一鍋堂 (瓊華中心)

營業中

休息中

旺角瓊華中心樓上火鍋放題店，地點方便就腳，木系簡約裝修，座位闊落舒適，店員細心勤快。120MINS晚市火鍋放題套餐分$208、$258、$308三種，追求靚牛的選擇$308高級日本及澳洲和牛套餐就是了！120MINS晚市火鍋放題 高級日本及澳洲和牛套餐 $30815個湯底選擇很多，好幾個都不錯！港式住家湯底有粟米豬骨、杏汁豬肺、芫茜皮蛋、蕃茄薯仔；惹味濃湯有冬蔭公、檳城喇沙、韓式泡菜、麻辣鴨血。但最後都是選擇了養生藥膳湯，有杞子、紅棗等藥材，味道不會太濃烈，屬於健康的邊爐湯底。食肉獸當然Focus大吃牛肉，兩款套餐主打牛肉 — 日本黑毛和牛和澳洲和牛都Encore了好幾輪，喜歡油香滑溜的會比較喜歡日本和牛，而澳洲和牛的牛味則較重，另外牛板腱的油花和肉質都不錯。特別Item有花雕浸安格斯牛肉，酒味突出，是牛肉之中較健康的一款。不吃牛肉的也有黑毛豬、栗飼豬、豬五花、羊肉和雞肉等選擇。海鮮除了沙白、鮮蝦外，還有正中口味的吸湯竹笙，少骨雪白的白鱔和爽脆又有魚油香的脆魚腩。海鮮配上不是超級濃味的養生藥膳湯，也可以吃得出海鮮的鮮味。自助區乾淨整齊，一目了然。最吸引有芫茜燒賣、炸饅頭，還有大大隻凍蝦

一鍋堂養生藥膳湯養生藥膳湯選用嘅材料非常講究，包括紅棗、杞子、京蔥、蒜子、黨參、當歸等等。藥膳湯功效有唔少，例如有助於健脾和暖胃。因為味道唔會太濃，令其他食材可以保留本身鮮味。火鍋材料澳洲和牛，日本產黑毛和牛，美國安格斯牛肉，封門柳等，霜降雪花均勻分布牛肉表面，牛肉味香濃，入口即化。紐西蘭羊捲肉，西班牙伊比利亞黑毛豬，西班牙粟飼豬肉，肉質細緻嫩滑，脂肪均勻分佈喺肉入面，十分滋味。其他火鍋店必備材料應有盡有，手板黑松露墨魚丸，手工蝦丸，各種蔬菜，娃娃菜，油菜，雲耳，蟹柳，冬菇等。今晚試咗一款叫神仙豆腐，似豆腐花，又似玉子豆腐。一鍋堂有各種自家清熱養生嘅飲品，今晚試咗玫瑰花黑枸杞茶同埋香茅檸檬茶，酸甜生津，冰凍清涼，非常配合火鍋。

今晚凍凍地就去咗打邊爐。到達火鍋店時，門口已經大排長龍，揀定湯底，再等店員帶位入座。坐低後，店員冇耐就送上湯底。🔸鹹菜胡椒豬肚湯鹹菜大大件，味道爽而唔會鹹，豬肚份量都幾多，很足料。🔸日本產黑毛和牛呢個係必叫，牛的油花分佈平均，肉質嫩滑，油分適中，味道濃郁。🔸澳洲和牛肉質較有咬口，味道非常濃郁。🔸西班牙伊比利亞黑毛豬估唔到連豬肉片同樣出色，油脂充足，仲有堅果香，肉質有咬口。🔸西班牙栗飼豬肉油分明顯少一點，味道較為清淡。🔸手串生猛海蝦海蝦新鮮，肉質結實彈牙。🔸自家墨魚餅肉質很彈牙，味道很鮮。萵筍比較爽口一點；鮮淮山很大件；冬瓜片腍滑。自助區有不同的前菜，可用琳瑯滿目來形容，其中韓式泡菜爽得來不會太辣，一鍋泡椒雞腳很入味，麻辣藕片很爽脆。打完邊爐，梗係要食返少少甜嘢啦！有乳酪雪糕或者杯裝雪糕，雪糕有紅豆味，夠凍夠硬。飲品我會飲香茅檸檬茶，酸酸地又唔會太甜。120分鐘任飲任食 C餐火鍋黎講，呢間都算唔錯。當晚已經爆場, 但門口仍有人等候入座。

進入冬季，想暖笠笠最好是打邊爐了，今晚就去了旺角一間有很多分店的火鍋專門店，這間店內的座位多以屏風隔開，座位很闊落。放題有三種套餐可選，主要是不同肉類的分別。而湯底有二十多個選擇，火鍋主要食材是自己點選。而餐廳一邊是自助吧，有很多小食，涼菜，蔬菜，飲品和雪糕等，選擇相當多。我選了C套餐：肉類有黑毛和牛，安格斯牛，伊比利亞黑毛豬等，而海鮮也有很多選擇。湯底方面，我點了養生藥膳湯底，內有很多藥材配料，充滿藥材香味但又不會太濃。食材方面，我們點了：黑毛和牛，澳洲和牛，安格斯牛，西班牙伊比利亞黑毛豬，西班牙粟飼豬肉，五花腩，白沙蜆，鱔片，生猛海蝦，脆肉鯇魚片，扇貝，花膠等，共二十多款菜式。這裡的和牛肉質淋軟，入口即溶，味道濃郁。海鮮都很新鮮。飲品除了汽水外，還有些健康自家製的飲品，如玫瑰花黑杞子茶和洛神花茶等，真是很豐富和滿足的一餐。

今日我同個朋友去咗旺角行街，行到肚餓就搵嘢食。剛好見到一鍋堂，唔洗等位就入去食啦。😙😙我同朋友發現佢哋嘅和牛餐唔算貴，所以我哋就叫咗個套餐嚟食。餐廳環境好舒服，外面仲有菜、飲品、火鍋材料同熟食等。🤩🤩揀咗蕃茄牛粒湯同藥膳，番茄味濃郁，湯底有好多牛柳粒、薯仔同紅蘿蔔，藥膳湯亦好重藥材味，好好飲。🥰🥰當然唔少得試下佢哋嘅和牛啦。和牛牛味好突出，油脂分布均勻，實在好好食。😋😋食得咁開心，我哋都叫咗幾次。除咗和牛之外，仲有其他牛同豬嘅選擇，都好濃郁牛味，真係物超所值。🤩🤩每次去一鍋堂食海鮮都好新鮮，所以今次都叫咗幾份白鱔同埋蜆。特別鍾意佢哋嘅蜆，冇咩沙，又開口，證明佢哋好新鮮！😚😚一鍋堂真係一間性價比高嘅餐廳，同朋友聚會喺度食飯簡直一流。🥸🥸

打邊爐是一種非常受歡迎的餐飲方式，非常適合用來慶祝生日，選擇了一鍋堂由於食材質量高，各種肉類性價比之好，加上座位也十分之舒適.餐廳是利用QR code下單的，免卻入紙之苦，各式各樣的飲品及蔬菜也是自由地拎取的，種類也十分之多！芫荽皮蛋湯底十分之香濃，用料十足.自家製的無糖飲料，也是本人的最愛，正好為炎熱的夏天消暑.牛肉的質量十分好，好的牛肉應該新鮮、無異味且沒有變色。新鮮的牛肉質感緊實，顏色鮮紅。肉質：優質的牛肉應該有豐富的肌肉紋理，細緻而有彈性。肉質應該柔軟、多汁且易咀嚼，牛肉脂肪分佈均勻，質地細膩。適度的脂肪可以增添牛肉的口感和風味，這牛肉真是令人再三回味.自家製的胡椒麵也十分之爽口很適合配上牛肉.各式各樣的海鮮，包括有鱔片大蝦等也十分之新鮮.

一鍋堂是我最愛的火鍋店，質素高價錢又不算貴～提供多種湯底選擇，我嘗試了他們的麻辣湯底和沙爹湯底，味道鮮辣香濃，能夠完美地激發味蕾。牛肉片質地嫩滑，口感極佳，充滿了牛肉的鮮美風味。鴨血有著獨特的口感和味道，軟嫩滑潤，能夠吸收湯底的風味，牛柏葉口感爽口彈牙。豬肉片嫩滑多汁，與牛肉片的鮮嫩口感形成了很好的對比。麻辣火鍋必點木耳和海帶～餃子皮薄，肉餡飽滿多汁～豆腐雪糕的口感綿軟滑潤，入口即化，讓人感覺清爽而愉悅。

就打邊爐嚟講～ 大佬最愛都係任叫任食～ 而家有埋小食、嘢飲、雪糕拎嘅就更加深得我心～ 今次去一鍋堂揀咗C餐～ 高級日本同澳洲和牛，$308 食足兩個鐘😌湯底揀咗沙參玉竹鯊魚湯 併 沙爹～ 總共有15款湯底，對於選擇困難症嘅我真係揀咗好耐。沙參玉竹鯊魚湯清甜，飲落幾滋潤而沙爹湯底就好香濃～ 揀得c餐~ 我重點一定係日本黑毛和牛同埋澳洲和牛，油花非常均勻，食落去都好重油香～ 有個朋友要戒牛肉，餐廳都有提供豬肉同埋羊肉！海鮮類有蝦、帆立貝等等～ 吸引我嘅仲有彈牙嘅手打蟹籽蝦滑、油條蝦滑等等～ 除咗點餐嘅Menu之外，仲有自助區，有炸物同埋涼拌食品，仲有唔同嘅丸類，公仔麵等等都可以拎，飲品選擇都豐富，有自家製嘅冷泡茶同埋涼茶，解膩一流最後梗係要用沙嗲湯底，整返個沙牛麵

我係第一次寫食評，係嬲到唔寫唔得。首先，我哋係20：04入座，按道理兩小時放題理應是交吉，所以即係22：04 suppose我哋離座。第一，接待處並冇同我哋講過如果坐超時會有幾多額外收費。第二，當我哋坐到22：10分時候個職員就隊多張單埋嚟話要俾多$230左右，仲話係見我哋冇諗住起身所以就額外徵收。係呢件事上面我覺得你可以先小人後君子話我哋知你哋會有extra charges如果我哋張檯佔用超過兩小時，而唔係隊張單埋嚟叫我哋找咗佢就算數，佢仲話張單寫明咗。咁真心係冇下次再幫襯呢間嘢，根本你係想趕客走，我唔介意打咁長篇幅去分享我今次經歷🙏

最近天氣開始轉涼， 又係時候約朋友打邊爐， 選擇左好耐， 最後決定去這性價比高餐廳打邊爐。和朋友選了胡椒豬肚湯底， 湯底不錯， 牛肉和蝦滑也不錯， 最值得推介的是他們的蜆，清甜無沙， 非常配搭湯底

之前去過荃灣分店,覺得好正!!今日朋友再約喺旺角食飯,即刻諗起一鍋堂!!一鍋堂嘅環境好好, 餐廳出面有梳化長櫈頭先早到咗,坐喺度等朋友都等得好舒服餐廳入面環境都相當好,坐得好舒服呀👍🏽湯底選擇有好多，今次我揀咗冬蔭功,超好味🤤好正呀!!!我覺得唔算好辣,少少辣辣地咁好惹味呀呢個湯底真係好難忘,喺其他地方都少見湯底都幾濃, 冬蔭功味好出, 特別食菜個陣索晒啲湯汁好正!!!可以選擇嘅食材都好多!!!!我哋食嘅係C餐高級日本澳洲和牛套餐牛肉超級高質😀有日本黑毛和牛、澳洲和牛、手切牛脊肉、美國安格斯牛肉、封門柳、魔鬼辣安格斯牛肉、花雕浸安格斯牛肉、牛舌、精選進口牛板腱、香辣牛肉滑、濃汁爽彈牛丸、醬爆瀨尿牛丸😋日本黑毛和牛好高質,啲紋好靚,牛肉味好出,食完一碟再一碟,食到好滿足。其他牛肉都好正🤩🤩🤩🤩好香牛肉味我再叫咗個醬爆瀨尿牛丸，點一份就已經有4粒咁多，呢個真係好好食，中間啲餡好滿足，不過要小心唔好咬得太大力😂朋友一咬啲湯汁噴晒落我度😂😂真係笑死😂😂😂呢度仲有好多唔同花茶同其他飲料可以選擇，唔同花茶有唔同功效，又好飲又養生！仲有唔同海鮮可以揀，例如蜆、帆立貝、蝦等等。另外仲有蟹籽手工蝦滑、各

成圍人嘅聚會都係最啱任食邊爐，今次叫咗兩個鴛鴦鍋，一個叫咗麻辣鴨血同冬蔭公湯底，另一煲叫咗養生藥膳同花膠雞湯。 通常人多咩都扔哂入鍋都食唔到咩味，但冬蔭公煮水魷個味都入到，推薦呢個湯底😋個餐叫咗個Set B，本身有朋友係會員，每人有一件帶子同鮑魚，質素都ok，鮑魚幾爽。平時嚟親呢度都會叫蝦，勝在唔係雪藏同埋幾鮮甜。隔咗一排時間冇嚟覺得d肉普遍質素好似比之前好咗。呢個醉牛幾出色，朋友們連掃咗好多碟。出面都有好多配料拎，最欣賞佢午餐肉係厚切，腸仔係用廚師腸，另外個樣好似煙三文魚嘅冰山蚌都ok。第一次試佢嘅香茅檸檬茶，味道唔錯唔算好甜。甜品選擇唔多，有豆腐雪芭、柚子乳酪雪糕同埋機斟嘅楊枝甘露雪芭。話說今次佢個system壞咗，變咗要用人手寫紙落單，但好彩d野食上得算快。

第一次黎瓊華分店，首先要讚下個整體環境，都算幾寬敞舒適，同埋大部分店員都幾好禮貌。有3個Level既放題套餐選擇，我地就揀左C餐，$300左右高級日本同澳洲和牛任食120分鐘。接近20款湯底選擇，我地揀左沙蔘玉竹鯊魚骨湯，啲湯料都幾足，飲左幾啖先開始打邊爐。食物選擇都幾多，日本產黑毛和牛、澳洲和牛、紐西蘭羊肉卷、手切牛脊肉、封門柳、牛板腱、紐西蘭羊肉卷、海蝦、帆立貝、醬爆瀨尿牛丸、水魷⋯質素都很不錯。小食都唔輸蝕，凍蝦、麻辣翼尖、麻辣雞腎、醃蘿蔔⋯味道一啲都唔失禮。飲品款式都幾多，仲有唔少自家製涼茶同養生飲品。

都有一段時間沒打邊爐，而且差不多又到打邊爐季節喇！(雖然其實都沒分，想吃就吃😂)點了「C 高級日本&澳洲和牛套餐」120分鐘晚市火鍋放題。7點至9點 $308；9點入座 $288；7點前離座 / 10點半入座 $268；小童長者任何時段 $208，另收加一服務費。湯底揀了沙參肉竹鯊魚骨湯，比較清淡，有點藥膳感覺，小心會有魚骨。一鍋堂其中一個最好特點是，飲品櫃夠大選擇夠多，還有數款自家製茶飲👍🏽。講講幾款自己比較喜歡的食物：🐮 日本黑毛和牛：必點😍！集中點它就對🤣，眾多牛中最美味🤤。油花美，牛味極濃，牛的油脂在嘴裡綻放如花🌸🤤。🐷 西班牙伊比利亞黑毛豬：比栗飼豬好味好多，是最棒的🐷🐷。肉味甘鮮帶甜，又有濃厚鹹香味，非常高質😍，必點！豬類集中點它就對😋。🦐 海蝦：大隻新鮮爽甜，新鮮到有一兩隻還在跳😮。🐟 脆骨腩：口感非常爽脆，吃得出好新鮮。🍖 濃汁爽彈牛丸、醬爆瀨尿牛丸：牛味濃郁，十分爽彈，優質👍🏽。🥟 手作菠菜皮韮菜餃：大大隻，韮菜好香。因為當天雪糕機正好壞了，沒得吃🥲，只有杯裝雪糕。

一鍋堂 - 旺角瓊華中心食火鍋放題 瓊華中心不嬲都有唔少餐廳選擇 今日再次去到一鍋堂 叫咗個養生藥膳鍋 再加咗半隻烏雞$25日本產黑毛和牛 - 肉質軟淋沙白蜆 珍珠貝 - 大有少少海水鹽味 好鮮味手串海蝦 - 新鮮爽彈鮮甜另外仲補不能盡錄嘅火鍋配料 例如 金針菇粟米 西班牙伊利亞黑毛豬 封門柳 香辣安格斯牛肉滑 蝦子手打墨魚滑 脆鯇魚片 金蟲草包籽 總之就真係非常多選擇啦出面仲有自助吧又唔同嘅凍食沙律 菠菜 大豆芽同四季豆都好味 酸辣青瓜都好入味 自助丸類區 有唔同嘅丸類 咁牛丸貢丸 仲有雞子 另外仲有超級推介嘅冰山蚌 食落非常爽彈 我地不停Encore自助菜區 已放好一盤盤畀你任拎 油麥菜娃娃菜等等自助飲品區 我最鍾意就係自家製洛神花茶 酸酸甜甜好開胃又解膩另外當日有期間限定嘅楊枝甘露味雪糕 不過食落去其實有啲似芒果味雪糕 哈哈