利亞黑毛豬：比栗飼豬好味好多，是最棒的🐷🐷。肉味甘鮮帶甜，又有濃厚鹹香味，非常高質😍，必點！豬類集中點它就對😋。🦐 海蝦：大隻新鮮爽甜，新鮮到有一兩隻還在跳😮。🐟 脆骨腩：口感非常爽脆，吃得出好新鮮。🍖 濃汁爽彈牛丸、醬爆瀨尿牛丸：牛味濃郁，十分爽彈，優質👍🏽。🥟 手作菠菜皮韮菜餃：大大隻，韮菜好香。因為當天雪糕機正好壞了，沒得吃🥲，只有杯裝雪糕。

一鍋堂 - 旺角瓊華中心食火鍋放題 瓊華中心不嬲都有唔少餐廳選擇 今日再次去到一鍋堂 叫咗個養生藥膳鍋 再加咗半隻烏雞$25日本產黑毛和牛 - 肉質軟淋沙白蜆 珍珠貝 - 大有少少海水鹽味 好鮮味手串海蝦 - 新鮮爽彈鮮甜另外仲補不能盡錄嘅火鍋配料 例如 金針菇粟米 西班牙伊利亞黑毛豬 封門柳 香辣安格斯牛肉滑 蝦子手打墨魚滑 脆鯇魚片 金蟲草包籽 總之就真係非常多選擇啦出面仲有自助吧又唔同嘅凍食沙律 菠菜 大豆芽同四季豆都好味 酸辣青瓜都好入味 自助丸類區 有唔同嘅丸類 咁牛丸貢丸 仲有雞子 另外仲有超級推介嘅冰山蚌 食落非常爽彈 我地不停Encore自助菜區 已放好一盤盤畀你任拎 油麥菜娃娃菜等等自助飲品區 我最鍾意就係自家製洛神花茶 酸酸甜甜好開胃又解膩另外當日有期間限定嘅楊枝甘露味雪糕 不過食落去其實有啲似芒果味雪糕 哈哈

好久沒有來吃自助餐了，今晚可以好好享受一下自助打邊爐，一鍋堂的環境很好，食物更是上百種，有打邊爐的材料，也有少量的熟食。豬骨豆腐清湯作為打邊爐湯底，這個清湯底濃郁的豬骨香味，為後續食材提供更完美的烹飪基礎。伊比利亞黑毛豬的獨特脂肪紋理和濃郁的口感，以及日本產黑毛和牛的細膩肉質和豐富的脂肪分佈，都能在打邊爐的高溫中變得更加鮮多汁，讓人垂涎欲滴。牛舌片鮮嫩可口，牛百葉爽口嚼勁十足。澳洲和牛則以其獨特的肉質和口感吸引著人們的味蕾。紐西蘭羊卷肉則鮮嫩多汁，有著獨特的羊肉香味，給打邊爐增添了更多的美味選擇。野生竹笙帶有一絲絲清香，口感爽脆，帆立貝鮮甜滑嫩。打邊爐的各種食材都帶來了豐富的口感和味道，讓人可以盡情享受美食的樂趣。最後以一個柚子味的乳酪結束了讓人滿足的晚餐。

$268起任食日本、澳洲和牛😋🔥 餐廳為火鍋連鎖店 主打午市及晚市任飲任食火鍋放題🤰🏻環境乾淨燈光足夠 裝潢簡單而清新自助區任攞飲品、醬料、火鍋配料、野菜、雪糕、小食等====᪥ 晚市C餐火鍋放題 $268起晚市放題限時120分鐘 有A,B,C餐三種選擇 B餐起即可任食特選食材例如自家製墨魚滑、雲吞、餃子等等～᪥ 沙嗲湯底 沙嗲湯底香濃濃郁 亦可選擇鴛鴦湯底+$50᪥ 日本產黑毛和牛黑毛和牛脂肪豐富 賣相精美 厚度適中᪥ 澳洲和牛澳洲和牛則口感更有嚼感 牛肉味更香濃᪥ 海鮮沙白蜆、脆骨腩、魚片、鮮蝦、墨魚仔等等

好耐無吃過限時火鍋放題，難得盡情放肆，揀左間人氣高企，食牛出名的一鍋堂，單是旺角區已經有兩間，湯底有15款選擇，如果是選擇鴛鴦鍋，另加$50，120分鐘的放鍋火題絕對夠時間，我們選了選了<<C高級日本和澳洲和牛套餐$308>>湯底選了芫荽皮蛋湯和麻辣鴨血豆腐湯，一清一辣飲品是自助區，香茅檸檬茶，玫瑰花黑枸杞茶，薄荷烏龍茶都是推薦飲品，不會太甜，清清地唔錯牛肉當然點了無限碟日本黑毛和牛，每一塊油脂分布得好靚，每一塊雖然薄但牛味好濃澳洲和牛，油脂沒有日本和牛重，同樣入口有口感，入口滑，有重重的牛味單是牛肉選擇已經有6-7款，一次過送上，真的不知道是哪一款 花雕浸安格斯牛肉，是印象最深刻的一款，淡淡的花雕酒香牛肉，有口感之餘仲好滑花雕浸鮮雞件，大大件滑雞，入口有口感，肉質滑珍珠貝，沙白蜆同樣大推，每一粒都脹卜卜，好新鮮，encore 左幾次其餘的配料都全部上齊，牛丸，花膠，白鱔片，油條，竹笙，真係應有盡有，2個人火鍋，食放題真係可以食到各款各樣的食材除了手機下單點菜外，飲品區都有涼菜，熱食或丸類提供自行拿取甜品有雪糕杯外，仲有自助式楊枝甘露口味軟雪糕，食完正餐

打完風天氣忽然轉涼了，真係有D秋涼感覺，胃口亦開始”轉季”了，又係火鍋時間，友人話去呢間食火鍋放題。提供ABC餐三款選擇，食高級日本及澳洲和牛套餐 (C餐) 係$308，任飲任食120分鐘。特色湯底有十幾款選擇，有辣有唔辣簡單又下火之選莫過於芫茜皮蛋湯，仲有埋馬蹄，多D芫茜就仲好自己掃CODE落單，方便又環保等緊湯底滾起時，出面有熟食區，多款餐前小食比你食住先我地就拎咗惹味大荳芽菜，四季豆，土豆絲及鷄腎，仲有個麻辣醬伴冷麵，真正食住等。拎完醬料，再去拎凍飲首推香茅檸檬茶，甜度適中，幾有檸茶味。湯滾起就係代表火鍋時間開動，先黎日本黑毛和牛，切成一大片，油脂分佈美麗用筷子夾住拖幾拖，一轉色就食得。肉質相當嫩滑，毫不花氣力就直人喉嚨。再黎澳洲和牛肉質比起日本嘅唔差好遠，都係滑嫩，肉味頗出少少。仲有牛舌及牛板腱亦有西班牙黑毛豬沙白，八爪魚，蝦，帶子，珍珠貝，鱔片呢D海鮮類都有得叫沙白烚到開口就食得，鮮甜，食唔到有沙。蝦肉就幾彈牙，放幾串一齊烚，就可以令你”蝦蝦蝦”花膠作為火鍋料都唔係新鮮事，但呢度嘅除咗夠厚度之外，仲要唔駛烚好耐就食得，養顏之選。其他丸類/炸魚皮/響鈴/午餐肉，連鷄子都有，就係