一起食堂 (域多利皇后街)

營業中

休息中

#一起食堂 (中環)中環域多利皇后街2號地舖-----😊上次食完呢間餐廳ge滷肉飯 對佢幾有好感 今日又黎試佢ge鰻魚飯（$98)同滷🍗雞腿飯（$88）～前菜同上次一樣 質素很不錯 有我最愛ge日本番薯仔🤤🤤 鰻魚夠肥美 亦燒得香脆 撈埋溫泉♨蛋同飯 非常惹味😍 而滷雞腿就一般般 雞肉唔夠嫩滑 滷水味亦都比較淡 滷水蛋亦無溫泉蛋咁出色～整體成個飯都無鰻魚飯同埋上次食ge滷肉飯咁惹味～😗-----B仔整體評價：8/10個👍🏻B仔抵食程度：7/10個👍🏻B仔環境評分：7.5/10個👍🏻B仔味道評分：8.5/10個👍🏻B仔回頭機會：8.5/10個👍🏻-----

中環嘅台式餐廳開完一間又一間，係openrice 無意間見到呢間新開嘅，決定係佢未太多人之前即刻去試餐廳都算多人，不過好彩唔洗排隊 ✌店舖細細地，坐得有少少逼，啲嘢食叫咗好耐都未黎就問問啦，點知好似漏咗單咁 😓 係有啲失望，不過店員態度算幾好，咁就算啦～小店啲牛肉，蘿蔔浸得幾淋幾入味，麵質都算彈牙，唔會煮得太淋 👍 啲小食有細番薯仔呀！ 岩哂我~呢間台式餐廳出乎意料地無珍珠奶茶! 無珍珠奶茶呀! 結果我無叫嘢飲，朋友就點咗杯黑糖薑母茶，好似一般..

晚上七點左右 不用等位  食物選擇不算太多  但肉燥飯 炸雞等台灣美食已經滿足和風雞肉沙律 $68沙律份量多  有菜,蕃茄,雞肉絲,生雞蛋, 配上日式芝麻汁一起吃,味道不錯台灣土雞肉飯 $78超大一碟, 雞肉也是不手緊給佷多,但沒有汁,有點乾,不過味道不差鹽酥雞 $32即叫即炸,上枱時熱辣辣非常脆,雞肉嫩滑,不乾,味道又不會過鹹一口蔥餡餅 $32一碟有5個, 幾抵食, 煎得小小脆脆地,外面個皮薄,餡料多,加上面上的汁調味,可以一試芋圓仙草凍 $35食台灣野當要吃仙草凍,有仙草,芋圓,份量多,不會過甜,個湯水底清清地,不錯

今日甘岩黎中環搵食, 見到係中環街市旁有一間台式小店, 店內唔算大, 但環境幾靜, 幾張台灣電影的海報又帶點台灣風味~先叫左幾款小食, 估唔到小食係最出色!🔹鹽酥雞 ($32)最怕食到太厚炸粉, 但佢外層脆薄, 唔會好多炸粉, 雞仲幾嫰滑多汁~🔹米紙蝦春卷 ($32)新鮮炸起, 外層鬆脆, 咬開係包著的蝦肉很彈牙, 食完都唔會成口油~🔹紅燒牛肉面 ($88) 紅燒牛肉足足有四大件, 第一次食台灣牛肉面唔係跟麵, 而係跟烏冬, 估唔到又幾夾, 面身仲幾彈牙~🔹原條蒲燒鰻魚飯 ($138)鰻魚汁幾濃, 鰻魚都幾足料, 一整條鰻魚上, 2人share食都夠~🔹芋圓仙草凍 ($35)食完主食, 加左個飯後甜品, 係去台灣必食的芋圓, 呢到加左少少甜的淡奶, 仙草凍同芋圓的份量好多, 芋圓都十幾粒, 仙草可以清熱~P.S: 中環區黎講, 價錢合理, 冇加一, 算係唔錯的選擇~

早段時間已經bookmark左呢間新開既餐廳，今日星期六放假下午經過中環唔知食咩，就一於去試一試。可能今日系星期六，少左一班中環上班客，人流唔算好多。餐廳裏面既裝潢屬於簡單平實，充滿台灣既風格，因為牆身掛左好多幅台灣電影既海報，「那些年，我們一起追的女孩」、「海角七號」、「第36個故事」等，勾起一段段電影情節，而且仲播住台灣既流行曲。餐廳地方唔算好大，有幾張四人枱同單人高枱，一個人來食都非常適合，感覺比較舒適。點菜紙上既選擇一目了然，而我地最後因為有點肚餓，都食左不少，哈哈！鰻魚係我其中一樣最愛，當然要食啦。就咁睇相，相信大家都感受到佢有幾大條。條鰻魚好巨型，長到出晒界，仲長過個碗。鰻魚沾滿鰻魚汁，非常惹味。鰻魚比較腍身，肉質肥美，無咩骨，加上流心蛋，蛋黃伴鰻魚肉，不能不試！而且仲配埋小食，涼拌雲耳、紫薯仔和沙律菜。台灣麵食當然唔少得紅燒牛肉麵啦！湯底濃而不膩，仲有入晒味既白紅蘿蔔同清甜既蔬菜。紅燒牛肉厚身大大件，炆得好腍好入味，而且牛肉帶有筋，容易入口。而麵亦都好有口感，亦都食晒牛肉湯味。可惜白紅蘿蔔只得一件，如果多件就更好。同樣地，牛肉麵都配埋小食。每次食台灣野都想試魯肉飯，想比較

朋友話我聽最近香港開左間台灣店，食物正宗又好味，所以今日就約埋同事一齊黎食！先叫左個炸花枝丸，花枝丸大大粒，粒粒金黃香脆，沾少許胡椒粉更加惹味，咬落十分彈牙唔粉！食台灣野唔少得鹽酥雞，鹽酥雞炸得勁脆卜卜，唔會過咸，雞肉仲好嫩唔鞋，好味！和風牛肉烏龍面，湯底濃郁，麵質q彈，配料足，温泉蛋正！甜品叫左芋圓仙草凍，好大配抵食，芋圓份量多，芋圓好煙un ，仙草凍好q彈，唔會過甜，面頭淋上花奶，非常好味！呢度食物好味又抵食 絕對會再黎呢！

早幾年自己一個人跑到台灣住了好一陣子，因為住的地方沒空間煮食，每天三餐都在外面解決，實在很喜歡台灣的餐廳，價錢便宜不說，味道總不會差到哪去。早陣子在中環發現了這家位於域多利皇后街的台式便當店 - 一起食堂，看著價錢也算合理，就走進去了。食物選擇不算很多，但種類還是夠的，看著原條蒲燒鰻魚飯才$138，就忍不住點了，為食既我仲點左冬瓜茶同鹽酥雞。上菜的時候還冒著煙，新鮮滾熱辣呢！鰻魚比想像中要大得多，而且很肥美厚身，真的超值了！除了鰻魚還有温泉蛋，紫菜飯素，菜和餐湯，豐富得很呢，還未動口已經怕吃不完了！味道方面，鰻魚飯味道香濃，燒得剛好，香得來帶少少脆底，很是滋味。鹽酥雞香脆可口，冬瓜茶夠清甜，實在是飽足既一餐！

台灣旅行返到黎香港都差唔多成個月喇 偶然都會諗返台灣既小食 野飲😫 個日同朋友講起 佢話既然想食台灣野不如食一間台灣小店🤤 見佢講到咁吸引一於去食講得係小店 餐廳空間雖然唔算好大 但同時都坐到幾多人 餐廳設計有唔少既巧思位 可以睇到同感受到台灣既味道同特色😚 播住台灣當紅既流行曲 望住牆上面既台灣電影🎬海報 食住我懷緬既台灣小菜 真係幾唔錯👍🏻點餐靠自己填點餐紙 選擇唔算太多 但基本款式都有 由於係自己點既關係 餐廳冇收取加一費用✌🏻 我同朋友寫下寫下就點左唔少野食🙆🏻‍♀️點左個原條蒲燒鰻魚飯 蒲燒鰻魚賣相無 得 輸💋原條大大條 鰻魚無骨 肉身肥美 充滿咗鰻魚汁 伴埋一旁既半熟蛋一齊撈埋食 口感豐富同有種想一直食多幾啖既感覺🤤正 大推鰻魚飯！紅燒牛肉麵係不能不吃既台灣麵食🙆🏻‍♀️ 牛肉麵份量都幾多 足料 湯頭幾好飲 牛肉幾腍身 唔韌 麵條同傳統牛肉麵有些微唔同 偏闊身 幾有咬口😬小食點咗份炸花枝丸 炸得相當酥脆 入面有墨魚粒 可以點埋旁邊既淮鹽作為提味 彈牙惹味😍跟餐配餐飲需要$12 我嗌咗杯凍既蘆薈桂花雪梨茶 蘆薈粒蠻多 飲落有淡淡桂花香 並無加太多糖水 但因為有雪梨🍐既清香清甜 飲

收工同個同事突然想食台灣野,甘岩經過呢間店就俾佢親民既價錢吸引左入去,店員推介的紅燒牛肉面吃過後念念不忘, 牛肉炆得十分入味,肉質軟林林,面質煙un,湯底味道濃郁.台灣小食中最愛台灣腸,炸花支丸同埋鹽酥雞,甘一於3樣都試晒,小食份量不會好少,好抵食, ,炸花支丸同埋鹽酥雞岩岩即起,非常香脆,台灣腸不負眾望所歸我地都覺得好好食,炸到外脆內暖,簡直是最好食的腸仔,涼粉冬瓜茶非常好飲,吾會好甜,味道岩岩好,十分推介.最後甜品仙草芋圓也是十分推介,仙草燒得好滑,淋上花奶也太好食了吧,芋買我只吃煙un彈牙的,呢間做到了!! 下次想食台灣野會再過來,,,抵食又好食

平時同男朋友經開中環，都係食一啲連鎖餐店。上星期卻無意俾我地發現左呢間小店，似乎係新開的，以前係附近返工時都未有。個餐廳名”一起食堂”都好得意！我地就入左黎食個晚餐。原來呢間小店係主打台式食物同飲品，剛好又係我地喜歡食嘅口味。各類菜式的價錢都好實惠，相信會成為係中環返工人士的新食堂。海鮮稻庭烏冬個烏冬好足料，仲有我喜歡嘅蝦、蟹柳同埋蠔！另外湯底好清甜，烏冬都好彈牙。魯肉乾拌麵(仲送埋湯添)好地道的台式賣相，魯肉肥瘦剛好，麵身都好彈牙。簡單嘅配搭，口感卻好有層次，非常好味。鹽酥雞好惹味，表皮好香脆，而裡頭肉質鮮嫩，兩重味覺享受。烤台灣香腸香腸烤得好香，火喉剛剛好，而且肉質好鮮甜，好有BBQ 的感覺。刈包好大個包呀😂，一個大包裡頭有一大塊新鮮豬腩肉，呢個配搭好好，個包吸晒豬腩肉d油，唔會感覺太肥太油，味道好正燙青菜青菜質素好好，好新鮮而且好爽口，味道鮮甜。最後我地仲叫左兩杯野飲。果糖薑母茶一杯經典中嘅經典台式飲品，感覺唔會太甜，而且茶味好濃。桂花雪梨茶好養身嘅飲品，雪梨好香甜，桂花味十足。食左咁多野都係得300蚊。真心抵！

中環域多利皇后街新開嘅一起飯堂，主打台日便當。地鋪位置，裝潢親民簡單踏實。傳統的台灣魯肉飯、和式牛肉飯，也一拼收歸餐單中。 可說一網打盡，吃畢日式台式主食。收工已是晚上八時多，麵食、便當、小吃、甜品和飲品，各點了一些。海鮮稻庭烏龍麵（$88）滿滿餸茶鋪盡麵湯上，色澤鮮明，有青口兩隻、大蝦2隻、炸魚餅、溫泉蛋、旁側加入小棠菜，紫菜絲。視覺上帶點新穎感；吃下烏龍麵也巧妙與烏冬質感相似，滑身帶嚼口。原條蒲燒鰻魚飯（$138）不少日式料理餐廳也大大力力推原條蒲燒鰻魚飯。一起飯堂也不例外。上菜熱騰騰、鰻魚汁濃郁，魚身厚肉，二人分享之選。小食嘅魯蛋（$12）；和式溫泉蛋（$12）和炸花枝丸（$32）和米紙蝦春卷（$32）簡直係精髓。台式美食代表作。尤其花枝丸，炸層爽口彈牙！米紙蝦春卷第一次食，鬆脆外層，香口少油感，幾特別。老友與我都選養生系列嘅黑糖薑母茶（$18），茉莉毛尖茶（$18）。紙杯裝緣故，未知茶身色澤怎樣。台式飲品至愛黑糖薑母茶，捧上手嘅溫暖，總叫人窩心直接。 最後來的甜品，帶點驚喜。芋圓燒仙草（$35），大大碗，一碗十多粒。一粒黏一黏成芋圓餅，非常煙韌。以為浸泡於糖水中，原來是仙草一團

好友計劃在農曆新年去台灣旅遊，但並沒有預埋我.....我又撒嬌，又發怒，又埋怨也沒用，因為她已找了旅伴。話請我在港吃返餐台灣菜補數，咁都得？好過無！門面一室木製，走進內裏，裝潢簡約平實，有台灣風格。牆身掛上多幅台劇海報，一見到這幅「那些年，我們一起追的女孩」，令我回想起一幕幕片段，還有「第36個故事」、「海角七號」、「練習曲」等，大家又想起那一齣？地方不大，一邊是面牆的單人高枱，另一邊有幾張四人枱，走入一些有個半開放式的廚房，骨子企整，感覺舒適。沒有餐牌，每枱只插了點菜紙，清晰簡單。分別有麵、便當、小吃、甜品和飲品。***************************一吃台灣菜就想起牛肉麵，這客紅燒牛肉麵（$88）份量都好足，有四五件牛肉外，還有嫩口無渣，清甜多汁的白和紅蘿蔔。闊身的麵條煙煙韌韌，挺有嚼勁，口感不俗，但掛湯汁力較弱，還是喜歡舀一大羹湯，放上麵條大啖同吃，味道香濃，但不會過鹹，亦不算油膩，不錯!大大件的牛肉，啖啖肉，牛味香濃，部分連帶筋膜，亦夾雜着少許肥膏，煙韌得來又油潤，亦弄得很入味，正！***************************這客原條蒲燒鰻魚飯（$13

今日放工約左朋友喺中環食飯，是但想揾間平平地嘅台灣餐廳食，竟然俾我發現新大陸。首先，依間餐廳啲員工服務十分好。我地一入到餐廳，立即有員工帶到座位。我地點左一個原條蒲燒鰻魚飯同海鮮稻庭烏冬。鰻魚飯啲醫汁好夠味，條鰻魚好夠淋好鮮味，同喺日本食嘅有過之而無不及。海鮮稻庭烏冬就湯底夠濃，海鮮好夠鮮味，麵質幾煙韌，屬中上水準。飲品就叫左個仙草冬瓜茶同蘆薈桂花雪梨茶，好重茶味，夠哂清香，同時可以減少正餐嘅油膩感，十分推薦。最後仲叫左個鹽酥雞同米紙蝦春卷當小食，炸得非常脆口，唔太鹹，簡直係正。仲有個刈包同芋圓鮮草凍，好正宗嘅台灣口味。叫左好多野食，食得非常飽，最後埋單計每人$195，以高級台灣食物嚟講算合理。服務又好，之後一定會再嚟幫襯！

台灣食堂@中環米紙蝦春卷非常好食，首先夠多蝦又彈牙，炸又炸得好鬆脆 炸花枝大大粒，咬到入面有花枝粒～本身以為一口葱餡餅係似葱油餅，哈哈，原來係咁樣嘅。啲葱係包喺入面，加上外皮煎香，都好香一口下 仲爆汁𠻹。鹽酥雞外脆內軟多汁，而且調味唔會整到好鹹，好有水準！蒲燒鰻魚飯條鰻魚好巨型，霸氣到長過個碗 鰻魚無咩骨，蒲燒汁惹味，仲有隻流心溫泉蛋𠻹～紅燒牛肉麵嘅湯底好香濃，有啲藥膳嘅 feel～ 牛肉都好多同大件，吸收左湯嘅精華。麵質有咬口，連埋爽口嘅酸菜真係好正！燙青菜好新鮮，啲菜仲好嫩。芋圓仙草凍好大碗呢，有齊三色芋圓好豐富～飲品無大熱嘅珍珠奶茶或者奶蓋，反而係啲健康嘅雪梨茶、黑糖薑母茶同枸杞茶等等，都唔錯

泥到一起食堂，同朋友每人叫左碗紅燒牛肉麵，賣相唔差，但睇近啲原來係稻庭烏冬唔係麵，雖然食落去都幾特別，但個人都係中意配番麵多啲而一啖一啖湯飲落去都好飲，但啲牛肉就覺得可以再進步少少呢個係米紙蝦春卷，真係必食推介！炸得好脆好好食，脆卜卜得泥入口時又好香，食完已經有種想嗌多碟嘅感覺！然後呢個鹽酥雞都幾好食，個皮炸得好鬆化而且又帶有鹹味，個人鍾意食偏鹹嘅嘢表示下次泥嘅話都會再嗌呢個！總括泥講，呢道既野食都幾fresh，而環境就會逼少少，類近番台灣餐廳既setting，有機會經過嘅話都會再嚟食！